©?°¨¨°?©©?°¨¨°?©تجمع مميز لمواليد الصيف شهر يوليو واغسطس ©?°¨¨°?©©?°¨¨°?©

[AnaMASHYA]

سوسو لاحظي شريط البيبي انا وياج نفس الاسابيع والايام


& It's a boy

 

[semaasem]

صباح الخير حبيباتي

 

[weekend]

صباح النور والفل والياسمين

 

[CaRaMeLaH]

good morning

اليوم البصمة شايلينها يصلحونها ماكو بصمة بالدوام

 

[CaRaMeLaH]

إشلوووووووووووووووووووووونكم ؟؟؟؟؟؟

إزيكو ؟؟؟ إزيكووو ؟؟؟

 

[weekend]

جود مورنج
الحمدلله بخير انتي ازيك؟

 

[CaRaMeLaH]

أنا تمام الحمد لله

ويك إند إنتب بأي شهر ألحين ؟؟

 

[weekend]

أنا بآخر الثامن

 

[CaRaMeLaH]

إي حتن أنا تقريبا ً إذا بمشي على السونار 21 هالشهر راح أدش التاسع

 

[semaasem]

يالله الله يهون عليكم انشالله هانت هانت وانا عقبكم انشالله

 

[CaRaMeLaH]

الله يسمع منج وإن شاءالله نولد طبيعي والله يسهل علينا


قولو آمييـــــــن

 

[LaSt WoMeN]

آميـــــن

شلونكم بنات ان شاء الله بخير

كراميله و ويك اند ماكو فرق بيننا انا كل 23 أدش شهر يديد .. معطيني موعد 23/7 للولادة ان شاء الله و الله يسهل علينا ..
كراميله أحلى شي ماكو بصمة اليوم انقهرت شايب يسوق جدامي حاكرني و انا طالعة حده حده تأخيرنا لي الساعة 8,30 و عقب استئذان و انا من اول الشهر مخلصة استئذاناتي .. وصلت 8,31 دقيقة بالضبط مو قهر ؟

 

[weekend]

أنا بآخر الثامن

 

[LaSt WoMeN]

انا بعد عقب 5 ايام ادش التاسع ان شاء الله

 

[CaRaMeLaH]

إي والله فلانه صج قهر على دقيقه أنا هم مره صارت فيني تخيلي كنت ملحقه على البصمة بس هم حده حده شلي أخرني ؟؟؟ عند باب الدخول قاعدين يتمطمطوون ومابصمت إلي فوق الوقت بدقيقه


أنا على حساب السونار 21/6 أدش التاسع قبلكم بجم يوم

بس على حساب الدورة أدش التاسع 6/7 فرق إسبوعييييييييــــــــن

 

[LaSt WoMeN]

اي كراميله انا جذي في فرق بحساب السونار و حساب الدورة ..

تصدقين شغلي واقف بسبة ان ريلي ما يرضى اسوي شغلي الا معاه و الا مع امي او اختي .. اختي عندها بيبي و امي مرات تنشغل و الا اختي تطلع و تخلي بنتها عندها .. و ريلي تطلع له شغلات من تحت الأرض ... و انا احترق ودي اسوي شغلي بس ما اقدر اروح بروحي و هم اخاف الحين اطلع بروحي اتعب لازم احد وياي .. حاالة ..

 

[ZajiL]

صبحكم الله بالخير شخباركم بنات ان شاء الله تمام

 

[weekend]

أنا 26/6 أدش التاسع الله يهون علينا آآآآآآآآآآآمين

 

[LaSt WoMeN]

آمين يا رب ...
انتي بجر ويك اند ؟ وين بتولدين ان شاء الله و عند منو ؟

 

[CaRaMeLaH]

الله يعينج الصراحة

بس صج لازم أحد معاج أنا لما أطلع ومعاي أحد حتى لو طلعة مو اسوي شغلي أتعب من المشي ولا مالي خلق أسوي شي بالطلعة أخلي إلي معاي يسويها

صح كلام زوجج لازم أحد معاج وإنشاءالله تخلصين شغلج كله وكل شي يكون أوكي

أنا ألحين بقعد أحوش بالنت بشوفلي كفر حق غرفتي وإذا لقيت شي يعجبني بطلبه من النت لأن أتوقع مايمديني أفصل كفر ومابي جاهز من المحلات شفت بالأفنيوز كلهم حدددددددددددهم سمبل يعني واايد واايد بيسطين أنا أحب الساطه بس مو جذي