ديوانية المسافرين الى فرنسا 2008 تعالوا نسولف و نستفيد

[فواصل]

بنات


بغيت اعرف معلومات

عن فندق Le Méridien Etoile

في باريس


هل هو بعيد عن الشانز و برج ايفل ولا لأ؟

ضروري

 

[nouna82]

لا مو بعيييد وايد يعني اذا انتي تحبين المشي يكون عادي عندج بس اذا ماتحبين يعتيبر بعيد عليج ( تقريبا المسافة بين الروضة و المشاتل )

 

[nouna82]

بنااااااااااااااات لا تنسوووون تروحوووون سوووق الجملة اسمه ابوو خيير لاااازم عجييييب

 

[my_size]

انا رحت باريس حلوة بس حاجزة التذكرة لاكثر من دولة لاني رحت سويسرا وبالقطار رحت من سويسرا لباريس وبعدها هولندا وبلجيكا
وبالنسبة لفرنسا فاهم اماكن الزيارة برج ايفل واليورو ديزني ويم اليورو ديزني بالمترو تروحون سوق كبيييييييييييييييييييييير كله ماركات عجيبة غريبة واصلية من جفنشي وارمني واجنر وكل ما يخطر فبالكم . وبعض الكولكشن القديم شوي يوصل سعر النص وعندكم اللوفر بعد وطبعا رحلات ثانية تحجزينها من الفندق والنصيحة الاكبر تعلموا هناك هالمترو ترى الف مرة احسن وارخص من التاكسي وانا قعدت بفندق كونكورد لافاييت عجييييييييييييييييب وسلامتكم

ياريت عندي وقت كافي علشان امسك القطار و افتر اوروبا عدل لو بس جولات قصيره و سياحيه بسيطه
مشكوره على المشاركه



كونكورد لافييت كل الكويتيين يروحون له !!!
ما بي اروح مكان كله كويتيين

 

[my_size]

من الشانزليزيه الى دزني تقريبا نص ساعه بالمترو لأن دزني آخر محطه

مشكوره حبيبتي
شنو مخططج على هالصيف ؟

 

[my_size]

مشكوووره أختي عالموضوع لأنه حتى انا بسافر فرنسا أن شاء الله بس تو الناس أحنا بنروح آخر شهر 7و خذينا عرض 15 يوم و ابصراحه غالي بس لأنه الفندق بالشانز و الفيزا سواها مندوب مكتب السفريات اللي خذينا منه و بنروح بالمتروا سويسرا و ألمانيا أن شاء الله و سفرتنا بتكون كلها سياحه و تمشي
ومشكوووورين استفدت منكم و أنا ان شاء الله ابسأل أختي وين بنروح لأنها دايم تسافر فرنسا و أقولكم

وييييييي بتروحين معاي بنفس الحزه :ggdw:
جم كلفج 15 يوم ؟
و اليوم ادق على المندوب يخلص لي الفيزا
عندج رقمهم ؟ و جم ياخذون ؟
ناطرين اختج
مشكوره يالعسل :tek:

 

[my_size]

مشكورة

انا انشالله اذا صار كل شي اوكي اول 7




مشكورة

اي الي عرفته انها اخر محطه علشان جذي قاعدة احاتي

والاديفانس ؟

يالله ان شالله تسبقينا و ترجعين معاج تقرير _03BA: و صور بعد ( طماعه :dddds: )
لا تحاتين و الله يسهل عليكم يارب :tek:

 

[المحيلبية]

بناات الي بتروح فرنسا اخذوا شور نونا سوق ابو كير اهو سوق يهودي رخيص وترى بالجمله
و حطوا في بالكم ترى تذكرة اليورو دزني ب 54يورو حق الكبار و فيها كل الالعاب بس ترى موووت زحمه زحمه فحطي بالج ان يورو دزني اذا معاج يهال يوم كامل بروحها

 

[my_size]

اللي سوت لها جدول أسبوعي .. تحاول تساعدنا

وودي بجدول يناسبنا كعايله كبار وصغار .. وديزني شرايكم أحجز فندق فيها ولا بس نروح يوم من الصبح لي الليل ؟

شوفي حبيبتي انا مسويه خطه بس ما اعتمدها ابونا

اول ما نوصل :::: جولة سياحيه بالشانز :::: و نروح مونوفيكس نشتري الضروريات من ماي و غيره

و بنفس اليوم نتسوق منتقلين من قوس النصر , ميدان كونكورد

جوله ليليه في حديقة ايفل و الاستمتاع بالالعاب الناريه



اليوم الثاني

طول اليوم الى الليل حديقه و استديوهات ديزني


اليوم الثالث ::::

من الصبح للعصر بمتحف اللوفر و باللليل تمشي بالشانز


اليوم الرابع ::::

قصر فيرساي الصبح و العصر متحف الشمع


اليوم الخامس ::::

حديقة الحيوان و الجوله النهريه

اليوم السادس ::::

نصعد ايفل و نتسوق

اليوم السابع :::::


امممممممم شسوي فية ؟؟؟؟؟

 

[المحيلبية]

اترى المتحف مو وايد حلو اهو زين بس احس ان وايد عليه من الصبح ليه العصر روحي الحي اللاتيني-نهر السين-غابة بولونيا -قصر اللاديفانس-مجمع كنكورد لافييت واللادفانس-- مجمع جالاري لافييت-ساحة كونكورد -و خلي اخر يوم كله شوبينق و لاتنسين روحي سيفورا ^___^

 

[my_size]

السلام عليكم
بصراحه انا شاركت عشان هذي الصفحه يعني من اول في بالي اشارك بس كنت ادور عن باريس وطلعتوا لي
وانا حاليا في باريس فرنسا
ومت من الضحك على موضوع المغاربه يا بنت ترا انتوا وايد تبالغون
انا لي 6 ايام
صج غاليا نار
بس وناسه وابدا ما تخوووف واليوم انا رحت الشانزليزيه :gathering: بروحي وما خفت ابدا وبالمتروووو بعد
وامس رحت دزني وتعبت من اللعب كل جسمي يعورني تجنن بس تعب :cxxxp:
ويوم واحد كافي بدزني رحنا الصبح وردينا بالليل وهي تفتح من 10 الصبح الي 10 بلليل
ورحنا بالمترو واخذ يمكن نص ساعه بس
ورحنا متحف اللوفر يوم الجمعه بالليل من الساعه 6 الي الساعه 10 واللي اعمراهم تحت 26 يدشون بلاش يعني توفرون شوي اذا كنتوا مجموعه
انا دشيت بلاش _03BA:خخخخخخخخخخخخ وقعدنا يمكن 2 ساعتين بس شفنا الموناليزا والفرعنه والشرق والقسم الاسلامي مصكر الي 2010 والباجي ما يهمونا ما رحنا لهم يعني ماله داعي
ورحت ايفل وصعدت لين فوووق وناسه بس طابووور ماله داعي

وصج على طاري دزني اشتروا التذاكر قبل لا تروحون بخمس 5 ايام سعرها ارخص بوايد احنا طافنا شريناها 59 وهي قبل 36 بس يالله اهم شئ استانست المهم انتوا لاتغلطون غلطتي
يعنياول ما توصلون روحوا محل دزني او فيرجن مودجود بالشانزليزيه ووواضح
وعلى فكره المتروووو وايد سهل يعني انا يالتنحه فهمت له بس جم يوم وتصيرون اوكي
والله يوفق الجميع واي شئ انا حاضرره
وتقبلوا مرروررري

لووووووووووول قويه رايحة الميترو بروحج
ريلي يذبحني لو قلت له بمر هناك بروحي هههههههه
اللوفر اذا عمري تحت 26 ادخل ببلاش !!!!!! ؟؟؟؟
خلاص اول يوم بشتري التذاكر مالت ديزيني بس ليش جسمج يعورج ؟

 

[رفييف]

يا حلوييييين انا عايشه بفرنساا .. اذا اقدر اساعدك و اجاوب على اي استفسار تبونه انا حاضره !!

فديييت فرنسااا و خصوصا باريس و كان وه بس

 

[!! شوق !!]

مرحباااااا حلوات

انا توني راده من فرنسا .. المانيا ,.. سويسرا صارلي اسبوع

رحنا باريس وزرنا هناك اللوفر .. القلب المقدس ,, قوس النصر وووووووو احدب نوتردام



ورحنا ستراسبورغ حلووووووووووه وبينها وبين المانيا بووو ساعه الا ربع بالسياره .. كان سكنا هناك ,, وفيها مركز المدينه حلووو ,, والكنتدرال انصحكم تزورونها

ورحنا تور .. كلها قصور .. وتقدرين تزورين هالقصور بروحج بالباص اووو فيه يم محطه القطار مكتب سياحي رحنا معاه يوديج 3 قصور بـــ 40 يورو للنفر غير سعر التذكره .. بس نصيحه روحو معااه بدال لاتحوسون بروحكم ..
تتميز هالمدينه انها هاديه وكلها شيبان لان وطلبه عرب عشان يتعلمون لغه .. انصحكم فيها ,,


واخر شي نصيييييييييييييييييييييييحه لاتروحون مكان الا بجواز السفر لانه التذاكر تفرق من مقيم وسائح السائح ارخص

واي شي حاضره

 

[!! شوق !!]

نسيت اقولكم هناااك فيه جبل فوقه شلال تقدرون تروحون له شي عجييييييييييب والماي حده بارد

وفيه قلعه القديسه اودين تقدرون تروحون لها

وفي عرض الصقوور والطيور الجارحه لا يطوووفكم فيه اثاره ..

الاسامي والوصف بالضبط ناسيتها بس تقدرون تسالون بالفندق اللي بتنزلونه

 

[المحيلبية]

اي صح سالزبورغ وايد حلوه^^

 

[dl3 q8]

واووووووووووووووووووو

باغيس >>> باريس

غرامي حياتي

اللي تبي اي تفاصيل انا جاهزة خبررة معاكم بكل احيااء باريس والسكن والاماكن

والمتروو والرير

وااااو

قلبتوا المواجع

 

[dl3 q8]

اهم نصيحة اللي بتوفر

تاخذ معاها كراتين ماي والاشياء الضرورية من الكويت لان علبة الماي اللي عندنا ب 50 فلس
عندهم ب دينار
يعني سعر الكرتون
واخذوا اكلكم ابرك لكم والله انا عبالي فشلة بس لما رحنا هناك عواايل كبيرة
بالمطار جنطة حق الاكل من الخبز والعيش والملح والمعلبات
لان مو كل مرة بتاكلون براا
وخاصة اذا كنتم عايلة كبيرة وبجذي بتوفروون عدل
ولان يوم العطلة ماراح تلاقين ولا جمعية مبطلة الا اللي بالشانز او بقالة حق عربي نصااب

وراح تتوهقون لوتبون شي او تحسون بالجوع بالليل متأخر

وبس

 

[my_size]

راجعة لكم

 

[umsarona]

انا حاطه جدول كالتالي
اليوم الأول: اكتشــــــــــاف لمنطقة الشانزلزيه+ساحة كونكورد

اليوم الثاني: الذهاب الى متحف اللوفر (Musée du Louvre) + اكتشاف منطقة الاوبرا ومنها الى مول الغاليري لافييت

اليوم الثالث : برج ايفل Eiffel Tour+ نهر السين + غابة بولونيا Bois de Boulogne

اليوم الرابع : قصر فرساي Chateau de Versailles+ اللاديفانس Grande Arche de la Défense
وهو يبعد عن وسط باريس تقريبا نصف ساعه والقصر يحتوي على حديقة كبيرة جدا يفتتح ابوابه من الساعه 9 ص _ 6 ونص م

اليوم الخامس : الذهاب الى دزني لاندDisneyland Paris+ لافيلاج اوت لت lavalleevillag
تبعد دزني لاند تقريبا 40 دقيقه عن وسط باريس وتحتوي على قسمين : حديقة دزني Disney land park
القسم الاخر: الاستديوwalt Disney studio


اليوم السادس : منطقة مونماتغ mont martre + الحي اللاتيني lequartier latin
المونماتغ هي اعلى منطقة في باريس وتبعد حوالي نصف ساعه

اليوم السابع : اخذ جولة بالباص السياحي الاحمر + يوم مفتوح

اصحاب الخبره وش رايكم ؟؟؟؟؟

اختي رفييف ممكن تساعديني بسكن مناسب ونظيف انا وزوجي و 4 عيال اكبرهم 12 واصغرهم 4 سنوات ؟؟؟

 

[ظلال القرآن]

يا حلوييييين انا عايشه بفرنساا .. اذا اقدر اساعدك و اجاوب على اي استفسار تبونه انا حاضره !!

فديييت فرنسااا و خصوصا باريس و كان وه بس

خوووووووووووووووش

انا بقعد باريس 7 ليالي وين اقدر اروح برى باريس
احنا طبعا حاطي في بالنا اللوفر وايفل والنهر والشانس
انا ابي المناطق والقرى الخارجيه مع العلم انا مستأجرين سياره
والسؤال الثاني شنو احسن مجمع اختصر فيه الوقت يعني ما ودي كل يوم سق شنو ترجحين ؟
ابي بدل وجناط حقي وبدل حق بنتي ابي شي كششششششخه بمستوى لحظه من فضلك لبنتي وشي بمستوى نورمينا لي