شيش طاووق بالخلطة العجيبة ... وصورته علشان عيونكم

[غوالي76]

السلام عليكم

حبيباتي ذاك اليوم ماكو شغل قلت خل أبدع بالطبخ

وأحط كل المكونات اللي أحبها >>> وبالنهاية طلعت الأكلة 5 نجوم ولله الحمد

:stars: :stars: :stars: :stars: :stars:

يالله نبدأ oster_av1:

1_ أول شي بمقلاة تحطين شوية زيت أو زبدة حسب الرغبة > بعدين تحطين بصلة متوسطة حلقات وتشوحينها شوي الزيت ...

2- بعدين تحطين 3 فصوص ثوم مدقوقة ...

3- نضع علبة مشروه صغيرة بدون الماي طبعا + مكعب ماجي

لا تردون و تابعوني >>>

 

[غوالي76]

4- بعدين تحطين تقريبا كوب ونصف خضراوات مشكلة مع الذرة ( مثلجة أحلى )

وتحركينهم شوي

5- بعدين تحطين الشيش طاووق كامل ( ملاحظة تكونين منزلة كرتون الشيش طاووق بالثلاجة قبلها ب 6 ساعات أحسن علشان يذوب الثلج )

وهذا الكرتون

وهني بعد ما حطينا الدياي

تابعوني >>>>>>>>>

 

[غوالي76]

6_ أحين تحطين البهارات ( ملعقة وسط بهارات مشكلة + شوية فلفل أسود + شوية كركم + ملح + شوية دارسين )

تحركينهم شوي علشان يختلطون مع بعض

وتغطينه ربع ساعة

7- أحين تضيفين ( نص شدة بقدونس + نص شدة اشبنت ) وتحركين لحد ما يذبلون شوي

8- تضيفين ( نص علبة معجون طمام + نص علبة كريمة كي دي دي ) وتحركينهم

وهذا شكل النهائي للحمسة

وجذيه خلصنا الحمسة

تابعوني لا تروحون >>>>>>>>>>>

 

[غوالي76]

9- تكونين مقلية حلقات بطاط بالزيت >>> وتصفينه بالبايركس

بعدين تحطين الحمسة فوقهم

10 - وآخر شي تسوين هالخلطة :
( علبة قيمر القوطي + 4 ملاعق كبيرة جبن كرافت قلاص + نص علبة كريمة كي دي دي + شوية بهارات )
وتخلطينهم بالخلاط اليدوي

11- تحطين الخلطة فوق الدياي

بعدين الموزريلا

وتغطينه بالقصدير >>>>>>>>

بعدين بالفرن ( تحت 20 دقيقة لحد ما يذوب الجبن )

ومن فوق شوي لحد ما يتحمر

تابعوني >>>>>>>>>

 

[غوالي76]

وهذا شكله النهائي

ويقدم مع الأرز >>>>> أوووووو بس :cxxxp:

بالعافية

ناطرة تعليقاتكم :tomato2:

 

[فجوره99]

تسلم ايدج

 

[a7eb 7abebe]

teslam eedech o alla ya36eeech el3afya

 

[غوالي76]

فجورة - و أحب حبيبي

الله يسلمكم
وشاكرة مروركم الكريم

 

[ღ•»الًـجٌـوِرٌيّ«•ღ]

تسلم الاياادي تسلمين

 

[غوالي76]

تسلم الاياادي تسلمين

يسلمج الغالية

شاكرة مرورج

 

[نملة حوله]

امبي بررررووحي ميته من اليوووووع ماااادري اسويييها الحيييين :/
الطبخه مشالله خطييييييييييره ومبينه لذيذه حدهاااا انشالله هاليومين اسوووويها
مشكوره حبيبتي .. موظوع متعوب عليه

 

[زمان الصمت]

واووووووووووووووووووووووووو

تسلم ايدج

شكله يشووووق

 

[looooly89]

يمي يمي شكله يشهي

 

[غوالي76]

امبي بررررووحي ميته من اليوووووع ماااادري اسويييها الحيييين :/
الطبخه مشالله خطييييييييييره ومبينه لذيذه حدهاااا انشالله هاليومين اسوووويها
مشكوره حبيبتي .. موظوع متعوب عليه

الله يسلمج حبيبتي ... والله الأكله هذي شي عجيب حتى اختي سوتها
ريلها استخف عليها

واووووووووووووووووووووووووو

تسلم ايدج

شكله يشووووق

الله يسلمج

يمي يمي شكله يشهي

شاكرة مرورج الغالية

 

[مطيريه كاجوال]

تسلم ايدج

 

[just flower]

لأ لأ لأ لأ.. ما شاء الله عليج

والله إنج خطيره

تسلم الأيااااااااااادي

 

[ريمه الكويت]

يممممممممممم يوعتيني شغلج جنه شغل مطاعم عليكم بالعافيه

 

[الفنانه79]

شكلها لذييييييييييييييييييييذ

تسلم ايدج

 

[ام كنعه]

حلو شكله يشهي تسلم ايدج

 

[بلااسم]

تسلم ايدج
اشتريت المكونات وراح اطبقها للغدا اليوم ان شاء الله لأن الغالي بالدوام اليوم
وراح افاجأه بالطبخه الحلوه ويارب تعجبه
وراح اقولكم رايه
بارك الله فيك