زوجي...خالتي...حماتي...حريم حمواني... الدنيا كلها بعد شسالفه؟؟

[هوى الدار]

ام بدير الله يغربل ابليسج موتيني ضحك
:krkrkr::krkrkr::krkrkr:

 

[miss_rms]

:ggdw:والله كلامج احلى كلام يعطيج العافيه يارب يصخرج زوجج وخالتج وحريم حموانج وعيالج والناس اجمعين ويكثر من امثالج

 

[malekatsabaa]

يعطيج العافيه

والله معاج حق بس الدنيا تلهي والمشاكل تزيد الهم..

ومشكوره يا محضر الخير:ggdw:

 

[همسات ليالي]

خوووووووووووووووش حجي عسى الله يجعله من ميزان حسناتج يا رب

الحياة يبيلها اللي يطنشها ولا يحطها اكبر همه ويكبر عقله

شكثر راح نعيش وليش نخلي سعادتنا مرتبط بخاله ولا ريل ولا حموات

سعادتي مني ومحد له الحق ان يأخذها مني

واحنا نولدنا وحيدين وراح نموت وحيدين ليش نحط حسااااااااااب الناس


شغلي حياتج ووقتج راح تلقين انج اكبر من سوالف حمواتج ومن نغزات خالتج ومن غثاه ريلج

 

[Baby^Bop]

يعطيج ألف عااااااااااااافية وصح لسانج يا حلوج ويا حلو كلامج العسل
عسى ربي ايبارك لج في حياتج ويوفقج دوم يالغالية

 

[سنا الفضه]

:0bee2e8d89: وتهقين يا سنوي اختج ماتصبر ؟؟ انا كان عندي استعداد اصبر عليه وعلى اهله لو 100 سنه .. ودايما من يأذيني اقول الحمدلله ياربي اكيد انا احسن من غيري وعلى طول بلساني كلمه استغفر الله .. واللهم اجرني في مصيبتي واخلفلي خير منها ..
سنوي ياقلبي مثل ماتقولين هالحجي ترى امي وايد قالته لي قبل مااتزوج ومع اني تزوجت صغيره بس مشالله عقلي حيل حيل كبير وبالي وسيع واتحمل واصبر .. وترى مو انا الي طلبت الطلاق! انا انغدر فيني قالي اخذي اغراظج وروحي بيت اهلج .. وتخيلي اكتشف عقب اسبوع انه مطلقني غيابي !! حسبي الله عليه .. ولا قالي مع اني طول هالايام اتصل فيه يا انه يكشت او يرد بنفس وانا بس اقوله قول لا اله الا الله اذكر الله لا تخلي بليس يدش بينا واحنا بالاساس مابينا شي ! يقولي انا عمري ماحبيتج! انا مثلت عليج طول هالمده اني احبج! انا اكرهج .. وشتبين انتي داقه تتلزقين غصب؟؟ تكفى تعال اخذني!! يبا انا مابيج واكرهج!!
انزين جان قلتلي انك طلقتي بدال مااترجاك واحاول اكسر الشر!!
حسبي الله عليه انشالله .. والله ياسنوي انا مرات عندي ريال يمد ايده على مرته ولا ريال يعذب نفسيتها.. ترى العذاب النفسي والتحقير اقوى بوايد من مدة ايد
بس وين يروح من ربج .. انا بس شي واحد مريحني اني طلعت منه وانا مظلومه ومكسوره الخاطر مو ظالمته بشي .. واهو قط علي الورقه وهو ميت من الظحك جنه مينون !
غير انه بالمحكمه ياب شهود زور .. وحلف بالقران الف حلف .. بس عشان مايعطيني النفقه بس ربي سبحانه نصرني عليه وانكشف جذبه بالمحكمه
...
:0bee2e8d89: موظوعج اليوم قلب الموااااجع خليتيني اخر الاكو والماكو
بس شوفي اذا عرست انشالله ابيج تزفيني ذييييج الزفه وهالله هالله باليباب المصري وانتي اول وحده ادشين عرسي اذا ماييتييي بزعل زعل جاااايد واقلب من نمله حوله .. لي قمله حوله عاد انتي وظميرج _03BA:​

لا يبه كلشي الا قمله مقصوعه اقصد قمله حووله لا يبه خلج على نمله حوله واايد ابرك

شووفي البلا والتلا مااطلع منج راايتج بيضه ريلج من فصيله الشواذ الي طلعوا من القاعده يبه ماحبج بالطقااااااااااااااق بتلاقين الي يموووت بالترااب الي تمشين عليه

ودام هذي سواياه دربك ازرق وخضر وحمر كلشي الا حلووف وايمان مغلظه على المصحف عند القااضي لا يبه عيل الله فكككج

بس نمووله ترى الريال يبين اذا ماحب مرته؟؟

شلووون ماحسيتي انه ماحبج ؟؟

كيفه يبه لاتحرين روحج علييه بكيفه مايشووف شر والباب الي اييك منه ريح سده وعديه ريح وانتي سديتي بويهه الباب


ميخالف حبيبتي هالتجربه بتفيدج وااايد احسها قوتج اكثر مما انها عورتج ...

الله يعوضج بخير ويوفقج ويرزقج من واااسع فضله يالغلا
:tek:

 

[سنا الفضه]

كلامج كللللله على راسي من فوق
والله يهنيج ويسعدج بحياتج
وفعلا من حط عينه بعين رب العالمين ماخاب ظنه

وياج يااقلبي عسى الله يوفقج ويهنييج ويسعد لي قلبج بالطاعات والمسرات اللهم امين يارب العالمين

مرورج على راسي ياا قلبي

هلا حبيبتي سنا الفضه
عاش من شافج
او بالاصح عاش من شاف موضوعج

انا قريت الموضوع صراحه
وعندي تعليق عليه
مادري ليش سنا الفضه تكتبين موضوع شطوله عبالج الحين كلش مسكته وكل كلمه تكتبينها عدل؟؟
لا والله انا انسانه صريحه وما احب اشوف الغلط واسكت عنه

يعني لما اشوف البنات متفاعلين مع موضوعج ومستانسين ويردون
اتضايق صراحه لأن في شي غلط مادري شلون البنات ساكتين عنه

انا بصير احسن منهم
وبرد عليج وبقولها بويهج صراحه ماني مستحيه منج




جمع كلمة زوليه... زل
مو زوالي
زوالي يعني موتي الله يطول بعمارنا انشالله قولي امين

:ggdw:

صبري صبري خل افرك عيووني زين ماااااازين

منو بيض الصعوو

اقصد ام بدير

ياهلا يبه ياهلا اشدعوووه ساحبه علينا منشبهشي والا منشبهشي يااا اوووووو ختجي:eh_s(14):

هاا

وينج يبه وينج؟؟

شنو ماتطلعين الا بالاعياد والعطل الرسميه وخص نص يوم اليمعه لايكوون بيتصيرين خطيب تقولين لنا خطبه اليمعه بالمنتدى شنوو اعترفي وقري

هههههههههههههههههههههههههههههههههههههههههههههههههههههههههههههه

ابيه ابيه غشيت من الضحك اشفييج

زوالي جمع مكسر سالم جامع النوعين مع بعض جمع التكسير ومذكر السالم خخخخخ ينقالج مندمجه ومشتطه وانا اقوول واتفلسف عليكم

حسبي الله على ابليسج وطووول ما انا اسوي الريوق لابونا وانا اتكركر واتبوسم جني خبله مت مت من الضحك ياا خف طينتج خفااه<- - شكوو مادري

اييه زوالي يازوالي

صبري صبري خل اقولها خمس مرات<<مغمضه عيونها وتقولها بسرعه

زل زل زل زل زل

هاا قلتها عدل

ياحلووج والله والي يسلمج ويسلم لج بدير واخوانه تكفيييييييين لاتقاطعين ترى والله يستاااسع صدري لي شفت خشت نك نيمج البهيه

وعذريني ان خنبقت والا قطيت بدليات ترى سهرااااااااانه من امس موو نايمه مدردعه مطاره قهووه من مطحنه الفوز بالهيل ومقنده رااااسي حلجي بيتشقق من كثر ما اتثااوب بس ماافيني النووووووووم:cxxxp:


شوفي اخذوها قاعده اذا شفتوا الوحي نااااااااازل علي عرفوا اني سهرانه وقاعده بريحاتي احازيكم واحازي رووحي فكتبت موضوووووع اشطوله وينقالج اسكت

ومثلج عااااااارف صار لي دهر بهالمصر ماا عندي احد اقلب راسه بالهذره الا انتو فاستحملووني

اجر اجر يوختي اجر ميخالف

يتيمه ووحيده بالغربه والمصرين كاسرين شوكتها وشوكه ريلها

وعند روحها اسكت ههههههههههههههههههههههههههههههه

 

[$غــ(ز)ــل$]

مااشاءالله كلامج واسلوووبج روووووعه
يعطييييج الف عااافيه على هالموضووع

 

[my_size]

الله يعطيج الف عافيه

 

[NoWay2know]

thanQ

 

[سنا الفضه]

يعطيج العافيه عالموضوع وماقصرتي يعطيج العافيه
كلامج في شي كبير من الصحه
لازم كل وحده سواء متزوجه او غير متزوجه تخلص نيتها لله عز وجل وتخلي هدف وجودها هو رضى الباري
فتكبر عقلها وتتغاضى عن اشياء وتتحمل وتخلي كل هذا في سبيل الله
اذا سوت كل هذا تكون ادت دورها بشكل صحيح بالشكل اللي يرضي ربها عنها
بس بالمقابل اكو الزوج
حتى لما المره تتحمل وتتحمل وتتغاضى بعد الازاوج مايكون عندهم نفس النظره للحياة
تلقينه يتمادى ويتمادى ويتمادى ويوصل للطق والسب واللعن والبلاوي اللي نسمع عنها
انا اشوف ان الريال اللي يوصل لي هالمرحله ماتنلام الزوجه اذا ماقدرت تستحملها ويت بالمنتدى تفضفض وتطلع اللي بقلبها ولا فيها مشكله اذا ماقدرت تستحمل حتى لو نيتها لله ومافيها شي لو حتى طلبت الطلاق تدرين ليش؟ لان يمكن بقائها بهالزواج يأثر على ايمانها فتصير النتيجه عكسيه بدل مايصير الزواج طريق لطاعة الله يصير طريق لغضب الله وسخطه
صح المره لازم تستحمل وتخلص نيتها وحتى لو وصلت لي مرحله عاليه من الايمان تبقى انسانه وكل انسان ومقدرته على التحمل (لايكلف الله نفسا الا وسعها) في وحده تتحمل حتى الطق ماعندها مشكله وغيرها لا يمكن اقل كلمه ماتتحملها اذا كانت كلمات شتم مثلا وهذي اللي ماتتحمل مو غلطانه لان الزوج بهالحاله يكون مس كرامتها والاسلام حفظ للانسان وبالاخص المرأه كرامتها
وبالنسبه حق كلامج عن الخاله انا اتفق معاج انها هم ام وتظل بحسبة امج وكل شي حلو بس بعض الخالات وايد يتمادون بشكل يدمرون فيه علاقة الزوجين ولي شافو الزوجه متحمله وساكته وتدعي لهم بالهدايه هم ماينفع معاهم يعني مثلا خاله تدور حق ولدها حرمه ثانيه ياخذها على مرته والزوجه صابره وساكته ومتحمله ومعاملتهم احسن معامله هني شيكون موقف الزوجه؟
يمكن اللي بقوله ان الزوجه تقدر تتحكم بروحها وعلاقتها بربها وتدعي بالهدايه حق اللي حولها وتكون من احسن مايكون ويكون اعتمادها كله على رب العالمين ونعم بالله بس ماتقدر تغير اللي حوالينها .. يمكن بالدعاء الناس يتغيرون بس هالشي مو بيد البشر بيد الله (انك لاتهدي من احببت ولكن الله يهدي من يشاء بغير حساب) فاهي تصبر وتصبر بس مو مجبوره تصبر طول عمرها ومو مجبوره تتحمل الاذى اذا كان اذى قوي
انا معاج في شغلات الوحده تقدر تتحملها وتصرفات ومواقف تقدر تحكم عقلها فيها بس بنفس الوقت اكو مواقف لء ماتقدر تتحملها وماتنلام فيها
مادري يمكن شوي طلعت عن موضوعج لا تواخذيني
وبالنهايه يعطيج العافيه عالموضوع

وي يااحلات هالمداخلات الي فيها فضفضه يااحلاتها

بالعكس حياتي ماحطيت الموضوع الا اابي اسمع وجهات النظر وانتاااقش فيها تنفعنا وتذكرنا وتزيدنا خبره ومهاره بالحياه بالعكس يااحلووها من مداخله

كلامج كله صح ومو يحمل قدر كبير من الصحه الا كل الصحه وفووق الصحه يابعد هالدنيا

قلت لكل قاعده شواذ وموو كل ريال للاسف سنع

قبل على زمن ابوي الله يرحمه وابوج وابهاتنا مانشوف الريال يمد ايده على المره ليش
؟؟

سؤال واايد اسئله لنفسي عشت مع ابوي الله يرحمه حول ال14 سنه عمري بحياتي ماشفته لاا هزأ امي ولامد ايده عليها بالعكس مات وهو راضي عليها ويموووت فيها وهي نفس الشي

مع العلم انه ابوي متزوج امي وهي يااهل صغيره بس بصراحه عاشت معاه على الحلوه والمره تحملت وتعلمت علشان عيونه

تقدرني تقولين لي ليش بنت هالوقت ماني قايله ام ال14 هذي بالله ياهل توها على العرس

خل نقول ام 17 وال16 سنه تقدر اتحمل مسئوليه بيت وريل وحموله وتصير له ام السنع كله

؟؟

صعبه موو صعبه تقولين لها انتي الحين ام وزوجه لاتسوين جذيه ووجبي منيه وروحي لمنيه ماااتقدر تووها صغيره

ليش قبل مانقول صغيره مع العلم انها موو متعلمه ولا دارسه مثل الحين

الحين المفروض تكون انضج

درست تعلمت وشااافت

بنات هالوقت يعرفون اكثر مني ومنج بس لي حقت حقايقها ماتقدر اتشيل مسئوليه

ان ناداها ريلها وقالها ابي غدا اخنقتها العبره بشووف سنوات الضياع والا ابيه توني مسويه اظافيري

مو بس بالكويت هالظااهر وصلت للعالميه اصلا

ومعاج حق ساعات الزواج بمشاكله يصير فتنه ونقمه مو نعمه المره بدال لاتنشغل بطاعه ربها

بتنشغل بمشاكلها مع زوجها

وهالزوج ساعات يصير لج دعله طالع على اهله
ليش لانه بيئته دعاله

فلوو كلنا غرسنا هالمفاهيم

تحمل المسئوليه

التضحيه

صفاء النيه ونقاء السريره

اتوقع كل مشاااكلنا بتنتهي

وابداااااااااا ابداا مافيها شي الوحده تعرض مشاكلها بالمنتدى من باب الشورى واخذ اكثر من شور ومن راي

لكن الي يصير وبكل صراحه اقولها لج

واحد من ثلاث شغلات

يا الكل نفس رد اول وحده ويقعدون يزيدون ويعيدون بس بتغير اماكن العبارات

او

تطلع لج وحده اتشيش

او

تطلع وحده لمن تنصحين البنت وتبين لها انها غلطانه وتسوي روحها ام السنع والمنع ابيييييييييييه اشفيكم على البنيه ليش كليتوها

شوفي حبيتي انتي الي سويته مو كله صح لا فيه غلط شويه

بالله عليج شنو هذا؟؟

الحبيبه ماحطت مشكلتها الا وهي تبي شور تبينا انداريها وانطبطب عليها ونحور الغلط

عيل ليش نتكلم وننصح اذا وحده سلبيه طلعت وتفلسفت وحابت ودارت

اذا الاخت العضوه طالبه النصح غلطانه

تدرين اشراح يصير العضوه بنتفخ راسها وبتقول اي والله اشفيكم علي اشسويت والشرهه علي ومن هالحجي

يعني لاطبنا ولاغدا الشرر

انزين تساؤل ليش الاجنبيه تتحمل الشاب الكويتي على كل عيوبه طقاق اقشر خايس وتنبل وشخصيته رديه اشمعنى؟؟

وهو ليش يخق من يسمع هيك وكيفكون وتئبرني

مادري السالفه فيها خلل فيها انه؟؟

وعلى الخاله خلييها تلعب الدور عدل ماكو رب يراقبها

فيه سبحانه ربي يشوف ومطلع على السر والعلن وين بتروح من الحوبه والعقوبه كلشي الا الظلم تظلم بنت خلق الله ربي يبعاجبها وبتشووووووف حوبتج

السالفه طويله والموضوع متشعب ومتفرع لالف فررع وفرع بس ارجع واقول لكل قاعده شواذ

وكله نااشئ من التربيه اذا اخوج واخوي وابوي وعمي وخالي ويدي ربوا عدل صدقيني بينشئ عندنا جيل واعي مثل جيل اجدادنا اذا مو احسن

جيل خلوق ومتعلم ومثقف

واستااااااااااااااااانست وااايد وااايد بالقرقه والاشتطاط ويااج

والله وناسه المناقشات اشوووف هالمذيع الي بالاتجاه المعاكس يناهش اينوبه اثرى السالفه ونيسه مناقشات وشي يجر شييي

حياج الله يابعد هالدنيا وعسى الله يسخر لج ارضه وخلقه ويوفقج ويجعل لج من كل ضيق فرج وكل هما مخرج:tek:

 

[جوك احلى جو]

يعطيج العافيه سنع وذووووووووووووووق

 

[june_m00n]

لا فض فووك



تحياتي لج

 

[عاشقة الرشاقة]

ماشاء الله لا قوة إلا بالله , صح لسانج .

صج سنعة وذربة وحاطة الله بين عيونج..........عسى الله يوفقج ويرزققج ويجعل كلامج هذا في ميزان أعمالج

 

[دانة الكون]

مشكوورة حبيبتي يعطيج أف عاافية وان شااء الله هذا كلامج كله في ميزاان حسناااتج مشكوورة حبيبتي

 

[سندريــــلا]

ماشاء الله عليج هذااا الكلام السنع والوحده لازم تتحمل واطوووف
وتصفي النيه والله بيوفقها بحياتها

مشكوووره اختي وجزاج الله خير على هالنصايح

 

[& دلوعه حمد&]

هههههههههههههه اسلووووووبك رهههههيب يالغلا

والله والله الحمد حمولتي من أطيييييب النااس عندنا

وشايليني من فوق الريييييييح انا وزوجي

امس الكل يتصل ويسئل

وربي العضيييييييييييييم ان حمواتي يتصلون فيني وانا استغربت صراااااحه يسئلوني الله يجزاهم الخير

طبعا مو كلهم بس باقي ثنتين ماتصلو فيني بس مادريت عنهم خخخخخخخخخخخخخ

وربي اني وااااااااااااايد مستانسه من حمولتي وحريييييم عياااااالهم الله يستر علييييييهم

وموضوعك روووووووعه***

 

[كسرة عود]

جزاج الله خير ....... تسلم الأيادي اللي تنلف بحريييييييييييير

 

[كندية]

كندوووووووووووووووووووووش يالتحفه انتي... ماتقولين لي شكوو رازه فيسج وانتي بعد ماشفتي خالتج قموووشه ولا حنظل؟؟

يااربي قوووووووولي امين عسى الله يرزقج بهذاك الريل التحفه التحفه من كثر السنع الي فيه الكل يقولج قووزك ده تووووووحفه لزيز اوي خالص قوولي امين

ويوسع صدرج بالايمان وطاعه الرحمن ويعطيج ما اتمنين واكثر<- - - يااحسرتي صرت جني ام حسين الشحات الي تقعد بالعتبه واتطر على هالدعااااوي

شيلووووووووني من هنييه قبل لا استخف عليكم ويطلعني العبدالجليل طراره كويتيه في مصر:eh_s(1):

حبوووووووووووووبه كناديشوووو

استااانس لمن اشووفج واشووف مروورج مننحرمشي منج يختجي يحبيتجي<- - ابله عطيات الفضه:dddds:

هههههههههههههههههههههههه لا تزفييييييني خليني اعبر مااافي جووووفي الله يهدااااااج ...ونتعلم من الحيييين..ولما اتزووووج اقووول...رووووووووووووووووحي ياااسنااااا ياابنت فضه عسى ربي يفتحهااااا لج من جمييييع الابوااااب.....

ههههههههههههههههههههههههههههههههههه لالالالالالا جذي اناا ترة استحي واخجل شووفي الخجل يخر مني لو اتيبيين طشت وتجمعيييينه وتحطيينه بقرشه وتبيعينه شرااايج ونتقاااسم بالنصييفه....مانحرمش منج يختجي يحبيتجيي......كليش مو غاااشه منج ههههههههههههههههه​

 

[۩۩ الجـــــود ۩۩]

جزاج الله خير والله يوفقج