تجمع امهات 2008 حياكم

[HaPpY_SpiRiT]

كويتية و افتخر والله انا اذكر الدكتورة قالتلي وايد زينة حق العظام بس الصراحة ما حبيتها ما صدقت افتك من ريحتها ارد الحين لا و على نتفتي الخنين هههه​

 

[كويتيه وافتخر]

هلا توما

الله يوفقج بالفاينل يارب وتجيبين الامتيازات امتياز ورى امتياز ان شاء الله

يختي ماعلينا من الريحه اهم شيء عظيمات ها الصغار تتقوى بس اشلون الطريقه حلبه وماي وسكر نبات مع بعض نغليهم والا ننقعها والا اشلون

الريحه بتلزق بالولد مو فيني والولد مايطلع للحين ومازوجناه بعد علشان نحاتي مشاعر مرته خخخخخخخخخخ

 

[mrs_sugar]

خخخخخخخخخخخخخخخخخخخخخخخ

بدعتوا

السلام عليكم

شخباركم

توما

ولكم باك

شخبارج

لا تحاتين الامتحانات خلاص اللي قدمتيه انتهى

و ما راح يصير الا اللي الله سبحانه كاتبه لج من زمان


كويتية و افتخر

انا اللي اعرفه ان الحلبة زينة للصدر و تستعمل مثل المرهم للجروح و الدمامل

بس للعظام ما عندي فكرة

بس اللي قريته بعد انها حارة على المعدة و ممكن تسبب غازات و عوار بطن و اسهال

اشرايج تسألين خبيرة الأعشاب اللي بالمنتدى عندنا اكيد تفيدج اكثر

 

[HaPpY_SpiRiT]

ما ادري والله كويتية كلش ما اذكر اشلون جنها قالتلي تحطينها بمطارة الماي مالت الحليب!

 

[][^lorans^][]

مررررحباااا امهااات


امس رحت شريت مولينكس بيبي حدها عجيبة و تفرم الاكل ناااااام اشحلاتها انصحكم اخذوها روعه

 

[إستبرق]

ام وجيه ماتشوفين شر حبيبتي وليش ماتشيلين الحصوه ؟ وشر ماييج

الاستاذه انا كنت للحين مو نايمه نمت الساعه 10 الصبح
وعلى حنان دشتي بالعكس ابيييييييييييييييييييييييه انتي لانج تشوفين الي بالمجلات والي هم يطلبون هالطلب والله انا صارلي 5 سنين اي عرس اي حفله اي شي كله عندهم ابيه شهله عندهم وسميه لي حطولج المكياج شي خيال والله انا وخواتي نطلب نقول نبي ناعم بس نبي دمج تسويلج شي مو طبيعي ناعم بس كله دمج الوان والكريم حتى على الطلب تلقين البنات الي مهولين بنفسهم وهذولي في جم وحده تحط يخرررررررررع والله الي عندهم ينانوه بس انا وخواتي نطلب طبيعي بيج صج يي على لون البشره وكله بصوب وتعاملهم بصوب انا ماخلاني اني اظل اروح لهم الى تعاملهم صج راقييييي وتحللين فلوسج يعني ماعجبج شي غيروه تخيلوا اختي فالمتوسط وبعرس اخوي راحت معانا ونبي لها مكياج حده ناعم يعني نبي خفييييييييييييف عاد انا وخواتي نحط مكياج وهم خذوها وحطت لها وحده طلعت مو اختي طلعت ينيه مكياج مو لايق لعمرها كللللللللللش بس قلنا لا شنو هذا مو جذي خذوها غسلوا ويها وفالوا منو تبون يحط لها قلنا سميه وانا ظليت واقفه عندها صج حطت لها ناعم وااااااااااااايد لعمرها والتصوير حتى حلو بس عندهم فلبينيتين وحده مالت عليها اكرها مالها خلق بس الثانيه مع الف لسطينيه يهبلون اصلن اقولكم على شي انا ودي اروح عرس بنت خالتي لاني مشتاقه لمكياجهم واصور بس طبعا على الطلب تبي اوفر حطوا اوفر ونص تبين ناعم حطوا ناعم والشعر حتى عندهم جم وحده يسوونه فضييييييييييييع والله من خمس سنين وانا وخواتي اي مناسبه سيده بدون تفكير عندهم حتى مايبخلون يعني وحده من خواتي دفعت لنص تسريحه الي تسوي الشعر سوت تسريحه كامله وقالت لاتدفعين احنا نطلب مكياج بو 35 ومع كريم الجسم 45 هم يحطون لنا مكياج الي ب55 ومايقولون شي لا واهلنا كلهم الي يشوفونا يروحون لهم بس هم مايعرفون عند منو نحط فيحطون لهم مو حلو


كتكوته صح امل مكياجها حلو بعد بس احلى ثنتين بالدمج شهله وسميه دمجهم رووووعه حسافه لو المنتدى ماينباقون الصور ومحد يدخل غيرنا جان وريتكم صوري



توما حبيبتي انتي شخبارج وانشاءالله سهالات والله يوفقج يارب وبخصوص الي بالمنتدى تقدرين تروحين لها فالبيت بيتها بالجابريه عندها ستيديو هناك تبين الصج عن تجربه انا توووووووبه اروح لمصور هي شغلها حلو للبيبيات ماشاءالله


ايرون عليج بالعافيه انتي والبيبي يارب وامس قريت عنها بس ما اتذكر وين

 

[فرفوشة]

أنا بنظم وياكم بالدوانية..ولدت أمونه المزيونة بتاريخ1-3- 2008ونور دار الشفاء ونورت الدنيا كلها معاها..
لا اتحاتون الغازات فترة وتعدي..إ شاء الله..
:klhfl:

 

[كويتيه وافتخر]

حياج الله فرفوشه

والله يخليلج حبوبتج


منور التجمع وعاشوا امهات البنات

 

[إستبرق]

حياج الله فرفوشه وانتي بيوم ولادتج بعد ولدت زوجه اخوي والله يخليها لج يارب ويحرسها
وحياج الله نورتينا

 

[كويتيه وافتخر]

السلام

منو سهران واياي مع العيال الحلوين ؟؟

 

[إستبرق]

وعليكم السلام انا سهرانه مع التلفزيون والنت

 

[إستبرق]

كويتيه شكلهم عيالج الله يحفظهم يقعدون ياذنون الفجر

 

[um jojo]

هااي بنات انا سهرانه باركولي باجر اطلع من النفاس حدي مستانسه , بقط جوجو بيت خالتي و بطلع مع ريلي

 

[كويتيه وافتخر]

ام جوجو طالعه من الشر وتتهنين يارب

استبرق الله يسمع منج يارب يكبرون وياذنون بالمساجد الله كريم

اللهم ارزق اولادي حب المساجد وحب الذكر وحفظ القران ومجالسه الخيرين ياري

 

[إستبرق]

واي شفيه المنتدى فجاه صرت ما اقدر اشارك

ام جوجو الف مبروك حبيبتي والله يهنيج يارب

كويتيه امييييييييييين يارب
تدرين على ياذنون سبحان الله عندي اخوي الحين عمره 27 تخيلي قبل تقريبا خمس سنين كان طفارته العبايه ولا نقاب بعد اوووووووووف وبس يحب الكشخه ومانطلع معاه الى كاشخين ولا يحب بعد الوحده تلبس رسمي يعني جاكيت وبنطلون واكبر وحده من خواتي تزوجت والتزمت وتنقبت تدرين تقوله كانت خل نروح سوق شرق يقول لا ما اخذ معاي هلاقه منقبين وجذي تخيلي والدراسه يالله يالله مشى عمره برابعه ثانوي وهو علمي وابوي طفارته ودم ضروسه الجيش قال بدخل جيش ابوي قاله لا ومني مناك دخل تزوج بنت عمتي هو يحبها وكانت بالسعوديه ومنقبه يات الكويت سيده قط لها العبايه والنقاب وقالنا اخذوها وروحوا السوق اختاروا على ذوقكم ملابس لها واشتروا لها كوتات عشان السفر سبحان الله تخيلي من خمس سنين تقريبا اول شي التزم وبعدين صار يقرى كتب ويحفظ قرآن وقدم على جامعه يبي يدرس شريعه والحين صار مأذن وقاعد يدرس لغه عربيه
سبحان الله تدرين اخوي هذا لو كانوا يقولون لي مو يلتزم اقول هذا نو وي مستحيل الحين صار ملتزم ومو شوي لا صار مره وحده زوجته الحين لون اسود يمشي ويشوف صوره فلبنان مع زوجته وهي قاعده عنده وهو يشيش يقول اعوذ بالله بعد كنت اجاهر بالخطئ لا والحين يلحق خواتي الي مو متزوجين البسوا عبي ولاتحطون مكياج
الله يهدي سبحان الله
وانا اول ماتزوجت حتى زوجي مو ملتزم وحتى والله مايكلمني يقولي شنو لابسه ولا شنو حاطه بويهج مايبي يدخل معاي بنقاش احط فل ميك اب والبس ضيج تنوره فتحتها شطولها عادي لا ونتفنن بعد نلبس مثل بعض ونطلع وحتى التزم مع اخوي وربى له لحيه شوي وانا صرت البس عبايه وما احط فل ميك اب احترمت نفسي لووووووووووول

 

[إستبرق]

ابيه بنات خياط العمليه ما ادري شنو فيه
اليوم لما قعدت حسيت بعوار شفت ولا الخياط بالنص منتفخ صاير مثل الكره ما ادري ليش والله حدي خفت عاد انا الحين راح ادخل ب6 شهور

 

[أم وجيه]

السلام عليكم


استبرق سلامات عاد لا تطنشين على طول روحي الطبيب وان شاء الله مافيج الا العافيه
وسبحان الله على الهداية ربنا يهدي ( غنك لا تهدي من أحببت ولكن الله يهدي من يشاء ) الله يهدي كل شباب المسلمين يا رب ويهدي رياييلنا وعيالنا

شقورة صايره كسوله على المنتدى تطخين

توما ان شاء الله ما يضيع تعبج وبعدين البيبي يستاهل

كويتية وأفتخر الله يعينج عاد اذا نام واحد قعدلج الثاني يلا هانت الحين تبدى تتعدل نومتهم الله يخليهم لج

الأستاذه صباحوووو

 

[HaPpY_SpiRiT]

لورانس من وين شريتيها؟
والله توني ياية بطلع اروح اليوسفي اشوفلي شي يهرسلي اكل البيبي حدي محتاجة
الجكور اليوم عيزت منه بعطيه ميلوبا العيش ما غير يتفل بويهي تلفني خخخخخ عاد قلت ماكو على الهوم ميد​

 

[HaPpY_SpiRiT]

استبرق ديري بالج على نفسج ترى شي يخرع والله
روحي جيكي على عمرج لا تتوهقين​

 

[HaPpY_SpiRiT]

الا صج حنان دشتي وين صاير صالونها؟
و بجم تحط الميك أب؟ عندي عرس بنت خالي 19-6 و للحين ماني عارفة وين أحط مكياجي!!​