دكتورتج كانت معاج طول فترة الولاده؟

[كنووز]

بسم الله الرحمن الرحيم

منو دكترورتها كانت معاها طوول فتره الولاده
ومنو وصلتلها بس اخر شي قبل طلوع الراس؟


حبيت اعرف لان اختي تقول ان دكتورتها جيده كانت بالمراجعات بس بالولاده تتاخر حيل

(اختي دكتورتها ريدي اللي كانت بالمواساة)

 

[~ام خالد~]

هلا حبيبتي

انا دكتورتي بعد عمري كانت معاي خطوه بخطوه
من دخلت لما طلعت من المستشفى
كانت تخلص عيادتها وتمر علي لو دقيقه بس
تسألني شلوني

انا سمعت عن دكتوره معصومه اللي بدار الشفا
بعد تتأخر وما تنطر بسرعه تسوي قيصريه

 

[اللافندر]

حبيبتي أنا دكتوري محسن طلبه طبعا من البيت أنا اتصل فيه وأقوله أني رايحه المستشفى طبعا أشوف الدكتور قبلي ويكون الدكتور معاي على طول ويقرأ على القران .. والله الدكتور محسن محترم وأنا مرتاحه وياه

 

[marno]

مرحبا sis
انا دكتورتي سلوى السيد الرفاعي وااايد دكاتره امدحوها لي . اول الاشهر كنت عند شاديه الماليزيه اللي كل زحمه عندها كانت بالمواساة بس ما ارتحت لها ماتشرح كل شي بس تسألني انتي شنو حاسه فيه وتعطيني ورقة الادويه والسونار لي طولت معاها حدها 10 دقايق اما د.سلوى عجيبه تشرح كل شي بالتفصيل والسونار اطول معاها من 20 الى 45 دقيقه عادي وتوريني كل شي بالسونار . والولاده من فتحت تقريبا 4 اصابع تشان توصل الدكتوره واقعدت لي آ’خر شي .

 

[ZajiL]

انا دكتورتي بعيالي خطوه بخطوه معاي ولانها دكتورة مستشفى تنزل عليادتها وبيني وبينها تلفون
وتزرق لي كل شوي ومعاي بالولاده

 

[Miss_Tiger79]

والله انا دكتورتي كانت ناهده العلي
ولما رحت المستشفى (دار الشفا) وقتلهم ناهده دكتورتي دقو عليها وعلى ما خلصت التخطيط ورحت الغرفه مالت الولاده الا اهيه موجوده يعني تخيلي وانا البس هدوم الولاده اهيه كانت معاي بالغرفه

 

[^kloOot^]

والله انا دكتورتي كانت ناهده العلي
ولما رحت المستشفى (دار الشفا) وقتلهم ناهده دكتورتي دقو عليها وعلى ما خلصت التخطيط ورحت الغرفه مالت الولاده الا اهيه موجوده يعني تخيلي وانا البس هدوم الولاده اهيه كانت معاي بالغرفه

وانا بعد دكتوره ناهده العلى تهبل بصراحه وماخلتنى لحظه وحده وزارتنى ثانى يوم بعد تسلم علي :tek:

 

[رفرف]

انا دكتورتي أمل عبد العزيز دقيت عليها من نزل علي الماي وما ردت بغيت ابجييي
رحت المستشفى يدقون عليها ما ترد طرشت لها مسج هم ما ترد صكت فيني الدنيا

اقل من ساعة الا اهيه عندي
مسكينة كانت عندها ولادة .. واول ما خلصت ياتني بنت الحلال تهبل عسل عسل

القصد ..
ان السهالة من الله ..
حتى لو الدكتورة عسل ما تضمنون ما يكون عندها ولادة بنفس الوقت يعني مو شرط اهيه تكون مقصرة ..
الله يسهل عليكم وايسر لكم انشالله

 

[فروحة الكويتية]

شلون علي ليلي أشكناني؟؟

 

[الهما]

انا د.خالده المجيبيل
كانت معاي طووول فترة الولادة ما هدتني لمن خلصت كلش
الحمدلله
الفال للولادة الجايه

 

[أمة2006]

انا كنت عند امل عبدالعزيز ببنتي الثانية

بالمراجعات كانت تمام

بس بولادتي مادرت عني الا اخر لحظة

اطلعت روح امي واهي تنطرها لي اخررر لحظة

العبت فيني لعب لاجمي مالت دار الشفا لين اوصلت دكتورتي

هالمرة راجعت عندها بس بالفترة الاخيرة غيرت الى ناهدة وانا بالتاسع وراح ارد لج خبر عنها بعد ولادتي
ادعووووووووووووولي

 

[um jojo]

انا راجعت عند اكثر من دكتور بس بالاخير استقريت على د- ناهدة و لا مرا شافتني بس رحت و قلتلهم ابيها تولدني و عطوني ظرف اكتبو فيه جم شغلة عني و لما رحت المستشفى كنت مفتوحه 4 و دخلوني غرفة الولادة و دقو عليها بس ما يت الا على الاخير يوم كنت مفتوحه 8 بس الحمد لله كانت حليوه معاي و جني اعرفها من زمان لان اهيه مولده اختي و تعرفها

 

[زينانه]

انا دكتورتي من المستشفى ..........وكل شوي تطل على وتفحصني ......وترجع لعيادتها على مايفتح رحمي
وهم ترجع وتصعد لي وهكذا..واذا شافتني وصلت لل9 سم خلاص تبلش حفر وعععععععععععععععع

 

[ناني سيكرتس]

انا بولاداتي دكتورتي دلال السالم تكون معاي ولا تهدني الا لما اخلص كلش ملش, وثاني يوم تيي تزورني بعد وتشوفني, والله عسل هالدكتوره..

 

[لحظة غروب]

للرفع ...

يلا بناااات نبي تفاعل !!!

منو جربت ولادة فوزيه القطان ياليت تفيدنا ؟؟؟؟؟؟>>>تراجع عندها

 

[كنووز]

شكرا لكل اللي قالوا لنا خبراتهم والله يعطيكم العافية

ويسهل على اللي ما ولدت بعد

بانتظاركم عزيزاتي

 

[lollipops]

فوزيه القطان تيي على طلعه الراس
وليلى اشكناني من البدايه تكون معاج تهبل
والسهاله من الله طبعا

 

[كنووز]

شكرا عزيزتي

وكيد السهالة من رب العالمين


وما نبي اللي حامل اول مرة تقلق من هالموضوع لو تاخرت عليها دكتورتها يعني ما نبي قلق لان اهو اللي يتعب

توكلوا على الله وقتها وان شاء الله تجي دكتورة عاجلا ام اجلا

بس حبينا نجمع اراء البنات بالدكتورات وقت الولادة لان بعضهم بالمراجعات شي وبالولادة شي ثاني

والله يسهل عليكم

 

[سمار الشمس]

انا دكتور مو دكتورة وكان معاي خطوة بخطوة ليما ربي سهل علي

 

[دلـــوعة^أبـــوها]

والله انا دكتورتي ناهدة العلي


وكانت معاي طوول فترة الولادة وسويت فيها الهوايل واهيا تقرا علي قران وادعيه



صج خوش دكتورة ماافكر ارووح عند غيرها