أبى اروح لبنان (( مو عارفه شئ))

[أثير الورد]

السلام عليكم
شلونكم بنات
ابى اروح لبنان
مع خواتى مو عارفه شئ عطونى كل شئ عنها

 

[@ دهن العود @]

انا رحت لها من 4 سنين تقريبا

مااااااااااتسوقت وااااااايد لان اسواقهم حيل غاليه

بس رحنا فاريا اللى هى منطقة الثلووج وتزلجنا وركبنا تلفريك

ورحنا مغارة جعيتا

ورحنا متحف المشاهير اللى بالشمع مثل اللى بلندن

هذا اللى اذكره يا قلبى

بس نصيحه دخلى منتدى المسافرون العرب بيفيدج وااااااااااااااااااايد

 

[فورلا]

بس تأكدي من الأوضاع قبل لاتفكرين تسافرين أتوقع للحين مو مستقرة

 

[%قبلة العجمان%]

هلا اختي
راااااجع رااااااجع يتعمر راااااااجع لبنااااااان << مندمجة الاخت خخخخ
صراحة انصحج بلبنان ولايقصون عليج بسالفة الاوضاع الديرة مافيها شي
أولا": السكن انصحج تسكنين في بحمدون لأنها منطقة جبلية وباردة ومنطقة كويتيين يعني جنج قاعدة بمارينا كريسنت خخخخ وفيها فندق الشيراتون وفيها سفير انترناشيونال فيها شقق فندقية وفيها شقق كويتيين يأجرونها.
ثانيا": بالنسبة للسوق آآآآآآه من سوقهم :s142: عندج ال ABC بفرعيه (الاشرفية- والبحر) بس انصحج باللي بالاشرفية هالسوق يبيلج يوم كامل من الصبح لليل ماخلصتيه وفيه 20 سينما
عندج مجمع سيتي ماكس هم روعة وفيه محل شوكولا رهيب حق الهدايا << لاتنسينا عاد :tek:
عندج شارع الحمرا حق الصوغات وفي جم محل بشارع المحطة بحمدون هم تصلح للهدايا.
ثالثا" الاماكن الترفيهية عندج فاريا للثلج بس بالصيف انسي ماكو عندج تلفريك الروشة روعة ولاتنسين تتغدين بمطعم منارة الخليج قريب عند التلفريك خيالي
عندج مغارة جعيتا ومتحف المشاهير الشمعي راح تلقين بابا جابر :krkrkr:
وبيت الديين وقلعة صالح
رابعا": المطاعم <<يم يم
عندج منطقة جبلية اسمها شلالات النبع مطاعمها خيال وعندج مطعم الكرمة ومطعم المنير برمانا ومنطاعم عاليا كلها روعة ومطربين وحفلات ع كيفج
وأي سؤال أنا حااااضرة

 

[AlZaina]

حبيبتي لا تخترعين من الأوضاع كل شي عال العال انا توني رايحة لبنان بعطله 15 و كان الوضع عاادي بس الإعلام مهول الموضوع

ثاني شي اهم شي بلبنان تنقين المطاعم الحلوة و الحين أنا بقولج غياهم و لازم تروحينهم مو بس لذيذييييين

المطعم الاول اسمه مطعم المياس و هالمطعم موووووو بس خطيير أهوا أرمني بس اكلة حدة لذييييذ حتى رحنالة مرتين و طلبة منه كباب بالكرز عجييب و الحلو طلبي أيام زماان

و المطعم الثاني اسمة المنير و اكله لبناني ينن

و المطعم الثالث اسمة ياباني سعني دخلته و قعدتة حلوة و اكلة ياباني عادي يعني اذا اتحبين الياباني بيعجبج

و في محلات اماعيين واايد حلوة و اسعارهم هم حلوة اللي طاري علاي الحين اسمه سيلور اماعينة عجيبة و عندة ككاو حق ولادة ولا مناسبة

و في محل دراريع بشارع الحمرة أول الشارع اسمه الصيداني

و اذا عندج بنات صغار يحبون الاكسسوارات في محل اسمه هنري بأخر شارع الحمرا يبييع اكسسوارات بسيطة

و طبعا مثل ما قالت الاخت ال ABC حلو و اسعارة حلوة

و اذا اتحبين الماركات رووحي السوليدير و aishti كلة ماركاات

محلات البقلاوة الحلاب و سي سويت

و بعد روحي الفردان كلة محلات

هذا اللي طاري علاي الحين و اذا بغيتي تسإلين عن اي شي انا حاضرة لا يردج الا لسانج

 

[AlZaina]

ييي حبيبتي نسيت اقولج تعاملي مع سايق اكون لكم طول اليوم ارخصلج و احسلج يدلون كل مكان

 

[تمر حنا]

اذا ماتحبين الازعاج حيل اخذو شقه بحمانا تبعد 5 دقايق عن بحمدون والبنات ماقصرو قالو كل شي

 

[أم صالح]

انا لبنان ماحبها بالصيف بسبب زحمة الخليجيين بسبتالشتا اتينن واسكن ببيروت بمنطقة الروشه عالبحر واتعامل مع سواق كل ما نروح نعطيه خبر نلاقيه ينطرنا بالمطار رخيص وخلوق كبير بالسن شوي ومسلم لف فينا لبنان كلها وصلنا لحدود سوريا

الاسواق الراقيه مجمع الفردان 732 والفردان 730 الي مقابلين بعض و مجمع الهوليدي ان ديون والاسواق اللي بالاشرفيه كلها راقيه وعندج بعد السوليدير ماركات ومقاهي ,ومجمع ABC,وايد حلو سوق شارع الحمرا يونس وحلو سوق كسليك فيه محلات بالشارع بديات وجينزات وملابس داخليه قمصان نوم وسوق الزلئه (الزلقه) حق الجناط والجواتي الله يكرمكم وفيه سوق رخيص وعادي نفس طريقه الحمرا اسمه اسواق معوض

انا رحت رحله حق سيده لبنان اللي فيه الكنيسه تروحين بتلفريك جونيه وناسه وفيه يم فاريا مغارة جعيتا العلويه والمغاره السفليه ماتفتح بالشتاء بس بالصيف وبنفس اليوم شوفي متحف المشاهير واذا تبين ملاهي حلوه لازم تروحين حبتور لاند روحي يوم اجازتهم وناسه بصراحه العابها تهبل
المطاعم في ببيروت مطعم كبيير اسمه القريه تصميمه عجيب وبعضهم يسمونه مطعم الضيعه وبيت الدين والمنير ومطعم الروشه اما بحمدون اروح اتمشى وارجع بنفساليوم لان بالشتا مافيها احد وكل شي مسكر ممكن البنات يفيدونج اكثر انا بعد خلينا السايق يودينا منطقه زحله مالت مزارع العنب شي موطبيعي نا فلاحين طيبين ومناظر حلوه عنب زيتون تفاح برتقال صنوبر اللي تبين وانتي رايحه صوب جعيتا طلبي من السايق يوريكم نبع صوفر وشربي من الماي بارد عذب سبحان الله واذا تذكرت شي ارد اكتب لج بس تعبت

 

[ترانيم العود]

سوري ما عرف شي عن لبنان
اتمنى اني ازورها
ومنكم نستفيد

 

[توت عنكبوت]

ان شاء الله بروح الصيف وبرد عليج

 

[ام مضاوي]

شوقتوني للبنان ولا مره رحت لها

ومحتاره وين اروح بالصيف

يعني صج الاوضاع زينه و امان؟؟

 

[اخت فروحه]

لبنان وما ادراك ما لبنان مافيها اماكن سياحية وايد وتفرينها بيوم وليلة بس معاملة راقية واتكيت ووناسة بصراحة حييل اعجبتني

 

[العذوب]

الله يعطيج العافيه على الموضوع .. لان انا بعد افكر اسافر لبنان

وام صالح شوقتيني بعرف شنو فندق اللي بالروشة ؟؟ وممكن رقم السواق ؟؟ اذا مافيها كلافه

ومشكورين حبيباتي

 

[أحلى حمامة]

بصراااااااحة انا ودي بلبنان بس ريلي راافض الفكرة يقول مصخره كله مفاصيخ ويبي دولة اسلامية خليجية ((بالأحرى))
شلوون اقنعة صج كله مفاصيخ ؟؟ ولا لا

 

[micro girl]

لبنان تهبل فظيعة واللة العظيم تسوى لندن وسويسرا وخاباريها لاتخافين منها الاوضاع زينة والاعلام كلة يهول في الموضوع

 

[دمـوع الشـموع]

والله مدري احس لبنان ماتسوى من يتعنى لها

مافيها شي يسوى بصراحه وغالية على غير سنع يعني دول شرق اسيا احلى وارخص واجمل جو واحلى طبيعة واسواق

دول الشام مسوين زحمة والطريق فاضي ولا تسعيرة خاصة بالخليجين يقولون عندكم فلوس كثيره ( عما بعينهم )
ومايحبون الخليجين مع ان لحم اكتافهم من خير الخليج

وبصراحه ماحد يظمن يروح لهم ذول دايم مطاقق تروحين وتبلشين بعمرك لو صار شي شلون ترجعين

 

[S.A.A]

والله مدري احس لبنان ماتسوى من يتعنى لها

مافيها شي يسوى بصراحه وغالية على غير سنع يعني دول شرق اسيا احلى وارخص واجمل جو واحلى طبيعة واسواق

دول الشام مسوين زحمة والطريق فاضي ولا تسعيرة خاصة بالخليجين يقولون عندكم فلوس كثيره ( عما بعينهم )
ومايحبون الخليجين مع ان لحم اكتافهم من خير الخليج

وبصراحه ماحد يظمن يروح لهم ذول دايم مطاقق تروحين وتبلشين بعمرك لو صار شي شلون ترجعين

كلامك عين العقل:ggdw:

 

[أحلى حمامة]

شدعوة بنات محد رد على سؤالي

الي اهو لبنان تصلح حق ملتزمين ولا كلها طربقة؛)

 

[cawcaw]

احنا بعد انشالله بنروح على نص 8 جذي .. انا اول مره بروح بس ريلي رايح لها وايد من قبل ويقووول وناسه.. الي قالت عندهم سايق ممكن رقمه او رقم احد من طرفه يكون زين؟؟ ولا نأجر سياره؟؟

 

[شقرديه]

حبيبتي الاوضاع بلبنان غير مستقره والله يعم السلام على شقيقتنا لبنان