اللي رايحه ميلانو وبلجيكا وموناكو اتفيدني بلييييز

[جورية كويتية]

الســلام عليــكم ورحمــة اللــه وبركــاته

شلوووونكم بناااات

قاعدين انخطط حق السفر هالصيف ونوينا ان شااااء الله انروح جم دوله باوروبا
بس بسألكم قبل عنهم

أحد رايح بلجيكا من قبل ؟؟
وشرايكم فيها ؟؟
شنو سامعين عنها ؟؟
شنو الاماكن الحلوه اللي فيها ؟؟
قولولي كل كل كل شي اتعرفونه عنها

نفس الأسئله عن موناكو
ووووو ميلانو لان بنمر عليها واحنا رايحين موناكو
بس اذا حلوه بنقعد فيها :ggdw:

بلييييييييز اللي عندها اي معلومه لا تبخل علي
وياريت تكتبولي اسامي الاماكن الحلوه اللي فيها
بالانجللللش
وميرسي اوي اوي ^_^

واذا ساعدتوني وايد وايد
بشكركم وايد وايد
وبسألكم عن اماكن ثانيه :dddds:

​

 

[أمانيQ8]

اول شي ميلانو صناعيه مو للسياحه على شنو خبونا فيها مادري لاجو ولا مكان مثل الأوادم
احلا شي اهلها حدهم كشخه لوووووووووووول يعني على قولة اخوي مابقا الا عامل البلديه يلبس ماركه

 

[أمانيQ8]

فكري بفينيسيا وايد احلا وابرك لج بس اذا بخاطرج روحي تطمشي ميلانو سوووووووووووووق للتسوق اتينن اماسياحه انسي بصراحه مدينة ازياء وموضه
روحي روما او فينيس اوفلورنس او ريميني بتستانسين لأن ايطاليا مدنها كلها سياحيه ماعدا ميلانو ومنطقه ثانيه نسيتها
بلجيييكا آه ثم آه عسسسسسسسسل اتينن بروكسل عجيبه يبي من يكتشفها السوق عندهم حلو المراكز التجارية في الشارع الجديد و توتزون دور و بورت لويز و أندرلخت وغيرها من المراكز طبعا الكاكاو عجيب اهناك اينن

 

[هــــامــورة جنيــف]

ميلانو احسن شي فيها ان في وقت الصيف شهر 7 كلها تنزيلات من 75 الى 80%
و اسعار بوتيكات الماركات حيل رخيصة بالنسبة للتشكيلة الجديدة
بس عيبها جوها انا ماانصح تاخذون فيها اكثر من 3 ايام حرررررررررررررر

 

[أمانيQ8]

فيريرو روشيه أأيدج على جوها اخايس ميلانو قطع وحدها 3ايام ومايبيله يهال طلعوا روحي الله يحفظهم زحمه وايد وتنزيلات والعرب تشوفينهم اكثر من اهل البلد

 

[جورية كويتية]

اماني
مشكوووره وايد حبيبتي
انا رايحه فينيسيا ما حبيتها كلش
قعدنا فيها ليله بس من الحر

بس ميلانو بنمر عليها بس لان بنروح من سويسرا لي موناكو
فهي تكون بالطريج
قلنا بنقعد فيها ليله او ليلتين بس
والحمدلله ما عندنا يهال كلنا كبار ^_^


فيريرو روشيه
مشكوووره حبيبتي
وزين قلتيلي باخذلي جم جنطه

​

 

[جورية كويتية]

انزين اماني بسألج
شنو المناطق الحلوه بايطاليا
بس مكان وناسه مو تمشي وسوق
عرفتي ؟
واسامي المطاعم الحلوه اللي هناك

واذا اتعرفين اماكن بسويسرا بعد ياريت اتفيديني ^_^

ابي اساميهم بالانجليش اذا تقدرين
عشان اطلعهم بالخريطه واشوف مسافة الطريج عرفتي

​

 

[أمانيQ8]

ايطاليا كلها روعه بس بحط لج عنها
بالنسبه لسويسرا في منطقه بنروح لها اسمها انترلاكن هذي ابروحها حياه .... فيها هايدي لاند بنمرها عشان اليهال يشوفونها وفيها فندق هايد بنقعد فيه ليلتين والشي الثاني انترلاكن مثل المنطقه الحيويه عندهم فيها تمشي ووناسه وسوق وحوسه اهي المركز السياحي والرئيسي

 

[أمانيQ8]

شوفي هالسايت جوريه والله نفعني اول رحت دورته وطلعته لج من النوته المحوحه المتنتفه هههههههههههههههه
http://www.dalnilo.com/arabo/introduzione.htm
واذا تبين تفاصيل قوليلي بعد

 

[أمانيQ8]

صج روحي فيرونا مدينة روميو وجولييت وتشوفين بيتهم وفيرونا اثريه كلها تماثيل وترا مو كل العرب يعرفونها اكتشفيها وفيها برج نسيت اسمه وفيها اسواق شكلها من بره عادي بس من داخل اتشوق

عندج هالشارع انا كاتبه جذي بالنوته اسمه كله اهدوم واكسسوارت Via della vigna Nuora - Via Roma - Via Degli storozzi
وغيره وذكرتني اختي في شوارع بفلورنسا كلها اسواق شعبيه تصلح اتخمين هدايا منها بعد في عندج
شارع Via Montenapoleone: اكو في هذا الشارع ارقى الماركات العالميه مثل جوتشي، فالنتينو، برادا، فيراجامو،لوي فيتون، كارتييه،اترو

* شارع Via Sant'Andrea: شانيل، كنزو، ارماني، موسكينو، شيزاري باشيوتي

* شارع Via della Spiga:بولغاري، برادا، شوبارد،جيني،دي اند جي

هذي بالنسبة للشوارع اللي فيها الماركات العالمية...و البوتيكات اثانيه مثل زارا وH&m ،كوكاي ، بينتون، ديزل ،فيرولا وغيرها من البوتيكاتتلقينها في : Corso Vittorio Emanuele, Corso Buenos Aires, Via Torino and Corso di Porta Ticinese

وفي مركز تسوق Fiera di Senigallia : هذا كل سبت ويباع فيه الاشياء المستعمله مثل الاثاث والملابس واشرطة الفيديو والدي في دي والكتب والشموع المعطرة

و في ميلانو قاعه للمعارض Mercatone del Naviglio Grande: و المعرض اخر يوم احد من كل شهر وتنباع فيه الاشياء القديمة( الانتيك) مثل الاثاث والمجوهرات والكتب والاكسسوارات

 

[جورية كويتية]

ياقلبيي انتي والله ما قصرتي
مشكووووووووووووووره
وان شاء الله انشوفج هناك ^_^

انتيم تى بتروحين سويسرا ؟؟
احنا حاجزين بتاريخ 12 - 7

انتوا متى ؟
ووين بتروحون
يمكن نتلاقا ^_^

​

 

[مبدعة]

هلا جورية .. بالنسبة حق ايطاليا حلوة بس ميلانو ما تقدرين تسوين فيها شي غير التسوق نفس ما قالوا البنات بس التسوق فيها حلو و يونس

عندج من مناطق سويسرا اللي تونس فيرونا تشوق الصراحة وايد حبيتها و حبيت فينيس بس كانت حدها حر

مريت فلورانس بعد حلوة بس فيرونا احلى

بالنسبة حق موناكو اتينننننننن و كشخه حدهم و خاصه صوب المسرح و الفندق الكشخه اللي عندهم من يصير الليل شوفي اللبس و التكشخ

سويسرا حلوة عندج انترلاكن روعه و زرمات قرية حلوة بارده وايد و فيها رحلة حق اطول تلفريك بالعالم مدته ساعه الا ربع و تكفيها يوم بس

اذا تبين خطه للسفره روحي باريس يومين بعدين بالطياره روحي موناكو و منها تقدرين تروحين نيس و كان لان بينهم نص ساعه تقريبا بالسياره و هناك اجري سياره علشان تتنقلين بين المناطق بسهوله و بالمره تشوفين هالمناطق كلها

عقبها روحي حق سويسرا بالطياره لان بالقطار بتصير وايد بعيده تقدرين من نيس الى جنيف و جنيف ما تسوى تقعدين فيها تقدرين بس مثلا تتغدون فيها و منها روحي حق انترلاكن بالقطار

وتنقلي بين مناطق سويسرا مثل انترلاكن و لوزان و لوزيرن و لوجانو و كومو كلها مناطق تسوى و ما يبي لها الا يوم او نص يوم الا انترلاكن قعدي فيها يومين ومن لوجانو روحي كومو وهذي في ايطاليا بين سويسرا وايطاليا اتينن حدها وماخذه طبيعة سويسرا

بعدين منها الا ميلانو و فيرونا و رجعي ديرتج من ايطاليا

اتمنى اني افدتج ..

بالنسبة حق ميلانو يكفيها يومين الا 3 ايام بس و فيرونا يومين و كومو يوم ونص

 

[أمانيQ8]

هلا جوريه حبي
انشالله انتلاقى احنا نطير من الكويت تاريخ 5-7-2008 اول المانيا يوم وبعدها النمسا ويمكن اكون معاج بنفس الوقت بسويسرا
ماحجزنا حق سويسرا بالطياره لان من اهناك بناخذ سياره وعارفين وين نروح نبي انترلكن عشان مدينة هايد ي السويسريه اللي صايره بزيورخ انتوا بتمرون النمسا؟؟؟

 

[bambena]

جوريه ماانصحج تضيعين وقت ببروكسل كلش كلش تلوع الجبد انا لاعت جبدي فيها اذا بتروحين بلجيكا روحي بروج وبس

وميلانو ديري بالج لان بشهر 8 تسكر اسبوعين

 

[Hambka Q8]

ميلانو
سوق "الدومو"

تقدرون تروحون نص يوم حق مدينة لوقانو السويسريه قريبه من ميلانو يمكن ساعه ‘لاربع
فيها outlet اسمه فوكس حلو



موناكورحتلها مافيها شي
فرينا فيها نص ساعه بالسياره

نيس و كان قريبين منها و احلى
بس مافيهم سوق بس بحر و تمشي و مطاعم
و يونسون

 

[Queen-q8]

حبيبتي بروكسل حلو بس ممله يعني انا خذيتها اقامه وطلعت كذا رحلة منها

رحلة لوكسمبورغ ومنها تمرون على كهف حلو يذطرني بمغارة جعيتا وبعدين تروحون لوكسمبورغ بس حزة الغدا ويفر فيكم الباص وانتم رادين تمرون على مدينة دانون واهي مدينة الساكسفون لانها فيها افضل فرقة للساكسفون بالعالم حلو المدينة عبارة عن جبلين وينهم نهر الدانون وتقعدون فيها نص ساعة بعد المتعة فالرحلة التمشي

وتقدرين تروحين انتويرب مدينة الالماس اما عن طريق رحلة او عن طريق القطار بس الافضل يكون عندج سيارة السيارة وايد متعة باوروبا وخصوصا مع النافيجيشن انتويرب مدينة اليهود وفيها مصانع الالماس وسوقها حلو بس ما مرينا عليه لان الرحلة كانت لمصنع الالماس

والاهم والاحلى برررووووغ وايد حلو وسوقها حلو والتمشي بالسنتر وايد حلو

ومن بروكسل اذا عندج سيارة كل شيء قريب

باريس ساعة ونص وهمن ديزني

كولون ودوسلدورف ساعتين وايد حلوين تسوق ووناسة وفيهم فانتاسيا لاند مدينة العاب

وهمن امستردام ولاهاي قريبين مو اكثر من ساعتين


بس ميلانو حارة والسوق مسكر خصوصا الدومو وهالحجي شهر 8 اول 8

انصحج تقعدين بلوقانو وايد حلو جبال راسية على بحيرة وميلانو عنها ساعه

اماني لا تنغرين بهايدي لاند ترى عادية كلها كوخ حاطين فيه تماثيل ويوضح القصة وترى اهو اقرب لزيورخ عن انترلاكن لان طريج انترلاكن كلها جبال وانفاق ويطول على انه قصير بس ياخذ وقت مو اقل من ساعتين يعني طلعوا لها رحلة مع زيورخ لان هايدي لاند عن زيورخ ساعة ونص اذا مو ساعتين

انترلاكن حلو بس حدها 4 ايام

اهم شيء فيها جنفراوش القمة للتزلج

مدينة السويسرية المفتوحة هذي ما رحتلها بس تمنيت اروح بس ريلي مرض كالعادة الحمدلله على كل حال

وعنج لا تطوفين البلاوسيه اللي اهي البحيرة الزرقاء صغيرة وفيها مطعم وكافيه بس لونها فيروزي عجيب

ويمها ربع ساعة الاوشن سيه واهي بحيرة وسط الجبال تصعدين بتلفريك كراسي ومنها استخدمي الحصان لان الطريج بعيد ثلث ساعة مشيء لما توصلين لها والطريج مو مستوي وايد يتعب اما ارتفاع والا نزول وهناك قعدوا بكافيه الفندق وتفرجو عليها ونزلوا شوفو الماي البارد لان كان في ناس تتسبح فيها

وفي قمة عند محطة قطار البحيرة اللي قبل انترلاكن من طريق لوزيرن نسيت اسمها مو ثون الثانية بحرف الباء

وايد حلو القطار يصعد للقمة وايد المنظر حلو

لوزيرن وايد حلو ويمها قمة جبل تيتلس وبلاتيوس

لاتنسين بانترلاكن شلالات ريخن باخ وجيسن باخ وهذي رحنالها وايد ونيسة مع انها شلالات صغيرة بس ما صعدنا عن طريق التلفريك والباخرة لا رحنا بالسيارة

 

[أمانيQ8]

Queen-q8 من صجج؟؟
قايلين بنحجز في فندق هايدي يومين !! شسوي يختي اليهال يننوني يبون يروحون...
اي شفت الصور بس كوخ وفيه تماثيل!!
زين انترلاكن فيها سوق؟؟ رخيص مو غالي

 

[سوسو82]

shofay monaco a3refha 3adil etynin bas sara7a la e6wleeen feeeha mako shay feeeh man6aqa yamha esmha french ville etynin 7ag seba7aaaa ba7r o man`6ara `7ayali eftay feha youm 3ugb ro7ow cannes o nice sara7a hal man6qteeen b3d 7elweeeen etha tbeeen etmeshy bas sog mako `3air boteekat al markat bas sog 3adi mako... bas hathaila a7la mana6eq ana shfthom o kelhom 3ala al ba7ar tara 7ar ehnak al seba7a 7elwaa... o temshy o gahawee bas mako shay thany..... bas la e6ofech ...

 

[&رعبوووبه&]

انا رحت بلجيكا بصراحه روعه بروكسل ارتحت فيها نفسيا جوها علاج
بس ما اعرف المناطق بالانجليزي لان كنا نروح مع القروب
الشلال فيها عجيب والتلفريك غير غير
عندهم منطقه اسمها بروج اهي استنساخ عن البندقيه بايطاليا يعني ماي وقوارب
وسوقهم شي شي اسمه السوق الكبير شارع طويــــــــــــــــل تهلكين فيه بس روعه
وشارع الشوكولاته بالسنتر
وطحت لج على محل بسنتر بروكسل يبيع شالات للبرد بس شنو شالات الواحد ب 60 دينار بس روعه
عمري ما شفت نفسهم شغل ايد بس شنو راقي ودفي حيل
انصحج ابلجيكا واتمنى ازورها مرة ثانيه​

 

[أمانيQ8]

للرفع