¨°•√♥ قولوا لنا قصص الخطاااب العاهات والتحفة واللى ماانولد منه غير واحد¨°•√♥

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

لوووووول بنات أمس رفيحي يايين يخطبونها ناس و داقة علي الساعة 11 بالليل قاعدة تسولفلي
المهم اهل الصبي خوش ناس و جذي
بس التحفه بالموضوع رفيجتي...
و اهيا تسووولف و قاعدة تقوولي شنو كانت لابسه و جذي ... تقوولي لبست جاكيت هاللون مع تنورة طويله لونها مادري شنو و ميك اب خفيف بنفسجي و تسولف تسولف جان مرة وحدة تسكت و ماااااااااتت ضحك... اقوولها شفيج شمسويه ؟؟؟؟؟
جان تقووول نزلت حق الناس حاااااااافية
لوووووووووووووووووول
ناسيه تلبس جوتي وانتو بكرامه
عاد تخيلو كااااااااااشخه و ميك اب و حالتها حاله و ناسية تلبس الجوتي هههههههههههههههه ما اتخيل اروح اخطب حق اخوي و اشوف العروس حافيه الحمدلله والشكر

ههههههههههههههههههههههههههههههه شفييج هذاااا يدل على البسااااطه.....

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

سمعوا سالفتي :

يالي واحد يخطبني
قاعد جدام مغصوووووووووووووب ومنفس
جنه امه تالته تل :s141:اشوفني
ما سألني ولا سؤال
وما رفع راسه عن الأرض
و أنا خزيته عدل وشفت كل شي فيه:sfg:
جني انا الريال واهوه المره
لا حاشني حيا ولا شي:lololoe:
وانا بس قاعده انطره يسألني سؤال واحد بط جبدي مو راضي يتكلم
بغيت اكفخه من الحررررررررررررررررررررره :23_asmilies-com:
جان أقوله بتسألني سؤال وله أقوم
ما تكلم
واول ما قمت
الام خذت الولد وطلعت
وأنا عصبت :eh_s(14):
وقلت حق امي دقي قولي لهم ماكو نصيب
امي قالت فشله ادق الحين والمفروض اهم ادقون
بس احتريت :rgewrg:وقتلها قبل لا يرفضون انا برفض ولدهم
وما نمت طول الليل من الحره:gr4uu: ومن الصبح رحت حق امي احن:lkmnkl: دقي ولا انا بدق
ورضت ودقت
وقالولها الولد كان مستحي:wqedqw: وهذي اول مره يخطب وبشوفها مره ثانيه
وامي قالت لأ ما كو نصيب

هذي سالفتي اللي لي الحين اضحك عليها كل ما اتذكرها عشتووووو الحبيب مستحي

هههههههههههههههههههههههههههههههههههه ياااااااربي على الحياااااا....جاااان نزلتي له الارض وتقوولين له اناااا فووق قاعدة مو في الارض ههههههههههههههههههههههههه

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

لووووووووووووووووووووووول والله بنات سوالفكم عجيييبه ونااااااااسه

انا ولا مرة يو ناس يشوفوني بس يخطبون بالتلفون لا وبعد ما يدقوون رة ثانيه

لوووووووووووووووووول تحففه يالله الفال لي اييلي واحد عاهه عشان اكتب سالفته خخخخخخخخخخخخخخخخ

ههههههههههههههههههههههههههههههههههه اي هذي اتصيير فيني ساالفة النلفووووون حدي مااحبهااا

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

كندوووش ويما مني..وين الهوشة علموني..اخذ عصاة وايي معاكم...بس ترى جبانة خشوني ورى...


كندوش عن اذنج عندي كذا تعليقي مخشوش بقلبي اذا ما طلعته اليوم ما انام...اليوم فيني شر...

قطوة@@: شوفي هالسالفة انا سمعتها من قبل،،ولما قريت بالدين عرفت انه يجوز،،تفسيرها ان الريال لازم يشوف فيج شي يشجعه على الزواج،،بس لازم يكون جد بسالفة الزواج،، يعني مو تفرج وبس.والله اعلم.....عسى ما افتيت من نفسي...،
وانا كنت حتى لو ييوا الحريم بروحهم البس حجابي..عناد..بس طلع غلط،،،

خاشووقه: هذا النوعيه بالضبط اللي تقثني..صارت فيني اكثر من مرة،،،، احس نفسي وولاشي جدامهم...انزين كلمه ولو جبر خاطر...مافيش..والقهر بعدين يقول لج وده فيج ودشيتي قلبه،،،انزين عبرني جدام اهلي عالاقل...


زبــــــــدة: لا تفاولين على روحج بعله..ادعي ربج ان اللي يشوفج يكون زين ويصير نصيب..الله لا يراويج النفسية بعد مقابله العلل...


انزين واحد ولا اثنين يستحون..رياييل كبار يستحون؟؟؟ واذا تبين الصج..ماكو ريال يستحي الحين... وينه هذا..اصلا مطلوب القبض عليه....

ههههههههههههههههههههههههههههههههههههههههههههههه ولا يهمج مدااام انا ويمه مني معااج لا تخاااافين ....احناااااااااااااا اسباااااع ناااااكل القاااااع هههههههههههههههههههههههههههه

واخذي رااااحتج حبيبتي اخذي الميك ولا تستحييييين

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

كندوووش لوووووووول انا داشه عرض بالموضوع
وين الهوشه بشوفها هذي عاصفه الصحراء لوووول
امبيه تهسترت ضحك

هههههههههههههههههههههههههههههههههههههههه ياااختي ماااافي هوووووشه ...اتعرفييينااااا فتووه صاايريين هههههههههههههههههههههه

 

[يابختي]

رد: قولوا لنا قصص الخطاااب العاهات والتحفة واللى ماانولد منه غير واحد...

ههههههههههههههههههههههههههههههههههههههههههههههه ولا يهمج مدااام انا ويمه مني معااج لا تخاااافين ....احناااااااااااااا اسباااااع ناااااكل القاااااع هههههههههههههههههههههههههههه

واخذي رااااحتج حبيبتي اخذي الميك ولا تستحييييين

كندووووش ..بس تصحيح قبل الختام...عشان لا يزعلون اللي خبرج....
"احنا سباع وندق القاع"

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

كندووووش ..بس تصحيح قبل الختام...عشان لا يزعلون اللي خبرج....
"احنا سباع وندق القاع"

هههههههههههههههههههههههههههههههههههههههه شكراااااا على التصحييييح انا اذكرهاااا من مسرحية سييف العرب ههههههههههههههههههههههه

احلالالالالالالالالالالالالالالالام سعيييييدة

 

[كندية]

رد: قولوا لنا قصص الخطاااب العاهات والتحفة واللى ماانولد منه غير واحد...

شوفوا اليوم انا ما ادري اشفيني...النفسية مو زود..وببرد قلبي وبحط سالفه صارت لي..ما احب اتحجى عنها..بس بقولها..الله يستر...

بمكان شغلي..كان معانا واحد ريال عود..يمكن بالخمسينات...وانا كنت بوسط العشرينات..حسبوا جم سنه..وكان ملتزم..لحية ومحنيها...وانا شوي نوعا ما فري..مو اوفر...ما احب اعلق على الشكل..الحمدالله خلقة ربي..بس ...ماراح اشرح...
بس يشبه ممثل سعودي بطاش ما طاش...شايب ضعيف..قصير..هذا المممثل..مو اهوا..عشان لا اعلق على شكله...
يارب سامحني...
واهوا كان خلاص بيتقاعد....

وكان يقولون لي ان عنده سبع او ست يهال..اكبرهم ..قريب من عمري...

الموهم....تعاملي معاه كان عادي..وانا اصلا رسميه..بس من كثر ما تعاملت معاه،،حسبته كبر ابوي..وكنت احس ان عنده مسئوليات وايد عليه،فيكسر خاطري،،،،غبيه..طيبة زيادة،،،

الموهم..فجأه..صار يدقدق علي ويي مكتبي...ويسألني اسأله غريبة...وانا اسكت وبقلبي اقول هذا اشفيه..لما سألني..انتي متزوجه؟؟؟
انا صرت...:tomato2: .مقلوبه فوق تحت..عيوني صاروا خمسات...حواجبي...اوصلوا لقمة راسي....حلجي...هأااااااااااا كبيرة؟؟؟؟

انتوا اتصوروا الشكل..

يعني انا مع رياييل الدوام كلهم رسمية..ومحد من قبل سألني هالسؤال..هذا اشفيه؟؟ انا احاجي عمري...
كل هذا صار واهوا يسألني؟؟؟

قلته لأ.. عيبي ما اعرف اجذب واذا احد سألني سؤال محرج ما اعرف ادقر...ارد ببساطة ووضوح...شكو؟؟؟؟

البنات اللي معاي..قالوا لي حاط عينه عليج حق ولده..بس قلبي قرصني..مو مصدقة....وانا احساسي بهالسوالف...مية مية...

المهم بعد التنحش عنه مدة اسبوعين..دق.انا قلبي صار ..بريولي.....بعد السلام البارد مني له.........عشان يحس..واهوا مفيش...

اهوا: اذا تقدمت لج..ترضين؟؟؟
انا: نعم؟؟؟
اهوا: اذا تقدمت لج..ترضين؟؟؟
انا: منو؟؟يعني حق منو؟؟
اهوا: انا..
انا: لأ....

سكوت
سكوت
سكوت

اهوا: خير ان شاء الله..بس اتمنى نظل اصدقاء...
انا:........

وبداخلي اقول..شنو يعني؟؟؟ شيبي؟؟؟؟

وبس.....وعقبها الله لا يواريكم اشصار فيني..قد ابوي يخطبني..اوكي مو قده..بس من عمره...




بالذمة...مو تحف؟؟؟ مو علل؟؟؟

شالسالفة..جني انا استقطبهم..فيني جاذبية غريبة لهم..يدوريوني دوارة....


الحين اقدر انام ..الله يستر من باجر.....

اسم الله علييييييييييييييييييج ياااختي ان شاااءاالله عدوويييييينج ......

مشااااااءاللله العللل من جميييع الاشكااال والواااااااااااااان.....

شفييييج الريااال يبي يكمل باااقي دينه لازم يسويهم 4 اللي يسمعهم ان لازم يسوونهم 4

 

[ام حسوني]

رد: قولوا لنا قصص الخطاااب العاهات والتحفة واللى ماانولد منه غير واحد...

ههههههههههههههههه

والله عاهات

الله يستر من الي ياي بالطريج

خخخخخخخخخ

 

[انصار]

رد: قولوا لنا قصص الخطاااب العاهات والتحفة واللى ماانولد منه غير واحد...

بط جبدي ها الشايب صج مايستحي
لاعت جبدي وين فيه شده الله يسامحه على الزواج

صج في ناس ماتنعطى وي

 

[Venice]

رد: قولوا لنا قصص الخطاااب العاهات والتحفة واللى ماانولد منه غير واحد...

علووووووووم علوووووووووم هالخطاب لكن المشكلة اهلهم مايعلمونهم السنع؟

خخخخخخخخخخخخخخ كنديه خلاص يمه مني وفقت على بوزلوف خخخخخخخخخخخخخخخخخ
البنت اتيمت حلفت كبرت ماتبي الا اهوا ههههههههههههههههههههههههههههه

انا اعرف واحده تقدم لها واحد تقول من كثر مايجذب اهوا واهله بغى يطيح البيت على روسنا هههههههههه

النائب الفلاني عمي
وكيل هالماركة يدي
الوزير الفلاني خالي
عمتي مليونيرة لكن متواضعه هههههههههههههههههه
عندي ارض

واهما ....................ز كله طلع فشنك ههههههههههههههههههههههههههههههههههههههههههه

الله الهادي

شنو الناس مو شايفه خير؟

 

[يابختي]

رد: قولوا لنا قصص الخطاااب العاهات والتحفة واللى ماانولد منه غير واحد...

بط جبدي ها الشايب صج مايستحي
لاعت جبدي وين فيه شده الله يسامحه على الزواج

صج في ناس ماتنعطى وي

شفتي شلون...لا واهم شي..نظل اصدقاء..ركزي على هالنقطة....شنوكانت النيه بالله؟؟؟

 

[بنت الخور]

رد: قولوا لنا قصص الخطاااب العاهات والتحفة واللى ماانولد منه غير واحد...


لا تعلييييييق!!

**

أنا بقولكم هالموقف اللي صار لي من 3 شهور تقريبا،،



فجأة جيه وبدون سابق انذار يونا ناس >> انزين على الاقل خبرونا

عاد هالناس لا احم ولا دستور وما فيه احترام للمواعيد >> تخلف!

المهم طلبوا انهم يجوفوني >> توني ناشه من الرقاد!!

امي اداركت الموقف وقالت البنت مب موجوده راحت بيت اخوها ههههههههههههههه

جان اتقول الحرمه ما عليه باجر بنسير المدرسه انجوفها >> حضرتي معلمة انجلش

عاد يوم دريت انهم بيون المدرسه عشان يجوفوني نقعت من الضحك قلت شو ها فيلم هندي!!

وسبحان الله اليوم اللي كانوا بيون يجوفوني ولا صف من صفوفي طالع رحلة ،، جان استأذن وارد البيت

هههههههههه وهم (الأم وبنتها) ساروا المدرسة وقاموا يدوروني ههههههههههههههه ،، وانا حضرتي رجعت البيت

وتوني عقيت العباه ولا نسمع صوت الجرس،، الام مع بنتها مشرفين>> الحين حزت غدا شو ها!!

جان اتقولي امي ما عليه سري سلمي عليهم ،، رحت سلمت عالسريع وطلعت عالطاير>> دعاية كنتاكي راب ستار

>> طبعا ابوي اول ما عرف هالناس قال لأمي رديهم،، ورديناهم وتوته توته خلصت الحدوته،،

أتمنى اني ما ثقلت عليكم بقصتي،،

لكم أطيب التحايا،،

أختكم- بنت الخور،،

 

[ام حسوني]

رد: قولوا لنا قصص الخطاااب العاهات والتحفة واللى ماانولد منه غير واحد...

شنو هالناس يا بنت الخوور

غصب يبون يشوفونج

كل مكان وراااااج وراااااج

الحمد له والشكر

وشكرا لج على مشاركتج الحلوة معانا

 

[Laymo0ona]

رد: قولوا لنا قصص الخطاااب العاهات والتحفة واللى ماانولد منه غير واحد...

يعطيييكم العافية على الموضووع صج صج يونس وكسر الروووتيين
انا واحد مرة ياني وشقني خز من فوق لي تحت واشر حق امه (الظاهر متفقين من قبل على هالحركة) جان تقول الام ممكن نشووف سيقان البنت انا شوي وابجي:eh_s(16)قلت بقلبي شرايك ارفع تنورتي واتمشى واسويلك عرض ازياء هذا اللي ناقص بعد) انصدمت والا امي تعصب :eh_s(14):وشوي وتصك هوشة:23_asmilies-com: استوعبوا انهم استهبلوا بهالطلب جان يستأذنون ويطلعوون
هذي اغرب خطبة صاراتلي
وسلامتكم وتعيشوووون:bye22:

امبيييه قصتج تفطس من الضحك:dddds: انا امي مرة قالتلي انه ريل رفيجتها اول متزوجها عشان سيقانها حلوة مسخرة والله سوالف غريبة عجيبة

 

[سنفــــور كســــول]

رد: قولوا لنا قصص الخطاااب العاهات والتحفة واللى ماانولد منه غير واحد...

بقولكم موقف بنت خالتي



اهي ماشاء الله حلوه وشعرها لي نص الساق واسووووووود قطعه وحده


عاد او لمره شااف شعرها جان يجي ثاني مره بشوف شعرها ويقوله ابوها يلا برا برا خخخخخخخخخخخخخخخخخخخخخخخخخخخخخ

بس طبعا تزوجو اللحين وعيلو خخخخخخخخخخخخخ

 

[Dancing^Queen]

رد: قولوا لنا قصص الخطاااب العاهات والتحفة واللى ماانولد منه غير واحد...

أرسل أصلا بواسطة قطوة@@
يعطيييكم العافية على الموضووع صج صج يونس وكسر الروووتيين
انا واحد مرة ياني وشقني خز من فوق لي تحت واشر حق امه (الظاهر متفقين من قبل على هالحركة) جان تقول الام ممكن نشووف سيقان البنت انا شوي وابجي(قلت بقلبي شرايك ارفع تنورتي واتمشى واسويلك عرض ازياء هذا اللي ناقص بعد) انصدمت والا امي تعصب وشوي وتصك هوشة استوعبوا انهم استهبلوا بهالطلب جان يستأذنون ويطلعوون
هذي اغرب خطبة صاراتلي
وسلامتكم وتعيشوووون

هو هو هو
شعنده بو سيقاااااااااااااااااااااااااااااااااااااااااااااااان عسا ماشررررررررررررررررررررررررررررررر؟


خييييييييييييير
جان قلتيله محافظووووووووووووووووووووون علي قوله ام عليوي مايجوز محافظووووووووووووووووون مانطلع سيقنا لغرب
زنود ممكن سيقان لا
بس شرط
نشوف كوع امك اول !!!


اقين علي قوله ام عيليوي هذا الي نائص درائه

 

[Dancing^Queen]

رد: قولوا لنا قصص الخطاااب العاهات والتحفة واللى ماانولد منه غير واحد...

أرسل أصلا بواسطة خاشووقه
سمعوا سالفتي :

يالي واحد يخطبني
قاعد جدام مغصوووووووووووووب ومنفس
جنه امه تالته تل اشوفني
ما سألني ولا سؤال
وما رفع راسه عن الأرض
و أنا خزيته عدل وشفت كل شي فيه
جني انا الريال واهوه المره
لا حاشني حيا ولا شي
وانا بس قاعده انطره يسألني سؤال واحد بط جبدي مو راضي يتكلم
بغيت اكفخه من الحررررررررررررررررررررره
جان أقوله بتسألني سؤال وله أقوم
ما تكلم
واول ما قمت
الام خذت الولد وطلعت
وأنا عصبت
وقلت حق امي دقي قولي لهم ماكو نصيب
امي قالت فشله ادق الحين والمفروض اهم ادقون
بس احتريت وقتلها قبل لا يرفضون انا برفض ولدهم
وما نمت طول الليل من الحره ومن الصبح رحت حق امي احن دقي ولا انا بدق
ورضت ودقت
وقالولها الولد كان مستحي وهذي اول مره يخطب وبشوفها مره ثانيه
وامي قالت لأ ما كو نصيب

هذي سالفتي اللي لي الحين اضحك عليها كل ما اتذكرها عشتووووو الحبيب مستحي

هذا المفروض تنطبع صورته وتعمم
وكل مايضيق خلقنا اندق علي امه نقولها روحي حق فلانه خطبوها ترا ضايق خلقها تبي تضحك شوي
يونس
لي الحين احد يستحي؟
عفيه يتج فرصه علي طبق من ذهب ورديتها؟
جان قلتله قوم صبلي جاي؟
وين تشتغل؟
تعرف تطبخ؟
ترا من الحين اقولك انا احب اللي يقدر المسؤوليه ويشيلها لي خذيتك ماراح نسكن عند اهلك ولا اهلي تعرف تطبخ؟؟ ماحب اكل من ايد خدم
لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

 

[Dancing^Queen]

رد: قولوا لنا قصص الخطاااب العاهات والتحفة واللى ماانولد منه غير واحد...

أرسل أصلا بواسطة يابختي
شوفوا اليوم انا ما ادري اشفيني...النفسية مو زود..وببرد قلبي وبحط سالفه صارت لي..ما احب اتحجى عنها..بس بقولها..الله يستر...

بمكان شغلي..كان معانا واحد ريال عود..يمكن بالخمسينات...وانا كنت بوسط العشرينات..حسبوا جم سنه..وكان ملتزم..لحية ومحنيها...وانا شوي نوعا ما فري..مو اوفر...ما احب اعلق على الشكل..الحمدالله خلقة ربي..بس ...ماراح اشرح...
بس يشبه ممثل سعودي بطاش ما طاش...شايب ضعيف..قصير..هذا المممثل..مو اهوا..عشان لا اعلق على شكله...
يارب سامحني...
واهوا كان خلاص بيتقاعد....

وكان يقولون لي ان عنده سبع او ست يهال..اكبرهم ..قريب من عمري...

الموهم....تعاملي معاه كان عادي..وانا اصلا رسميه..بس من كثر ما تعاملت معاه،،حسبته كبر ابوي..وكنت احس ان عنده مسئوليات وايد عليه،فيكسر خاطري،،،،غبيه..طيبة زيادة،،،

الموهم..فجأه..صار يدقدق علي ويي مكتبي...ويسألني اسأله غريبة...وانا اسكت وبقلبي اقول هذا اشفيه..لما سألني..انتي متزوجه؟؟؟
انا صرت... .مقلوبه فوق تحت..عيوني صاروا خمسات...حواجبي...اوصلوا لقمة راسي....حلجي...هأااااااااااا كبيرة؟؟؟؟

انتوا اتصوروا الشكل..

يعني انا مع رياييل الدوام كلهم رسمية..ومحد من قبل سألني هالسؤال..هذا اشفيه؟؟ انا احاجي عمري...
كل هذا صار واهوا يسألني؟؟؟

قلته لأ.. عيبي ما اعرف اجذب واذا احد سألني سؤال محرج ما اعرف ادقر...ارد ببساطة ووضوح...شكو؟؟؟؟

البنات اللي معاي..قالوا لي حاط عينه عليج حق ولده..بس قلبي قرصني..مو مصدقة....وانا احساسي بهالسوالف...مية مية...

المهم بعد التنحش عنه مدة اسبوعين..دق.انا قلبي صار ..بريولي.....بعد السلام البارد مني له.........عشان يحس..واهوا مفيش...

اهوا: اذا تقدمت لج..ترضين؟؟؟
انا: نعم؟؟؟
اهوا: اذا تقدمت لج..ترضين؟؟؟
انا: منو؟؟يعني حق منو؟؟
اهوا: انا..
انا: لأ....

سكوت
سكوت
سكوت

اهوا: خير ان شاء الله..بس اتمنى نظل اصدقاء...
انا:........

وبداخلي اقول..شنو يعني؟؟؟ شيبي؟؟؟؟

وبس.....وعقبها الله لا يواريكم اشصار فيني..قد ابوي يخطبني..اوكي مو قده..بس من عمره...




بالذمة...مو تحف؟؟؟ مو علل؟؟؟

شالسالفة..جني انا استقطبهم..فيني جاذبية غريبة لهم..يدوريوني دوارة....


الحين اقدر انام ..الله يستر من باجر.....

خوش شايب
اول شي سوالج تجميل ابلاش
والا علل الموقف التالي

انا صرت... .مقلوبه فوق تحت..عيوني صاروا خمسات...حواجبي...اوصلوا لقمة راسي....حلجي...هأااااااااااا كبيرة؟؟؟؟

ها ها ها يابختي علينا علينا هالحركات قولي الصج قولي الصج
طاقه بوتكس وماتبين تعلمين قولي الصصصصصصصصجججج


ماعنده اخو لي صدمج تضعفين ايي يخطبني؟ابي انصدمت صدمتنين

 

[Dancing^Queen]

رد: قولوا لنا قصص الخطاااب العاهات والتحفة واللى ماانولد منه غير واحد...

أرسل أصلا بواسطة Venice

عيل لو اقولكم الدقة اللي سووها رفيجاتي بواحده ههههههههههههههههههههههههههاي
واي هذي من بغى يوقف قلبها

سمعوا قصتها

دقت واحده على امها احنا بيت الفلاني وسمعنا عن بنتكم ومن هالحجي وولدي يشتغل بالمكان الفلاني

قالت لها الام اوكي حياكم طبعا قبلها سالوا وجذي

المهم البنت دقت على رفيجاتها ثنتين معاه بنفس الادارة

قالولها فلان؟

واااااااااااااااااااااي ياحظج يابختج هذا الجمييييييييييييييل ماغيره يايج؟

مستحيل خخخخخخخخخخخخخ

لالا مانصدق

قالت لهم من صجكم لهدرجة جميل؟

قالت لها ويييييييييييييييي شقول وشخلي

البنت شافت عمرها هههههههههههههههههههههههههههههههههههههههههههههه

وصدقت

ويوم الخطبه كان بيوقف قلبها منو انا اللثي يايني هالجميل وهاد بنات الكويت

بعد الخطبه البنت اختفت عن الانظار

يافلانه ششفتي

دقت عليهم سب وزف ههههههههههههههههههههههههههههههه تقولهم حسبي الله على ابليسكم

مسكين وايد جيكر مايتشاهد وفوق هذا مطول شعره لي جتوفه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههه

هذي خلقة ربنا ماننتطنز لكن بروحك جيكر ومطول شعرك ليش؟ تحفة

مسكينه من عقبها هونت ماتسال احد تعقدت

الله يقطع ابليسهم صج احراااااااااااااااج وصدمه
بس اشوا روحها رياضية مازعلت

شوفي حبوبه اهي وحده من الثنتين
يا ان يطبق مثل ياهويله تهولي يعني موت وخراب ديار خلاص الريال مستبع واثق من الجكر قال خل اعميها اطول شعري علشان امحي اي فرصه للفوز


او ان الاخ يبي يغريها بالشعر المسبسب يمكن وحده شعرها غير قابل للاصلاح تشوف شعره ثقيل وناعم وحلو تقول يالله علي الاقل عيالي يطلع شعرهم ناعم
او تجكه مدمنه مكسيكي مدبلج تشوفه تقول ويح قلبي قونزالو سباستيان رودريغز هنا يامرحبا يامرحبا صكو الباب عن خمينا لاتي تفركش الموضوع