منو جربت تحليل الحمل الهرموني قبل موعد الدورة؟

[ضيم الليالي]

السلام عليكم
طبعا ابشركم ان الاعصاب تلفت وماعاد فيني صبر..9 ايام طافت على التلقيح الصناعي وكأنها دهر..صرت عصبيه:eh_s(13): :jumpon:ومالي خلق اسولف بالدوام مع احد ...يعني بالعربي قربت انجن.

احاول اعقل نفسي واقول اصبري وانتظري وكل تأخيره وفيها خيره بس ماكوفايده

اليوم قريت موضوع ان نسبة هرمون الحمل تبين بعد 5 ايام من التلقيح وقمت وتليقفت ودقيت على مختبر وسالتهم..قالتلي طبعا يافندم..حضرتك تعالي واحنا هنعملهولك ويبين الحمل بسرعه.!! آآآآنا سمعت كلامها صرت ماعاد اركز موليه.. افرفر باطلع احلل :gr4uu:..يابنت اعقلي اصبري..ولا في البال!

اخر شي مارحت..اقول لريلي لازم احلل عشان مادري يمكن كريمات البشره يضرون الحامل..وبعدين ودي اروح الممشى وخايفه..لازم احلل!! يعطيني نظره موطبيعيه كلها استهزاء وعصبية:eh_s(14):ويقول بشرتج ماهي تالفه اذا تركتي الكريمات ليوم الاحد الياي..اقوله الرياضه..يقول انا ابيج تمتنين لاتسوين رياضه.شسوي في هالريال؟؟:23_asmilies-com:

يعني بالعربي انا استسلمت:eh_s(1):

 

[هندااا]

وااااااااااااااااااااااااااااي سأليني عن تلف الاعصاب بوقت التلقيح....انا بالضبط اصير مينونه ....بس احاتي وكله مجابلة النت اشوف تجارب البنات....واسوي تحليل منزلي مليوووووووووووووووون مرة.....



لاتستعيلين مثلي...لاتسوين تحليل ....خليج على أمل انج حامل لي يوم التحليل وان شاء الله تطلعين صج حامل...

ولاتنسييييييييييييييين اتبشرينا

 

[الفنانه79]

لا نطري

شوفي انا ماسويت تلقيح

بس بعد الابرة التفجيريه ب10 ايام احلل يبين معاي اذا في حمل ولا لا يعني اذا صارلج 10 ايام حللي دم يبين
وان شاااااااااااااااااااااااااااااااااء الله يارب انج حامل

 

[ضيم الليالي]

وااااااااااااااااااااااااااااي سأليني عن تلف الاعصاب بوقت التلقيح....انا بالضبط اصير مينونه ....بس احاتي وكله مجابلة النت اشوف تجارب البنات....واسوي تحليل منزلي مليوووووووووووووووون مرة.....



لاتستعيلين مثلي...لاتسوين تحليل ....خليج على أمل انج حامل لي يوم التحليل وان شاء الله تطلعين صج حامل...

ولاتنسييييييييييييييين اتبشرينا

كلنا في الهواء سوا....الله يرزقنا جميعا بالذريه الصالحة ويريح اعصابنا
تدرين بشنو افكر..اخذ الكم فلس اللي عندي واروح اشتريلي سونار واعلقه بالطوفه عندي واتابع بويضاتي تلقحوا ولا لا..من كثر ماسويت سونارات صرت اعرف ومستعده اقدم خدماتي مجانا:gathering: ولا منة هالدكاتره!!!:dddds:

مجنونه صح؟
:tomato2:

 

[ضيم الليالي]

لا نطري

شوفي انا ماسويت تلقيح

بس بعد الابرة التفجيريه ب10 ايام احلل يبين معاي اذا في حمل ولا لا يعني اذا صارلج 10 ايام حللي دم يبين
وان شاااااااااااااااااااااااااااااااااء الله يارب انج حامل

يعني بكره_03ba:!!!
شكرا شكرا بانسخ كلامج وباطبعه واوريه ريلي ههههههههههههههههههههههههه

 

[أمونة الحلوة]

حياتي لا تفكرين ولاحقه على الكريمات والرياضه اهم شي نفسج وصحتج وترى النفسيه لها دووووووووور كبير في نجاح فشل التلقيح بس ان شاء الله تكونين حامل وهذه بوادرها تغير النفسيه ونطري جم يوم مابقى شي وكل تاخيره وفيها خيره ان شاء الله وترى جسم عن جسم يفرق نطري لي الموعد اللي معطينج اياه وحللي ترى في لو قبل التحليل بيوم في ناس مايبين فيعني لا تتاثرين باي تحليل تسوين لين الموعد اللي معطينج اياه والله اني انا حاسه فيج انا 6 مرات مسويه حقن مجهري صج الواحد يتعب نفسيا بس صرت ماافكر اشغل وقتي بقرايه القران صدقيني راح ترتاحين وتنسين التفكير واذا داومتي على طول تقرين سورة البقره ماشاء الله ماتفكرين نهائيا وعن تجربه والله كريم ان شاء الله

واسفه على اطالتي

وربي يعطيج على قد نيتج ويرزقج بالذريه الصالحه المعافى اللي تسعدج وتريح قلبج يارب

 

[Hello_kitty]

الله يزقج ويريح بـــــــــــــــــالج يارب

والله انه مثلج مسووويه هالشهر تلقيح صناعي للمره الثالثه وطاف موعد التحليل ولي الحين ما عندي شجاعه احلل

اله كررررررررررريم

 

[محاميه الغد]

ضيم الليالي الله يعينج و يصبرج انا ادري الكريمات و الممشى حجه عشان تقنعين ريلج بالتحليل ههههههههههه
شوفي انا الي اعرفه ان تحليل الحمل الهرموني يعطي النتيجه حتى لو كنتي باول اسبوع لان ياخذ اقل هرمون بالجسم
بس انصحج صبري شويه و لا تستعيلين بالتحليل نطري كلها جم يوم على الاقل لليوم 12 او 13
انا لما سويت حقن مجهري مرت الفنره و انا خايفه احلل و امي تحن علي تقولي حللتي و انا اقولها ماابي من الخووف قلت لما تتاخر الدوره و شوي احس باعراض يالله بحلل بس الدكتوره قالتلي لازم تحللين و حللت
ياااااااارب تطلعين حامل حبيبتي و تفرحين انشالله انتي و زوجج


كيدي عظيم انتي لازم تحللين ياالله توكلي على الله و انشالله حامل

 

[زنوبة الحلوة]

بعد عمري الله يصبرج انشالله شتسوين بعد

والله هذا التحليل اللي قبل الدورة ناس يبين معاهم وناس لا بس انتي حبيبتي ماعليج الا الصبر والله يكون بعونج ويرزقج الذرية الصالحة وانشالله يارب تبشرينا بحملج يارب

 

[$غــ(ز)ــل$]

الله يعييينج يارب
صبري شوي وان شاءالله تبشرينا بحملج

 

[تانغو]

يارب اتكونين حامل ودايما استغفراي

 

[ضيم الليالي]

خواتي الحبيبات ..اخجلتوني بمشاركتكم وردودكم علي
الله يجزى كل وحده ردت او ماقدرت ترد بالخير ويعطيها كل ماتتمنى
اللهم يارب ياكريم ياودود يافعال لما تريد ارزق كل متاخره ومحرومه الذريه الصالحه
اللهم آمين

 

[ضيم الليالي]

الله يزقج ويريح بـــــــــــــــــالج يارب

والله انه مثلج مسووويه هالشهر تلقيح صناعي للمره الثالثه وطاف موعد التحليل ولي الحين ما عندي شجاعه احلل

الله كررررررررررريم

شتنطرين؟؟؟؟؟؟؟؟؟؟؟؟؟؟؟؟؟؟ يلاااااا حللي وشجعيني

الله يرزقج معاي هالشهر ولايحرم كل متاخره وحرومه

 

[ضيم الليالي]

ضيم الليالي الله يعينج و يصبرج انا ادري الكريمات و الممشى حجه عشان تقنعين ريلج بالتحليل ههههههههههه
شوفي انا الي اعرفه ان تحليل الحمل الهرموني يعطي النتيجه حتى لو كنتي باول اسبوع لان ياخذ اقل هرمون بالجسم
بس انصحج صبري شويه و لا تستعيلين بالتحليل نطري كلها جم يوم على الاقل لليوم 12 او 13
انا لما سويت حقن مجهري مرت الفنره و انا خايفه احلل و امي تحن علي تقولي حللتي و انا اقولها ماابي من الخووف قلت لما تتاخر الدوره و شوي احس باعراض يالله بحلل بس الدكتوره قالتلي لازم تحللين و حللت
ياااااااارب تطلعين حامل حبيبتي و تفرحين انشالله انتي و زوجج


كيدي عظيم انتي لازم تحللين ياالله توكلي على الله و انشالله حامل

انا ادري الكريمات و الممشى حجه عشان تقنعين ريلج بالتحليل ههههههههههه
:dddds:شدراج؟؟

الله يرزقج ويثبت اجنتج وتشوفينهم بين ايدينج وتقر عينج فيهم
اللهم ارزقني وارزق كل محرومه

 

[فوفه]

حبيبتي تقدرين تسوين التحليل الهرموني بعدعشرة ايام عالتلقيح وراح يبين اذا انتي حامل

بس انا دكتوري لما سويته باليوم 13 من التلقيح قالي ليش مستعيله نطري .. بس فيني لقافه شسوي :ggdw: وطلع معاي حمل بس كانت النسبه ضعيفه يعني كل يوم عن يوم لما تنطرين تزيد النسبه

عاد انتي نطري هالجم يوم عشان انشاءالله اتونسج النتيجه


وانشاءالله يارب تطلعين حامل وتبشرينا

 

[النبع الصافي]

يالله يارب ياكريم تطلعون حميل هالشهر كلكم ويرزقكم ربي بالذريه الصالحه وكثرو الإستغفار والصدقه

 

[Swan]

انا جربته مره قبل الدورة بيومين وطلع في حمل
بس طاح بشهر ونص

 

[دمثة]

هذا الي يسمونه تحليل يوم 19 من يوم يوم الدورة ......... الطبيب يقول مو شي ضروري ومايبين وايد ناس ما يبين

انا سويته الشهر الي طاف وطلع ماكو شي كيس فاضي

 

[ضيم الليالي]

جزاكم الله خير على مشاركتكم معاي

دمثه وswan الله يعوظكم خير ان شاء الله

الله يرزقنا جميعا ولايحرمنا من كرمه ورزقه
اللهم آمين

 

[جروح تبتسم]

يارب ياكــــــــــــريم تكونين حامل ... بس استغرب انج تداومين ؟؟؟

ارتاحي اشوي انا سمعت من دكتوره ماجده اليتامى اهم 3أيام بعد التلقيح هو اليوم 8و9و10 بعد التلقيح ريييييييحي

حامل ان شالله متفائله فيج ... اتصدقين؟؟