بسوي انابيب ومحتارة بين منصور العرف وباتريك؟؟شوروا علي

[هندااا]

هاااااااااااااااااااااااااي بنات اشلونكم....وشخباركم.....





بنات مثل مانتو عارفين انا صارلي 3 اسنين متزوجة والحمد الله على كل حال ماعندي اعيال....



حملت مرة وحدة ومامداني اتهنى وطرحت من اول شهر....الحمد الله ألف مرة



انا ولله الحمد ماعندي مشاكل ماشاء الله ولاقوة الا بالله ..من سنة ونص كان عندي هرمون الحليب مرتفع واااااايد فخذيت حبوب اسمها (دستونكس) والحمد الله رجع الهرمون طبيعي....


سويت عملية منظار بطني وكان فيني سداد بسيط وافتحتلي اياه الدكتورة هدى الزكري .....وسويته من اكثر من سنه...ولاحملت


عالجت كلوميد اكثر من 6 اشهر مع ابر تفجير ....وهم ماحملت....


استخدمت ابر منشطة وسويت تلقيح صناعي مرتين ...مرة عند باترك ومرة بالصباح...وماحملت ولله الحمد..


علما ان زوجي تحليله طبيعي ماشاء الله ولا قوة الا بالله......بس الله ماكتبلي الحمل




فقررت انا وزوجي اذا الله احيانا راح انسوي عملية اطفال انابيب اوتلقيح مجهري بالصيف هذ1.....


ومحتاريييييييييييين بين دكتورين (منصور العرف) أو (باتريك)



دقيت اليوم عشان آخذ موعد عند العرف حق شهر خمسة قالوا اقرب موعد عندنا 23/6 ...تخيلوااااا قلت اوكي


ودقيت على باتريك قالولي اي وقت تعالي.....

قلت خل احط موعد عند الاثنين واسألكم وهم استخير أشوف عند مو ارتاح ...عاد ذيج الساعة عندي موعد عند الاثنين ...



ساعدوني بنات ...منو الي برايكم احسن؟؟؟اتعرفون احد سوا عندهم ونجحت ؟




بلييييييييييييييييييييييييييييييييييز

 

[ملاك-77]

الله يرزقج ويرزقني ويرزق كل محرومه يارب

 

[bnt_kwt]

هنوده حبيبتي سوي عند باتريك
ماشاء الله تبارك الرحمن نسبه نجاح العمليات عنده مرتفعه

بس بسئلج سوال واتمنى انج ما تزعلين من سؤالي

انتي متينه ؟؟

 

[هندااا]

هلا ملاك.....مشكوووووووووووووووووووووووورة عالدعوة ولج مثلها ان شاء الله...



هلا bnt_kwt حبيبتي.....لا ليش ازعل ...انا مومتينه ...مثل مايقولون تارسة عودي ...وزني 61....ليش المتن يأثر؟؟؟
مشكوووووووووووووووووووووووووووورة والله يرزقج حبيبتي عاجلا غير آجل

 

[bnt_kwt]

اييييييي المتن يأثر حييييييييل

بس 61 وايد زين يعني ما راح يأثر عليج

المتن اهو يساعد بفشل عمليات التلقيح والحقن

توكلي على الله وروحي حق باتريك وتوها ماشاء الله تبارك الرحمن
اختنا كنكونه ولدت ويابت بنوته قمر

مع العلم اهي كانت مسويه حقن عند باتريك

 

[هندااا]

الحمد الله على سلامة كنكونة


توني دريت انها ولدت.....ويالله الفال لنا ان شاء الله...


راح آخذ كلامج بعين العتبار بخصوص الوزن ...انا زايدة يمكن 7 كيلو من اول ماتزوجت وهذا الوزن اول مرة اوصله بحياتي ...لازم اضعف لو 5 كيلوااااااااااااا....

 

[bnt_kwt]

اي عادي هنود الضعف صحه

ومو غلط انج تنزلين هال 5 كيلو
ماتدرين يمكن تحملين طبيعي

بس تعالي جم مره سويتي تلقيح ؟

 

[هندااا]

الله يسلمج سويته مرتين....مرة عند باتريك ومرة بالصباح...وان شاء الله هالشهر بعد بسويه بالصباح


ان شاء الله يكتبلي ربي الحمال من غير ماحتاج اناىبيب ولا حقن مجهري....


ماتوقعت بحياتي كلها اني بيوم من الايام راح اسوي انابيب ويلا راح اتبهذل من سالفة تاخر الحمل...الله المستعان


ان شاء اله في ميزان حسناتنا....

 

[أمونة الحلوة]

ماشاء الله الاثنين وايد يمدحونهم وانا من رايي سويها عن باتريك

انتي بعد استخيري احسن علشان ترتاحين اكثر

وربي يسهل عليج امورج ويرزقج بالذريه الصالحه يارب

 

[om_omar]

الله يرزقج ان شاء الله ويرزق كل محروم انا كتبت موضوع عن تجربتي مع الدكتور منصور العرف واتمنى تفيدج وهذا رابط الموضوع
http://q8yat.net/showthread.php?t=146978

 

[عبير الكويت%%]

حبيبتي استخيري ربج احسن لج من البشر

 

[$غــ(ز)ــل$]

الله يرزقج الذريه الصالحه ويرزق كل محروم عاجلا غير آجل

روحي عند باتريك
واهم شي الاستخاره حبيبتي
ماتدرين نصيبج وين

 

[++The DuchesS++]

الله يرزقج ان شاء الله من غير هالعمليه
واذا نويتي تروحين انصحج بالعرف
باتريك احسه وايد صاير مادي
العرف وايد يمدحونه
اهم شي استخيري وشوفي وين ترتاحين
وانا انصحج تكررين التلقيح مرتين قبل لا تسوين العمليه
والله يرزقج ويفرح قلبج حبيبتي

 

[bnt_kwt]

كرري التلقيح بعد هنوده
مرتين وان شاء الله تصيب وما تحتاجين لا باتريك ولا العرف ولا غيرهم

 

[محاميه الغد]

انا ما سويت العمليه عند واحد فيهم
و الاثنين يمدحونهم
الله يكتبلج الحمل قريبا يااارب

 

[زنوبة الحلوة]

حبيبتي انا مو مجربتهم بس مادري وايد يمدحون باتريك

والله يسهل لكم انشاللهو ويفقكم ويرزقكم الذرية الصالحة يارب ياكريم

 

[بمبرة]

:klhfl:عسى الله يرزق هنودة الضنى الصالح بدون عملية عاجلا وليس آجلا
اللهم
آمييييييييين
والله يا هنودة حاسة انج راح تبشرينا بحمالج قبل رمضان

 

[هندااا]

يعطيييييييييييييكم الف عافية حبيباتي....عساني مانحرم منكم...

بمبوووووووووووووووووووووووووووووورة وااااااااااااااااااااااااااااااااااااااااااااااااااااااااااااااااي احبج كلامج يونس ....


ان شاء الله ياااارب ابشركم بحمال وانتو اتبشروني بحمالكم بعد.....








انا محتارة بين الاثنين.....ساعات اقول باتريك دقييق بتحاليله وشغله وعشان جذي نلقاه أغلى من غيره بس لمن اتذكر انه مو مسلم اتردد...لان منصور العرف مصلي مسمي وهم شاطر ويذكر الله بكل خطوة يسويها....



والله مادري من الحين لي شهر 6 يصير خير....

بس ودي اسمع تجارب البنات او احد اتعرفونه

 

[Hello_kitty]

يارب يرزقج يا هنوده بدون عمليان ولا انابيب ياااااااااااارب

نصيحه من قلب انه اشووف الشغله اللي مأثره بموضوع الإنجاب عندج نفسيتج

وايد شاده وقلقه وتحاتين وحارقه اعصابج ما يصير حبيبتي هدي نفسج من صج ارتاحي اخذي ريلاكس

اخذي جلسه مساج انسي موضوع الحمل شهرين ثلاث سافري غيري جووووو انسي من قلب هالموضوع

صدي الشوي عن التفكيررر ترى مثلج امثال وعندج النت وبنات اوضاعهم النفسيه والإجتماعيه او الصحيه اسوأ منج بوايد

انتي الحمدلله العمر جدامج توج بالعشرينات وانتي وريلج سلمين الحمدلله هذي بروحها نعمه غير اللي ناطرين وصابرين

وماكو امل...وزوجج واهلج مو مضايقينج بهالموضوع او يقطون عليج كلام او تعليقات الحمدلله الحمدلله

صدقيني اخذي رااحه بس راحه صجيه تنسين الموضوووووع مع استعانه بالله وقدرته وقوته وكرمه ورحمته

وبتبشرينا ووبنفرح كلنا بحمالج

 

[ملح مكتت]

هندا انا انصحج بباتريك لاني ماحملت من 7 سنين ومن قال انة غالي لالا ترا الحقن المجهري ب800 دك بس الادوية غالية روحي اخذي الادوية من الصبااح انا سويت جذيية ومن اول يوم شاف المشكلة من منو ولقالي الحل اهو دكتور حالة حال غييرة وفي وحدة اعرفها سوت العملية عند منصوور حط لها 4 اجنة وما فااد وباترك حط لها بعد العملية مالت منصوور 3 وفاد والحمد اللة اللة يعطيييج البيبي الصالح و على فكرة د باتريك وايد دقيق وسريع و ما يخليج تنطريين واينن و يزفج ان ماسويتي اللي يبيية وبعدين على طاري ال 5 كيلواات عااادي واللة ترا انا ضعفت زيادة من لحماال نزلت 25 كيلو ب 3 اشهر وعضامي طلعت انصحج باتريك اينن ومو غاااالي ذااك الزوووود واللة يعني انا الحين بالثامن تدرين تقريبا جم اخذ منى مع اني سويت العملية مرتين مع التجميد والغرف وليمن نزل جنين من الاجنة والنوم بالمستشفى وكلة اخذ مني لي الحييين تقرييبا 3ونص وكل زياارة 30 دك كل اسبووعين بس العناية واااو واللة واي شي انا حاضرة يا هنووود
اتكلي على اللة...