وش صار اليووم !!!{[يوميااتي]}

[om shared]

مسا الخير كيفكون انا جديدة هون واول مرة بشترك بمنتدى بس عجبني هالمنتدى صراحة وانا سورية بترحبو فيني ولا ممنوع غير كويتيين

 

[سور المدينه]

انا مو المشكله فيه امه اللي بترتز ومايقدر يرد لها طلب

الاخت السوريه حياش بينا انا بعد موكويتية سعودية

 

[Nokia N95]

شكلي بنضم لكم بهالموضوع

وضعي الاسبوع اللي طاف ... بس ابي انام
اليوم ... العكس
يمكن نمت 4 ساعات وخلاص .. شبعت نوم

 

[(دنيتي)]

هلا فيك

أم شارد ونوكيا

بعد ش خباركم

أنا عطيت روحي اجازه
يومين

ومريحة بالبيت منشكحه����

 

[سور المدينه]

انا مججننتي بنتي اسمالله عليها عافسه نومها
وماغير تحن وصياح

وشكلي ببلش رجيم للنه جد مالي خلق اطالع نفسي ماحب المتن كلش

 

[FANTAST!K]

السلام بنات ،،


سور المدينه حايلي زوجج شوي شوي ان شا الله يقتنع
قوليله بسافر راسي براسك بنغير جو

 

[سور المدينه]

بيسافر الليله مع اخوه
جك بم الا يزهب شنطته
تعبت انا من كثر سفرياته

 

[(دنيتي)]

سور الله يعينج من قلب

مابي احرضج بس والله انتي قويه انج متحملته

ريحت بالبيت اربع ايا ويضيق خلقي كل ماتدكر انه اليوم سبت����

شلونكم بعد شخباااراتكم

هلا وغلا فانتاستك وعليكم السلام شلونج خيتو؟

 

[Nokia N95]

سور
جم عمر بنتج ؟


انا حاليا ... مو ملحقة على تدريس بنتي الكبيرة

ب اولى ابتدائي ...
مايمديها تخلص امتحانات الاحد ... تبلش الخميس ...

تعب ... بس احسن شي
المعلومة موجودة

 

[سور المدينه]

بنتي سنه و10 شهور عمرها

 

[Nokia N95]

سور
الله يخليها لج ويحفظها من كل شر

لما عيالي تعتفس نومتهم ... اسوي جدول
وخلال اسبوع اعدل نومتهم

 

[سور المدينه]

ويخلي لك عيالك يارب

هذي انا رديت عدلت نومتها

بكره بيرجع زوجي من السفر مشاعريا مختلطه فرحانه بجيته وزعلانه من كثر سفرياته

 

[Nokia N95]

سور
كل شي خيره

انا مريت بنفس وضعج تقريبا

يت فترة ... زوجي كان يسافر

هالشي علمني اعتمد على نفسي

وقبل ... كان مايرضى اروح الجمعية بروحي

بس بسبب سفراته ... صار يرضى

مرة من المرات ... كان عنده سفرة طويلة


شريت دفتر صغير حيل

و كنت اكتب له بعض اليوميات والمواقف اللي تصير مع عيالنا و طبعت بعض الصور بحجم صغير و لصقتهم بالدفتر

طبعا ... مع جم قصيده ...

وقبل السفر عطيته الدفتر علشان كل يوم يقرا منه شوي


عاد ما ادري اذا عجبه وايد او لا

بس اهم شي اني حسيت وانا اسوي الدفتر بنوع من الراحة و الفرحة

كان احساس حلو ما اعرف شلون اعبر عنه


طبعا وهو مسافر

بين فترة والثانية انزل بتليفوني نشيدة او قصيده واطرشها له

 

[سور المدينه]

نفسيتي زفت رجع من سفره
وظل يومين ورجع سافر
ولو انه سفراته شغل ماقلت شيء الا بس هياته
وجالس عطالي بطالي وماخذ بطاقتي ويصرف من الاعانه حقتي
ماقول الا حسبي الله ونعم الوكيل

 

[ياحلاتي قمر]

السلام عليكم اول مرة اشارك لفت انتباهي سالفة سور
والله من صجج يعني
ماعنده شغل ويصرف من حسابج
منو الريال فيكم انتي والا هو

احسن حل تسحبين كل الفلوس بطاقتك تشترين فيهم لنفسج او خشيهم
واذا قال وين الفلوس قولي مادري صرفتهم وخلصوا مانتبهت سوي نفسج غبية
بس خليج ذكية بنفس الوقت

صراحة نرفزني الموقف
كلش ماحسيتي في فايدة كلمي ابوه او احد كبير ممكن يوقفه عند حده

انتي بالكويت والا بالسعودية ؟؟

 

[سور المدينه]

انا سعوديه
وبطاقتي الحين عنده ماقدر اسحب منها شيء
وياليته يصرف وبس الا مضيعهم سفرات من غير معنى

تعبت منه والله
البارحه كتبت موضوع شطوله من قهري بس مادري ليش مارضى ينزل وطار

 

[ياحلاتي قمر]

اي والله مختفين

حدي ضاق خلقي لما رحتو تعودت افضفض واتحلطم

الحمدلله ع كل حال

بس انا امي مريضه ضغط وماقول لها همومي

مواجهه عايلتي ظروف ماديه صعبه الموضوع شوي معقد بس مالي غيركم اقوله

حماي متزوج اختي. اوك

وحماي يبي يبني بيت وتسلف من ريلي فلوس مبلغ كنت راسمه عليه آمال وايده وريلي كان واعدني باشياء وايد

المهم ريلي ماكان يبي يعطيه كل هالمبلغ بس حماي قال حق ابوه ووسطه وريلي انحرج واظطر يعطيه كل المبلغ

انا كان ودي اعترض بس مرات افكر انه اللي بيبنونه بيت حق اختي

لانه حماي ريلها جذي سكت وماقلت لريلي ً قلت الله كريم

يفرجها علينا وعليهم واحنا عايله وحده

بس بصراحه حيل مضغوطه انتو شرايكم اتمنى تقولون لي

الصراحه سكوتي غلط ولاصح ؟

خاصه انه انا طاحت براسي ريلي ماعنده ولافلس وقاعدين تصرف من معاشي ��������

ودي اسمع ارائكم نوروووني!!!!!

والله صراحة احنا الكويتيات قلبنا رهيف

سكوتج غلط ,اقل شي تكلمين اختج
يعني انتي تفلسين واختج تتنعم
المبلغ كان ممكن ياخذ نصه عالاقل من ريلج والنص الثاني ياخذ من ابوه مثلا او اي احد
مو يقعد ريلج عالحديدة وانتي الي تصرفين


شفيني داشه معصبة وزف ووالله انقهر من هالسالفه تصير فيني وايد مافي مانع وحده تساعد ريلها بس مو ان يعتمد الريال على فلوسج اكبر غلط

الرجال قوامون على النساء بشنو ؟؟ بس يمشي كلمته عليج وبعدين ياخذ فلوسج ويمشي لا حمدا ولا شكورا

انا ماقول تهاوشوا معاهم بس خلي لج كلمة خلي بالمقابل يونسج ويوديج وايبج ويضحكج ويشيل همج

بصراحة الفلوس مهمة لازم كل وحده فينا تخش لها جم فلس بحساب خاص بعيد عن عين ريلها عشان لا يطمع فيها

 

[(دنيتي)]

الله يعين الله يعين ياحلاتي

بننتقل من بيتنا وحددده ضايقه اخلاقي

محتاجه اسوي وايد اشياء

الله يقدرني واسويهم

 

[نـعـومـه]

اليوم رحت مشاويري



المباركيه




اهوه في أحد بالمنتدى؟؟؟ ههههه جنه بس بروحي

 

[سور المدينه]

هههه انا معاك

انا مصدومه ومنهاره زوجي بيسافر بكره الشهر كله وانا اخر من يعلم
وتو يوم سمعت قال اهلي بيسافرون اخر الشهر تعالي معاهم
احس مشاعري متبلده ماخل شيء اقوله :/
ربي يهديه ويسخره تعبت حدي من كل شيء
ادعو لي بنات في هالشهر الفضيل لانه احس وصلت لطريق مسدود معاه