??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[حبيبة قلبي]

رد: مواليييييييد مارس 2016

بنوتات انا ولادتي المفروض ١٤ /٣ بس عاااادي اولد هالشهر دكتورتي هيأتني وانا مخترعه حدي

 

[.:lady bug :.]

رد: تجمع مواليد (ديسمبر) و??(يناير)

حبيبتي كويتاويه

لاتحاتين سهالات باذن رب العالمين

http://www.q8yat.com/t1141383-2.html
هذا رابط ولادتي عند ناهده قبل سنتين ونص يمكن

 

[<<الأميره>>]

رد: تجمع مواليد (ديسمبر) و??(يناير)

كوكو
اللي اعرفه ان السداده تكون مخلوطه ببني او دم

عالعموم شدي حيلج بالأعشاب وان شاءالله قريب تبشرينا

 

[Om_Sanad]

رد: تجمع مواليد (ديسمبر) و??(يناير)

نعومه الحمدالله عل سلامتكم

خرعتيني من قريت سالفتج صبت عظامي مو قادره انام خايفه يصير باجر ويعطوني طلق صناعي

شلون ابرة ظهر وحسيتي بالضغط والطلق لهالدرجة خرعتيني
شكلي بكتسل ماني رايحه باجر

 

[Om_Sanad]

رد: تجمع مواليد (ديسمبر) و??(يناير)

كويتاويه انا جم يوم شي لزج شفاف عقبه بلش شي لزج ممروج ببني
وهذا انا اسبوع عل هالحالة
الظاهر انا وانتي بنولد بعض هههه
بنات الكمام الي تقول ارحم وين ياحظي اصلن تكونين دايخه بس كل الم تحسين فيه
ابرة ظهر ماتسحين بالالم كثر الكمام
واهو بعد عل حسب جسم كل وحده وطاقتها
الله يسهل عليكم كلكم
يله الدور الثاني عل منو ولدوووا ههههه

 

[star_tete]

رد: تجمع مواليد (ديسمبر) و??(يناير)

الله يهون عليكم ياربي ماولدتو
كويتاويه انتي معاي اتذكر والله تاخرتي الله يهونها عليج

نعومه. دمعت عيوني من سالفتج بس قولي الله ارحم
انا ماقلتكم سالفتي بولادتي
لان نفسيتي للحين تعبانه من اللي صار لي
ويبيلي وقت ع ماكتبها واسردها
عموما الله يهون عليكم يارب

 

[star_tete]

رد: تجمع مواليد (ديسمبر) و??(يناير)

بنات كتبت لكم سالفتي
مابي منكم الا العظى والدعاء لي

قبل فتره جان تخبرون ان صدري تنك علي في شهر 9 وشهر 12 لان معاي ربو وكلهم تنومت بالمستشفى كمامات وكرتزون يسرعون علاجي قبل ولادتي
وانا اساسا قيصريه واخذت بنج. كامل
اخاف من ابرة الظهر من سلبياتها

ولان مرضت من صدري فيبيلي اقل شي فتره اكثر من شهرين ع مايتعدل ميه ميه

المهم رحت لدكتورتي منتهى السالم بمستشفى العرف وراح اخبركم عن هالانسانه العظيمه منو هي
‏أنا رحت لدكتورتي تعطيني ابرة الرئه حق. الطفل ولما سوت تخطيط. لقت ان النبض الطفل ضعيف
فقالت لازم تدخلين عمليه فقلتها ع باجر امرج. صايمه
ورحت للولاده طبعا يوم كامل الطفل مايتحرك في. بطني وانا مخي. تنح الا ادخل. شهري وشوي يهدي صدري
كان هذا تفكيري
المهم دخلت العمليه وصدري تعبان
وولدوني وطلعت بنيتي تعبانه وانا يابنات توقفت الرئه عندي
وكنت عايشه ع الوايرات ينعشون الرئه يقول زوجي ولدتي ع 11 الصبح وطلعوني ع العنايه 6 مغرب
كانو ينعشوني يابنات وظليت بالعنايه المركزه يومين ماقدر اتكلم ولا ابلع من بلعومي متجرح من الوايرات والاوكسجين نازل وحاطين بربيش بخشمي موصلينه للمخ لاتشوف الداده شطولها اللي حاطينها لانعاش المخ بالاوكسجين وفاقده نص. ذاكرتي وطلعت عقب يومين لغرفتي في تحسن بسيط وطبعا ماشفت بنيتي
مستشفى الخاص شاف وضعي يسوء رفع ايده وقال تحتاجين امكانيات اكبر واوسع لازم تنتقلين للحكومي فشالوني باسعاف ع مستشفى الجهرا وانا تحت التنفس الصناعي وعلى انعاش الجهرا لين دخلوني وسونار مستعجل على الرئه والا يا بنتت جلطه
لاتشوفون حالي ونفسيتي
ودخلوني ع الجناح ومروني الاستشاريه وطلبو يسمعون مني شوح مفصل عن اللي صار معاي طول فترة حمالي لين جابوني عندهم. فطلبو بسون اشعه ملونه فرضتها لانها ماتناسب صدري تتحس مع اللي. فيهم ربو
ماطول عليكم ظلو يومين او ثلاث يطلبون اسويها فسويت الاشعه الثانيه اسمها الطب النووي
يتاكدون انها مواصله للقلب
طبعا ظليت بالحهرا اسبوع يابنات لاشفت مولودتي ولالميتها ولارضعتها وصدري بالجهرا انترس حليب اشفط واكته وانا ابجي وعيالي ماشفتهم ورحولي انتفخت وجسمي حيييل انترس جسمي ماي انتفخت قالو من الجلطه وبعد ماعطوتي مدرات البول تكرمون خف معاي الانتفتح ع مدى ايام لين طلعت
من عندهم
والله لازلت اتذكر شلون اوعي ع جسمي يهزوني ويطقون ظهري ويحطون الوايرات بحلقي واغيب كنت اموت واحيا

وزوجي برا يقول مر علي وقت احس ماراح اشوفج بلغوني اني تعبت داخل وماعلموه بالباقي يقول كل الحريم دشو وطلعو الا إنتي
وانا ع جمر اقعد واقوم وطبعا من اهلي مايدرون لان امي فيها ضغط وسكر وماعلمها دايما وبولادتي الا لما اصحصح ابشرها
فظل المسكين بروحه ينطر فرج ربي علي
وبعد اسبوع من طلعوني الجهرا رحت اجيب بنتي من شيشه العرف وكانو قبل لاطلع بجم يوم مطلعينها لاتشوفون السسترات البيبي لما جابوها لي كانو يدرون بوضعي ان امها ماخذتها تعبانه بمستشفى ثاني زوجي كان يمر ع بنتها يشوفها ومبلغهم
قامو يبجون معاي ويلموني موقف ماانساها كنت داشه عليهم ع كرسي ماقدر امشي لان الاوكسجين موحيل معاي
ورحت لدكتورتي منتهى تشيل الغرز مالت عمليتي اول مادخلت لمتني حيييل وتبجي والا دموعها غاليه وتقول قرة عينك. يابو فيها قرة عينك بردتها
كانت تسال عني طول مانا بالجهراالله يوفقها ويرزقها انا ماكتبت اللي سوته معاي بس اختصر عليكم سالفة ولادتي والكلام بحقها والله والله والله اخاف انقص
هذه سالفتي و والله اني اتذكرها وبجي وكتبها لكم ودموعي خدي
يارب لاتحرمني الأجر
وترزقني بر عيالي وبنيتي ودعاوي والديني لي

 

[Om_Sanad]

رد: تجمع مواليد (ديسمبر) و??(يناير)

حبيبتي الحمدالله عل سلامتج وسلامة البنت

واي قطعتي قلبي من قريت سالفتج والله ان نسيت الم الولادة وكل شي
الي مريتي عليه مو طبيعي حبيبتي
الحمدالله عل كل حال

 

[star_tete]

رد: تجمع مواليد (ديسمبر) و??(يناير)

عسى ربي ماتشوفين اللي شفت يا ام سند ولا كل حامل ويهون عليكم يارب
اسوءنفاس مر علي من نفسيتي
وان ذاكرتي واقفة ماستوعب اللي جدامي او او اجمع بسرعه
رحمة ربي وسيعه اللهم لك الحمد حتى يرضى وجهه سبحانه
عليكم بالدعاء بالتساهيل

 

[كويتاويه2009]

رد: تجمع مواليد (ديسمبر) و??(يناير)

ستااار فعلا اللي جاج مو شويه لكن اسأل الله يعوضج صحه وعافيه ويحفظج لعيالج حبيبتي واجر وعااافيه يقلبي

دكتوره منتهى حماتي ماتولد الاعندها كلمة روعه شوي عليها بنت الحلال

عموما انسي اللي صار وحمدلله ربج اللي طلعتي من كل هذا وردج لعيالج يقلبي انتي

وفعلا انتي معاي بس انا عوشرت طبعا والحمدلله ع قضاء الله وع كل شي يقسمه لنا طبعاا

مرمر صحيح السداده فيها دم بس سبحان الله هالافرازات قاعد تزيد معاي ويارب يكون الرحم يفتح اتوقع من الحلبه هي جذي تلين الرحم

ام سند هههههه شسالفه اللي فيني فيج شكلنا متفقين نولد مع بعض بعد
الله يقومنا بسلامه كلللنا يارب

ومثل ماادعي لنفسي بنات ادعيلكم

اللهم اننا نسألك حسن الخلق وهون الطلق

اللهم ياخالق النفس من النفس ويامخرج النفس من النفس ويا مخلص النفس من النفس خلصناا

اللهم لاسهلا الا ماجعلته سهلا وانت ان شئت تجعل الحزن سهلا

اللهم يامسهل كل شديد ويامنجز الوعيد ويامن هو كل يوم في امرن جديد اخرجنا من حلق الضيق الى اوسع الطريق بك ندفع مالانطيق برحمتك يا ارحم الراحمين

كررو هالادعيه كل يوم حبيباتي

 

[<<الأميره>>]

رد: تجمع مواليد (ديسمبر) و??(يناير)

ستار
الحمدلله عالسلامه واجر وعافيه يارب والحمدلله رجعتي لعيالج ولبنتج

دكتوره منتهى عسل.....الله يوفقها وين ماتكون

 

[bnoota_]

رد: تجمع مواليد (ديسمبر) و??(يناير)

ستار الحمدلله على سلامتج
والله يعينج مو شوية اللي مريتي فيه
بس رحمة ربي أكبر
وإن شاء الله كله تخفيف ذنوب وأجر لج

 

[bnoota_]

رد: مواليييييييد مارس 2016

حبيبة قلبي بالعكس تفتكين
من تدشين التاسع لو أسبوع كافي
وترتاحين شتبين بالتاسع يغث شطوله

 

[bnoota_]

رد: تجمع مواليد ( يونيو - 6 ) 2016 ❤

نونو صدناج
زين طلعتوا
شخباركم شمسوين
شدعوه ابتسامه ههههههههههههههه

 

[سمسومة ام عبودي]

رد: مواليييييييد مارس 2016

الحمدلله علي سلامتج لولا مبروك ماياج

ياليت تقولين اذا فضيتي شنو سبب الولاده المبكرة..

انا اول امس رحت موعدي الحمدلله كل شي اوك والبيبي نازل

بغت تاخذ مسحه مني قلتلها دكتوره خليها اول التاسع جان تقول اوك بعد اسبوع تعالي &#55357;&#56832; واي ماكنت حاسبه.حساب بتاخذ متي مسحه لان اذكر علي ولدي خذوا مني بالتاسع &#55357;&#56850;

 

[سمسومة ام عبودي]

رد: مواليييييييد مارس 2016

اقصد بعد اسبوعين قالت اروح لها

 

[أم وهابي (عبير)]

رد: تجمع مواليد ( يونيو - 6 ) 2016 ❤

بعد عمري حبايبي كلكم ماقصرتوا &#55357;&#56856;

 

[Om_Sanad]

رد: تجمع مواليد (ديسمبر) و??(يناير)

اي والله اجر ان شاءالله

صباح الخير يابنونات يا كروشات ياحلوين ودي اطلع اتمشي اتريق اغير جو هههه حدي راهيه

 

[بنت الظبي 2016]

رد: { تجمع مواليد شهر 9 / 2016 }

انا اليوم عندي موعد مع الدكتورة و بشوف شو بتقولي .
سويت فحصين للدم عشان يقيسون هرمون الحمل .
والحمد لله كانت النسبة معقولة و قالت لي الدكتورة تعالي اليوم عشان تشوف كيس الحمل بالالتراساوند المهبلي

 

[بنت الظبي 2016]

رد: { تجمع مواليد شهر 9 / 2016 }

حسب جدول الحساب من الانترنت اللي يحسب اسابيع الحمل اللي اعرفه اني فالاسبوع 5 بدايته يعني .
يعني شهر و اسبوع لنه الدورة المفروض تييني تاريخ 3 ما يتني . يعني اليوم 5 يوم و دعواتكم يارب نشوف كيس الحمل و اخبركم بالجديد .