قررت اتطلق تكفون سمعو سالفتي وساعدوني

[Pink_Roses]

خافي من ربج شنو تروحين له بيته وتطبخين وتنظفين هذا قاص عليج الله يستر عليج بس اصحي باجر بقطج

 

[keka89]

يلعب عليج يبيج فراش وبس نفس سالفه واحد من اقاربي ميانه حده مطلق وقاعد بشقه بروحه و تيله وحده ميته عليه تنظف وتطبخ حتن عياله تخدمهم بس ماتزوجها و يقول لاهله دورولي بتزوج و لما سئلناه وفلانه تخيلي شقال تخسي ابي وحده عفيفه ووحده ثانيه اعرفها متزوجه وتكلم ظلت معاه 4 سنين واحبج وابيج وقالها انا مطلق تخيلي تطلقت من ريله عشانه وللا يطلع ليمن لحين متزوج زوجته وماراح يطلف بس كان يبي فراش

أي والله كلامج عدل يبيها بس حق النوم والفراااش مستحييل يتزوجها

لانها تخون زوجها بالله شلون مارح تخونه اهو لمن يتزوجها

هذا عيب البنت لمن ترخص نفسها حق الريال خصوصا انه اكثرهم زباله وجذابين

ولمن يبي يتزوج يدور وحده ماتدل باب البيت وماتعرف احد عشان تصون بيته وتحفضه

 

[keka89]

حبيبتي راعيه الموضوع مبين انج مهمله بريلج وبيتج من طلعاتج ورفيجاتج

واحس ريلج مو عاجز جنسيا على قولتج لانه واي يسافر فيمكن يمكن يخربط بره يعوض الي مو موجود عنده بلبيت

ولا تحلمين انه الحقير النصاب مال انستقرام صج بياخذج او يحبج او بيتزوجج ترى يتعرف على 20 وحده نفسج هم من انستقرام

وحاطج تقزيره ووناسه ونوم بس لا وخدامه بعد تنظفين بيته هذي يديده اول مره اسمعها الي اعرفه ينامون مع بعض وبس

ديري بالج والله الرييايل نصهم جذابين وجلاب ومو كفو ويقزرونها على البناات والله مصلحجييين باجر يفصخج مثل النع....

 

[زوجة حياتي]

استغفر الله
اختي توبي لربج تووبي توبة نصوووحة
اللهم لا شماتة
الله اهدينا واهديج ياارب

 

[pupa_990]

اول شي الي قام تسوينه خيانه و ترا له عواقب در بالج يبا

تطلقي من ريلج دامه مقصر ب حقج و كل شي واضح
و تزوجي هذاك بل حلال.. لا تاخذين اثم و تسوين هل سوالف
لان باجر بتقولين حق ربج انا خنت ريلي لان كان مقصر معاي؟
بالنهايه عندنا عقل و نتحكم ب نفسنا و كونا مسلمين لازم نمشي ع الاسلام و نخاف ربنا
مو مشكله ...
انتي الي سويتيه غلط
بس مافات ال اوان
و عندج وقت تصلحينه حبيبتي :****
بس لا تزيدين من الخطــأ لان راح يـؤدي للأسوأ

 

[pupa_990]

انا مرح اقولج انتي ليش ما حاولتي تعدلين من ريلج و هل حجي
لان المفروض كنتي تعدلين من ريلج و تحاولين بس شكله حالته ما تسمح لج
و شكله لايعه جبدج .. و غلطتي بس غلطتج مو full غلط
ف الي تقولها توبي و وخري عن حبيبج
ابي اشوفج انتي ب مكانها و بشوفج توخرين و انتي ب حالتها
صدقوني صعبه.. حبيبتي تزوجيه دامه يبيج بل حلال
بس اذا طلع مو هذا الي يبيه فنقريه
و فنقري ريلج الي معلقج لان ماله داعي تتحملين هل عذاب
و نطري لين اييج نصيبج

 

[بمبة المفترسة]

حدج جريئة
شلون دخلتي شقته ماخفتي يغتصبج وتير فضيحة
ماخفتي احد يطيح عليكم
دام يبيج وهو اللي يعرفه عنج انج مطلقة ليش ماتقدم لج
تبينه تطلقي وتزوجيه لاتخربين سمعتج وسمعة بناتج
هذا اذا هو يبيج لانه ما اعتقد بيتزوج وحدة تخون زوجها واتيي عنده الشقة

 

[نونه المنكوشه]

حسبي يالله ونعم الوكيل في كل ريال مايخاف ربه في مرته يعني ليش تلومونها أنا ماقول اللي سوته صح بس أهياااا بشرررررررر وعندها أحساس نصيحتي لج تطلقي من ريلج سواء تزوجتي اللي أتحبينه أو لأ لانه ريلج بالمقابل أكيد قاعد يخون وله شلون عايش جذي وثاني شي معرضج للفتنه يعني فرضا هالمره تبتي وخلاص هل إنتي ضامنه ماتطيحين بالغلط مره ثانيه شنو تري وضع مميت ريال موجود وبنفس الوقت موموجود أعرف وحده مرت بنفس وضعج بالضبط وتطلقت لانه ريلها قاعد يفتنها أكثر وهادها للحرام إذا عايشه ع ورق ليش متزوجه أساسا مووضع طبيعي أبددددد عيشي مطلقه شريفه وطاهره ولازوجه وخاينه أسفه بس هذا اللي حاصل وإنتي تأنيب الضمير لج وتعب وريلج ولاحاس فيج أبددد حطي رضا الله بين عيونج خسري الدنيا كلها إله رضا الله توبي توبه نصوحه وأنفصلي وقولي لثاني تبيني تعال طق بابي بالحلال ماتبي روح عني والله بيعوضي باللي يخاف الله فيني والله يستر عليج دنيا وأخره

 

[keka89]

حسبي يالله ونعم الوكيل في كل ريال مايخاف ربه في مرته يعني ليش تلومونها أنا ماقول اللي سوته صح بس أهياااا بشرررررررر وعندها أحساس نصيحتي لج تطلقي من ريلج سواء تزوجتي اللي أتحبينه أو لأ لانه ريلج بالمقابل أكيد قاعد يخون وله شلون عايش جذي وثاني شي معرضج للفتنه يعني فرضا هالمره تبتي وخلاص هل إنتي ضامنه ماتطيحين بالغلط مره ثانيه شنو تري وضع مميت ريال موجود وبنفس الوقت موموجود أعرف وحده مرت بنفس وضعج بالضبط وتطلقت لانه ريلها قاعد يفتنها أكثر وهادها للحرام إذا عايشه ع ورق ليش متزوجه أساسا مووضع طبيعي أبددددد عيشي مطلقه شريفه وطاهره ولازوجه وخاينه أسفه بس هذا اللي حاصل وإنتي تأنيب الضمير لج وتعب وريلج ولاحاس فيج أبددد حطي رضا الله بين عيونج خسري الدنيا كلها إله رضا الله توبي توبه نصوحه وأنفصلي وقولي لثاني تبيني تعال طق بابي بالحلال ماتبي روح عني والله بيعوضي باللي يخاف الله فيني والله يستر عليج دنيا وأخره

أي والله كلامج عدل كله من الرييايل وحقارتهم اهم الي يحدون الحريم يسوون هسوالف بس هم انتي جذي تشجعين البنات انه يكونون خاينات او يزنون وهذا حرام حتى لو زوجها جكير وماتحبه وعاجز جنسيا وحتى لو تعرفت على واحد ملك دمال واسولبه حلو اذا ماتبي زوجها خلاص تطلق منه وصدقيني حبيبها هذاك مااااارح يتزوجها لو تزوجها تكاليف العرس علي انا

 

[pupa_990]

الرياييل و حقارتهم؟
نفس ماعندهم مخ يقصون ع البنات
البنات بعد عندهم مخ يفهمون الي قاعد يصير
بس الي تقعد تصيد على نفسها
و تصدق اي شي و تعيشلي قصص حب ملوت افلام ام بي سي ماكس
بعدين تقول كله من الريال و الريال سوا كيت و كيت
هذي قاع تستغل كونها بنيه و تقطها ب راس الريال
بس لمة اهني كلكم كبار و عقال و مافيكم اي اعاقه ولا تخلف ولا مرض
ماله داعه تنقط ب راس الرياييل يا بنات
خلونه واقعيييـن ..
هم البنات في بنات الله يستر عليهم
و في بنـات ماششاللههه عليهم قمة الاخـلاق
و في رياييـل زينين
و في رياييـل مو زينين
بس البنت الي ما تحب هسوالف و الي فاهمه عدل
ما تقط روحها بهـل مواقــــف !
ف الحين كل واحد يتحمل غلطته و يصلحها
مو تقطونها ب راس الناس !
لان الكـل عاقـل و كل شي واضح هل زمــن

 

[Japanese]

اول شي الله يكتب لج اللي فيه الخير بخصوص الطلاق او الصلح

كم سؤال قبل ماقول رآيي

1- حاولتي تكلمين زوجج وتوضحين له شاللي مضايقج واللي مخليج تحسين ان علاقتكم صارت فاتره؟ سويتي اللي يرضي ضميرج

بخصوص هالموضوع؟

2- قلتيله عواقب الإهمال اللي هو قاعد يسويه وانه هذا مب زواج؟؟ تكلمتي بكل شي مسوي لج قلق وغير ارتياج بزواجكم؟

ماراح الومج انج انعجبتني بواحد غير زوجج وتحسين انج حبيتيه وخلاص بغيتيه

طبيعتنا البشريه جذي وانا عن نفسي بعد جذي يعني مثلا خل اقول وحده من ربعي ماتعطيني ويه ولا تحب تطلع وياي

وجذي ورفيجه ثانيه تهتم فيني وتهتم بكلامي وكل شي اكيد راح افضل الثانيه ع الاوليه فمابالج بعلاقه زوجيه؟؟

كلش مب مستغربه الموضوع ،، بس الصج ياآختي اللي لازم تفكرين فيه هو انتي


ليش وايد معوره راسج وليش كل هاللعب الله يهديج ،، اذا عندج مشاكل مع زوجج حاولي تحلينها معاه قبل ماتدشين بعلاقه

ثانيه " هالشغله ترآ دوم افتخر فيها انا شخصيا ك خليجيه " الحريم عندنا مبرمجين دينيا واجتماعيا انهم يكونون لرجل واحد مب كذا رجل

واللي يسلمج لاتصيرين لي من هذولي اللي جسمها ب صوب وعقلها بصوب

ماراح اقولج حرام ،، مارااح اقولج الناس راح تنقد عليج وممكن تعايرج و تعاير عيالج ،، ماراح اقولج عيالج هم نفسهم ممكن يتآثرون نفسيا

لاء

فكري بنفسج انتي تبين لنفسج جذي؟ انتي عاجبج الوضع يعني ،، حلي المشاكل اللي بينج وبين زوجج سوآء بطلاق

ولا انكم تتفاهمون ويا بعض ولا روحي ل marriage councler ولا اي شي يعني ممكن تجوفينه راح يغير من الوضع بشكل ايجابي

وسويه وبعدين عاد انتي قرري شتبين تسوين ف حياتج

بس اوبيه نفسج لها حق عليج ومب من حقج ع نفسج انج تضيعينها بين حياتين وتشتتين نفسج وعيالج وراج بسوالف جذي

شخصيا اول شي ممكن اسويه مثل ماقلت لج اني اكلم الريال وخلي كلامج له واضح ، صريح ومختصر ماله داعي

تسوين حفله " الرياييل مايجون بالاسلوب الحريمي هذا " اقصد الكلام الزايد

لاء شيء معروف عن الرجل انه مختصر بالكلام جدا

خلج واثقه من خطواتج وبيني هالشي بآسلوبج واصرارج ع اللي تبينه انتي وتجوفينه مناسب وخلج هاديه

الرجل جدا بسيط بالتعامل لاتعقدينها

الله يوفقلج ان شاء الله واي صج بليز فكري باليهال وشاللي احسن لهم مانبي يهال متضررين من ازواج ماعرفو يحلون مشاكلهم ك

اشخاص بالغين مسؤولين عن تصرفاتهم
​

 

[بنك بااستا]

دام. تحبيبه. تطلقي ودام. حياتك. ميته مع زوجك مو مجبوره. تكلمين عشان ترضي الناس

 

[هيبة ملك]

شصار علي صاحبه الموضوع؟؟

 

[gala q8]

نصيحه مني لج كاخت .. تبتعدين عن الدخيل في ياتج " اللي تعرفتي عليه " صدقيني حتى لو تزوجتيه ما راح ترتاحين لان الثقه < بشكل كبير ممكن تكون معدومه .. و بعدين لا تفكرين في نفسج أكثر من بناتج .. مهما يكون ترى الطفل إذا شاف أمه بصوب و أبوه بصوب يتأثر و أحتمال تكون في حاله نفسيه .. و خاصه تقولين كل واحد عايش بروحه .. حاولي تلقين حلول ترجعين زوجج مهما يكون لا تفكرين بالسلبيات فكري بالإيجابيات .. شوفي ريلج ليش تغير شلي غيره ! و حاولي إنتي تغيرينه حاولي المحاوله مو صعبه !

إذا حاولتي ولا نجحت محاولاتج مالج إلا إنج تصارحينه بإنج حابه تتقربين من زوجج أبو بناتج و حاولي تقولين له ليش ما نطلع طلعه حلوه كل إسبوع يوم مخصص لي و لك و لبناتك .. حاولي تتقربين منه تشوفين شلي غيره !

لا تصلحين الغلط بالغلط ! حاولي تبنين بيتج لا تهدمينه ! .. حتى لو كان هالشخص إنسان عظيم و ممتاز .. " والله أعلم بالنيات " بس لا تهدمين بيتج بالعكس .. !


^ و إذا مانفع هذا الشي بتكون لج حياتج لج في حاله إنج تتطلقين منه او لا .. وبعدين فكري لي تطلقتي هل فعلا الشخص هذا راح ياخذج !

 

[هيبة ملك]

الله ماراح ياخذها هي. معاه وقايله. له انها مطلقه ماتزوجهاولافكر يتزوجها


هذا بيلعب محصل شي جديد ويجرب غير مرته


والا اذا صار الصج ماله الا زوجته الشريفه العفيفه




الله يهدي صاحبه الموضوع وينور بصيرتها عشانها وعشان دينها وبناتها


اياج تكوني انانيه وتنسين بناتج وتخربين حياتهم مهما صار بينكم من مشاكل
عيشت بناتج بينج وبين ابوهم جنه بالنسبه لهم


فكري بعقلج اختي وخلي الشهوات عنج وفكري بعيالج. وبيتج

 

[afaf]

لا اله لا الله ? حسبي يالله ونعم الوكيل
البنات ماقصرووا

بس نصيحة اخت خلج مع ريلج وبناتج لا تخربين مستقبلهم خلج قدوا لهم

واتركي اللي بلاستقررام تررا خربيط اكثرر الشباب يقزرونهاا علي بنات بس

من ناحية يتزوجه مسسستحيل قولي ليش ،؟؟ يقول هذي اللي خانت اهلها

وريلهاا لا ونعدهاا عيال شلون باخذهاا باجر تخوني لاحول ولاقوة لا بالله العلي العظيم


مخي خربططططط مو مستوعبة الله يسترر عليج وعلي بناتج وعلي امه محمد علية الصلاة والسلام ?

 

[روح التعاون]

ماشاءالله البنات كلامهم كفو ووفوا والله يستر علينا وعلى بتاتنا ويريح بالج

 

[لورا آشلي]

هو مقصر بس انتي خاينه

و ماتدرين لو وحده من بناتج طايحه على سوالفج وحاطتها بقلبها وساكته وانتي لاهيه وناسيه عمرج معاه

تتوقعين شنو بتكون نفسيتها ونظرتها لج ..!!!

اصلحي نفسج وبيتج وعلاقتج مع زوجج

 

[أإلع ـشق دلع ـهـأإ]

لاحول ولا قوة الا بالله

يا اختي خافي من ربج انتي ارتكبتي ذنب عظيييم ولازم لج توووبه نصووحه

شلون تتجراين وتخونين زوجج مالج عذر للخيانه حتى لو زوجج سكير وخربان ومايخاف من الله هذا مايعطيج الحق انج تخونيييين

ربي حرم الشي هذا فمفرووووض تخافين الله

واحس ان زوجج مافيه شي والغلط منج انتي اللي ضيعتي حياتج بيدج وهدمتي بيتج انتي اهملتي زوجج بطلعاتج ووناستج وماخذه الحريه من ورا زووجج لو بيت اهلج ماقدرتي

عيييب عييييب اصحي اصحييييييي

انتي كبيره موصغييره انتي ناضجه وام الرجال يلعب عليج ياحبيبتي مايبيج وانتي مسسكيينه صدقتي ماخذج تقزيره لوناسته وبتنصدمين بعدها راح يهدج ويتزوجج وبتبجين بعدها

محد راح ينفعج لا جاتج امراض منه وبلاوي منه خافي ربج وصوني عرضج واحفظي بيتج وبناتج انتي لج بناات لازم تكونين قدوه لهم

اتركي كل طريق حرام فنهايته معروووفه تقربي لربج ولبناتج وبيتج وانسي الطلعات اللي مالها فايده

الله يهديج حييييييل ضقت عليج لانه عارفه نهاية قصتج

 

[ظبية بوظبي]

الرياييل و حقارتهم؟
نفس ماعندهم مخ يقصون ع البنات
البنات بعد عندهم مخ يفهمون الي قاعد يصير
بس الي تقعد تصيد على نفسها
و تصدق اي شي و تعيشلي قصص حب ملوت افلام ام بي سي ماكس
بعدين تقول كله من الريال و الريال سوا كيت و كيت
هذي قاع تستغل كونها بنيه و تقطها ب راس الريال
بس لمة اهني كلكم كبار و عقال و مافيكم اي اعاقه ولا تخلف ولا مرض
ماله داعه تنقط ب راس الرياييل يا بنات
خلونه واقعيييـن ..
هم البنات في بنات الله يستر عليهم
و في بنـات ماششاللههه عليهم قمة الاخـلاق
و في رياييـل زينين
و في رياييـل مو زينين
بس البنت الي ما تحب هسوالف و الي فاهمه عدل
ما تقط روحها بهـل مواقــــف !
ف الحين كل واحد يتحمل غلطته و يصلحها
مو تقطونها ب راس الناس !
لان الكـل عاقـل و كل شي واضح هل زمــن

عجبني كل كلامش في كل رد حطيتيه بس حابه اعرف كم عمرش