♥♡♥ تجمع لجميـع مواليـــد 2014 حيــــــاكمـ ♥♡♥

[chocolate0o]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

كتكوتثة حبيبي انا نفسيج بالضبطط اهئ

 

[وداعيه]

رد: تجمع مواليد ( إبريل - 2014 ) حياااااكم

وداعيه الله يسهل عليج يارب

انا دكتورتي قالت لي البيبي كبير واكبر من عمره ب3 اسابيع

وراسه كبير وبتولدين اول التاسع وشوفيني

وصلت نص التاسع ولي الحين ماولدت وتقولي

بعد مطوله يمكن اخر الشهر وحجم البيبي صار اوكي

على عمره لانها قالت لي وقفي فيتامينات وكالسيوم

فوفو.
انا قالت لي ، ما اقدر اخليج تاخذينن شهرج كله ، يمكن اعطيج بعدين تحاميل حق الطلق . وقالت يمكن ماتحتاجين ويجيج طلق طبيعي

 

[chocolate0o]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

بنات احس نساتي شوي خفت قبل كلا احس بتعب وخمول وكسل ودوخه ونوم

الحين احسن وقاعده اوسوس ريلي يقولي اشتبين بالنساه اقوله مو عن بس الوسواس ذااابحني

ياربي تطمن قلوبنا علي اجنتنا ونرتفع الللهم امين

لالاتوسسي موووو زين ابد يأثر عالبيبي
خليييج رييلاكس مرررره وحصني نفسك والبيبي بعد كل صلاه وربي الحاافظ ان شالله
واستانسي بكل لحظه هههه?

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

جوكليت

ان شالله بتعوذ من ابليس مره اقول بخليها علي الله وماراح افكر بس لا تلوميني مجهضه 4 مرات من قبل

مو اجهاض لا
يوقف نمو البيبي اسملا عليكم ان شالله وعلي اجنتنا فحدي خايفه عرفتي

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

- "ربِّ إني نذرت لك ما في بطني محرَّرًا فتقبل مني إنك أنت السميع العليم".- "ربِّ هبْ لي من لدنك ذريةً طيبةً إنك سميع الدعاء".- "ربِّ لا تذرني فردًا وأنت خير الوارثين".- "ربِّ هَبْ لِي مِن لَّدُنْكَ وَلِيًّا، يَرِثُنِي وَيَرِثُ من دعوة الإسلام، واجعله رَبِّ رَضِيًّا".- "اللهم ارزقني صبيًّا حَنَانًا مِّن لَّدُنّك وَزَكَاةً، وَاجعله ربِّ تَقيًّا، وَبَرًّا بِوَالِدَيْهِ، وَلا تجعله جَبَّارًا عَصِيًّا، واجعله اللهم يأخُذ الْكِتَابَ بِقُوَّةٍ، وَآته اللهم الحكْم صَبِيًّا".- "ربِّ َهَب لَي غُلامًا زَكِيًّا، واجعله اللهم مُبَارَكًا أَيْنَ ما كان، وأعِنه على الصلاة وَالزَّكَاةِ مَا دام حَيًّا، وَبَرًّا بِوَالِدَيه وَلا تَجْعَلْه جَبَّارًا شَقِيًّا".- "اللهم اكتب له طولَ العمر، وحُسنَ العمل، وسعة الرزق، وسعادة الدارين".- "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة".- "اللهم إني أستودعك جنيني الذي في رحمي، أنت الذي لا تضيع ودائعك يا الله".- "اللهم احفظ جنيني واحْمِه، وامسكه أن يسقط، وأتم حمله على خير".- "اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".- "اللهم صوِّره في أحسن صورة ونجِّه من كل تشويه ومرض".- "اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، زخراً للإسلام والمسلمين".- "ربنا هبْ لنا من أزواجنا وذرياتنا قرة أعين واجعلنا للمتقين إمامًا"

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

شلونكم بنات النساه ملوعه جبدي ماحب دياي ولا لحم ولا سمج من اسمع اسمهم جبدي تلوع اكل عيش ومرق بس
ولاهيه مع ولدي والبيت

فتره وتعدي ان شالله اهم شي تتغذين بشغلات ماتتنسين فيها

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

زوجي وتاج راسي تروح النساة يوم يومين وترجع اقوى بعد لاتحاتين...

انا اول شهر كله نايمه بعدين بدت اللوعه والترجيع...وتروح يومين ومايمديني اوسوس الا ارجع نفس اللحظه..

شكل تجمعكم نايم او طالعين برا المنتدى ..

اي صح والله ذابحني الوسواس
الله يفكني بس من المحاتاه انا بخير

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

انا بالاسبوع الخامس يااابوي وراي مشوار طووويل


منو ماسكها الصداع ؟؟

ملازمني الصدااع من قبل لا احلل وريلي موراضي اخذ بندول

 

[وداعيه]

رد: تجمع مواليد ( إبريل - 2014 ) حياااااكم

الي ولدوا حمدالله على سلااامتكم وسلامة عيالكم ،


سوسو ناطرين باجي قصة ولادتج

 

[so0os]

رد: تجمع مواليد ( إبريل - 2014 ) حياااااكم

هني كانت الساعه ثنتين الظهر وصلت 6 سانتي ولا تقولي دقينا على دكتوره الي بتولدج قالت ازهب اوراق قيصريه وتوقعين عليها ماراح نولدج الحين بس احتياط اذا صار شي طارئ لان نبض البيبي خف عقب ما خلصت الطلقه على طول مو بوقت الطلقه وهالشي معناته في شي مضايقه وهم بعد ان اهوا بدا يخرج ابطنج والمشكله من ساعه 2 لي 4 الرحم ليلحين مو راضي يفتح قتلها مابي اوقع بنطر شوي انا عمليه وحده فا في احتمال اني طبيعي قالت خلاص نطري الدكتوره يت الدكتوره عالاربع وشي فحصتني قالت ماكو الرحم مو راضي يفتح وما اقدر اعطيج طلق صناعي لان يبطل العمليه الي قبل خطر بس بنطر عليج شوي لان البيبي شكله هابي الحين قصدها سعيد لان النبض ما نزل ثاني مره قتلها اوكي وبهالوقت انا معطيني اكسجين عشان البيبي
طبعا طول الوقت اهلي ما هدوني وكانو يمي ويه اخو الثاني بعد حبايبي الله يحفظهم وقعدو يسولفون وياي والسستر تعصب عليهم ضحكتني تقولهم لا تسوي قرقر واجد معاها قصدها عني تقول سولفو بروحكم بيبي تعبان ههه يحليلها حبيتها

والدكتوره مالتي كل شوي تفحص ومو راضي يبطل عالساعه 6 نزل نبضه وهم عال 7 باليل رد نزل النبض وايد يت الدكتوره تركض فحصت قالت ماكو فايده ماراح نغامر والبيبي قاعد يصعد فوق مو نازل نفس اخر فحص تبين عمليه خليج والسيف سايد لا تغامرين واختي دكتوره بس مو بالكويت كلمتها تلفون قالت لا تغامرين الدكاتره اخبر ووكلي امرج لله عمليه بس تضمنين حياة البيبي قتلها اوكي مع ان كان ودي انطر بعد خصوصا اني ابره وما احس بالعوار بس وقت الطلقه تحسين شي حار يمشي بريولج

وقع ريلي ووقعت انا بس وقعت هني خريتها بجي خفت وقلت ليش يعني اوصل لي اخر شي ورحمي زين والمشيمه زينه والبيبي نازل ليش على اخر شي نفس اول مره بس بيني وبين نفسي اقول بعدين ريلي قعد يقولي خلاص لا تبجين قولي حمدالله ما عليه اهم شي انتي والبيبي
ودوني بسرعه العمليات وشفت اهلي ناطريني بره واخواني يبوسوني جان ابجي اكثر دخلوني العمليات وزادو جرعة الابره عشان ما احس كلش وقالي الدكتور ماراح تحسين بالعوار بس وقت طلعة البيبي راح تحسين بضغط قتله اوكي

عاد قبل ما ادش العمليه قلت حق ريلي دش وياي ابيه يحس هههههه قالي ما يدخلوني قتله امبلا سالت السستر قالت قولي حق ابدكتوره وادخله هني توهق قال اوكي وانا بالعمليات مسكينه الدكتوره حسيتها صج تحاول فحصتني واهما يجهزوني قالت بشوف اخر مره جان تقول ماكو فايده البيبي قاعد يروح فرق
بلشت فيني الدكتوره جان يدخلون ريلي ارتبك وقعدوه يمي

 

[حبيبة عز]

رد: تجمع مواليد ( إبريل - 2014 ) حياااااكم

سوس

بعد عمري الحمدلله على سلامتج

انتي والبيبي

اهم شي صحتكم زينه

سواء طبيعي ولا قيصري

ومبروك ماياج

 

[آشوآآآق]

رد: مواليد شهر سبتمبر 9 لعام 2014..حياكم الله اللي حللوا☆★☆

مآششآءالله مبرؤؤؤك لولو االولد الله يقر عينج بششوفتهه :eh_s(9):

 

[حبيبة عز]

رد: تجمع مواليد ( إبريل - 2014 ) حياااااكم

سوس وام مريم

الله يعينكم

صج الوحدة تتمنى الاحسن

بس قدر الله ماشاء فعل

واهم شي سلامتكم

وانا احم احم بلشت اوسوس

الله ييسر لنا الولادة السهله بصحة وعافيه

 

[New_bride]

رد: مواليد شهر سبتمبر 9 لعام 2014..حياكم الله اللي حللوا☆★☆

اخباركم بنات

سويت تحليل بول الله يعزكم وطلع عندي بداية التهاب موعدي وايد بعيد في شهر ٥ ماعرف اذا الموضوع خطير او لا

 

[BaЯBya]

رد: تجمع مواليد أكتوبر 2014 بإذن الله

مبرووووووك لوولوو

يالله عقبالنا

انا اتوقع حتى لو عرفت اقعد اوسوس اخاف غلط ههههههه

 

[Hambaa]

رد: مواليد شهر سبتمبر 9 لعام 2014..حياكم الله اللي حللوا☆★☆

نيو بيرد اذا التهاب وبدايته لازم اتروحين باجر تاخذين علاج له عشان مايزيد
انا دكتوري عطاني موعد اخر اربعه. بس قال اذا صاري اي شي تعالي.
فانتي روحي لان التهاب ياثر على الحمل
مااتشوفين شر وطمنينا عنج

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

قطعه حلا
ماتقرف القعده
بس انسدحي علي جنب وريحي ظهرج

Kh
حبيبتي انا صارت معاي فطريات وتعالجت
لا تحاتين الحافظ الله

اشتقتلك
حبيبتي لا تقربين صوب نيو بورن
من٠الي٣
بيطلع مقاسه باذن الله حتي لو طلع نتفه
البيبي يكبر بسرعه
اذا تبين اخذي كم حبه بس
وكثري من ٠الي٣
انا ماراح اشتري نيو بورن

 

[fofowa_q8]

رد: تجمع مواليد ( إبريل - 2014 ) حياااااكم

حبيبتي سوس الحمدلله عالسلامة توقعت ان الدور عليج

الحمدلله قمتو بالسلامة انتي والبيبي

والحمدلله انج خذيتي ابرة الظهر من اول شي عشان

ماتتعذبين بالطلق واخر شي تولدين بعملية

 

[غالية زمانها]

رد: تجمع مواليد ( إبريل - 2014 ) حياااااكم

مساء الخير
اششلونكم ؟ اليوم مرني الدكتور وتخيلوا يقولي بنحط لج اقرب موعد لﻻشعه المقطعيه عشان انحدد يوم العمليه وبيشوفون الموعد الاحد قلت يا لله كل تاخيره فيها خيره انا استخرت وبتوكل على الله

 

[fofowa_q8]

رد: تجمع مواليد ( إبريل - 2014 ) حياااااكم

بنات بطني مسموت حيل ويحرني جنه مجروح

مع اني ارطبه كل يوم اول مرة احس جذي

يحرني حيل حتى الهدوم لما تحوشه يعورني