ديوانيـة --> بجريآت <-- : تعالوا نفضفض ونسولف !

[HoD'HoD]

الله يتمم عليكم ويبلغنا التاسع بالسلامة يارب

صج الايام تمشي بسرعة سبحان الله كنت احاتي اول ثلاث شهور شلون بتمر والحين باقيلي شهرين ونص او اقل على الولادة

غنوجة انا بعد يومين اكمل نص السابع بس مو خايفة من الولادة ولا احاتيها كلللللش

الظاهر ماعندي احساس ههههه

 

[أمورته]

كل مانخلص شهر نحس قربت الفرحه والانجاز وعبرنا شوط من المحاتاه يارب تفرحني انا وريلي باعيالنا يارب يارب وكل من قالت امين لج بالمثل

 

[أمورته]

هدهد احسن لج لاتفكرين واذا يت الفكره اطرديها وفكري بشي ثاني عشان لاتحاتين وانتي بعد غنوجه

 

[بدون بس مغتربه]

امين يارب

 

[مذهلة2013]

ماشاءالله ماشاءالله الايام تركض
انا بعدلي اسبوع وشي ادش السادس
ماانسى الشهر الثالث اطول شهر هههه
الرابع والخامس ايننون سريعين
يقولون الثامن قثيث :/

 

[أمورته]

حده مذهله انطر الرابع نطره لان اول الاشهر حيل تحاتين البيبي

 

[نور الضي]

بنات دام اننا بجريات انسوا الولاده
مع اننا كلنا نتمني نولد ونفتك

 

[نور الضي]

مذهله
الرابع بسرعه مر
ما ادري عشان فيراير قصير
او لاهيت بالعطله

 

[مذهلة2013]

نور
اي الرابع اينن والخامس بعد حلو


امورته
ان شاءالله خير راجعتي؟؟

 

[HoD'HoD]

صاجين والله اول الاشهر قثيثة ماتمشي كلش

اما من الرابع لي السابع سريييعة وبعد يومين اوصل نص السابع جنه امس داشته

الله يستر من الثامن يقولون بطيء حيل

امورته
اي والله ما احاتي الولادة كلش مادري ليش يمكن لاني مجربة الطلق والفحص اكثر من مرة فصار عندي مناعة تقريبا هههههه

بالعكس متشوقة حق الولادة ودي اعيش هالاحساس دايما اقولهم مابي ابرة ابي احس بكل شي

 

[قرة عيونه]

اول خمس شهور كانت حيييييل بطيئه خصوصاً الخامس حتى ريلي لاحظ يقول احسج من زمااان بالخامس

بس السادس والسابع ياحلوووهم صج كان بداية الثقل بس مروا بسسسسرعه والثامن كنت احاتي ان يكون طويل بس اشوه الحمدلله حسيت مر بسرعه مادري مكن لان صج فبراير قصير ولهينا بالاعياد شوي

عقبال التاسع يارب تمر ايامه بسرعه ع خير

 

[# غنوجة بيبي #]

امورته اللهم امين

 

[نور الضي]

امين قره
عقبال ما نسمع اخبار ولادتج بسهاله

 

[مذهلة2013]

نور
اي الرابع اينن والخامس بعد حلو


امورته
ان شاءالله خير راجعتي؟؟

 

[نور الضي]

جنه باجر مراجعه امورته

 

[أمورته]

هدهد ربي يسهلها علينا كلنا يارب

مذهله لا والله مارجعت للحين ولا سمعت نبض البيبي وحدي احاتي يارب اسمع نبض البيبي وهو بصحه وسلامه

انزين مذهله بسالج اختج اول ما راجعت اعرفو انه فيها توينز ولا شك الدكتور وبعدين تاكدو

 

[نور الضي]

اكلت حبه برقنا بلان مع عصيرر جوافه
بغيت اغص فيها

 

[أمورته]

اي نور عوده برقنا بلان ديري بالج وثجيله سبحان الله
تخيلي انا دكتورتي مسجلتلي اياه من ثاني شهر ويه الفوليك اسيد وجريب يخلص بعد

 

[نور الضي]

اول شهرين اغث شهور الحمل طبعا من بعد التحليل
يمكن عشان اخطر الاشهر
وااااي بنات صرت ما استغني عن المنتدي
لو اشبك من تلفوني

 

[مذهلة2013]

امورته
اي كان في جيسين وجنينين
بس كان واحد منهم بالبدايه بدون نبض
وقالها ردي بعد اسبوع
وردت والحمدلله سمعت النبض