رد: تجمع مواليد ( إبريل - 2014 ) حياااااكم
صباح الورد
مايكبرني ليش تشيلين شي ثقيل !!
لاتخافين البيبي مايصير له شي الحين اذا شلتي شي ثقيل
بس انتي تتعبين ظهرج يعورج وريولج.. واسوء
شي ممكن يصير ان ينزل عليج الماي بس ماكو الا العافية ان شاالله
ومثل ماقالت مناوي اذا مانزل شي عادي
بس ريحي نفسج وظهرج يابنيه دشي التاسع
عالاقل بعدين سوي اللي تبين..
ذكرتيني بنفسي اخر موعد قبل اسبوعين قبل الموعد
كنت رايحه مكتبة الجامعة ومستعيره ١٠ كتب كل واحد شمتنه
وسافطه بعيييييد واشيلهم وامشي يوم قعدت بالسيارة
حسيت بعوار مو طبيعي وجنه في شي بينزل
عاد رحت موعدي على طول وقلت حق دكتورتي زفتني
شوي بس قالت لاتخافين البيبي مايصير فيه شي الحين
انتي تتاذين وممكن ايي لج طلق من هالحركة
خرعتني بس الحمدلله يوم جيكت بالسونار كل شي تمام
طلعت قويه هههههه