رد: مواليد شهر سبتمبر 9 لعام 2014..حياكم الله اللي حللوا☆★☆
شيطونه انا مثلج عندي بنت وريلي كان حيل يتمنى هالحمله تكون ولد
طبعا انا ببجري جربت طريقة معرفة نوع الجنين عن طريق البول مكرمين من غير صودا ولا طباخ ولا عفسه الطريقه ٩٠٪ ناجحة حسب تجارب البنات اللي سووها ب اكثر من منتدى وبالاخص هالمنتدى كان وااايد بنات مجربينها والقليل اللي طلع النتيجه خطأ المهم جربوها ماتخسرون ههه بس شوي لوعه تره
---
الطريقه مكرمة تاخذين بطل ماي صغير الشفاف او اي كاس بلاستك شفاف و تحطين العينه فيه ههه اهم شي العينه المهم مالت الصبح اول ماتقومين من النوم اهي افضل بعدين تخشينه مكان محد يشوفه ويكون شوي مظلم انا بقولكم مكاني السري حطيت البطل ورا الافرنجي مكرمين بين الافرنجي والطوفه مايبين كلش و خليه مكشوف لاتسكرينه
المهم اهو يبيله ٨ ساعات او اكثر انا حطيته ورحت زواره بيت امي وبالليل رجعتله وشفته المهم راح تشوفون نفس الغيمه كتله نفس السحابه ولونها ابيض تلقونها اما بقاعة البطل بالارض واللي فوقها صافي او تكون الغيمه فوق واللي تحت صاافي
اذا كانت الغيمه تحت ف اهي بنوته واذا فوق يكون ولد وهالتجربه علميه سبحان الله حسب ترسبات اللي تكون بالجسم البنت تكون اثقل ترسباتها
انا ببجري جربتها طلع بنت و صج يبت بنوته
وهالمره سويتها هم اطلعت الغيمه تحت و بالسونار قالولي بنت
الحمدلله يارب وناسه خوات يلعبون مع بعض الله يحفظهم
يالله اللي ودها اتجرب اتقولي الغيمه وين ؟؟
