رد: تجمع مواليد ( إبريل - 2014 ) حياااااكم
بنات دام اني فاضيه ودي افيدكم باهم الشغلات الي جربتها وفادتني
بما انه عندي بنوته عمرها 9 شهور يعني ليلحين ترضع فممكن افيدكم
قياسات الملابس كل بيبي وحسب قياسه مثلا الببي الي عمره 3 شهور ممكن يلبس من 0 لي 3 و3 لي 6 وممكن يلبس من 6 لي 9 كل ياهل وجسمه والياهل بسرعه يكبر بالاشهر يعني ممكن كل شهر تشترين ملابس يديده
فلما تجهزين حسبي حسابج تنوعين بالقياسات
وانا يوم كنت حامل خذيت بدله عمرها سنه عجبتني وسبحان الله مرت السنه بسرعه والحين بلبسها بنتي لانها شتويه
يعني اذا عاجبج شي اخذيه لو قياسه كبير بس طبعاذمو كبير وايد ههههههه
اولا نظافة الياهل ، الياهل على طول خلو ريحته حلوه لانه بعمر الاشهر كله يرجع ويحوش جسمه فلازم تسبحينه عالاقل كل 3 ايام وفي عطور حق الياهل مع التجهيز اخذوها وكل وحده شتحب تاخذ بس احلا شي ريحه البودر على الياهل
طبعا اغراض السباحه والنظافة معروفة :
فوط سباحه عدد 3 واخذو الكبار الي فيهم مكان حق الراس احسن فوط للتنشيف ، ما اييد الروب كلش مو عملي والياهل لازم تنشفينه بسرعه عشان مايمرض
واحسن فوط ملوت مذكير خامتهم زينه ماتوبر
حوض سباحه
http://www.magazine.ayurvediccure.com/wp-content/uploads/2008/12/babybath.jpg
اسفجنه السباحه مهمه وايد لانه البلاستك مال الحوض يعور الياهل ويزحلق
مشط فرشة و مشط اسنان
طاوله تبديل او اليى ماعندها مكان تشت مات ملبس بنايلون
سودو كريم مع كل تبديل حفاظه حطوه عشان لا يلتهب الياهل
حفاظات رقم 1 حسب الي تفضلونه انا استخدم بانيرز وماشي وياي
وترى الحفاظات مصروف هههه فاستغرو على نوع زين ومو غالي لانه بيكلف عالميزانيه ههههههه
شامبو - بودي شاور - صابونه جونسون - كريم جسم - كلونيا - بودر - بيبي اويل - كلينكس مرطب
عود اذون للياهل شكله جذي دائري ومن فوق مبوز
واسفجنه سباحه طبعا
مقراضة عنونه حق الاظافر العنونه
قطن
شفاطه خشم ( حق تنظيف الخشم )
و و وشنو بعد
تبون بعد ولا بس ههههه
.jpg)
