تجمع مواليد سبتمبر (9) 2013

[ٱستۆطنت خٱفقهْ]

تبطي


سلامةة وليدجج ♥

نشلة بنتي خفيفه بس مو راضيه تروح
وديتها الطبيب قالي عطيها بخاخ وماخفت كلش


وديتها المستشفى قالي معاها ارتجاع
بدون تحليل بدون شي بس طق على بطنها طقتين

وقالي بطنهاا متروس غازات :-(

 

[الشيخه فطامي]

نعينا يا عرايس

الوفيراا شكثر طولتي بالصالون حق الصبغ جمم ساعه؟ شلون رضعتي ولدج!

 

[Aloe Vera]

الشيخة فطامي


انا حييييييل طولت بالصالون!! امبيه من الثلاث الا ربع لي الثمان لاااااعت جبدي و مليييييت بس لان صبغتي اومبريه كاليفورنيا تاخذ وايد وايد وقت و بعدها سويت شعري ويڤي بالفير
بس ولدي كان معاي مع الخدامة
و هالصالون انا ميانه معاهم و اهو صالون هادي و كبير و راهي و فيه غرف قعدت الخدامة مع ولدي فيها و لمن اييوع اروح ارضعه بالغرفه و هم عشان مايشم السبري و مواد الصبغ خليته بعيد بس

 

[Aloe Vera]

بس انا غلطت هالمرة بطلعتي من الاربعين لان تراكم علي شغل الصالون و انا ماحب اطول بره البيت خصوصا بالليل و عيالي الكبار بالبيت

انصح كل وحدة مثلي ترضع او ماتحب تطول بالصالون انها تجزأ الشغل على فترة اسبوع او عشر ايام
انا سويت كلشي بيومين فا صار ضغط ضغط

 

[Aloe Vera]

اي و بنات بعد حلو تييبون كوافيرة البيت اريح من روحة الصالون
انا يبت هندية حق شيرة و نقش حنه بالبيت
و لقيت وحدة بالانستقرام تسوي شغل صالونات و تسريحات ناعمة و حلوة اسمها ام علي عجبتني الصور و اسعارهم حلوة

 

[Aloe Vera]

كلشي تقدرين تسوينه بالبيت ماعدا الصبغ مع ان سمعت يصير بالبيت بس مادري احس بالصالون انظف شوي و احط ارقام و اكاونتات

 

[أشبـاهـ المطـر]

نعيما الوفيرا هم انا بخاطرري اومبريه بس مادري اخاف يطلع مو حلو علي
وهم لازم اسوي كولاجين انا بخاطرري اسوي كل شي بالبيت حتى الصبغ
صحيح بتبهذل بس ماعليه على الاقل مايحوشني تانيب الضمير
بالعافيه عليج اهم شي النفسيه تتغير عقب النيوو لوك وناطرين الارقام والاكاونتات


استوطنت خير ارتجاع ماعليج منهم بنتج ترضع طبيعي
ماله علاقه ماعليج منهم والغازات ذابحه ولدي الله يعين

 

[Aloe Vera]

Jamela60
هندية تسوي شيرة وعلاج شعر كيراتين و كولاجين و سشوار هالسوالف

Salonq8
صالون متنقل و تسريحان ناعمة

 

[حوريه ...]

نعيماً يابنت القص والصبغ والنيولوك الجديد

انا بكره ان شاءالله بطلع الصالون بحف وحمام مغربي وبقص وبديكير
واذا في وقت كملت مساج لان عظامي توجعني يبي لي مساج محتاجته

وتالي بطلع مع زوجي

ونفسي ارد البيت البس واتروش واحط مكياج وبعدين اروح معاه بس هو رافض يقول من الصالون باخذج ع الفندق

يعني اكشخ بالصالون

 

[ديزاينر الكويت]

الوفيرا
ليش تقصين
ماحب اقص شعري لو شنوو
اصبغ و ابدع بالصبغات بس قصص لاا لااا


تبطي
امبيه صح كلامج والله
بس انا لما وديتها قال بس الخشم مسدود
بس كل يوم انظفه و للحين في صوت
مادري بنطر شوي و بعدين بغير الدكتور



بنات
نزل علي شوي دم و اختفي و وقف الدم بس ينزل افرازات
و عووار مو طبيعي نفس الدوره
شنو هذاا !!
دوره ولا شنوو !!

 

[white**angel]

ديزاينر
انا لمن يتلي الدوره اول شي نول علي بني غاااامج وبعدين ماكو خفييف وكلا وصخ لونه بني يافاتح او غامج بعدين من رابع يوم امبي نزل علي واااااااااااايد قمت احط العوده وما الحق اقوم بسرعا اغيرها كان يصب صب
والحين صارلي تسع ايام وشوي خف بس ينزل دم
قالولي عاادي بشوف اذا طولت اكثر بروح حق دكتورتي لانه قاعد ينزل علي اكثر من لمن ولدت فمادري هالشي طبيعي وﻻ ﻻء
فانتي يمكن هذي بداية الدوره وبعدين ينزل الدم

وااي بنات لمن اقرا عن الصبغ متشوقا حييييييييييل بخاطري اصبغ ﻻنه انا شعري اسود فاااحم وريلي موراضي كلش ابي افتحه شوي مو واايد
عندكم فكره شلون افتحه بشكل طبيعي بدون صبغات ؟؟ مابي حنه ابي اي شي غيرها عادي اجرب ماكو شغل

 

[ٱستۆطنت خٱفقهْ]

صباااح الخيرات ♡

طالعهه من الشرر حوري ♥

شخباركم جميلاتي


اشباه ربي يشاافيهم ويخليهم لنااا ♥

 

[أشبـاهـ المطـر]

هم هالتجمع انا اخر وحده اطلع من الاربعين ههههههههه
استوطنت اللهم امين شخبار المزيونه قضيتو اذونها ؟

الوفيرا مشكوره نخدمج بالافراح

 

[الشيخه فطامي]

سلااام شلووونكم

بنات وين احسن مكااان نقض الاذن

 

[Aloe Vera]

ديزاينر


انا بعد نزلت علي افرازات خفيفة بني على وردي مع عوار بطن و ظهر الحين ثالث يوم و حيل خفيف اتوقع دورة خفيفة بسبب الرضاعه
لان صارت لي في بجري و الدكتورة قالت دورة متاثرة بهرمرن الحليب شي طبيعي
بس انا ماوقفت صلاة لان في شيوخ يعتبرونها استحاضة فانا اتوضا لكل صلاة عساس انها استحاضة

 

[Aloe Vera]

السيخة فطامي

انا جربت صيدليه السماح بالسالمية و صيدلية رويال حياة كلهم زينين

 

[noufb]

نعيماا بنات انا ليلحيني اشاور عمري اقص ولا اخليه واصبغ وكيراتين مادري شسوي الصراحه محتاره حدي

يوم الاثنين المفروض اخلص النفاس بس ليلحين ينزل علي دم مره باليوم ونتفه لاعت جبدي حطيت تحميله البيتادبن وبصبر اشوف اخرتها
سويت حمام مغربي بهيربل سبا يهبل يهبل صار جسمي زبده تفرك من قلب واهيا مغربيه وباجر ليزر وشيره ان شاءالله ونقش حدي انضغطت


بنات انا بنتي بس خشمها مصكر عندي قطرة الماي والملح وانظف خشمها بعود اذون مو عارفه استخدم الشفاطه مالت الخشم. مادري شلون طريقتها

 

[noufb]

الو فيرا وين صبغي وبجم طلع عليج الميزانيه حدها حدها ورانا سفر

 

[unknown1988]

مساء الخير بنات ...

شخباركم ؟؟

بغيت اسأل اللي يرضعون طبيعي شنو الديودرنت اللي تستخدمونه ؟ عادي اي واحد والا يأثر ع الرضاعه ...

لاني ناويه ارضع رضاعه طبيعيه فقط و بسأل عن الديودرنت واللوشنات والعطورات عادي اللي استخدمهم نفسهم والا لازم شي خاص ؟

 

[Aloe Vera]

نوف


صبغت بصالون يوتوبيا صاير بالجابرية جدام رويال حياة و صبغتي كاليفورنيا تبلش ب١٢٠
بس انا كنت بروح صالون لامود بقرطبة سعرهم وايد زين و شغلهم محترف و صبغهم اصلي و قالولي شعري يكلف ٦٥-٧٠ دينار بس ماحصلت مواعيد قبل طلعتي كنت بروح عند ربيعة