^^••^^تجمع لجميـع حوامل سنـــه 2013** ^^••^^

[روحي تحبكـ]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مزاجيه البيبي نازل بالحوض بس مو وايد

شلون ما احاتي وانا بالعاشر لي اسبوعين

قريت ان المشيمه لها وقت محدد وتوقف يعني بيكون خطر علي البيبي

 

[86روعـه]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مراحب بنات شلووونكم


الله يهون عالجميع انا احس ماقدر اتحمل خلااااص تعبت من ثقل بطني
وتحوشني لحظااات هبوط واحس الدنيا تدور فيني
طبعا
انا غايبه من قبل العطله بيومين وباجر ان شالله بداوم

بليييز ساعدوني عندي طبيات هل صج يتحولون مجلس طبي
وشنو الخطوات انا ماعندي ملف بالفروانيه بس ملف بالمستوصف
شنو خطوات تقديم مجلس طبي للعلم
عندي تقرير من المستوصف. مسويته الدكتوره لي لمن كنت ناويه اخذ مجلس

 

[86روعـه]

رد: ^^••^^تجمع حوامل مواليد شهر **نوووفمبـ11ـر2013** ^^••^^

روحي تحبك مابي اخرعج
بس مو زين البيبي يطول عن التاسع عشان مايخرج في بطنج
واذا خرج فيه نوعين من الخروج واحد عادي وواحد يقتل البيبي الله لايقدر
وهالشي انا سمعته بنفسي من استشاري جراحه عامه وفيج انج تتاكدين

روحي راجعي واسالي وخليج على بيّنه وامشييييييي

 

[روحي تحبكـ]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ايه رواعه هذا اللي خايفه منه انا

الله يستر يارب

 

[86روعـه]

رد: ^^^تجمع مواليييييييد شهر ديسمبر12//2013... إن شااااااءالله^^^

السلام عليكم
شلوونكم شخباركم

missdnty
اااه يالسواد شي خيال المشكله لي صار بالاماكن الحساسه شلون تسوين مغربي فيها لووول
جاري البحث عن خلطه للنفاس الله يعين عاد كلش مايمدي




Baby_Blue

سبا تايم الي بالافنيو عندهم مساج خاص للحوامل تمسج كل جسمج
وراسج ماعدا البطن والظهر من النص وتحطلج كمادات دافيه بين رجولج وتكونين عالجمب

روووووووووووووعه شوي عليه
مدته ساعه وثلث اعتقد وسعره ع ما اتذكر ب24 او 23 او 20 نسيت والله


قررت ما اشتري جهاز الشفط الحين بخليه عقب الولاده ان شالله وهمن الكورسيه
عندي كورسيهات ملوت العروووس قبل بستخدم مشد عادي وبجرب سالفه الكشكول والشماغ

وسلااااامتكم


?

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم



حدي مشتهيه قبووط ولا مرقووق احس الطعم بحلجي ودي ابجي ابييه



شنو المطاعم الي تسويه قلت حق ريلي قالي باجر اوديج بس شوفي اي مطعم يسويه

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

ليف لايف


والله ماادري بس انا وحده من خواتي عيالها راسهم كبير بالوراثه على اهل زوجها وماشاءالله كلهم طبيعي وواحد شفط


شوفي دكتوره ثانيه

 

[Model Look]

رد: ^^••^^تجمع حوامل مواليد شهر **نوووفمبـ11ـر2013** ^^••^^

روحي تفحص تحت وتوسع الرحم

روعه الطريقه سألي عنها انا ماعرف الطريقه بس وايد من اهلنا بالتاسع يحولون طبياتهم مجلس طبي ويعطونهم اجازه لي الولاده

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

قوة بنات اكلمكم وانا لااااايعه جبدي
سادحيني من الجمعه الي فاتت بالصباح
الماي نسبتة صفر
عطوني ابرتين رئه ومليون ابرة بنسلين حق البيبي

وسولي جم سونار الماي معدوم
مو قليل لاااا ماكو ولانتفه

مرة قالولي صومي بنولدج
بعدين لالا نطري يومين
عقب اليومين نطري الاسبوع الياي




لعبو فيني وباعصابي
والكل قال قلة الماي خطر يسبب اعاقه وتشوهات فشلون اذا الماي معدوم


بنات شورو علي شسوي اذا الخاص مومستقبلني


والصباح مبهذليني مومرسيني على بر

شورو علي نصحوني اذا احد يعرف شلون اتعامل مع الصباح
اماعندي خبرة بجر

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

السلام عليكم



شخباااركم






ماشاء الله فيه بنات بلشووا يشربوون شغلاات تسهل


انا للحين لامشيت ولاسويت شي يسهل غير الجماع احيانا


مالي خلق من ارد انام وبس اقوم العصر او المغرب اشتغل للدوام الييين ٨ او ٩


الله يعيني ويعين اللي يداومووون


وصج انا بعد ابي طريقه الغيابات اللي احولها مجلس طبي


لاني خلاص الاسبوع الياي مادري شنو بكون وضعي حييل اتعب صايره








مودل


ماشاء الله عليج قدرتي عالفحص مع التوسعه انا جربتها بولدي لان فيني سكر


وهالمره خايفه من ألمها لان صج يعوور بس تقدرين تحملينه


مادري الموعد اللي طاف ماقابلت دكتورتي موموجوده


والموعد الياي بكون عندها ان شاء الله وبشوف شنو تقوول حييل اقتنع بكلامها


مرتاحه لها من ولادتي الأولئ








روحي تحبك




الله يهوون عليج ويرزقج بالولاده الطبيعيه السهله الميسره


شوفي دام طفتي وايد بالعاشر يعني اسبوعين مو شوي


توكلي ع الله واستخيري وروحي اخذي طلق صناعي وادعي ربج


لان سمعت المشيمه تكلس بوقت معين


فلا تضيعين تعبج صلي وادعي والله يهوون عليج ويقومج بالسلامه انتي والبيبي

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مزاجيه



هههههه ماعليج خشمها يفش ياحلووهم الله لايحرمنا شوفتهم بصحتنا وعافيتنا


كاملين الخلق والخلقه ياارب


خلي موعدج اول اسبوع بالتاسع








توتاا




انا دكتورتي بمركز الحياه الطبي


بس دكتوره سمر اول مره اسمع فيها






باقي البنات عطوونا اخبااركم

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

روعه

اذا عرفتي طريقه الطبيااات علميني


لان خلااص طاقتي عالاخيييرررررر

 

[مزآجيه!]

رد: ^^••^^تجمع حوامل مواليد شهر **نوووفمبـ11ـر2013** ^^••^^

هلا أبكاني

الطبيات چنه تآخذين كتاب من السكرتاريه اعتماد طبيات شغله جذي

والله يعينج ع مغثة العدان :/

وشسمه ان شاءالله براجع اول اسبوع التاسع بس أبي اصيد ماجده

و دكتورة سمر اهي تشتغل مع ماجدة اليتامى

ومو احترقت عيادتهم أخذوا دور عند فوزية القطان

بس خوش مركز مُرتب

 

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

Lifalif دام ولدتي الاول طبيعي ان شاء الله تولدين الثاني بعد طبيعي انا برايي تسمعين كلام دكتوره ثانيه احسن عشان تتطمتين و ما تتحسفين ... دكرتيني بريلي كله يقول راس ولدي اكيد كبير نفسي عبااله وناسه هههه

روعه انا دايما اسوي عند سبا تايم بس من حملت من وصعي ماكنت اقدر اليوم دقيت عالموفنمك البدع بحجز حقي و حق ريلي سالتي حامل باي شهر .. قلتلها اسبوع و ادش الثامن جان تقول ممنوع انسويلج
عندهم مساج بس حق الراس بس هم قالت مايصير ولا نوع حقج دام بالثامن


ميوزك الله يعينج و يسهل عليج انا بعد بجر حاسه فيج قام يلعبون باعصابج بس حاولي ما يتاخرون دام الماي معدوم اكيد مو من صالحها تتاخرون

 

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

بعدين دام مافي ماي شلون يقولون لج نطري اسبوع !!

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك تيشر
مالج الا الدعاء تطلبين استشاري
او تطلبين منهم يولدونج علي مسئوليتج
ولاتفكرين تطلعين لانه محد بيستقبلج بالخاص
حاولي تناقشين الدكاتره وتطولين بالك وتعرفين ليش اهم مسوين جذي ومطولين السالقه

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

وبنات لا تحاتون فرة الراس
باذن الله يفتر وينزل لي تحت
اهم شي من الحين بلشو حركه خفيفه بدون تعب
وسوو القرفصاء والحبي وطولو بالسجود
وربي يرزقنا الولاده الطبيعيه السهله


والي قالت لها الدكتوره راس البيبي كبير
انا اعرف وحده من اهلنا عيالها روسهم وايد كبيره
وولدتهم طبيعي وسبحان الله يوم دشو المدرسه صار راسهم ملائم لجسمهم

 

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

انا مع كيميائيه طلبي دكتور فاهم خل يشرحلج حالتج عشان تتطمنين
بس حاولي ما يتاخرون بولادتج
حبيبتي الله يعطيج القوه و الصبر و يسهل عليج

 

[Lifalif]

رد: ^^^تجمع مواليييييييد شهر ديسمبر12//2013... إن شااااااءالله^^^

ماكو إلا اروح دكتوره ثانيه و أشوف .. ميوزك مالج إلا الدعاء و كثير استغفار و كلميهم يعني لي متى ناطرين ؟؟

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مزاجيه

هههههه ايه عيادتها هذي جديده وحلوه


بولدي كانت القديمه تفشل جنها حراج ومحكر صغيييره


اما هذي حلووه وكبيره وفوزيه لها دور بروحها




بسال بكره السكرتاريه