تجمع مواليد سبتمبر (9) 2013

[الشيخه فطامي]

استوطنت حمدلله عل سلااامتج حبيبتي

شنو يبتي ؟ انتي بجر ولا لا

 

[أشبـاهـ المطـر]

قطعه ليش تنشفينه ؟
يبا حليبج مناعه لج وله وصحه واحنا داخلين على موسم امراض
بنتي البجر كانت ضعيفه مع انه اكبر من عيال عمها ووسووا فيني
كل ماوديها لاحد ضعيفه ضعيفه وكنت اراجع فيها يقولون وزنها طبيعي
واذكر انها نوامه بس تنام وهم كانوا يطمنوني انه طبيعي وبنتي الثانيه اسم
الله عليها خدود ومنتفوخه ولا شربت صناعي كلش لا ورحت اسبوعين سافرت
وخليتها لما كان عمرها 4شهور ورجعت ورضعتني اول اسبوع مع صناعي وثاني اسبوع
طبيعي الحمدالله هذا حق من حقوق الطفل ورزق له من الله يعني والله مافي سبب مقنع للفطام
تحملتوا الم الحمال وولاده والشق والخياط ماتبون تتعبون جم اسبوع

قطعه انتي تعودي على رضاعه وكيفتي نفسج معاها نصيحه لاتفطمينه سافري وارجعي رضعيه
انا كنت اشفط كل يوم بسفر في ايام ينزل نقطتين بس باليوم والحمدالله رجعت ورضعتها

 

[Aloe Vera]

قطعة حلا


وديه ولدج اي طبيب و شوفي شنو راح يقول
انا عيالي ضعاف بس عال٣ شهور ينتفخون و خدود و كله حليب صدري
ماله شغل
المتن اصلاً مو صحة المهم المناعة
امادري شنو منطق اهلج بس كلش ماله اساس علمي!
انا اذكر كنت اسمع تعليقات ان بناتي ضعاف و عطيهم صناعي و مادري شنو شكووو؟؟ الحين الدكاترة قالولي وزن و الطول طبيعي و صحة ممتازة ليش اتفخهم و امتنهم عالفاضي

 

[أشبـاهـ المطـر]

بعدين انتي عبالج نفخه الصناعي عافيه ؟
لا والله مو عافيه يكون معرض لسمنه وامراض الصدر
وللاكزيما وعلى طول منشول مناعته ضعيفه
الي يرضع طبيعي يشبع حاجتين حاجته لطعام وحاجته للامان
والي يرضع صناعي يشبع حاجه وحده حاجته لطعام فقط

 

[Aloe Vera]

استوطنت خافقة


ولدتي آخر شهر ٩ ؟؟

 

[Aloe Vera]

اشباه


تدرين قبل تقربياً ٤٠ سنة صار ترويج كبير حق الحليب الصناعي و اقتنعو الحريم ان حليب الام غير كافي
عشان جذي يمكن ملاحظة في حريم كبار بس مايقتنعون بحليب الام و يشجعون عالصناعي عساس سالفة ان الحليب غير كافي
انا شكثر مرو علي حريم من هالجيل و شكثر سمعت بنات يرضعون طبيعي و امهاتهم مايشجعونهم
بس الحين صار في وعي و تشجيع بالموضوع

 

[قطعة حلا2]

مابي انشفه بس بالسفر بأخذ ويائ شفاطه ؤاشفظ هناك وبشفظ له قبل أسافر

بس يقولون ضعيف المفروض متين وتعرفون أهم يحبون الجاهل متبتب ههههههههههههه

ؤألله أنا مقتنعه برضعه لأن حتى أهل ريلي يقولون ضعيف حرام عطيه صناعي

وان شألله ماينشف صدري

تخيلي الوافيرا صادقه بكلامج أمي ماتقتنع تقولي إنتي ماتاكلين حليبج مو مفيد

قلت ماله دخل بأكلي المهم يطلع حليب خلاص أكيد بيأخذ من جسمي

خصوصا أني مأخذه فيتامينات تعوضني

وبس

مأعجبني السوق كلش الظاهر بفصل لي

 

[أشبـاهـ المطـر]

الحمدالله امي كانت قدوتي وانا بنتها البجر
كنت ماشوف امي تعطي عيالها صناعي
اصلا ماكانت تشفط لهم كانت تروح اتسوق
لنا بعد ماترضع اخوي وتشبعه وتسوي له رضعه تمر
ورضعه ينسون بس والحمدالله تكفيه
بجري كنت اعطيها صناعي امي كانت تعطيها لاني حيل كنت
تعبانه ونزفت لما صدري صار فيه حليب وكنت اشتكي من العوار
كانت امي حبيبتي تخليني ارضع بنتي غصب واهيا ماتقدر تمص حلمتي صغيره
وتغصبها امي فديتها وفعلا كنت ارتاح من الحليب وارتاح ان بنتي شبعت واكتفت

 

[أشبـاهـ المطـر]

طيب الحين الوفيرا بسالج انتي لنا تطلعين من الاربعين ماتستخدمين مانع
انا ودي هالمره ما استخدم بس خايفه احمل الله يستر مالي خلق على المانع
ودي اعيش طبيعيه

 

[noufb]

صح بنات شفايدة المتن بدوون صحه حليب الام يكفي ويشبعهم الله يقدركم ان شاءالله
اشباه خلج عالعزل الطبيعي انا ماشيه عليه والحمدالله مرتاحه ولا مره اكلت حبه
ويقولون فيه لزقه تنحط عالجتف وفيه ابره

 

[عنقودة عنب]

السلام عليكم


الحمدلله سويت عملية مره ثانيه لان كان في صديد متجمع قدام الرحم

حسبي الله علي اللي كان السبب العمليه اللي قبل ماكانوو حاطين لي بربيش بالعمليه وتجمع الصديد والدم قدام رحمي


ولدت بمستشفي الجهرا للي اسئلو وان شاءالله بس اطلع منهم هالمره ما اردلهم كلش


ابي اسئلكم عن النفاس شسوي وخصوصا انه مافي شق وخياط من تحت ومادري اذا توسعت من تحت ولا لا بسبت الفحص



عفيه فيدوني

 

[حوريه ...]

همسات

خرعتيني المانع يسبب سكر

مصيبه شنو الحل ياربي

برجع اسال دكتورتي واشوف شنو تقول







عنقوده
حمدالله ع سلامتج حبيبتي وماتشوفين شر
انتي ولدتي بعمليه يعني المنطقه تحت بالسليم ههههههههه
لاتحاتين حبيبتي انا اجهضت بنتي بالخامس بدون شق وبعد الاربعين لاتوسعت ولاشي وانا غير الولاده الفحص كل شوي الدكتور مدخل ايده
اهتمي باكلج بس واكلي لهومج ودوياتج

 

[حوريه ...]

بنات انا حطوا لي بوقت الولاده

قسطره للبول مرتين

الحين يالله مو قادره اتحكم بالبول ولاقادره اسيطر عليه

اختي تقول من القسطره وتروح بعدين انا اخاف اطلع من الاربعين وماراحت
والله احس لاقمت والا قعدت نزل نقط

مازري شنو الحل

 

[أشبـاهـ المطـر]

توني اشوف رد شيطونه الحمدالله على سلامتج وسلامه اعيالج طالعين من الشر
الله يعينكم على مراجعات الخدج اختي واحد ومشتطه سهالات وربي بيطرح فيهم
البركه التعب بس اول سنه وعقبها سهالات


عنقوده حسبي الله عليهم احد بنسى بربيش العمليه انزين اهوا نسى السسترات
الدكاتره الثانين حسبي الله عليهم يعمرون الدول الثانيه ومستشفياتنا يبيلها نفضه
لاحول ولاقوة الا بالله


نوف شلونج شخبارج جم لج الحين ؟
زوجي مايحب العزل ولزقه حالها الحال الحبوب والابره كذلك
في اللولب بس يقولون عدو المراه ام خالد الهاجري واهيا تعرف
مختصه بسوالف النفاس وتعرف بالخراب

حوريه الحل بتمارين كيجل

 

[.. Ro3a ..]

عنقوده الحمدلله على سلامتج
واي الله يكون بعونج مستشفى الجهرا خلاص حطيت عليها اكس من حملي ببجري لعوزني ويع
...

 

[.. Ro3a ..]

بنات شنو الحل مع ولدي يطول حيل بالرضعه يقعد ثلاث ساعات يشرب ولما اشوف نص رقم اخذ بس
وفوق هذا اذا حطيته يبجي وارد اشيله واعطيه الحليب يطول وينام شنو الحل جنني

 

[قطعة حلا2]

اليوم تول يوم احط تحاميل وببدا فيها لين اخلص يعني على ٥ ولا مو شرط ٥ ايام اذا نظفت اوقفها

خصوصا اذا مانزلت وسخ او ماحسيت بحرقه

فيدوني بليز

/
منو قال اللزقه تضعف بنت اختي تستخدمها ومتنت حيل مادري يمكن جسم عن جسم وبنت اختي ضعيف وانتفخت عاد مستانسه ع المتن

حوريه الكيجل ماله دخل البربيش

 

[قطعة حلا2]

ويه عنقوده ماتشوفين شر قلبي حسبي علي الاهمال والله يكون بعونج ي عمري

اختي عقب ولادتها بالعدان تخيلي مانظفوها عدل

ولمن راحت لمره قالت رحمج ملتوي وفيج دم وايد متجمد والرحم الملتوي يصب على مبايضها سبب لها ضعف

هالحين اختي لها ٧ شهور من ولادتها

تقول مادري ليش ملتوي هل بالعمليه لووه ولا شنو

مسكينه زين لحقت على عمرها كا الحين تتعالج وبعدين بتسوي سونار وعقبها بتشوف اذا الرحم مازال والدم مانزل

لان من ولدت ماجتها الدوره كلش

مجرد قطرات بسيطه وعقبها مانزلت بس مره وحده

 

[حوريه ...]

اشباه وقطعه

انا موقادره اتحكم بالبول

مادري اذا تنفع معه التمارين او لا

ومتا استخدم حبوب المنع اي يوم بالضبط

 

[حوريه ...]

بنات

ادري مو موضوعنا بس حيل نرفزني

عن الخدامات

فتحوا عندنا بالسعوديه تقديم خدم من المغرب

اوك دوله عربيه بس معروفين بالسحر

الله يستر علينا وع اهلنا