شلون نفسيتج ياعروس ^^تعالي فضفضي لنا

[قطعة حلا2]

لولو الدارج الحين زيتي وفيه زيتي درجات الاشقر شحلاته والاغلب لون واحد

،،،

لولو انجليزي لا تفكرين بهالموضوع واتعبين نفسج ع الفاضي
اولاً واخيرن انتي مرته شيلي هالتفاكير السلبيه عشان نفسج مو عشان احد ثاني

 

[الأوركيد~]

لولو انج

مسائج ورد

لا توسوسين

ان شالله محد بحياته

و مثل ما قالوا البنات

اولها و تاليتها انتي حلاله

و تنسينه كل شيء ان شاءالله

:eh_s(17)::eh_s(7):

الله يسخركم لبعض يا رب
و يسخر لنا أزواجنا

 

[lulu_q88]

امييين ياارب

 

[الأوركيد~]

‏لبيك و سعديك ، و الخير كله في يديك ، و الشر ليس إليك ، نحن بك و إليك تباركت ربنا و تعاليت
مبروك عليكم العشر
و الله يعينا و إياكم على ذكره و شكره

:eh_s(17)::eh_s(7):

 

[لوولوو_88]

ماكو الا العافيه سميتي

 

[<miss botamba>]

بنات شنو اخر موضات الصبغ .. ريلي ذبحني يبي ثلجي .. حلو على وايد خصوصا مع المكياج .. بس مو جنا راحت عليه .. وريته صوره قديمه لي انهبل الريال .. كان خصل على لون شعري يني غامج بس الثلجي طاغي مو خصل ضعيفه لا متوسطه ..

ما احب الثلجي

والحين دام بندخل على موسم شتا

بالشتا عموما الوان دافيه

الصيف اكثر يصبغون اشقر وهالسوالف


انا بنطر جذي جم شهر و بصبغ نفسها

 

[<miss botamba>]

سؤال ثاني شالحل مع الجناط ماني عارفه شلون اخزنهم المشكله اغلب جناطي كبار

اذا عندج غرفه فاضيه او بغرفه التبديل حطي لكم كبت

وعمتي مفصله نفس هذول بسوق سلاح في جاهزين بس اهيا مفصله حسب حجم جناطها

 

[<miss botamba>]

بناات


والله لاعت جبدي

اليوم شفت توبكه بالوتسب عن فراق وصورته شعر عن فراق

وبالانستقرام حاط صورت ورابط وكاتب اهداء




شي يقهررررررررررررر

لا تراقبينه

هذا اهوا الحل


من راقب الناس مات هما


انتي قاعد يضيق خلقج واهوا عايش بالعسل


ادعي الله ان يعلق قلبج فيج و خلي ثقتج بالله قويه


ومسحي رقمه حاليا ولا تفتحين اكاونتاته


وبعد الزواج سحبيه لناحيتج


لا تتغلين او تكابرين علشان انتي زعلانه لان انتي بتكونين الخسرانه


خلي الوضع طبيعي وخليه يتعلق فيج

 

[سكرررة]

لولو التجهيز جالسة اراطض وراه وايد متعب
بسألكم بنات شو خصصتوا عطر حق ليلة الدخلة
محتارة فيه حيل

 

[سكرررة]

اراطض = أراكض

 

[سكرررة]

لولو حبيبتي ادعي الله ان يسخره ويهديه لج ويغرس محبتج فقلبه ولا تراقبينه وصدقيني لانج زوجته انتي اللي تحددي اذا بتكوني بالنسبه له كل شي ولا لا بس الحين المراقبه مراح اييب لج غير الغم والهم

 

[قطعة حلا2]

سكره

انا كنت حاطه في بالي جادور ديور الجديد فيه منه حجم واحد بس
وكنت منشنه عليه بس يوم شميت ميكاليف صج حسيته عطر عروس
توكلت على الله وشريته

 

[Jolyan]

lulu_q88
صح على البنات لا تراقبينه أشغلي نفسج بتجهيز و كليه و تفكير الإيجابي ليوم العرس شلون بتطلعين أحلا وحده
عموما الشباب عامتا يحبون الشعر يصيرون شاعرين و يحبون شعر الحزين و غيرها مو لازم يكون حب وحده
و حتى لو حب انتي حلاله و راح يطير عقله لما يشوف هالجمال و يحمد ربه بعد ف خلج متفائله و ادعي بالتوفيق


الله يوفقنا و يسر أمرنا و يبعد عنا شر الحاقدين يا رب


بنات اغتنمو العشر ذي حجه عسا الله يغفر لنا و يسر أمورنا

 

[سكرررة]

مبروك عليكم الأوركيد وعلينا جميعا وهنيئا لمن يغتنم ها الايام بالصوم والصدقة

 

[سكرررة]

ثانكس قطعة حلا بشوفه ان شاءالله

 

[لوولوو_88]

عجيب مسموسه اللون .. مشكوره حبي ..

 

[مـهـــابــــه]

لولو عادي واذا توبيك عن فراق والا حب مو معناته يقصد احد معين و حتئ لو يقصد .. يعني صراحه اللي تدخل حياة رجل كويتي و هي حاطه فبالها انه ماعمره كلم ولا غازل تكون غلطانه جدا جدا كلهم يعرفون الف بنت و لو يبيها يا حياتي ما خلاها و طق بابج .. جذي تفكيرهم بس الحين بيبدا حياة جديدة بيمسح رقمها مو فاضي لها
ترى الرياجيل مو مثلنا عاطفيين الرجل بصري يعني عيونه هي اللي تعشق و تحب .. املي عينه بكشختج و زينج و بس بيتغير ماعليج و ينسى خرابيطه هذي


و مساء الخير <<<< تو النااااااس

 

[lulu_q88]

مششششكورييين بنات




احبببكم والله :***

 

[lulu_q88]

مسسساء الننوور مهااابه

 

[بشوفتك ارتاح]

مساء الورد تحدد عرسي 30/10 اجرت بدله من بدور المانع و صالون مع منار احلي الحمدالله بنات ابي اشتري تاج وينتنصحوني ؟؟