شلون نفسيتج ياعروس ^^تعالي فضفضي لنا

[بنت الكويت90]

هههههههه تدرين تسوي ريجيم من وراه تقول مالي شغل اخرب جسمي عشااااانه مع انها مربربه ماتضعف جسمها جذي بس تخفف اكل تقول مابي اصير حيييل متينه













انا شكلي بمر معرفي وريتاج دام هابين فيه العرايس هلايام

 

[لاتكابر غلطتي]

بالنسبه حق اللي يبي وحده متينه
صح كلامج اعرف وحده
تقول زوجي يموووووووت عالطبقات اللي ورا بظهري
واهي بتموت وتسوي رجيم واهوه مو راضي
تخيلوا .. يمسك طبقاتها يقووول هذيلااا يحطموني !!
انا انصدمت !!!!!!!!!
بس فعلا الناس اذووواااق

 

[<miss botamba>]

بنااات
صج صج نعمة الصالونات الي يجون البيت !!
احسن من التنقع بالصالون و الحوسة

انا بالعادة اروح الصالون بس هالمرة الاهل جايبين .. قلت يلا مرة وحدة
اكشخ حق الدوامات

انا ما احب اروح الصالون وانطر نادر ما اسويها وما اسويها الا اذا متوهقه

كله اييب ملوت الميك اب والشعر البيت

اريح وابدل على راحتى واروح العرس على راحتي بدال الركضه

احلى شي لما يكون الشكل كلاسيكي عشان باجر لما اوري عيالي ما يكون شكلي هيلقي بالسبة لهم ههههههههههههههههههههههههههه
قاعدة اقول لامي بشتري نفنوف عجيب واهم شي ناعم عشان اخلي بنتي تلبسه بعرسها .. الله وناسة
ماتت علي من الضحك :$

نفس التفكير

الصور اهيا الي راح تبقى كذكرى وحلاتها تكون ذكره حلوه مو ذكرى أليمه !!

وانا ودي البس نفنوف امي بس للاسف اول شي مايدخل فيني كانت عصله حيل وثاني شي اهيا نفنوف ملجه مو مال عرس

 

[<miss botamba>]

مسس
ومن جاب طاري الزوج اصلا؟؟؟
انا اتكلم عن الحمل مع السمنه !
ولاتقولين عادي لان صحيا ومنطقيا السمنة مع الحمل شبه انتحار
اقري كلامي كله حبيبتي
وهذا اللي يحب كرشة مرته
نادر الوجود وماظن في منه وايد
لان اول مرة اسمع برجال يقول لمرته احب كرشتج

وبعيدا عن هالنظريات تضعف عشان خاطر االزوج والخ
الرشاقه صحة
وعافيه
ولياقة
وجمال للمراه نفسها
لازم تحقق هالانجاز لنفسها قبل ماتفكر براي زوج اوغيره
ومستحيل اصدق ان في وحده سمينة وتقول جسمي عاجبني واحس اني قمة الانوثه وانا فيه !

لا له علاقه بدايه الزواج .. الزواج مايتم الا بقبول الطرفين


ويكون قبول من جميع النواحي مو بس الجسديه


جسديه - ماديه - اجتماعيه - دينيه - ثقافيه .... الخ


الحمل مع السمنه يكون انتحار على قولتج او خطر اذا كان كتله الجسم فوق ال 45

الوزن مجرد رقم مثل العمر مايهم زيادته او نقصانه


اذا بتكلمين كسبب صحي شوفي الكتله



وانا اقولج وهم مو ضروري تصدقين على قولتج انا متينه وانوثتي تغرقني كافي انا واثقه من نفسي واذا افكر اضعف اضعف عشان صحتي


مو عشان شكلي ولا عشان الناس


الحمد الله الناس تمووووت علي وانا متينه وهم الحمدالله متينه والبس احلى من الرشيقااات :eh_s(15):


والحمدالله مليون مره هالنوع من الرجال مووو موجود بمجتمعي واحمد ربي ان مجتمي المحيط فيني تفكيره مو سطحي وما يفكر بالمرأه كشكل وللفراش


لا لكن احنا عندنا الرجل يهمه مخ المرا و ثقافتها واخلاقها قبل شكلها

 

[<miss botamba>]

بنااات حيرتوني معااكم يعني معرفي موحلوو


ابي مصوووره حلوة وسعرها فيها الراعي حلو ولالا؟

شوفي انا بنت عمتي يابته واهما نوعهم يهتمون بالجوده وان يكون السعر مو اوفر .. فاتوقع ان اهوا زين


اذا عندج ميزانيه قويه او عادي عندج تقطين اي مبلغ شوفي ندى احنا عندنا بالعايله هابين فيها واهيا حاليا التوب بالكويت


Nada Whitehead Photography

هذا اكاونتها بالانستغرام

studiowhitehead

 

[<miss botamba>]

مشكووورة مسس يبيلي اروح بوتس واحذ الشاامبو



تريمسي مايسوي شي ولافادني حاليا استخدم دووف احسه خفييف على شعري وينظف بس شعري يرجع يدهن بس موحييل

عيل اذا شعرج دهني لا تحطين زيوت

غذي شعرج من داخل بالاكل وافيد شي لشعر البروتين و الاوميقا 3

اكلي بيض هم البيض واايد يفيد الشعر


وعلاجات الشعر السطحيه خليها بدون شي دهني

خليها شغلات خفيفه مثل الصبار - امبولات - تونيك جذي

وهم لازم من بين فتره وفتره تغيرين الشامبو

اذا تميتي على نوع معين الشعر بعد فتره يتعود عليه وبس يصير ماينظف عدل


وكل خبراء الشعر ينصحون بالشي هذا


الشامبو الجاف هم ممكن يفيدج وقبل فتره قلت لكم عنه تحصلينه في بوتس

يفيدج بالازمات واايد


وعندج بعد شامبو فيتشي من الصيدليه واايد حلو

 

[<miss botamba>]

Sunkissed Natural Glowing Everyday Makeup Tutorial feat. Made In Chelsea's Millie Mackintosh - YouTube

 

[<miss botamba>]

بنات الي الفنطاس قريبه منهم


في صالون اسمه كاندي نيلز

عنوانهم: الفنطاس مقابل شاطئ العقيله لولوه سنتر الدور الاول

رقمهم: 97773630


تو قبل شوي حاطين في اكاونتهم بالانستغرام candynails ان عندهم مساج بالشمع

تذوب شمعه وتسويلج مساج بالشمع مالها

حسيته عجيب

 

[<miss botamba>]

هم عرض ثاني


صالون نيل رووم

بالسالميه شارع بغداد بجانب بوشهري كلينك عماره oval tower الدور الثاني شقه 4

اذا ماتعرفون شارع بغداد اهوا الشارع الموازي لدائري الرابع خلف بوحمره وسطره العيادات الي عالشارع جبال المطافي



المهم


عندهم خلطه بالافوكادو والجرجير تكثف وتلمع

مو حاطين السعر بس كاتبين ان عندهم اشتراكات


وهم عندهم ماسكات للوي

تليفون : 25648721

الانستغرام: nailroom

 

[<miss botamba>]

شوفوا هالاكاونت عنده شغلات حلوه

junebreeze_

الاندرسكور (الشرطه) عقب ال e

 

[<miss botamba>]

مكياجي مسوي خصم يصل الى 75%

 

[لوولوو_88]

سلام :$

 

[وَدَقْ]

مس شيء جميل الثقه بالنفس اهنيج عليها

والسمنة ماتصير الا اذا صار في خلل بالكتلة !
نسبة وتناسب وعملية رياضية شلون قدرتي تفصلينهم عن بعض مع ان بينهم علاقه طردية

ع العموم اللي تبي صحتها تبحث عن الرشاقة
سمنة وصحة ما اظن يجتمعون ..
وانا خريجة صيدلة واعرف شنو اقول
مو بموضع مكابر او عناد منو الصح والغلط
الموضوع محتاج عقلانيه وتفكير منطقي اكثر

 

[<miss botamba>]

سلام :$

هلاا بالزين ;****


هااا بشري حامل :krkrkr:

 

[لوولوو_88]

ودق ريلي يقولي احب كرشتج و يبيني متبتبه معني ضعيفه

مس ردودج اتينن و منطقيه و احبها يسلم لي هالمخ

 

[وَدَقْ]

سلام :$

وعليكم السلام ورحمه الله وبركاته

ماشاء الله شفت طرف الصورة اللي منزلتها زهراء لج

باين الثووب قمة بالرقي الله يهنيج

ذوق تبارك الرحمن باين خامة راقية

 

[وَدَقْ]

ودق ريلي يقولي احب كرشتج و يبيني متبتبه معني ضعيفه

مس ردودج اتينن و منطقيه و احبها يسلم لي هالمخ

مليانه غير عن سمينة

وعسى ربي يخليه لج ولايحرمكم من بعض
نادر اللي يفكر بهالعقليه

 

[لوولوو_88]

هههه مسموستي حرام عليج توني عروس

 

[لوولوو_88]

امين حياتي ودق

تسلمين من ذوقج حياتي ♥

 

[<miss botamba>]

هههه مسموستي حرام عليج توني عروس

الي بتظل عروس تظل عروس لو هي ام 60 سنه


لا سالفه الحمل اضحك معاج عالاقل بعد 6 شهور

لازم تسوين اول شي دراسه حق الحياه اليديده وعلى قولتهم تحطين

plan A

و

plan B

ودراسه جدول هههههه


وبعدها ايون العيال


والرسول عليه الصلاه والسلام يقول: تكاثروا فإني مباه بكم الأمم يوم القيامة



انا عن نفسي بييب 10