تجمع مسافرات امريكا (2013) بأذن الله

[أم نـور]

صباح الخيررر
ام نور الله يعينج و فعلا ترتيب سفرة طويلة دوخه و لوية ..

انا قبل امس قدرت اخذ موعد كانوا فاتحين جم يوم و سويت ابليكيشن يديد و حجزت يوم 5 اغسطس و الله يسهل هالمره

ام نيرمانا .. موفقة

الله ييسرها لكم ووو ان شاء الله

هالمرة تصيب


تاريخ 5 يعني قبل سفرتنا بيووم





احنا ان شاء الله تاريخ 6 بس بليل آخر رحله

وسكتي عن اللويه

تخيلي من الساعه 7 المغرب

لحد اللحين توني مخلصه
ون واي

بس

:eh_s(16):


ذقت الووويل

مرة يقطع النت

وأول مرة حجزت التاريخ غلط وما حطيت بالي الا بعد ما قطعت التذاكر

وززين وقت اللي أطبع التذاكر حطيت باالي

وعلى طوول دخلت وكنسلتهم
ولأن الحجز أقل من 24 ساعه

الحمد الله يصير اكنسلهم

:eh_s(4):



واللحين قاعده أحاول اقطع تذاكر اللي من بافالو لأورلاندو


وهذااني بحووسه

ومصدعه

والله شوي وببجي

:eh_s(2):

:eh_s(16)::eh_s(16)::eh_s(16):

على الحظ اليوم الأنترنت بعد مادري شفيه يقطع

ولا 7 مرات أكتب المعلومات كلها
ولما أوصل لخانه الدفع يقطع

:eh_s(2):

والله لو مب خايفه ترتفع قيمه التذاكر لباجر كان خليتهم لباجر

بس التذاكر اللي جفتهم البارحه سعرهم اليوم أرتفع
100 دولار لكل تذكرة

وما فيني شده بعد أتأخر زيادة

:eh_s(11):​

 

[أم نـور]

اللحين أحاول أحجز من موقع اكسبيديا

وكل يعلللق

مللني مع ان النت شغال

بس مادري شفيه الموقع بعد يبي يزيد الطين بله

لا حولا ولا قوة الا بالله
​

 

[وجداني]

السلام عليكم..حبيباتي ولد أخوي يدرس في فرجينيا في رتشموند .. وحابين نودي له اكل لرمضان وتمر وسمعنا ان الأكل صعب نوديه لان المطار يشددون على شركات التوصيل بخصوص الأكل وفي شركات عطتنا سعر مبالغ .. اللي تعرف شركات رخيصه أو تقدر توصل يالين تدز لي رسائله على هذا الرقم ٩٩١٧٥٠٠٦ ..وجزرها الله خير

 

[الشامريه]

الطيران الداخلي كل ماله ويزيد السعر

 

[أم نـور]

اي والله كل يوم يرتفع بمعدل 50 دولار ​

ليتني قطعت التذاكر من زمان ​

كان اللحين قيمه التذاكر الداخليه اقل 150 دينار ​

الحين قطعناهم ب 220 ​

وجداني ​

معروووف الأكل ما يدخلونه بأمريكا وايد يشددون ​

طيب ما في سوبرماركت للشغلات العربيه يمهم
بمنطقتهم ؟؟​

لأن اشوف بالتقارير ان كل شي موجود عندهم حتى التمر وانواع بعد
ما شاء الله ​

 

[أم نـور]

اللحين حمد الله خلصت من سالفه التذاكر الداخليه
:eh_s(9):
وان شاء الله تطلع فيزا ابوي

واقص له تذاكر معانا

عاد ان شاء الله نحصل له حجز على نفس رحلتنا

اذا ما حصلنا بس لاحول ولا قوة الا بالله

بنقص له على رحلات ثانيه ان شاء الله


يا رب تطلع فيزته

:yaaaaaarb:





طيب اللحين بسألكم سؤال

بالنسبه للصلاة

بالأماكن العامه يعني احنا ان شاء الله بيصادف ايام بنطلع من الصبح وما بنرجع الا

بالليل

لازم بيصير وقت الصلاة واحنا بره
:s141:
بأوروبا كنا ندش محلات تبديل الملابس بمحلات الهدوم

ونصلي داخل هذا اذا احنا بالسوق


بس لو كنا بملاهي مثلا !!

شنسوي


اللحين فكرنا ان ناخذ لنا قطعه قطن خفيييفه وتتصفط بسرعه تصير صغيرة

بنسويها تنورة للصلاة
لأن احس مب حلوة نصلي وعلينا بنطلونات

وقت السجود والركوع يصير المنظر غلط

:tongue22:


وفكرنا بناخذ معانا سجاده الجيب بعد

:eh_s(15):​

 

[chanela]

السلام عليكم
احنا يمكن نسافر ع شهر 12 امريكا
بنقعد 3 اسابيع
4 ايام او 5 في نيويورك والباقي في اورلاندو
بس اللي متخوفه منه البرد في نيويورك وخاصه معانا يهال
منو سافر ف شهر 12 امريكا وكيف كانت الاجواء
ويقولون الاسعار تصير دبل في الكرسمس صدق هالشي ولا لا

 

[أم نـور]

معرووف ان نيويورك ب12 برررد وكل ثلج
انا عن نفسي ما احب البرد الزايد عن الحد ​

:eh_s(1):​

الله يعينكم والله ​

اللي سمعته ان لأن موسم الكريسمس تصير عندهم تنزيلات خطيرررة ​

بس طبعا الفنادق اكيد أغلى ​

اذا تقدرون حددوا الفنادق هالأيام وحجزوهم
حجز مع امكانيه الألغاء
يعني اللي ايونج الغاء مجاني ​

لأن اللحين أكيد ارخص من بعدين ​

عندج موقع بوكنغ
سريع وعجيب ​

بدون رسوم بعد :eh_s(15):​

اي فندق يعجبج وتحسينه زين بس حجزيه ​

لأن بعدين أكيد السعر بيتدبل
أو ان الفنادق الزينه ما راح تحصلين فيها غرف كلش
:s141:​

 

[مشتطـه]

ام نور
لما رحت اورلاندو كنت اهم شيء اغطي اقدامي
واصلي ومحد يهمني

ادور مكان صاد شوي واصلي بالهواءالطلق

كيفكم اهم يتباوسون جدامنا وما يهتمون
احنا نصلي ومانهتم

اخذي سجادة ودلاغ للقدم عشان الصلاة

وانا اصلي ب ببنطرون

 

[أم نـور]

ام نور
لما رحت اورلاندو كنت اهم شيء اغطي اقدامي
واصلي ومحد يهمني

ادور مكان صاد شوي واصلي بالهواءالطلق

كيفكم اهم يتباوسون جدامنا وما يهتمون
احنا نصلي ومانهتم

اخذي سجادة ودلاغ للقدم عشان الصلاة

وانا اصلي ب ببنطرون

تصدقين فكرت مثلج أول شي بدلاق


بس قالت لي اختي لا التنورة استر وهي الا خفيفه

بس قلت حتى لو بحط عندي على طول دلاغ مخصوص للصلاة

ضحكتيني صراحه

انا جذي جذاك طبعا ما بفتكر فيهم وعلى قولتج
مثل ما هم يتباوسون قدامنا عادي و ما يفتكرون
احنا بعد ما بنفتكر
هههههههههههههههههههههه



طيب بسألج سؤال كل اقول بسألج وانسى

اللحين اذا رحنا مثلا ماجيك كينغدوم

في وسيله نقل توصلنا لحد داون تاون ديزني ؟؟

شلون أقدر اوصل من الداون تاون لحد الماجيك كينقدوم
أو العكس

او اي حديقه 2 من حدايق ديزني

مرة شفت بتقرير ان في عبارات بالداون تاوون

هل هالعبارات اقدر استخدمها للتنقل من داون تاون الى باقي حدايق ديزني

لأن فندقنا قريب من الداون تاون وقاعده افكر في خيارات المواصلات هناك



ادري سوالي ملخبط شوي واحس اني يننتج معاي بالأسئله



:eh_s(22):

:eh_s(17):​

 

[الشامريه]

شنو فيه محلات فساتين سهرة؟ ؟؟

 

[Pink_Roses]

ام نور الله يعينج ويسهل عليج وانشاءالله تخلصين الحجوزات

انتي نفس حظي قبل لا اتزوج انا كنت اضبط كل شي حق اهلي وهم يوم تزوجت نفس الشي انا اللي اخطط واحجز وزوجي بس عليه يشيشل جنطتة يوم السفرة

بس اللي يبط الجبد ان يطلعلج احد يتحلطم على الفندق والا المكان عاد اهني ودي ارتكب جريمة وينكم يوم بالكويت ها وين تبون تروحون و اشرايكم بهالفندق ردهم كلمة وحده كيفج

 

[جواهر روعة]

ام نور ..

الله يعطيج العافية و يعينج و الله يفتحها عليكم و يعطون الوالد الفيزا ,,, عاد ان شاءالله هالمرة تضبط ويانا و نقدر ناخذ الفيزة

 

[أم نـور]

ام نور الله يعينج ويسهل عليج وانشاءالله تخلصين الحجوزات

انتي نفس حظي قبل لا اتزوج انا كنت اضبط كل شي حق اهلي وهم يوم تزوجت نفس الشي انا اللي اخطط واحجز وزوجي بس عليه يشيشل جنطتة يوم السفرة

بس اللي يبط الجبد ان يطلعلج احد يتحلطم على الفندق والا المكان عاد اهني ودي ارتكب جريمة وينكم يوم بالكويت ها وين تبون تروحون و اشرايكم بهالفندق ردهم كلمة وحده كيفج

:eh_s(1)::eh_s(1)::eh_s(1):​

لالالالالا ما اصدق بالضبط نفسي بالحررررف نفس السيناريو يصير لي بكل سفرة ​

تخيلي أكل بقلبي واخطط وادور ​

ولما بس أسالهم وين تبون نروح مادري كيفج انتي اللي تعرفين ​

بس اختاري وخلاص !!!​

ولما فكرنا نحجز الفنادق تعبت ودااار راسي وخبرج فنادق أورلاندو
يدورون الراااس ​

تخيلي لما اشوفهم بالبيت اقولهم شوفوا هذا صور الفندق اللي فكرت فيه شرايكم
يشوفوني هالشكل كأن مب عاجبهم ولا دايرين لي باااال أبد ​

:ch12:
يردون علي ووي مب فاضيين اللحين بس كيفج كيفج ​

آخر شي صرت اصور اسوي كبجر على الصور للفندق للغرف وكل شي وأدزهم بالواتس اب ​

تخيلي ادز الصور الصبح ​

عاادي بس وحده من خواتي ترد علي وتقولي كيفج انتي شرايج !!!
بس
شكله زين​

والباقي كلهم يدشون القروب يسولفون بس ما يعلقووون
الا بكيفج ويكملون سوالفهم
:rgewrg:​

والله تجيني حالات اقول بس مب حاجزة وخلهم ​

بس ادري ان سويتها عادي ماكو سفر وبنقعد بالبيت محد راح يتحرك ​

:cxxxp:​

واشوة ما قط همه انتقدوا فندق اخترته لأن يعرفوون انهم كل ما سألتهم ما يجاوبون ​

وو​

معليه يختج بستحمل والله كريم وتره ​

ياوخيتي ​

صدقيني احنا نحصل أجر فيهم على هالسالفه ​

:dddds:​

 

[أم نـور]

جواهر حبيبتي الله يعافيج وربي ييسر أمووركم انتي بعد
بعد قلبي

ما تقصرين

:eh_s(22):​

 

[أم نـور]

شنو فيه محلات فساتين سهرة؟ ؟؟

:eh_s(10): صج في محلات لفساتين السهره

تهقين يعني عزززز الله فلسنا :ggdw:


مادري جم اخلي ميزانيه للسوق
صج لازم الوحده اللي بتدش اوت لت لازم بيدها مب اقل من 1000 دولار ؟

وبجم جناط مايكل كورس هناك
مع كوتش ؟!

صج رخااص ارخص من هني ؟

يعني اذا ارخص بحدود جم تقريبا بالدولار اسعارهم ؟




​

 

[الشامريه]

انا اوت لت لندن اخم منه كل شي
شلون امريكا واهو ارخص

 

[Pink_Roses]

اي لندن اي بطيخ امريكا حق التشري انا اروح بجنطة واترس جنطتين زيادة كل شي رخيص

مايكل كورس نصيحة لا تاخذين من الاوت لت اخذي من المحل نفسه هم ارخص من الكويت بوايد عشان تاخذين موديلات يديدة مو موجودة بالكويت

بس الماركات نفس سعر الكويت فما يسوى

 

[nas nas]

يااااحليلكم انا بنيورك الحين وظهر طيارتنا داخلي والله خليت الرجل ينطر فيزته رحت انا ولدي الله يسهل علينا الجو رطب والاوضاع هاديه اول مره اشوف السمر صايرين هادين وكشخه تغيرت علي امريكا صارت هاديه ماتخوف نفس قبل

 

[جواهر روعة]

nas nsa
عليج بالعافية و الحمدلله على السلامة ... ان شاءالله انتم السابقون و نحن اللاحقون