الكلية الاسترالية ولا Gust ولا الجامعه الامريكية؟ من فيهم الاحسن؟ ضروري جاوبوني

[^^ROSE^^]

العفو حبيبتي
ونصيحتي لج سوي مثلي افتري على كل الجامعات وسألي بنفسج احسن
ترى غير لما تشوفين المكان بعينج وهم تقدرين تسألين الطلبة اللي هناك وتشوفين منو اللي يقنعج اكثر

 

[^^ROSE^^]

توني دقيت عالجامعة الامريكية
قالتلي التسجيل للكورس الياي لي شهر 8 بس اذا تبين تضمنين مكان تعالي قبل عشان تحصلين مكان
تقول تدفعين 35 دينار رسوم التقديم ومن ضمنها الاختبارات
في انجليزي وعربي ورياضيات
وقالتلي ماعندهم نماذج اختبارات للرياضيات عشان ادرسها بس تقول انا اعلمج شنو تدرسين بالضبط سهل يعني مو شي صعب
واللي بالعلمي عندهم اسهل لانه بيسيك الجيبرا

بس انا يبيلي دراسة ومراجعه لاني ادبي مو علمي وخبري بالرياضيات من ثانية ثنوي قبل عشرين الف سنه خخخخخخخخخ

 

[NENO]

اختي تخصصها تربيه وتقووول انها حلوه وانهااا اسهل الجامعاااااااااااات

ونصيحتي لج دشيهاااا
واضمن تقدرين ادشينها بأقساااااااااااط اتووقع بس مادري وانتي اذا رحتيلهم رااح يقوولووولج شلوون تدفعيييييين بالكوووورس

واذا رسبتي ابماااده تعيدينهااا وتدفعيييينلهاااا اختي رسبت بالانجليزي وادفعت تقريبا 900 ديناااااااااااااااااااااااااار عشاان جذي يبيلهااا امجاااااااااابل عرفتي

 

[^^ROSE^^]

مشكورة حبيبتي عالاضافة
انتي اختج ب gust عدل؟

 

[موت الحمر]

حبيبتي انا ادرس بالسترالية و هذا كورس تخرج قسما بالله اتمنى اطلع اليوم قبل باجر من عندهم

من كثر ما نشوف من ذل و اهانة بالتعامل


و طبعا انتي عارفة ان الدراسة 4 كورسات

لو انتي مثلا خلصتي الكورس الاول من ادارة الاعمال و و صقطتي بمادة لا سمح الله من 3 وحدات ما تشيلينها معاج تعيدين كورس كامل على هالمادة بس و اذا نجحتي تروحين الكورس الثاني و تكملين لما توصلين الرابع و كل ما صقطتي تعيدين نفس المأساة

 

[موت الحمر]

ليش ما تشوفين الجامعة الخليجية تهبل انا سجلت فيها و تاريخ 14\6 راح ابلش معاهم دراسة

 

[нάγoηά cнεмίsтяγ]

العفو حبيبتي
ونصيحتي لج سوي مثلي افتري على كل الجامعات وسألي بنفسج احسن
ترى غير لما تشوفين المكان بعينج وهم تقدرين تسألين الطلبة اللي هناك وتشوفين منو اللي يقنعج اكثر

عـدل كلامج حبيبتي..
بس الوضع وايد يحيّر
إذا انتي ما تبين الشرق الأوسط ليش انها يديده
آنصحج بـ GUST اهيـا أحسن شي
بس ماعتقد انهـا أحسن من الشـرق الأوسط
احساسي يقول جذي لووووول
الله عالإحسـاس..:ggdw:​

 

[^^ROSE^^]

هلا حبيبتي موت الحمر
انا خلاص ماراح ادش الاسترالية لاني احتمال ادش الامريكية عشان الدبل ميجور دام دارسة دارسة خل اخذ شهادتين احسن دام اني فاضيه

سمره حبيبتي انا ودي بجامعة الشرق الاوسط بس قلتلج فوق انها يديدة مبناهم بعيد
هم بيتمون سنه ولا سنتين بشرق تالي بيخلص مبناهم بالعقيله انا شيوديني هناك درب جني رايحة الشاليه هههههه
خليني على السالمية ابرك

 

[زيـنـه]

قست .. اقوى من الجامعه الامريكيه كشهادة بكالريوس(جامعي).. و مبناهم اليديد في غرب مشرف عجيب
و الكلية الاستراليه قويه بس شهادتها دبلوم

 

[^^ROSE^^]

من اي ناحية اقوى؟ يعني شنو اللي يحدد انها قوية ولا لأ؟

والاسترالية الحين صار عندهم بكالريوس

 

[شيخه***البنات]

والله ماعندي خبره بس حبيت استفيد منكم عشان ادخل احسن جامعه ..

بالتوفيق لكم كلكم ..

 

[^^ROSE^^]

حياج الله حبيبتي وان شاء الله تدشين احسن جامعه

 

[^^ROSE^^]

بنات قبل شوي قعدت اتصفح موقع الجامعه الامريكية ولا اقرى ان اختبار التوفل اللي يبونه لازم يكون انترناشيونال ومن اميديست بس ماياخذون من مكان ثاني!
عيل الموظفة اللي كلمتني امس ماتدري وين الله قاطها!
شكلي اخر شي بمتحن القدرات مال الكلية شالله حادني اقط فلوس مرة ثانية على توفل كيفهم خل يمتحنوني هم وافتك

 

[нάγoηά cнεмίsтяγ]

دقي تأكدي من الموظفـة مرة ثانيـه لأنّ ما تدرين يمكن مغيرين قـرار أو شي .. :\

 

[нάγoηά cнεмίsтяγ]

قست .. اقوى من الجامعه الامريكيه كشهادة بكالريوس(جامعي).. و مبناهم اليديد في غرب مشرف عجيب

أأيد كلامهـا مع إني أفضـل المدرسين الأجانب أكثر من العرب
بس ما ارتحت حق الأمريكيـة .. و GUST محد ذم لي اياهـا
بس الأمريكيـة محد نصحني فيهـا وبنت عمتي تقـول gust أحسن

 

[^^ROSE^^]

والله مادري عنهم بس كاتبين بالموقع ان يقبلون التوفل انترناشيونال اذا من امديست بسسس
بعد هذي غير شغله!
عموما انا خلاص بمتحن امتحان الجامعه اللي بدشها لاتوفل ولا بطيخ واساسا امتحانات القدرات تكون اسهل من التوفل احسن لي اييب درجة اعلى

وانا للحين مارسيت على كلية بين gust والامريكية

 

[нάγoηά cнεмίsтяγ]

الله يعينج عارفه هالشعور صج حيـره .. استخيـري وانشاءالله الله يكتب لج اللي فيه الخير ..

 

[stokes]

بصراحة و بكل امانة انا سجلت بالمنتدى علشان ارد على استفسارج - و على رايهم يايه ادلي بدلوي
انا يوخيتج موظفة و ادرس بالجامعة الامريكية دفعة 2006 , طالبة محولة /او transfer studentحاصلة على دبلوم من المعهد التجاري و تخصصي ادارة( و طبعا لازم تكملين بالتخصص اللي كنت فية اذا انتي طالبه محولة , الشغلة الحلوه اللي اعجبتني في AUK اهي مسألة معادلة المواد, طبعا راح يعادلون كل مواد التخصص اللي حصلتي فيهم على C فما فوق, و لله الحمد عادلولي 10 مواد (يعني 30 وحدة من 120 وحدة الي اهي شرط تخلصينها علشان تتخرجين (انا جربت و رحت GUST بس للاسف عادلولي 5 مواد بس و هذا العيب الوحيد اللي ماخلاني اروح هناك و لا الصراحة ما عليهم اي قصور) , الحين عندي تخصص ثاني و هو هو international studies و هو حلمي.
بصراحة و ما اخش عليك مدرسين AUK ينحطون على الراس, بس اللي يبونه اهو الحضور و يموتون بشي اسمه مشاركة .صراحة ينيهم اسمه غياب لاتحاولين معاهم اذا غبتي اكثر من 3 مرات انسي يعطونج ويه (هذي عن سابق تجربة مريرة)
بس بيني و بينك و بين الحضور الكريم اللي قاعد يقرا بروح اطقس و اسال عن جامعة الشرق الاوسط AUM و اذا عندهم double major او لأ. طلع عندهم دبل ميجور و يعادلون مثل ما auk تعادل و ارخص(و اشدد على كلمة ارخص) حولت عندهم ما هذا قعدت بمكاني, و بصراحة عيبها اوهو المبنى المجكنم اللي احنا فيه و زحمة مصافط السيارات.
وشكرا
and good luck

 

[нάγoηά cнεмίsтяγ]

أول شي حياج الله بالمنتـدى و مشكورة ويزاج الله ألف خيـر يـا Stokes عالمعلومـات الحلـوة اللي كتبتيهـا وعسى الله يوفقج انشـاءالله .. آنـا اعتقد ان الـAum نفس الـAuk من نـاحية الحضور والغيـاب عدل؟ لأن عمومـاً الأجانب عامةً ما يحبون شي اسمه غيـــاب ومشدديـن عليـه وايد وايد حتى بكليـة البنـات اللي بجامعة الكويت " بعض المدرسيـن الأجانب"الأمريكيين تحديداً " اللي اهناك " ما يراعـون لمه تغيبين إلا إذا كان عذر جايد جايد يعني على قولة وحدة صديقتي بالمنتدى تقـول حتى الولادة ما تقبّل العذر .. فهـذا الشي اللي لازم نحطـه فبـالنا إذا بندخل الجامعـات الخاصه الأمريكيـة..

 

[stokes]

الف شكر لج يا Samarah_86 على ترحيبج (و الله و نستيني اول وحده ترحب فيني و بهل السرعة, و ناسة و اشكر ذوقج و سنعج و اسأل الله يوفقج و يوفق الجميع انشاء الله.
و للامانة بخصوص قبول اعذار الغياب, جامعتنا قولي حوالي 68% دكاترتها اجانب (و الاغلب من هال70 امريكيين و الباجي بريطانيين جنوب افريقي حوالي 4-5 هنود و اوربا و كندي) ال32% الباقية حق بوعرب(الاغلب لبنانين وشوية مصريين و 3-5 كويتيين و انشاء الله يزيدون على الكورسات الياية ليش انه ينقدر عليهم شوي مو وايد)و على رايج الامريكيين اكثرهم تشدد بهلسالفة و خاصة اذا كان غياب من غير عذر ما يعطون ويه لو شنو. بس اذا كان لج عذر و عندج طبية او تاركة خبر عند ادارة ال students affairs or/ the students success center واحدة من هل ادارتين تترك خبر للمدرس ان تلميذتك عندها كذا و يكون علية ان يعيد الشرح لك داخل الفصل او عنده في المكتب , واذا فاتج qiz او midterm مجبور يعيده لك و رايتج بيضة
و بالنسبة حق aum والله ودي اعرف عنها اي شي, ليش انه ما عندي عنها اي فكرة, فقلت اني راح اروح على الاسبوع الياي انشاء الله و اسأل بنفسي عنهم, و انشاء الله متى ما حصلت الاجابة راح اقولكم اول باول
و دمتم سالمين