دوانيه شلة منتظرات نتيجه عملية اطفال الانابيب والحقن المجهري

[عسل حدي]

الله يعوضكم يارب

 

[شمخانيه]

اللهم هب لي من لدنك ذرية طيبة

 

[شيخه_البيض]

مرحبا

شخباركم بنات

انا ولدت بالخامس والبيبيات توفوا

واذا ماصار حمل خلال ال٣ شهور راح انضم لكم مره ثانيه


الله يرزقني يارب ويرزق كل محرومه ياارب

 

[عسل حدي]

ربي يآجرج في مصيب ويخلف عليج
قدر الله ماشاء فعل

 

[قوس قزح]

يارب ياكريم ارزقني وارزق بنات المسلمين?

 

[عسل حدي]

رب لا تذرني فردا وانت خير الوارثين

 

[سحر22]

رنوده التحاميل اكيد

 

[ayisha]

صباح الخير كويتيات
الحمدالله سويت عمليه السحب اليوم وسحبو مني 23 بويضه والحمدالله صحيت من البنج ماحسيت بالم قوي مثل العمليه
الاولئ سحبو 9 بس تعبت والحين يقولون لي مافي طلعه بتنومين يوم كامل وحطولي مضاد وعندي 10 بالليل مضاد وبكرا تحليل الدكتوره تقول لزوجي
ان الهرمون عالي وماني فاهمه شالسالفه واذا عالي ليش ماطلع وشنو الاعراض والدكتوره للحين ماشفتها بنات طمنوني من صارلها جذي
سحبو منها والهرمون عالي انا اخاف تضخم او ماي وسوائل محتبسه بس ماحس بشي كلش بليز بنات ردوا علي طمنوني من صار لها جذي

 

[rachaaa]

شيخة البيض شلون يعني ؟؟
ولدتي ولاده مبكر ليش شنو الاسباب الله يخليج جاوبيني ؟؟

 

[qoot]

^^

والله ماادري ان شاءلله البنات يفيدونج بس ليش نوموج بالمستشفى وعند منو سويتيها

 

[ayisha]

نوموني لان الهرمون عندي عالي قالت بنحطج تحت الملاحظه
وعطوني ابره بالوريد مضاد ساعه ١٠ وبالليل في مضاد ثاني الساعه ١٠
بس الحين حايشني الم موطبيعي جهه المبيض الايمن والجنب الايمن من فوق وصوب المعده
لاقمت الحمام يالله امشي ماتحمل اكون منحنيه والدكتوره كلش مامرتني انا مسويتها بالصباح
قلت للسستر تعطيني بندول كليته بس للحين احس بالم خفيف وغازات حتا ماقدر اتنفس عدل جنبي يعورني

 

[mona777]

شيخه البيض الله يعوضج. ماعرفتي سبب الاجهاض؟
عايشه يكون عندج فررط تنشيط كون في بويضات كثار والالم طبيعي بهلحاله
راح يخيرونج ان ترجعين اجنه يوم خامس. وافقي فرصه نجاحهم كبيره وبلمره تكوني ارتحتي بعد السحب ليوم خامس

 

[شمخانيه]

شيخة البيض

شلون جذي

ربي يصبرك ويعوضك


ما ني مصدقة الله يعينك علي ما بليت به

 

[شمخانيه]

مني


وين تختفين

 

[عسل حدي]

رب لا تذرني فردا وانت خير الوارثين

 

[شمخانيه]

اللهم هب لي من الصالحين

 

[شيخه_البيض]

هلا بنات

اللهم امين الله يرزقني ويرزق الكل يارب


والله اللي صار شي غريب عجيب

نزلت افرازات غريبه اول مره اشوفها

طيران ع دكتوري رحت ولا كل شي طبيعي انا زينه والبيبيات زينين نبضهم وزايد وزنهم وعرفت نوع البيبي الثاني

قالي الدكتور يمكن التهابات

خذالي مسحه وتحليل بول تكرمون وقلتله سولي تحاليل شامله ع شان اتطمن

وشاف عنق الرحم مسكر وكل شي تماااااااااام

رجعت البيت مافيني الا العافيه ونفسيتي تهبل

ثاني يوم قمت مافيني شي ماكو افرازات


ع الساعه ٩ بالليل ولا ينزل دم

ورحت المستشفى. لان بالثالث نزل علي دم وكان راس البيبي يضغط ع عنق الرحم فخفت ورحت

بس وصلت الطواري ولا ادوخ وتييني لوعه واقعد ارجع وينفتح الرحم ونزل ماي ودم ويا دكتوري ولا المشيمه منفصله عن البيبي ومات والبيبي الثاني كان عايش بس لان الماي كله نزل فمات

وولدت


والحمدلله ع كل حال

الله يحعلهم شفيعين لي يوم القيامه

 

[عسل حدي]

رب لا تذرني فردا وانت خير الوارثين

 

[mona777]

هلا شمخانيه انا بين الايادي ادخل يوميا انتي الي تغطين فتره وتجين

 

[mona777]

الله يعوضج شيخه عاجلا