- إنضم
- 5 مارس 2013
- المشاركات
- 3
- مستوى التفاعل
- 0
- النقاط
- 0
السلام عليكم
هذا موضوعي الاول بينكم خواتي ، بس تقدرون تعتبروني عضوة قديمة ، لاني دايما افتح واقرأ مواضيعكم واستفيد منها ، فحبيت اكتب لكم وابي مساعدتكم حبايبي ، والله ما دخلت وكتبت الا لاني خلاص تعبت وماني عارفة افكر ولا اسوي شي ،
بقولكم قصتي ، بس بنات تكفون ما ابي تجريح ، والله انا تعبت وابي حل ، انا شغلي مختلط ، حبني واحد وهو عجبني من 3 سنوات ، وجا خطبني بس بروحه على اساس انه هو سعودي واهله بالسعودية وامه مريضة ما تقدر تجي الديرة ، دخل بيتنا وكلم ابوي ، المهم طول فتره علاقتنا كنت اشوفه بالدوام ، بس كان كل مرة يتعذر ويقول مره ناسي محفظته ويبي ينزل يشتري شي وكنت اعطيه ، ومرات يطلب فطور ويروح برا المكتب وانا ادفع عنه ، وبعدين صار يسحب مني فلوس ، مره بطاقته ناسي الباسوورد وقدم على جديدة وما عنده مصروف وغيره وغيره ، وانا اتحمل ، بس في تفاصيل وايد ما ابي اذكرها حسيت انه يخش عني اشياء وايد واكتشفت انه يكذب باشياء وايد ، بالاخير طلع مطلوب بقضيه نصب واحتيال وانسجن ، وتركنا بعض ( هذا الاول)
عقب فتره قصيره جا واحد بعد معاي بالدوام ، يبي يتعرف وهالسوالف ، وهو يدري انه في قبله واحد بس يدري انه نصاب وانا مظلومه ، المهم حبيته وكل شي ، وهو انتقل لشغل ثاني ، غلطه عمري اني طرشت له صورتين لي بدون حجاب ، ما ادري شلون سويتها بس الشيطان لعب بعقلي ، صار يطلب مني اطلع معاه وكنت ارفض وضغط علي ويبي يكلمني بالجنس وغيره وكنت ارفض ، ويوم قلت له خلاص ابي ننفصل ، لاني ما اتحمل هالوضع ، وخلاص كرهته وكرهت تصرفاته ، غير انه ضايف مليون بنت بالفيس وتويتر وطايح سوالف معاهم ، يوم قلت له نبي ننفصل قام يعتذر مني ويترجاني ارجعله وراح وكلم ابوي ويبي يخطبني ورفضته ، وكان يبي ياخذ موعد مع اهلي وما قبلت ، لاني كرهته خلاص ، ( هذا الثاني )
بهذي الفترة جا موظف جديد تم معانا سنه تقريبا ، كنت احسه يحاول يتقرب لي بس ما كنت اعطيه ويه ، وهو كان يعرف الثاني معرفه شخصيه بس ما يدري انه حبيبي ، المهم ، شركتنا لها فرع ثاني ، وهو كان بينتقل للفرع الثاني ، قبل ما ينتقل بجم يوم جا وكلمني ، قال لي انه يبيني بالحلال بس عقب كم شهر عشان يكون نفسه ومن هالحجي ، المهم ، قلت له اوكي ، وصرنا نتكلم واتس اب ، ومرات نطلع نشوف بعض يعني نقعد بمطعم ، او نشوف فلم ، انو نتمشى بمكان ، عمره ما اذني بكلمة ولا اساء لي ، بهذي الفتره كان بالمكتب وجا واحد كان يسولف معاه وقال له تدري ان فلانه كانت مخطوبه لواحد وهو ضحك عليها ( يعني الاول ) هنا جا وقال لي ليش مخبيه علي ، وكل الدوام يعرفون الا انا ، قلت له وفهمته انها سالفه قديمة والكل يدري اني مظلومة فيها والناس تحب الحجي ، وسامحني ، وبهالفتره كان ( الثاني ) يحاول يوصل لرقم الوالد عشان يخطبني وراح للمكتب وسأل هناك ، جاني الثالث وقال لي ليش فلان يبي يخطبج ؟ هو لمح لج او قال شي؟ قلت له لا ، وانا كنت تاركه الشغل ، وطبعا الثاني يعرفه شخصيا للثالث ، وكان يشك ان الثالث يميل لي ، فشك انه هو غيرني عليه ، راح وكلمه وقال له انا احب فلانه وابيها ، وتهاوشو وصار بينهم مشكله وهم كانو ربع ، وقال له في لها صور عندي ، جا الثالث سألني في صور؟ انا خفت ، وقلت له لا ، ما توقعت ان هذا فعلا بيراويه ، وراح من وراي وهذا وراه صوري ، واتصل علي يبكي ويقول انتي خدعتيني ، طبعا انا مصدومه ومقهورة من كل شي ، وانا والله يا بنات ما تركت الثاني الا لاني ما ابي اطلع معاه ولا اسوي شي حرام ، المهم ، جا الثالث وقال ابي اشوفج ، وتحلفين لي انه ما صار بينكم شي ، لان الثاني قال كلام كبير وايد عني ، بس الله كبير وهذا ما صدق ، لاني لو فعلا كنت بنت قليله ادب ما كان الثاني جا ويبي يخطبني ، المهم قال ابيج تحلفين عشان قلبي يرتاح ، وانا احبج ومسامحج على الصور ، وانا حلفت له وانتهى الموضوع وسامحني ، وما فتحلي طاري هالسالفه ، وفعلا هو جا وتقدم لي وشافني الشوفه الشرعيه ، وكنا ننتظر تصير خطبه رياييل ، فصار يقول لي انه ابوه مرض ، يوم يقول لي ابوه طاح عليهم ووده المستشفى بسبب السكر ، ويوم الضغط ، كل يوم عذر غير ، واخر شي قال لي انه ابوه سافر يسوي عمليه برا ، وانا ما ادري اصدق ولا لا ؟ لاني انصدمت وايد بحياتي ، وما اعرف اصدقه ولا اتركه ، مع انه وايد يحترمني وسامحني بمواقف وايد ، واللي ابيه قبل لا اطلبه يكون عندي ، بس اشوف شي اقول له الله حلو الاقيه صار عندي ، حتى اخر مره قاعده معاه بكوفي شوب ب مول وفاتحين اغاني على الايباد وشفت كليب اليسا الجديد اقول الله الموبايل حلو اللي معاها لاني احب السوني ، قال لي بروح الحمام ، ورجع وبيده نفس الموبايل ، وما احسه كذب علي بشي ، وما طلب مني اسويه معاه شي غلط ولا حتى طلب يمسك ايدي ، ولا طلب صور ، وصار لنا 7 شهور مع بعض ، بس سالفه التأخير ما ادري عنها ، شلون اعرف انه ما يتعذر بمرض ابوه ؟ شلون اعرف انه يبيني؟ والله بنات قمت اشك ، يعني في ريال يعرف هالسوالف وقصص الحب ويسامح ؟ والمشكلة لما اقول لامي دقي عليهم سمعت انه ابوه مريض ، تقول اهم ما طلبوج رسمي مو حلوة ادق .
ابي رايكم بنات هو جدي ولا يلعب علي ؟، والله تعبت
بليز بنات لحد يكتب مواعظ دينيه وغيره او يغلط علي، لان الله هو اللي ادرى بالنفوس وادرى باني ما اسوي شي حرام
هذا موضوعي الاول بينكم خواتي ، بس تقدرون تعتبروني عضوة قديمة ، لاني دايما افتح واقرأ مواضيعكم واستفيد منها ، فحبيت اكتب لكم وابي مساعدتكم حبايبي ، والله ما دخلت وكتبت الا لاني خلاص تعبت وماني عارفة افكر ولا اسوي شي ،
بقولكم قصتي ، بس بنات تكفون ما ابي تجريح ، والله انا تعبت وابي حل ، انا شغلي مختلط ، حبني واحد وهو عجبني من 3 سنوات ، وجا خطبني بس بروحه على اساس انه هو سعودي واهله بالسعودية وامه مريضة ما تقدر تجي الديرة ، دخل بيتنا وكلم ابوي ، المهم طول فتره علاقتنا كنت اشوفه بالدوام ، بس كان كل مرة يتعذر ويقول مره ناسي محفظته ويبي ينزل يشتري شي وكنت اعطيه ، ومرات يطلب فطور ويروح برا المكتب وانا ادفع عنه ، وبعدين صار يسحب مني فلوس ، مره بطاقته ناسي الباسوورد وقدم على جديدة وما عنده مصروف وغيره وغيره ، وانا اتحمل ، بس في تفاصيل وايد ما ابي اذكرها حسيت انه يخش عني اشياء وايد واكتشفت انه يكذب باشياء وايد ، بالاخير طلع مطلوب بقضيه نصب واحتيال وانسجن ، وتركنا بعض ( هذا الاول)
عقب فتره قصيره جا واحد بعد معاي بالدوام ، يبي يتعرف وهالسوالف ، وهو يدري انه في قبله واحد بس يدري انه نصاب وانا مظلومه ، المهم حبيته وكل شي ، وهو انتقل لشغل ثاني ، غلطه عمري اني طرشت له صورتين لي بدون حجاب ، ما ادري شلون سويتها بس الشيطان لعب بعقلي ، صار يطلب مني اطلع معاه وكنت ارفض وضغط علي ويبي يكلمني بالجنس وغيره وكنت ارفض ، ويوم قلت له خلاص ابي ننفصل ، لاني ما اتحمل هالوضع ، وخلاص كرهته وكرهت تصرفاته ، غير انه ضايف مليون بنت بالفيس وتويتر وطايح سوالف معاهم ، يوم قلت له نبي ننفصل قام يعتذر مني ويترجاني ارجعله وراح وكلم ابوي ويبي يخطبني ورفضته ، وكان يبي ياخذ موعد مع اهلي وما قبلت ، لاني كرهته خلاص ، ( هذا الثاني )
بهذي الفترة جا موظف جديد تم معانا سنه تقريبا ، كنت احسه يحاول يتقرب لي بس ما كنت اعطيه ويه ، وهو كان يعرف الثاني معرفه شخصيه بس ما يدري انه حبيبي ، المهم ، شركتنا لها فرع ثاني ، وهو كان بينتقل للفرع الثاني ، قبل ما ينتقل بجم يوم جا وكلمني ، قال لي انه يبيني بالحلال بس عقب كم شهر عشان يكون نفسه ومن هالحجي ، المهم ، قلت له اوكي ، وصرنا نتكلم واتس اب ، ومرات نطلع نشوف بعض يعني نقعد بمطعم ، او نشوف فلم ، انو نتمشى بمكان ، عمره ما اذني بكلمة ولا اساء لي ، بهذي الفتره كان بالمكتب وجا واحد كان يسولف معاه وقال له تدري ان فلانه كانت مخطوبه لواحد وهو ضحك عليها ( يعني الاول ) هنا جا وقال لي ليش مخبيه علي ، وكل الدوام يعرفون الا انا ، قلت له وفهمته انها سالفه قديمة والكل يدري اني مظلومة فيها والناس تحب الحجي ، وسامحني ، وبهالفتره كان ( الثاني ) يحاول يوصل لرقم الوالد عشان يخطبني وراح للمكتب وسأل هناك ، جاني الثالث وقال لي ليش فلان يبي يخطبج ؟ هو لمح لج او قال شي؟ قلت له لا ، وانا كنت تاركه الشغل ، وطبعا الثاني يعرفه شخصيا للثالث ، وكان يشك ان الثالث يميل لي ، فشك انه هو غيرني عليه ، راح وكلمه وقال له انا احب فلانه وابيها ، وتهاوشو وصار بينهم مشكله وهم كانو ربع ، وقال له في لها صور عندي ، جا الثالث سألني في صور؟ انا خفت ، وقلت له لا ، ما توقعت ان هذا فعلا بيراويه ، وراح من وراي وهذا وراه صوري ، واتصل علي يبكي ويقول انتي خدعتيني ، طبعا انا مصدومه ومقهورة من كل شي ، وانا والله يا بنات ما تركت الثاني الا لاني ما ابي اطلع معاه ولا اسوي شي حرام ، المهم ، جا الثالث وقال ابي اشوفج ، وتحلفين لي انه ما صار بينكم شي ، لان الثاني قال كلام كبير وايد عني ، بس الله كبير وهذا ما صدق ، لاني لو فعلا كنت بنت قليله ادب ما كان الثاني جا ويبي يخطبني ، المهم قال ابيج تحلفين عشان قلبي يرتاح ، وانا احبج ومسامحج على الصور ، وانا حلفت له وانتهى الموضوع وسامحني ، وما فتحلي طاري هالسالفه ، وفعلا هو جا وتقدم لي وشافني الشوفه الشرعيه ، وكنا ننتظر تصير خطبه رياييل ، فصار يقول لي انه ابوه مرض ، يوم يقول لي ابوه طاح عليهم ووده المستشفى بسبب السكر ، ويوم الضغط ، كل يوم عذر غير ، واخر شي قال لي انه ابوه سافر يسوي عمليه برا ، وانا ما ادري اصدق ولا لا ؟ لاني انصدمت وايد بحياتي ، وما اعرف اصدقه ولا اتركه ، مع انه وايد يحترمني وسامحني بمواقف وايد ، واللي ابيه قبل لا اطلبه يكون عندي ، بس اشوف شي اقول له الله حلو الاقيه صار عندي ، حتى اخر مره قاعده معاه بكوفي شوب ب مول وفاتحين اغاني على الايباد وشفت كليب اليسا الجديد اقول الله الموبايل حلو اللي معاها لاني احب السوني ، قال لي بروح الحمام ، ورجع وبيده نفس الموبايل ، وما احسه كذب علي بشي ، وما طلب مني اسويه معاه شي غلط ولا حتى طلب يمسك ايدي ، ولا طلب صور ، وصار لنا 7 شهور مع بعض ، بس سالفه التأخير ما ادري عنها ، شلون اعرف انه ما يتعذر بمرض ابوه ؟ شلون اعرف انه يبيني؟ والله بنات قمت اشك ، يعني في ريال يعرف هالسوالف وقصص الحب ويسامح ؟ والمشكلة لما اقول لامي دقي عليهم سمعت انه ابوه مريض ، تقول اهم ما طلبوج رسمي مو حلوة ادق .
ابي رايكم بنات هو جدي ولا يلعب علي ؟، والله تعبت
بليز بنات لحد يكتب مواعظ دينيه وغيره او يغلط علي، لان الله هو اللي ادرى بالنفوس وادرى باني ما اسوي شي حرام
