شخصيه مبهمه

[نجمة متألقة]

السلام عليكم
اااااااه ياكبر الالم اللي فيني


انا تزوجت واحد عن حب احبه موووووت وهو يحبني صار لي شهرين من تزوجته

معلومات اضافيه عمر زوجي 44 وانا عمري 25
وظيفته عسكري وانا موظفة اداريه
متزوج حرمتين وحده ام عياله ووحده اجنبيه مغربيه ماعندو عيال منه وهو مايبي

مشكلتي كالاتي ....
انا احبببه مررره ورمانسيه معه وهو يحبني ونادر ماتطلع كلمات حلوه منه ... عصبي جدا جدا تصوروا اذا غلطت عليه بشي لو بسيط لازم يرده يعني وحده بوحده زي الحين لما يكون عند زوجاته اقوله لاتتصل ولاتترسل وانا اقصد هالشي اختبار وهو نفذ هالشي بالضبط !!!!! مغرور ومتكبر وشايف نفسه بس يقول فلان بالدوام عرض علي بنته تصوروا !!!! وانا توني عروس والشي الغريب انا عارفه انه يحبني بس مايبين هالشي ودائما يعطيني ملاحظات علي لبسي على مكياجي ويقول انتي تحطين عطورات كثيير اكيييد اذا انا عروس بحط عطورات ومكياج
يابنات والله تعبني كتوووووم وثقيييييل وشخصيته قوويه وكل شي يرده ويحاول يحرني بحريمه يسولف عنهم ويوريني رسائلهم زي وحده تقوله اطلع انبسط معاللي اخترتها تقصدني وانا تتركني اللي اختارونا اهلنا لانو زوجته الاولى باختيار اهله اما انا حبينا بحب وتزوجنا تقفووون بنات شسوي معه انقهر من تطنيشه وليه مايتصل ويرسل ويسئل

 

[ناتشوو]

اشلون تعرفتي عليه ؟
وليش حبيتيه ؟

زوجج الظاهر يبي يتدلع
ويتشيحط
ان الحريم
ميتين عليه
وان لا تصدقين عمرج
بس المشكلة عارف كل خطط وسوالف الحريم
برايي
التجاهل
لا تتحسسين
انت يمكن تبين تعيشين مشاعر العروس
الزوج طاير فيج
ويذم بحريمه قدامج ع الاقل اول الزواج
بس خليج ذكية
يمكن وضعج معاه العكس
هو يبي يحس انج طايرة فيه
وميتة عليه
وبالاخير
انت اخترتيه وحبيتيه
واكيد عارفة اخلاقه وطبعه
واتركي النكد
يعني قلتيله لا تدق واذا مادق
زعلتي
اوكي هو مشغول بعياله
ينام الطهر ياكل يريح يسولف
يعني صج مشغول مو حاقرج
بالنسبة للعطور يمكن ثقلتيه هو يحب العطور الخفيفة
الرساله اللي وراها لج
هذي مدح لج مافيها ذم
يعني
قايل لام عياله
هذي انا اخترتها

 

[روان المطيري]

هذي شخصيته صعب انتي بيوم وليله تغيرينه صبري عليه شوي
وعطيه على جوه وطوفي له لانج راح تتعبين .

 

[شطانه طفله]

الله يعينج بس حاولي انتي تعطين طناش خفيف لا تبيني غيرتج وحبج والله يهيديه

 

[زوجة عزيز]

مكره الريال اللي جذي على شنو شايف نفسه ومن ميت عليه ؟ حبيبتي انتي غلطتي يوم خذتيه خذنا مطلقين وماوراهم الا البلاوي والمصايب هالدور متزوج الله يعينج على اللي بييج شي طبيعي بيصير جذي ثقلي عليه اهو يسوي جذي لانه عارف انج ميته عليه

 

[عاشقة الككاو]

upppppppppppppppppppppp

 

[i'm so happy]

حبيبتي مثل ماذكرتي انتو اخذتوا بعض عن حب يعني دارسج وحافظج ويعرف نقطه ضعفج ووو..الخ

الله يعينج وتصبري وسوي اللي يحب ان كان عطر خفيف غيريه وان كان ثقيل عكسي
والبس والمكياج شوفي شنو يحب الستايل ..

ولازم تعرفين الريال وراه مشاغل يعني نسوان وعيال وبيت وراحة ووو وكل وحده لها وقت ويوم اكيد مثل الجدول
لانه بعضهم جي يسون كل يوم وقت عند زوجه


بالتوفيق

 

[DeSeRt RoZe]

وانتي شكو تتعرفين على واحد بهالعمر ومتزوج ثنتين وتزوجتيه بعد
انتي اكيد مو كويتية
المهم
انتي اخترتي هالعيشه والي تهون عليه مرة تهون عليه الحريم كلهم

 

[M!SS.LOBY]

لا تعطينه اكبر من حجمه عشان ما يتكبر زيادة وترتفع عنده نسبة الغرور

صيري شوي ثقيلة عليه وكسري منه قولي انت كبير وعمرك44 وانا صغيرة 25 واصغر وحدة من حريمك واحلاهم وخلي عندج غرور وثقة بنفسج صدقيني الريال يركض ورا المغروره

 

[فوولي]

اوووووخص المفرووض اهو الي يحتر قولي له انا صغيره
بعدين لازم تدرين انه مو لج برووححج قلبه مقسم لاثنتين غيرج
يعني مادري شلي ضايقج لا ادق م دق ؟؟؟؟؟

 

[أسرار الجمال]

هذي جهلة الأربعين هو يسوي جدي عشان انت لا تحسسينه انج صغيرة وحلوة فهو أخذ الدور عنج عادي حبيبتي في رياييل بهالعمر اينون وخاصة اذا كان مؤ عايش شبابه وأهله كانوا ضاغطين عليه ومزوجينه لازم انت تتحمليه وتعامليه مثل الطفل

 

[مذهلة2013]

كثر ما تقدرين طوفي و طنشي ريلج مبين وايد يحب يخليج تنقهرين انه زوجاته يحبونه :\

موفقة

 

[طريق السعاده]

انتي صغيره ليه خذتي متزوج ثنتين بعد واربعيني :/

مدري بس الله يعينك لكن هو قاعد يحاول يعيشك ف خوف عشان ماتحسسينه انك صغيره وتدلعين عليه :/

اوكي تزوجو عن حب بس مب متزوج عاد شدعوه خلصو الرجاجيل

الزبده الله يعينك وحاولي تطنشينه لاتغارين واذا قالك كذا لاتبينين انك تخافين من هالشيء وتغارين وكذا


مستحيل اتقبل احد يشاركني زوجي لو تزوجت مدري شلون اصلن خذتي متزوج لكن نصيب حتى لو انتي العروس طبيعي بيشاركونك فيه وياكثر عوار الراس ف لا تدققين

 

[جوجو بلاس]

انصحك تشوفين محاضرات ناعمه الهاشمي وبيصير يركض وراك وبتقولين مستخف مو ثقيل

 

[شــــــــــــــوقــــه]

لا تستبعدين ياخذ الرابعه عليج خلج متوقعه هالشي بيوم من الايام

امرج غريب صغيره بعدج تاخذين اربعيني و متزوج شتبين بالضيم

احس ظلمتي نفسج

 

[بكيزة هانم]

الله يكون بعونج

 

[نجمة متألقة]

بناتت شرايكم عادي لو سويت ليلة حمرا ؟؟؟؟

 

[gmar al-kuwait]

شنو جنسيتج ؟!

 

[Patcholli]

اوله شدعوه عنده ثنتين و شايب وخذيتيه :/ غريب امرج
شنو هالريال الي بالاربعين وعنده 3 حريم يعني كل 10 سنين زوجه يديده ؟؟
انزين واذا زهق منج مثل مازهق من الي قبلج بيب الرابعه بعد ؟؟
واذا اشتهى الخامسه لازم يطلق وحده
احسج على نياتج شنو ليلة حمره ؟
يبا هاذا ريال مستهتر يفكر بشهوته ومصلحته وانتو عنده مثل الالعاب ياخذكم ويعاشركم ويكشت فيكم ويلهى بدنيته ووناسته وعالمه الخاص ..!!
ماتوقع محتاج ليله حمره ولا اتوقع ليله حمره بتغير كيانه وتخليه انسان ثاني :/
ريلج يبيله حل جذري
تمسكينه تتفاهمين معاه تفهمينه حقوقج عليه والاشياء الي لازم يسويها والاشياء الي لازم مايسويها جدامج
شكو ليله حمره يبا الريال عنده 2 يعني شبعان من هالشغله ماراح تغيرين شي كبير
انصحج تغيرين شخصيتج وشوي تحسسينه ان شخصيتج قويه وانج حازمه وجاده معاه
واذاتمادى في حقج وقفي عند حده مو تروحين تسوينله ليله حمره اهو بروحه مستحقر معاج تبينه يزيد الجرعه ؟

 

[نجمة متألقة]

كويتيه بس ليه تسئلي