منو انخطبت و هي لا تروح ولا تجي؟-تم تعديل العنوان من قبل الإشراف

[A7la-3roosa]

قسمه ونصيب

 

[انت مناي]

كل وحده ونصيبها انا اعرف اكثر من وحده تزوجوا ومو بس مايطلعون الا حتى اهل العريس ماشافوها الابعد العرس

 

[بلوبري]

قسمه و نصيب الزواج

مو تروحين و تطلعين و ماكو عرس ما اجي فيه لا كلنا ياخذ نصيبه

انا ما كنت احضر الا عروس العايله وما نروح و لا نطلع وايد

انا انخطبت شلون اقولكم

خالة و ام زوج بنا عمي قالت لامرت عمي تبي وحده حق ولده عاد مرت عمي ذكرتني و قالت بشوفه

و دقت و صار نصيب

من شهر 12 و انا ملجه و ما حددوا العرس

كلنا ياخذ نصيبه

 

[أمي قرة عيني]

مممم أختي الكبيره ماكانت تطلع أببببببببببد وأتزوجت الحمدلله

مو بالدخله والطلعه ومثل ماقالت وحده الناس تجي على السمعه الطيبه بعدين يشوفون البنت ومرات العكس يسوفون بعدين يروحون لا تشيلين هم نصيبج ماراح يتعداج بيصيبج ان شاء الله

بالتوفيييييييييق

 

[لوتس الكويت]

انا من يوم ماخلصت الثانويه ??لاأروح ولاأجي-بس الله يرزقني بنصيب ان شأءالله ومشكورة الموضوع الله يوفقج ويرزقج يارب

 

[طريق السعاده]

انا ماروح مناسبات ابد الا زواج بنات خالي او عمي فقط ماحب الجمعات والزوارات وحتى طلعت الجيران

بس كثير انخطب عن طريق السمعه ترا يعني يسالون وبعد احيننا من معارف الوالد او الوالده كذا يعني بس للحين مالله كتب نصيبي الي اوافق عليه وللحين عزابيه خخخ

الله يرزقنا الصالح الي يعزنا كوني متفائله وتاكدي كل تاخيره فيها خير كثير لك

 

[حلآوهـ حلوهـ]

النصيب يصيب
والدنيا تجيب اللي تجيبه

 

[صعبه]

في بنات يعتقدون اذا طلعة وراح ت وجات ورزة ويهها بكل مكان

بتنخطب بهالطريقة


اعرف وحده ماخلت عرس ولا حفلة ولا مكان الا ورزة ويههها

ولا نخطبت .

وسبحان الله فالأخير جارة عمة ابوها اخطبتها لولدها

بدون لا تشوفها بعد

ورفيجتـي ماشاء الله من تحضر عرس تنخطب لانها جميلة هههه ولحد الان صامدة ماتزوجت =)


الزواج قسمة ونصيب وماله خص بهالقاعده

 

[micmac]

على قولت أمي " لو النصيب يجيك .. والله يجيك لو انتي ملفوفة بخيشة" خخخخخخخ

يعني لو انتي لا تطلعين ولا ترررروحين ولا تجين والله كاتب لج الزواج بـ تتزوجين يعني بتتزوجيييييين

أنا وحدةًماروح عرووووووس كللللللش لا جمعااااات لا عشى لا استقبال وحاطة ببالي أن العروس ما تجيب النصيب لانه خرابيط
الحمدلله أنخطبت

يا أختي الروحاااااات والجيااات والطلعاااااااااات كله مااااااااله شغل كله توفيق من رب العالمين


على قولة المثل " لو تجري جري الوحوش غير رزقك ماتحووووش"


اهم شي النية الصاااااااافية ولا تضرين احد ولا تظلمييين احد وعلى نياتكم ترزقون

الله يوفقكم و يرزقكم أميين


وشكرا

 

[Ranoon]

انا عن نفسي أروح عروس الخوال
العمان
جماعة قراب منا
الجيران


بس جمعات وعشا واستقبال وجذي لا
والحمد لله تزوجت ....

 

[catwiti]

اذا الله كاتب لج نصيب بالزواج راح تتزوجييييييين لان ربج يدبر الامووووور وماله شغل بالطلعات
اي بنت ماتطلع وايد ولا تزور وايد ممكن تخاف انه هالشي يوقف نصيبها شي طبيعي لاكن وين ثقتج بالله حبيبتي حطي في بالج الله سبحانه وتعالى اذا كتب امر وقال له كن فيكون فراح يكون بأذن الله لاتقولين شلون خليها على ربج مسبب الاسباب
وعليج بالدعاء ليل نهار كثري منه بصلاتج وبسجودج وبس ارتاحي لان الله سبحانه وتعالى قال ادعوني استجب لكم يعني ربج وعدج بالاستجابه فليش خايفه ؟
خل اقولج شغله عشان تعرفين انه النصيب ماله شغل بكثرة الخطاب اعرف وحده ايام الكليه اهي حلوه وومو قاصرها شي وشكثر كانت تنخطب من كانت صغيره ايونها خطاب وايد وكانت تروح عروس وتنخطب وماكان يصير نصيب هذا من 4 او 5 سنين تخيلي عدد خطابها بهالسنين وماص2ار لها نصيب ... ومقارنتا بيني وبينها المفروض على كثر خطابها تتزوج قبلي لان انا خطابي ينعدون على الاصاااابع ... طبعا الحمد لله انا ملجت شهر 12 وذاك اليوم شفتها وسلمت عليها وقالتلي انها ملجت شهر 12 يعني معااااي يعني مااااااااااله شغل انخطبتي مليون مره ولا مانخطبتي اهو ريال واحد بييج وبيتزوجج وبيكون من نصيبج

 

[زبــــــــدة]

موشرط تطلعين عشان تنخطبين ...

انا قبل كنت شكثر اطللللع واشتغل بارت تايم بشركة وغير الجامعه

انخطبت من رفيجتي الروح بالروح تعرف ناس وكلمتهم عني

يعني حددده ماله شغل الطلعات...

الموضوع نصيب ..والله كريم

 

[هدوووشه]

على قولة المثل المصري

لو تجري جري الوحوش غير رزقك ماتحووش

 

[مشتطـه]

اهو الموضوع قسمة ونصيب


بس الزوارات والجمعات والاعرااااااااااااااس حيل لها دور ان تخلي الناس تشوووف وتسأل


يعني انا اعرف كثر من بنت مو حلوين

بس بكل عرس مرتزة وترقص وتزوجت ماشاءالله

ترى همن الحضوووور له دور

وبالنسبة للي تقول اانا ما اطلع ولا اجي سبحان الله مكتوب لج


بس مو معناته ان باجي البنات يقعدون بالبيت


لا لازم تحضرين تجمعات ويشوفونج الحريم

 

[catwiti]

اهو الموضوع قسمة ونصيب


بس الزوارات والجمعات والاعرااااااااااااااس حيل لها دور ان تخلي الناس تشوووف وتسأل


يعني انا اعرف كثر من بنت مو حلوين

بس بكل عرس مرتزة وترقص وتزوجت ماشاءالله

ترى همن الحضوووور له دور

وبالنسبة للي تقول اانا ما اطلع ولا اجي سبحان الله مكتوب لج


بس مو معناته ان باجي البنات يقعدون بالبيت


لا لازم تحضرين تجمعات ويشوفونج الحريم

صح كلامج بس كللل بنت راح تاخذ نصيبها من الزواج في الوقت المناااسب الي الله كاتبه لها صح لازم البنت تطلع وتزور وتشوف حياتها ماتحكر نفسها فالبيت وهالشي يساعد انه الحريم يعرفونهابس في بنات حياتهم جذي ماعندهم معارف وايد ويمعاتهم قليله ولا يزورون ولا يروحون عروس مو معناته انهم ماراح يتزوجون لان الي يرزق اهو رب العالمين مو الناس ووالدليل انه في بنات شكثر ينخطبون والله ماكتب لهم نصيب بالزواج وبعضهم عنسو وياما بنات من خاطب واحد الله كتب لهم نصيب وتزوجو
وياما بنات سمعتهم مو ذاك الزود وخذو نصيبهم قبل البنات السنعات السالفه سالفة رزق ونصيب بيد رب العالممين

 

[مشتطـه]

صح وانا معاكم بس انتو قطيتو كل شي عالنصيب

هم ربنا سبحانه قال اسعى يا عبدي وانا اسعى ى معاك

والبنت لو سعت رزقها يتعجل وييجيها بسرررعه


بصراااحه احنا اللي اشوووفه اللي بتخطب عندنا تروح العرس تدور وتسأل

واذا وحده تدور قالو روحي اليوم عرس بيت الفلاني دوري منه

وقليل جدآ اللي تنخطب واهي قاعده بالبيت

خصوصا الصغار

يمكن الكبار بالذكر ينخطبون


بس مادري احس قطيتو كلللللللل شي عالنصيب


بس هم الطلعات لها دوررررر

 

[muhrat uboha.]

قسمه ونصيب

 

[طريق السعاده]

مشتطه صادقه صح ان السالفه قسمه ونصيب لكن هم الوحده ماتحبس عمرها بالبيت طبيعي محد بيعرفها وسبحان الله يسبب الاسباب يمكن وحده تشوفك بمكان وتخطبك لاحد مثل ماقلتي يتعجل نصيبها ..

بس برضو الي طلعاتها قليله مو معناته مستحيل يجيها نصيبها


خخخخ انا ترا طلعاتي محكوره بالعايله بحكم اهلي يرفضون سالفه الصحبات وهيك وانا انسانه مابي اتزوج من قرايب او من جماعتنا خخخ خاطري اغير لكن ع قولت اهلي لاتتشرطين لان الديره الي تقولين ماتبين منها بيجيك نصيبك منها خخخ وصدق اكثر الي جوني من نفس الديره الي مو حابه هههههههه هذرتي واجد هع


حبوبه صاحبه الموضوع ااذا اهلك يسمحون روحات صحبات وكذا استمتعي بحياتك وروحي واطلعي زوارات وجمعات واستانسي ونصيبك رح يجيك سواء طلعتي ولا قعدتي

واي بقول شيء

انسو سالفه الخطبه وبطلع عشان انخطب حلوه الحياه عيشيها بالطول والعرض والخطيب الله بيجيبه لاتستعجلين وتحاتين

 

[pusy cat]

انا ما اطلع للحريم كلش

زوجي يصيرلنا بس من بعيد كان يحب ابوي ويوم توفى اخوي ماقصر كان يساعد ابوي ويوم درى ان عنده بنت اللي هي انا قال ابيها

والحمدلله تزوجني

 

[جيرازksa]

لا مو شرط انا على كثر طلعاتي عمري مانخطبت من بره كل الي يكلمونا او يجو البيت يكونو من مدح ناس لنا

بس للان ربي ماكتبلي نصيب مع احد ربي يكتبلي ويكتب لجميع البنات الزوج الصالح