تجمع مسافرات لندن (2013)

[امرأتيه وافتخر]

الميزانيه حق 8 أيام عيل ان شاء الله يكون كافي :eh_s(15):

اماراتيه وأفتخر .. على حسب المسرحيه الي تبينها ..
بس بشكل عام تدشين قوقل تكتبين اسم المسرحيه وتكتبين يمها لندن
مثلا ((lion king theatre london ))
راح تطلعلج مواقع من ضمنها موقع اسمه ticket master
هذا أحسن موقع وسهل استخدامه ..

وإذا احتجتي أي شي أنا بالخدمه

فديتج ثانكس ع الرد خلاص لو عزمت وسرت وماعرفت بسالج بعد ^_^

 

[عزاااه]

عزاااه شخبار روحتج

ان شاءالله معلوماتي الي عطيتج فادتج بشي؟

وشرايج بلندن؟

هلا مشتطه وااااو لندن خيال لندن كلش ماتضيعين كل شي واضح انا لو اروح مره ثانيه اقعد 15يوم اكثر

 

[g.s.m]

مشكوره على الموضوع و ان شاء الله راح اسافر مع الوالد والوالده بعد رمضان :d

 

[الدلال]

السلام عليكم

مالكم حس

شكله الاغلب لاهي بامتحانات العيال

 

[كويتيه=)]

وانا بعد معاكم

بس بغيت اسالكم بنات ماركة sleek وين موجوده غير سوبردراغ؟

 

[أإلع ـشق دلع ـهـأإ]

خبيرات لندن

عندي كذا سؤال.

لو بسافر وبقعد خمس ايام بلندن

جم تكلف عليه السفره كلها من التذاكر والفنادق والاكل والمواصلات وشوي هدايا ؟

حق شخصين ؟؟

وانا ماعرف انقليزي عدل شلون اهناك ،،؟؟ مايصير اخذ معاي مترجم ؟؟

 

[sweet lady]

خبيرات لندن

عندي كذا سؤال.

لو بسافر وبقعد خمس ايام بلندن

جم تكلف عليه السفره كلها من التذاكر والفنادق والاكل والمواصلات وشوي هدايا ؟

حق شخصين ؟؟

وانا ماعرف انقليزي عدل شلون اهناك ،،؟؟ مايصير اخذ معاي مترجم ؟؟

هلا حبيبتي بالنسبه جم تكلف التذاكر ولا السكن على حسب الموسم عموما سفرتج اذا 5ايام ماتكلفج الا 1500ما تزيد عن جذي و راهيه بعد مع شوي هدايا وما اعتقد ماركات وموفقه حبيبتي
بالنسبه لسؤالج برئ ماراح تحتاجين مترجم ماتوصل مثل ماتتخيلون الامور سهالات كلمتين انجليزي وماشي وضعج
اصلا لندن اشكثرعرب فيها فما تضيعون واذا رحتوا مع تاكسي بس عطيه اسم المكان ولا الشارع ويفهم عليج كلمه وحده يعني مافي شي صعب
والله يكتبلي السفره الحلوة

 

[MissChoco]

السلام عليكم ,, كيفكم صبايا

ان شالله الله يكتبلي سفره حق لندن هالسنه


بنات المصروف يعتمد عليج على نفسج انتي شرايه؟ تشريج ماركات ذات قيمه ولا عاديه , وجذي


انا بقولكم مثلا الطيران من 260 لين 300 تذكرتج
السكن على حسب اليوم وعموما الفنادق الليله تكون من 60 لين 100 وفوق الفنادق الراقيه
اليوميه لازم كل يوم خليلج 100 دينار كشرب واكل ومواصلات وتشري بسيط مثلا كوب على لندن من الكوشكات وجذي وترا راح يزيد الفلوس وخشيهم حق باجر
السوق خلي الفلوس بروح ويعتمد على جم يوم قاعده وعلى شنو تشترين اذا انتي شرايه وماركات يبيلج اكثر من 2000
اذا تشري بسيط مع صوغات يعني 1500



والي بيروح لندن لا يستخدم التكسي لانه نار ,, والباص استخدامه سهل جدا واغلب الباصات السواق يكون مصري سوداني يكون عربي

وماعليكم اهناك لو ميح انقليزي راح تمشون لانه اهما بيكلمونكم عربي ههههه

 

[دبلومـاسيه]

صباح الخير .. بنو لندن شلونكم

انا توني من يومين راده من لندن
بنننننننننات نصيحة اخت لكم لندن يا حلاتها بفتره الصيف او اي شهر لكن شهر 1 و 2 ما انصحكم فيها
برررد موت يعني درجة الحراره كانت توصل 6 تحت الصفر كنت اتدفى وألبس لبسي كله وهم برد
صج ان السوق يشوق والمحلات والمجمعات كلها تدفئه .. لكن الديره حسيتها ميته ماكو فعاليات ؟!!
​

 

[موكا لاتيه]

حمدالله عالسلامه

صاجه لندن وقت الثلج موحلوه انا مارحتلها بس

اللي اسمعه ان فتره الصيف تهبل

 

[دبلومـاسيه]

الله يسلمج حبيبتي ..
اي انا اروحلها شهر 8 او 9 دايما وتكون روعه روعه حتى الفعاليات اللي تصير أحلى من وقت الشتاء​

 

[law love]

انتو عكسي تماما مستحيييييييل اروح لندن بالصيف

ما اروح لندن الا بالشتا او بالربيع

 

[عزاااه]

لندن حلاته مو بالصيف تصير تلوع الجبد زحمه

 

[!amorra!]

لندن الحن ترا ثلج بيضاااااااااااا

افضل وقت 3 4 5 6 7 و9 10 11

بالصيف حلوه وسياحه وتصير تنزيلات واغلب المتاحف والمدن الترفيهيه مبطله

بريطانيا بكبرها تحلووو

لاتقعدون بس بلندن موضروري روحوا برمنغهام وبلاكبول والبحيرات وبرايتون والقلاع والمتاحف والسفاري بارك والمدن الترفيهه راح تستانسون

بشهر 8 لندن زفففففففففففت دايما اتييهم موجات حر تلقون الناس شبه مفاصيخ بالهايدبارك

9 الجو روعه

وهم 10

و11 حلو تبتدي فيه تجهيزات الكريسماس وتنور لندن

 

[عزاااه]

اي اموره صاجه بس احس احلى جو ٥و٩و١٠ يكون جو خطير

 

[بنت ابدوي]

مرحبا خواتي ممكن تفيدوني بخبرتكم في الشحن من لندن الي الكويت بليز ابي اشحن ولاني عارفه اي شركه ولاكم السعر وابي اسرع شركه وتوصل للباب بليز ردوعلي

 

[مشتطـه]

والله انا رحت لها بالعيد اللي فات عيد الفطر تهبل


ما ضايقتني الزحمة احس بالامان وناااسه


ارتاح لما اشوف شوية عرب


الوضع كان جدآ جميل

وصج تحسين رايحه سياحه


ويع انا حاليآ بأمريكا اتشفق على شوفة العربي


يازين المكان اللي فيه دمج واهلج


وياكره الديرة اذا صارت اجانب !! تصير ماصخه


عاد لندن هالسنه بالشتا كلمن ذمها قالو متروسة هيلق براس السنه !

 

[مسك روز]

السلام عليكم ورحمة الله وبركاته

مرحبا ياللندنيات *UK* :eh_s(7):

بنات منو فيزت حق لندن قريب ؟؟

يقولون غيvو نظامهم وان الصورة اللي تنحط بالفيزا هي اللي تتصور عندهم
والشي الثاني ان المحجبات لازم الاذن تطلع يعني نفس فيزا امريكا ؟؟

حد يعرف لو هالشي صحيح ؟؟

 

[The.Cancerian]

شلونكم بنات؟
حبيت اقولكم تجربتي بسفرتي للندن العيد اللي طاف
اول شي حجزنا بفندق حاليا اسمه Double Tree by Hilton ، الفندق كلمة روعة شوية عليه ، صار جدام فندق Thistle Marble Arch ودقيق مشي الا انتي بشارع اكسفورد وخدمتهم ممتازة فاللي تبي تحجز فيه تتوكل على الله..

اما بالنسبة لشركات الشحن فانا تعاملت مع العربي للشحن ، ممتازين ومواعيدهم 100% واهم شي ان ما فيه مبالغ مخشوشة ، يعني لما يقولج الشحن يطلع عليج بهالسعر بس خلاص بهالسعر ، انا رفيجتي تعاملت مع مكتب ثاني قالها سعر ولما يه ياخذ الكراتين طلع لها بمصاريف ثانية ما كان قايلها عنها.

المهم ، المكتب يعطيج كراتين اذا ما عندج انتي جناط ، على كل كرتون ياخذ منج 5 باوند وبالنسبة للوزن عندهم مثل عرض ان مثلا لو وزن كرتونج 110 كيلو وتحت مبلغ الشحن يكون 115 باوند شامل التأمين وكل شي ، بشكل عام اسعاره حيل رخيصة ومعقولة مقارنة بشركات شحن ثانية متعاملين وياهم رفيجاتي ، والاهم من جذي مواعيدهم المضبوطة بالاستلام والتوصيل ، التوصيل خلال 4 ايام وفعلا 4 ايام كراتينا كانت بالكويت ، والكرتون يكفي 50 كيلو وتلتأمين قيمته 70 باوند. انا و رفيجتي كرتونا كان وزنه 40 كيلو دفعنا 120 باوند شامل التأمين وكل شي.

هذا موقع الفندق:
http://doubletree3.hilton.com/en/index.html

هذا موقع مكتب الشحن:
http://www.arabcargo.co.uk/aboutus-ar.html

وعلى فكرة
فيه فندق سكنت فيه رفيجتي اسمه The Leonard
هذا صاير بظهر فندقي ، يعني كأن البيت بس من ورا وهم خدمتهم وغرفهم روعة ومشي 3 دقايق عن اكسفورد
​

 

[The.Cancerian]

بنات الحين انا ابيكم بشغلة
كل وحدة سافرت لندن وراحت فندق غير Thistle Marble Arch و Cumberland واللي قلت عنه تقولي اي فندق رحتي ووين موقعه وشلون خدمتهم ، قوليلي كل شي

ابي فنادق غير هذيلي وقراب على اكسفورد مشي 10 دقايق ويكون نظيف ومرتب وخدمتهم زينة

اكيد بتسألوني ليش ما تروحين فندقج دامج مدحتيه ببساطة لاني بسافر مع رفيجتي واهي ما عندي ميزانية تكفي ان تدفع للفندق 300 دينار ، انا شفت فندقي بالفترة اللي بنروح لها يطلع علينا تقريبا بسعر 600 واهي ما عندها تبي تدفع مبلغ اقل
​