بنات نفسيتي تعبانه صدري مادري شفيه

[hmama]

السلام عليكم

بنات اانا ملاحظه شي بصدري

لما انسدح على ظهري واحط واتحسس على صدر صوب اليمين فوق

الاحظ في كورتين صليين داخل صدرري

وعلى اليسار مافي شي

و مافي عوار حاليا بس قبل الدوره في عوار قوي

بنات اللي عندها فكره عن هالشي تقولي

حدي تعبانه ومنسده نفسي وقاعده اوسوس

 

[حنين الخبر]

لا تخا فين حبيبتي اذا كان ما يوجعك سمعت وحده تقول اذا كان فيه كوراخذي مشط ومشطي على تحت على الكور نفسها واهم شي لازم يشوفك الطبيب وما تشوفين شر يالغاليه وطمنينا عليك

 

[NoWay2know]

وعليكم السلام

المنتدى ما يطمنج كثر الدكتور،، روحي سوي تحاليل وفحوصات وانشالله مافيج الا العافية

 

[lolly]

انشالله مافي شي .. يمكن التهاب بالغدد الصدرية او اي شي بسيط .. بس لازم تسوين اشعة وتتطمنين .. حتى لو مافيج شي.

روحي المستوصف وقوليلها الموضوع واهيا راح تحولج للمستشفى قسم الاشعة والجراحة (طبعا بموعد) وتدشين عالدكتورة وتسويلج فحص واشعة وتعطيج العلاج حسب المشكلة اذا في مشكلة.

او اذا كنتي تعبانه نفسيا وماتصبرين .. روحي لاي مستشفى خاص وطلبي اشعة للصدر او سونار اذا كنتي اصغر من 40 سنة والدكتورة اللي تسويلج السونار راح توضح لج كل شي واذا تبين تتطمنين اكثر اخذي السونار ودخلي على طبيب في قسم الجراحة او قسم امراض نساء يشرحون لج اكثر.
سلامتج

 

[xxx]

سلامتج ماتشوفين شر

لازم تروحين الطبيب علشان اتطمنين

وان شاءالله مافيج الا العافية

 

[ام_بدر]

تصدقين انا مثلج صدري ماادري شفيه قبل الدورة ولمن يتني الدورة يعورني حيل ولمن رحت حق دكتورة قالتلي تمدد بالحليب وطلعتلي نفس حبة بصدري وبطتها لي اتقول فيها شعر ماادري شنو والحين صارت الحبة سودة وقالتلي هذا العوار يتم من نص الشهر الي بييلج فيه الدورة يعني بعد خمستعش يووم يبدا العوار وقالتلي راجعيني بعد ماتخلص الدورة بعشر ايام وحسيتها مو متأكده فمن جذي عطيتها طاف لاتحاتين خلج مثلي روحي راجعي وسوي الي عليج والباجي على الله وان شاء الله ماكو الا العافية

 

[hmama]

مشكورين بنات

يعطيكم العافيه

انا اليوم رايحه رايحه

وراح اطمنكم باذن الله

 

[ريمه الكويت]

حمامه طمننيا عليج @@ انشالله ماكو الا الخير انا سارلي مره جذي وقمت توسوس ورحت دكتوره نسا خاصه وفحصتني وطلع من الغدد اللبنيه واختي مره طلع لها كور بصدرها وتكبر بعد طلع فيها اجياس دهن وشالوها لها وافتكت

وماتشوفين شر اختي

 

[hmama]

حمامه طمننيا عليج @@ انشالله ماكو الا الخير انا سارلي مره جذي وقمت توسوس ورحت دكتوره نسا خاصه وفحصتني وطلع من الغدد اللبنيه واختي مره طلع لها كور بصدرها وتكبر بعد طلع فيها اجياس دهن وشالوها لها وافتكت

وماتشوفين شر اختي

الشر ما اييج حبيبتي

انا توني راده من مستشفى السلام قسم الاشعه

حصلت دكتور وما صلت دكتوره

وانا الصراحه استحيي

قلت خل اروح باجر واجيك على نفسي

والاششعه بثلاثين دينار

 

[ريمه الكويت]

لاتحاتين انشالله ماكو الا الخير وانا اتوقع هذي من الغدد اللبنيه اهي الي تعور وقت الدوره

 

[ميموالفهد]

ما تشوفين شر
ان شاء الله ما في الا الخير

 

[hmama]

لاتحاتين انشالله ماكو الا الخير وانا اتوقع هذي من الغدد اللبنيه اهي الي تعور وقت الدوره

مشكوره قلبي

بس انا الحين ما فيني عوار ولما احط ايدي على صدري في كورتين

وكانت كره وحده

 

[hmama]

ما تشوفين شر
ان شاء الله ما في الا الخير

الشر ما اييج

ومشكوره عمري على دعائج

 

[قلب امي]

حبيبتي ماتشوفين شر والله يطمنك ويريح با لك يا الغاليه

 

[NoWay2know]

طمنينا عنج

 

[hmama]

ان شاء الله اطمنكم يا حبيباتي

 

[hmama]

بناااااااااااات

انا رحت سويت سونار بمستشفى السلام

والحمد الله مافيني اورام سواء خبيثه او حميده

الحمد الله

وقالت لي احتمال مفاصل القفص الصدري بارزه شوي عندي

والله كريم

 

[دلوعة روحي]

انا صارتلي هالحالة بس طلع التهاب

و الغدد الليمفاوية كانت ملتهبة

و عطتني مضاد حيوي و الحمدلله وايد احسن

ان شاء الله خير

طمنينا عنج

 

[Miss_Tiger79]

الحمدلله على سلامتج
وما تشوفين شر انشالله

 

[لوباساج]

ماتشوفين شر حبيبتى وانصح كل وحده فوق الاربعين تسوي ماموغرام حتى لوماتحس بشى كل سنتين بس بشكل روتيني تري وايد احسن واللى اقل من 40 سنه يسون الالتراساوند اللى اهو السونار كل سنتين احسن شى