ديوانيـة --> بجريآت <-- : تعالوا نفضفض ونسولف !

[مناوووي]

&#55356;&#57146; هــــلاأآأآآ و غـــلاأأآآآ &#55356;&#57146; عبوره

أڼــ♡ــٱ بشوف اذا رضعت بشتريها

 

[قـــمـــرهم]

مساء الاجواء الحلوه ..

بنااات بسالكم عن شغله ..

منو سمعت عن ( قصر عنق الرحم ) ؟

يعني كل حمل لازم ربط ؟!

 

[روزماري]

مساء الجو الروعة

قمرهم انا قالتلي الدكتورة اذا عنق الرحيم قصير راح اسويلج ربط وانا مطيحه حمل من قبل

اللي اعرفه ان قصر عنق الرحم يسبب اجهاض وولادة مبكره بسم الله عليكم

 

[قـــمـــرهم]

هلا روز ماري

مساء الامطار والغيوووووم ..

انتي الحين بأي شهر ؟

ولما طيحتي قبل بأي شهر كنتي ؟

وشنو اسباب الاجهاض ؟

سوري ع الاسئله الواجد بس لانه نفس حالتي

ويارب يارب ماتحتاجين الربط ويتم حملج لي الاخر بدون ربط

 

[روزماري]

لا عادي يا قلبي أخذي راحتج


انا الحين عقب بأجر ادش الثالث بإذن الله
قبل طيحت بالاسبوع السادس من غير سبب صار معاي نزيف و اجهضت الحمدلله

تدرين ما اعرف شلون طريقتها عمليه الربط بس اسمع انها سهله و بالعكس ودي اسويها لأني ماشالله فيني توم وخايفه حييل من الولادة المبكرة لا سمح الله

 

[مناوووي]

الله يتمم عليكم يارب ويحفظ اجنتكم

 

[قـــمـــرهم]

لا عادي يا قلبي أخذي راحتج


انا الحين عقب بأجر ادش الثالث بإذن الله
قبل طيحت بالاسبوع السادس من غير سبب صار معاي نزيف و اجهضت الحمدلله

تدرين ما اعرف شلون طريقتها عمليه الربط بس اسمع انها سهله و بالعكس ودي اسويها لأني ماشالله فيني توم وخايفه حييل من الولادة المبكرة لا سمح الله

ماشاااااء الله تبارك الله

الله يثبت حملج ويرزقج الذريه الصالحه المعافاه الباره يارب

الاسبوع السادس يعني كنتي بالشهر الثاني توج

اممممم من تجربتي ما اعتقد انه االاجهاض بسبب ضعف او مشكله بعنق الرحم

لانه انا طيحت بالاسبوع ال18 وكل مارحت لدكتور و قلتله اني طيحت بالاسبوع ال18

ينصدددددم لاني عديت مرحلة الخطر اللي هي الثلاث الشهور الاولى

ف طلع عندي مشكله ( قصر عنق الرحم ) وطبعا ماعرفت هالمشكله اللي توني بحمالي هذا

لانه لما صار الاجهاض اخذوا المشيمه وسوولها فحص وطلعت سليمه وماكان في سبب معين

وطبعا عنق الرحم مانقدر نفحصه او نعرف مشكلته الا بفترة الحمال ...

ولما حملت سالتي دكتورتي سويتي فحص عنق الرحم بحمالج الاولي قلت لااا شنو هذااااا؟!!!!!

وصج اول مره اسمع فيه !!!!

قالتلي الحامل لازم لازم بالاسبوع ال13 تسوي فحص لعنق الرحم ونشوف اذا فيه مشكله

وصج لما وصلت هالاسبوع شافت الدكتوره انه عنق الرحم عندي قصير طبعا عن طريق السونار الخارجي

ماسوتلي فحص داخلي ..

والله يسامحهاااااااا دكتورتي اللي قبل والله ماجابت طاري لعنق الرحم ولا قالتلي عنه شي ولا كنت اعرف

عنه شي ولا سوت فحص!!

اليوم لما طلعت من من دكتورتي وسالتها يعني بكل حمل لازم ربط قالتلي لازم كل حمل تسوين فحص

واحتمال كبير انه لازم ربط بكل حمله .. الحمدلله الحمدلله الحمدلله على كل حال


والله طلعت وتذكرت دكتورتي قبل وقلت الله يسامحهاااا اللي ماحرصت على هالنقطه ولا علمتني ونبهتني

بس انا مو معترضه كل شي يصيرلنا خييييييره

الحين اللي عليج اتاكدين من عنق الرحم اهم شي بالاسبوع ال 13 لااااااازم

واحرصي ع نفسج لا اتعبين نفسج ابدا


سوري ع قرقتي بس ابي اقوولج شصار معاي بالتفصيل يمكن تستفيدين مني

لانه ماودي يصير لاي وحده اللي صارلي


شوي او باجر اقولج عن عملية الربط هم بالتفصيل

واذا مالج خلق قوليلي عادي :eh_s(22):


بس تعبت وبريح شوي

 

[soft.eye]

قوووه بنات

 

[روزماري]

قمرهم
ما قصرتي حبيبتي
وكلامج نفس دكتورتي قالت اذا عديتي الثالث اشوفلج عنق الرحم
و قولي الحمدلله انج عرفتي شنو مشكلتج عشان كل حمل تسوين هالفحص

اي والله ياليت تقولين عن العمليه احاتيها و قالولي انها تخدير كامل و انا أخاف من التخدير

انا حدي خايفه يصير شي بالحمل لا سمح الله مع انه مومن طبعي اوسوس كللش بس هالايام مادري شفيني أحلامي صايرة تخوف

عسى الله يتمم علي و عليج و على كل البنات ياااااارررب

 

[قـــمـــرهم]

الحمدلله الحمدلله الحمدلله

واللهم امييييييين يارب



عملية الربط ...

العمليه هذي المفروض اذا اي وحده بتسويها

تسويها بالاسبوع ال١٢ او ١٣ وبالكثييييييير ال ١٤

هذا اللي عرفته من دكتورتي

بس انا سويتها بالاسبوع ال ١٥ حييييييل متاخر

لانه كان معاي دم متجمع بالمشيمه ودكتورتي قالتلي ما اقدر

اسوي العمليه وفيه دم

فقعدت اراجعها اسبوعيا اجيك ع الدم اذا راح او لا

طبعا مع الراحه التاااااااامه من السرير لي الحمام وبس

اصلي وانا قاعده
واكل ع السرير ما اتحرك ابدا ابدا

واخذ حبوب دوفاستون وتحاميل مثبته مرتين باليوم

لين قبل عملتي بيوم اللي هو الاربعا كان عندي موعد

وسوتلي سونار والا الحمدلله الحمدلله باجي نتتتتفه من الدم

وقالتلي خلاص ما اقدر انطر اكثر من جذي والدم اللي باجي

مع الراحه يروح لانه شويه ...

وقالتلي باجر اللي هو الخميس عمليتج

تكون عندي ٦ ونص الصبح وصايمه قبلها ب تقريبا

٧ ساعات او ٦ لا اكل ولا حتا ماااااي

طبعا يومها ماقدرت انااااااا

 

[قـــمـــرهم]

الحمدلله الحمدلله الحمدلله

واللهم امييييييين يارب



عملية الربط ...

العمليه هذي المفروض اذا اي وحده بتسويها

تسويها بالاسبوع ال12 او 13 وبالكثييييييير ال 14

هذا اللي عرفته من دكتورتي

بس انا سويتها بالاسبوع ال 15 حييييييل متاخر

لانه كان معاي دم متجمع بالمشيمه ودكتورتي قالتلي ما اقدر

اسوي العمليه وفيه دم

فقعدت اراجعها اسبوعيا اجيك ع الدم اذا راح او لا

طبعا مع الراحه التاااااااامه من السرير لي الحمام وبس

اصلي وانا قاعده
واكل ع السرير ما اتحرك ابدا ابدا

واخذ حبوب دوفاستون وتحاميل مثبته مرتين باليوم

لين قبل عملتي بيوم اللي هو الاربعا كان عندي موعد

وسوتلي سونار والا الحمدلله الحمدلله باجي نتتتتفه من الدم

وقالتلي خلاص ما اقدر انطر اكثر من جذي والدم اللي باجي

مع الراحه يروح لانه شويه ...

وقالتلي باجر اللي هو الخميس عمليتج

تكون عندي 6 ونص الصبح وصايمه قبلها ب تقريبا

7 ساعات او 6 لا اكل ولا حتا ماااااي

طبعا يومها ماقدرت انااااااام:eh_s(2):

من الخوف والمحاتاه

قعدت ٥ ونص بس تاخرت عليهم تقريبا وصلتلهم ٨ ونص

ناسيه ..

رحت المواساة ومعاي جنطتي دشيت صعدت الدور الرابع جنه

قالولي تبين سرير والا غرفه حجزت غرفه

طبعا الغرفه غرفة ملاحظه بس اقعد فيها لين يجي موعد العمليه

وبعد ما اسوي العمليه اقعد عندهم ٨ ساعات وخلاص اطلع

لانه العمليه بسيطه يطلعونج بنفس اليوووم

لبست لبس العمليات انسدحت ع السرير نزلوني تحت غرفة العملياات

اذكر شفت الساعه وانا بغرفة العمليات ١٠ الصبح

قبلها كنت بغرفة صغيره قريبه من غرفة العمليات وانا ع السرير

يقيسون ضغطي ونبظات القلب والسستر تسالني لابسه عدسات

عندج اسنان تركيب ؟ حساسيه من دوا معين ؟

لانه العمليه بنج كااااااااااااامل

جاني دكتور البنج سالني اسئله اللي اذكره فيج ربو؟

وعقبها ودوني غرفة العمليااات ااااخر شي اذكره

قالي دكتور البنج .. انتي شنو لابسه !!!!!

كنت لابسه لبس العمليات اثنين فوق بعض هههههه

واحد رابطته من ورا والثاني من جدام

من الحيا الزايد ههههههههههه

وقالي قطي واحد منهم وعقبها قالي بحطلج هالابره بالمغذي

راح اتدوخين بس من غزها بالمغذي ماااااااا اذري شاللي صااار

سووا العمليه وانا ناااايمه ما احس بولااا شي

قمت والا حاطيني بغرفة الملاحظه اللي بعد العمليه ومعاي ثنتين بالغرفه

سرير يميني والثاني يساري توهم مسوين عمليه بعد

واشوف السسترات رايحات رادات من بعييد وانا دايخه حدي

مو قادره اتكلم من البنج اطالع الساعه والا ١١ ونص الصبح قلتلها بصعد غرفتي

بالموت تكلمت قالت لازم تقعدين اهني عندنا سااااعه كامله بعدين نصعدج فوق

سكت شوي وقعدت ابجي هههههههههه والسستر تهدي فيني مو عوار بس

خوف ع ربكه انا حدددي خواااافه ):

شوي صعدوني فوق لغرفة الملاحظه اللي انا حاجزتها اول مادشيت

شفت زوجي وابطها بجيه هههههههههههه واااااي ماادري ليش بس حده شعور

خايس ):

طبعا انا وحده حيل حيل اتعب من البنج اقعد يومين بعد البنج ترجيع ولوعه وصداع

ودوخه حيييييييييييل يتعبني ):

وفوق هذا بصراحه بدون مبالغه ويمكن انا ما اتحمل بس قعدت شوي وبطني يعورني

ماغص وتقلصات وعوار ):

اقرا مواضيع البنات انه مافي عوار جايد بس انا تعبت حيييل مابي اخرعج

بس بصراحه انا وحده ما ااااااا اتحمل شي ...

حتا الابره ابجي منها واتضاااايق ):

ماتحملت الالم طلبت مسكن وبعدها مسكن

ولما طلبت الثالث مارضت الدكتوره تقول مووووزين

بس انا ما تحملت العوار ):

وطقوني جم ابره مضاد وما ادري شنو

جنه ابرتين ناسيه لاني كنت مخدره لي الحين

لما صارت الساعه ٦ المغرب قالتلي خلاص الساعه ٨ روحي البيت


بس انا كنت حدددددددددددي تعبانه وحجزت غرفه عندهم

وماطلعت الا ثاني يوم الجمعه قبل صلاة الجمعه بشوووووي

وطول اليوم اذا بروح الحمام لازم السستر معاي

الساعه ٤ الفجر قدرت اتحرك بروحي الحمدلله ..

لما جيت بطلع ماااا قدرت اقعد ع الويل جير احس بضغط موطبيعي تحت

وكان معاي افرازات واجد واااااااااجد وشوية دم و السستر قالتلي عادي

شي طبيعي ..

ناسيه جم استمر معاي بس اعتقد ٤ ايام او ٥

واول اسبوع حيييييل تعب من العمليه والبنج

وترجيييييييع

والصلاة ما اقدر اقعد اصلي وانا منسدحه

بس بعد الاسبوع الحمدلله حيل احسن

والحين بعد تقريبا شهر حيل احسن اللهم لك الحمد

بس ع طووول منسدحه ولا اطلع واليوم بس رحت موعدي

وعشان قعدت بالسياره تقريبا ساعه

مكان العمليه احس بضغططط جني توني مسويه العمليه

بس موو عوار قوي يعني مثل الضغط

ولي الحين مستمره ع الدوفاستون والتحاميل مره باليوم

والحمدلله على كل حااال

هذي قصتي الطويله العريضه هههههههههه


ترا انا اقولج انا وحده دجااااجه وما اتحمل شي كل شي يعورني
يمكن عشان جذي تعبت من العمليه

لاني اقرا بالنت كل اللي سووها يطلعون بنفس اليوم ويقولون بسيطه

الا انا ):


وترا دكتورتي قالتلي ارتاحي لي الولاده لانها تقوول لما سويتلج العمليه عنق الرحم كان مفتوح

فلاازم ترتاحين

لو كان مسكر جان قلتلج عادي اطلعي وتمشي

 

[قـــمـــرهم]

روز ماري

انا صج تعبت من العمليه بس ارتحتتت ما قمت اوسوس

واحاتي انه البيبي يطيح

وقبل العمليه استخرت وسويتها ..

والحمدلله على كل حال

 

[ᵀᴴᴱƘsҺɑ]

صصصصصصصصباح الخير

ششششلونكم بنات وكروشات
ماباقي شي وادش الرابع الحمد الله
وكل شي تمام الله يتتممه علي وعليكم بالخير

هالايام عندي خممممول موطبيعي ...

اللله يعين بسسس

 

[روزماري]

قمرهم الحمدلله على سلامتج و عسى الله لا يضيع لج تعب و تبشرينا بولادتج وتقر عينج بشوفه ضناج يارب
و مشكووووره يا قلبي الله يعينج علي اسالتي واجد خخخخخخخخ لإنج تقريبا نفس حالتي


و ترى كلامج نفس اغلب البنات انهم حسو بالعوار و التعب عقب العمليه الله يستر انا مادري شلون وضعي عاد انا خوافه هههههه

و انا الحين أخذ دوفستون و بيبي أسبرين و تحاميل مرتين باليوم

و اليوم موعدي عند دكتورتي بسالها متى تسويلي الفحص لأني قمت احاتي من الحين

 

[روزماري]

على طاري الراحة انا بعد ممنوعه من المشي الواجد و كله منسدحة

استغفر الله تعبت من القعدة بالبيت ماقدر اطلع احاتي المشي و التعب غير الوحام اللي هد حيلي
يااربي متى يصير وضعي طبيعي و اطلع و اتمشى و اكل على راحتي

الحمدلله الله يكتب لنا الأجر

 

[مناوووي]

¤,¸¸,¤صبــاح¨°¨¨¤¨¨°¨الخـــير¤,¸¸,¤ &#55356;&#57145;

 

[يتيمة جابر العز]

السلاااام عليكم بما أني بجريه ف راح انظم معاكم


قمرهم

عملية الربط خرعتيني فيها حيل وانا اوسوس بالربط لان مجهظة مرتين

والحين خفت حيل من لي قتلتيه ياربي مايصير معاي ربط ياااااارب ياكرريم

 

[قـــمـــرهم]

قمرهم الحمدلله على سلامتج و عسى الله لا يضيع لج تعب و تبشرينا بولادتج وتقر عينج بشوفه ضناج يارب
و مشكووووره يا قلبي الله يعينج علي اسالتي واجد خخخخخخخخ لإنج تقريبا نفس حالتي


و ترى كلامج نفس اغلب البنات انهم حسو بالعوار و التعب عقب العمليه الله يستر انا مادري شلون وضعي عاد انا خوافه هههههه

و انا الحين أخذ دوفستون و بيبي أسبرين و تحاميل مرتين باليوم

و اليوم موعدي عند دكتورتي بسالها متى تسويلي الفحص لأني قمت احاتي من الحين

الله يسلمج ي قلبي واللهم اميييييييييين

والعفوووو مااااسويت

لااااا عادي اسئلي اللي تبينه بالعكس احب افيد غيري

والله يعينج ع قرقتي امبيه اشوووف ردودي كل رد قصه

انحرج اقوول امبيييه حدي قرقه صدعت رووس البنات

هههههههههه



وان شاء الله اتطمنج اليوم الدكتوره وترتاحين

ترا الفحص مجرد سونار عادي اللي البطن انا سوتلي

وشافت انه عندي قصر ..


وان شاء الله يارب يثبت حملج و ماتحتاجين ربط

بس انتي توأم ما ادري شلون !!

اعرف بنات حملوا بتوأم بعد علاج ولا ا حتاجوا ربط

واعرف وحده حملت بتوم بدون علاج و عندها عيال

وسوولها ربط

اهم شي تشوفين عنق الرحم سواء علاج او لا
توأم او لا

والتحاميل اللي تاخذينها شرجيه والا مهبليه ؟


والخوف اذا انتي خوافه الله يعينج
بس والله واجد قالولي عادي ماتعور وعقبها وضعنا طبيعي
نطلع وانتمشى

بس انا وضعي اختلف

 

[قـــمـــرهم]

على طاري الراحة انا بعد ممنوعه من المشي الواجد و كله منسدحة

استغفر الله تعبت من القعدة بالبيت ماقدر اطلع احاتي المشي و التعب غير الوحام اللي هد حيلي
يااربي متى يصير وضعي طبيعي و اطلع و اتمشى و اكل على راحتي

الحمدلله الله يكتب لنا الأجر

الله يعينج ويصبرج ياااارب

شوفي انا بالخامس وصارلي شهرين منسدحه

اول الايام والله نفسيه اكس وبجي

بس الحين تعوووودت خلاص شسوي بعد

انتي تذكري الاجهاض وبتقولين الله لايعيد الشر

والحمدلله على كل حااااال وشوي شوي

بيصير عااادي عندج

 

[قـــمـــرهم]

السلاااام عليكم بما أني بجريه ف راح انظم معاكم


قمرهم

عملية الربط خرعتيني فيها حيل وانا اوسوس بالربط لان مجهظة مرتين

والحين خفت حيل من لي قتلتيه ياربي مايصير معاي ربط ياااااارب ياكرريم

هلا يتيمه

حيااااج الله بينا

والف الف مبروك الحمل الله يثبته لج يارب

لا تخافين ولا تاخذين بكلامي انا قلت اني خوووااااافه

واللي اعرفهم وسووها ماكانوا نفسي طلعوا بنفس اليوم

وعوار بسيط

يمكن خوفي زايد شوي وغيري يقدر يتحمل

بس بعرف انتي بأي شهر اجهضتي؟ وشنو الاسباب ؟


وان شاء الله يارب ماتحتاجين للربط