حماي والخدم

[البتولً]

احسن حل لا تدخلين نفسج بالسالفه خوفي الشغاله
وقولي لها تقول لامة او زوجته وانتي خليك برا السالفه وقولي
اذا ما قلتي لماما ولا زوجتة يصير مشاكل كبيرة وخوفيها من هالناحية

 

[برنسس كاتي]

والله في سوالف الحموان وهل مواضيع ينخاااف تفتحين فمج يقلبون السالفة عليج ولا
يطلعون عليج حجي :eh_s(4):
ممكن تحاولين تمسكين الخدامة وخرعيها !!
قولي لها هذا حرام وما يجوز وهو بس يبي يلعب عليج وانه
لو احد درى بيطقونج طق سنه بساعه ولا اي شي خرعيها وقنعيها ،
بس هو الخوف تغتر بالفلوس ،
او بعد ممكن تجيبين لها شريحة جوال ثانية عشان ما يتواصل معاها وتكسر شريحتها القديمة ...
الله يعين مرته والله ، اذا كله مشاكل وهواش ليش ما يتزوج ثانية بالحلال ومو خدامة

 

[نـعـومـه]

حراااام تسكتين قولي لزوجج اهوه يتصرف

 

[عروسه حلوه]

خيولون خيخونها وانتي شكو فيهم اهم شي ريلج واشدعوه مرته ماتدري اكيد تدري بس ساكته خلج برا الموضوع لانه اذا درو انج تعرفين راح يكرهونج اهيا وعيالها وبيطلعون حجي عنج ومايكلمونج

 

[lemonda]

يابنت الحلال ابعدي عن السالفه اكيد دام معروف انه له سوالف مع الخدم يعني هذي لا اول ولا اخر مره وخذيها قاعده اي مو ضوع يخص اهل الزوج كوني لا اسمع لا ارى لا اتكلم وفكي نفسك من المشاكل

 

[ام لعيال]

كلام كويتيه بروما والاخت ليموندا وايد صحيح وبعدين محد مايعرف اهله عدل يعني الام والزوجه والاخوان يدرون من قبل لا تدرين وساكتين لاحول لهم ولا قوه ماجات على هالمره وفعلا ان فتحتي الموضوع بتفتحين على نفسج ابواب جهنم وبتكونين ف لبلاك لست عندهم كلهم وبالنهايه اهو كبير مو صغير يوجهونه ويعدلون له مسار حياته ,اهو مقتنع بالي يسويه وان وصله الكلام بيعرف انه انتي وبيلتفت عليج وخذي من الكلام الحلو اللي بتجيبينه لنفسج0000​

 

[ام اريج 22]

مالج شغل فيهم خوف تقلب السالفه عليج ابع ي عن الشر وغنيله

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[فرزاشيهـ]

اي ولله صاجين البنات لاتدخلين بمنتاهات انتي بغنى عنها

 

[اكسبلانكا]

برايي تقولين للخدامه نفسها اذا متضايقه صج منه تقول لمعزبتها اللي أهي خالتج وانتي طلعي من الموضوع لايحطونها براسج​

 

[يارب يطيب عبود]

انا أقول لا تقولين لزوجك تفتحين عينه على شي انتي في غنى عنه

ممكن كأنك تسولفين عن مشاكل الخدم مع الرجال وتكون زوجته جالسه وتسمع
ما أدري
بس إذا له سوابق مع الخدم ومعروف عنه هالشي أخاف زوجته يجي بخاطرها وتحس أنك تقصدينها

المهم دوري لك حل بس طلعي زوجك من السالفه

 

[ąl.65мђ]

اممممم انا اشوف تقولين للخادمة تقول لزوجك وانتي كانك ماتدرين عن شي يعني بين الخدامة وزوجك
وبكذا زوجك درى وانتي طلعتي منها​

 

[امـ خــزامـى]

بنات مستغرررررربه منكم
شكلكم مع بداية هالشتويه نامت عقولكم وخططكم وتفكير الكونان اللي فيكم

فيه كذا طريقه توصل فيها المعلومه ومن غير ماتدخل نفسها بالموضوع ولايدري عنها

ممكن ترسل مسج من اي رقم غريب لخالتها او زوجة حماها او حماها بعد !!

ممكن تهدد الشغاله وتقول لها اذا ماقلتي لخالتي او زوجي اللي يصير ترى انا بعلم عليك

وممكن تمسك جوال الخدامه قدام زوجها كانها تبي شي منه عاد هي تطلع لها اي عله وتسوي نفسها متفاجاه من اللي قرته
واكيد بيسالها زوجها وش فيه وتقول لا ولاشي طبعا بيصر وتقول امسك اقرا
<<مسلسسلاااااااات

فيييييييه طرق كثيرررررررره بس المهم ماتسكت ابد

 

[كويتية بروما]

هههه كويتيه بروما
خليتي السالفة كلها ونقزتي على لقافة البنت

من قال البنت تبي اخبار اهل حمولتها

انا كله اسولف مع خدم خالتي يوم ينظفون لي ومطيحة الميانه واتضحك وياهم وعمري ما سألت عن بيتهم تحت شيسوون


السالفة كبيرة وخليتيها ونقزتي على اللقافة ؟؟ شكووو


الصراحه قولي لزووجججج

والله يعينها على زوجها قطيعه شاف هالعيوز وفصل عليها

اكيد عنده علاقات فظيعه

اي لقافه من وجهه نظري تحقق معاها وشنو قال وليش ومن متى وتشوف تلفونها

حياتي الخدامه لو مو معطته مجال جان ما تمادى ورقمها من وين له


واللقافه تخرب بيوت
باجر لا افتحت الموضوع مع خالتها
ولا زوجها زل لسانه زوجتي تقول الكل بيقلب عليها ويمكن يطلقونها
ترا سالفه شرف مو شي عادي

حبيبتي شفتي الميانه اللي مطيحتها مع الخدم والسوالف بيي يوم تطيح هيييبتج وشوفي الخدم اللي تضحكين معاهم اشلون راح يضحكون الكل عليج
التعامل مع الخدم رسمي وفيه رحمه وادب بتعامل انساني راقي
بس ميانه وتكعكع وضحك مستحييييل
الصراحه عن نفسي ماانزل مستواي لخدم وافتح مجال
بلنسبه لج عادي انا اشوفها غلط
وحياج قلبي

 

[هنا22]

قولي حق ريلج وانت لا تطلعين بالصوره خل يقولهم انه عرف هذا السالفه والمسجات بس لا يقول عن طريقج عرفهم

 

[ghadeer212]

مشكورين على الاقتراحات وراح اخذ رايكم واسكت وامري لله والباب اللي يجيني منه ريح راح اسده واستريح وكيفهم والخدامه انا ما اعطيها ويه بس اهي فضولية وملقوفه شسوي! ومقرة اني ما اناديها تنظف الا بين فترة وفترة.

مشكورين حبيباتي والله يقدرني اني اسكت

 

[a7la_7b]

انا اقول لاتتدخلين عشان مايقلبون السالفه ضدج وتصير المشاكل
اهم شي ديري بالج على عيالج منه اللي يفكر بخدامه عمرها 50 كبر امه اكيد نيته وصخه

 

[اميره1980]

خلج بزوجج و بيتج و لا تتدخلين بشئون غيرج
الحين بزمنا هذا اللي ينصح يطلع هو الغلطان و من اقرب الناس بعد
حتى لو نيتج سليمة و تبين الخير لغيرج لكن ما تدرين نيه الناس شنو و شنو بتكون رده فعل اللي بتنقلين له هالسالفة
و بعدين الغلط مو بس من حماج حتى زوجته و على كلامج عايشين مع بعض بس علشان العيال و حماج ريال و له حقوقه الشرعية و ما انجبر يسوي جذي الا من زوجته علشان جذي لا تتدخلين بشئون الغير احسن

 

[Bloom]

الصراحه انا مستغربه منج
انتي شكو بالخدامه ومطيحه معاها الميانه تبين تعرفين اخبار اهل زوجج باي طريقه
وحطي ببالج مثل ما انقلت لج اخبارهم بتنقل اخبارج لهم بعد
والتجسس على الناس حرااااام
انا اقول اشغلي وقتج ببيتج وزوجج واتركي الناس بحالهم
من تدخل فيما لا يعنيه لقي مالا يرضيه

لاتظلمين البنت ! انا بعد صادني نفس موقف البنت ترا الخدم يتكلمون حتى لو ماسالتيهم !

 

[رنيم الروح]

اذا مثل ماتقولين حبيبتي له سوابق وزوجته تتكلم عنه وامه ماترضى عليه شي وله معزه عندها وعلاقتكم فيه مو ذاك الزود
طلعي نفسك من الموضوووع كلش لا تجيبين النفسك المشاكل