ريلج يحبج قويه واهلج يحبونج غنيه @@@@@

[شادن33]

سلامو عليكوووو

شلووونكم بنااات

هالمثل ينطبق عليكم ولا اااا؟

يعني انتي من النوع اللي تشتكين و تونين مثل سياره الاسعاااااف !!!

وريلج يضايق لما تمرضين وااايد او يكون مهدووود حيلج وطولج وخصرج من المراكض ورأ اليهاال :eh_s(16):

هذي وحده عوده تقولين يما عيب المره تشكي وتون هذا يعورني وهذا يعورني عند الريال !!!!

تلووووع جبده منها !!!ياسلااام يحب المره القويه النشيطه الحصانه >>> حلوه الحصانه موو ههههه

عاد ان الله حق كله اشتكي آي وآي وآي وخصوصا بالليل خخخخ اتلحف لحااافين فوق بعض :eh_s(10):

يعني امطبقه المثل بالعكس مع ويهي :eh_s(16):

أنزين حق منو نشتكي لما يعورني شي ولا نمرض لازم نعور. راسه بعد عشان يحس بتعبنا

خو مؤ مكاااين فول اوبشن >>>> أدافع عن نفسها

أنتو شلون نظامكم نفسي ولا شطااار

 

[غلايو]

انا اتذكر يوم يمرض هو كيف يتدلع الكلينكس مايسحبها من الكرتون

ف اردها فيه يوم امرض اتدلع و اتم عند اهلي ههههه ولو بس كحه اسوي عمري كلش ماروم اسوي شي ههه

مثل ماندلعهم ف مرضهم خل يدلعونا

اما التهابات تحت ولا متن ولا شي من جذي مستحيل
اسكت احسن لي وله

 

[Tame]

أنا طبعي من بنت ماستي ولا أروح المستشفى إلا لماااا أوصل حدي وماعرف انبطح لو بموت ولما أمرض يساعدني شوي ويشكل ولدي وصار يعرف له بس طبعا مؤ نفسنا لما نجابلهم وأكيد مايسون إلا الي بصحته ليعتني فيه فتره وعقب بمل بس في ناس صج تحن على كل شئ أنا لما اسمع الحريم أطق جبدي
والله اعرف وحده كانت مريضه من بنت بالسرطان ولحد اللحين مره أم عيال الله يشفيه وريله قال أبيه بخطبه ولحد اللحين وياه ومن ديره لي ديره ويعالجه وعياله كبار اهو الي يهتم فيهم لي تنومت أو تعبت يجابلهم وما شاء الله الله لا يغير عليهم

 

[معي احلى]

مااحسنك شدون ذكرتيني بمثل عندنا نفس العنوان .. يقول الرجال يحب المره قويه ..واهلها يحبوها غنيه ..



في حاجات كثيره مشتركه .. ^_^



بس مااظن انه م اتشكي لزوجك انك مريضه .. بس القصد انه تحاولي قدر الاستطاعه تكوني بصحتك ... ماتتعبي كثير ..

 

[موريا آدم]

الرفع للافادة

 

[شادن33]

يحليلكم
حياااكم

 

[بنت بـدو]

الرفع للافادة

 

[ماتغير شي]

إذا انهد حيلي اشكي له


المره مو بكل صغيره وكبيره تشكي لزوجها

 

[latkt7as]

والله قبل كان يهمني ارضيه وحتى لو فوق طاقتي وحتى لو ماطلب
وبالاخير احس انه ماعطاني حقي

اخر شي اكتشفت اهم شي نفسي وراحتها
اذا تعبانه اقول تعبانه ومالي خلق اسوي اي شي

حسيت اني بديت ارتاح نفسيا

وزوجي اهو اهو ماتغير فيه شي

 

[Perfume]

لووووووول شدون
ذكرتيني لما رحت اسوي فحص ماقبل الزواج
انا ادوخ من سحب الدم وطحت عليهم
وامي تصارخ تقولي الحين الريال بهوّن مايبيج بقول هذي مريضة مابيها خلاص
قلت لها احسن خل يبين على حقيقته
سوينا فلم لوووول
انا من النوع اللي اتحمل يعني مو اي الم اقعد اشكي واصيح
بس لا بد من التشكي بين فترة والثانية

 

[Patcholli]

اتصدقين شدون انا اشوف ان كلامهم صح ..!
بالنسبه لي كل ما امرض اشوف ان تصير هوشه بيني وبين ريلي ..
مادري هل اهو مايتحمل ان اانا امرض او مايتخيل ان حالي من حاله امرض لازم على طول اكون بصحتي اظحك واسولف حتى وانا تعبانه حتى لوبقمة المرض والتعب
تلقينه ساعه ساعتين يدلعج وكاسره خاطره بس لي الليل يتحلطم ويعصب ويتمشكل
من جذي ماقمت اقوله شي
وبالمقابل لما يتشكى ماعطيه وي وايد
يعني اقوله اي اخذ دواك
اي روح الطبيب
بس ما اعامله بدلع مثل ما انا اتمنى اهو يعاملني ويكسر فيني كل مره
قبل ادلعه واهو مريض نفس الياهل الحين لا
شنو اهو بس الي يمرض
لما انا امرض مايبيني اتعب ؟
انا اتكلم عن المرض الفعلي اللي صج الواحد يكون مريض وتعبان بس التشكي بزياده على كلشي مو حلو اتوقع هاذا القصد الاساسي من المثل

 

[انا المظلومه]

patcholli حياتي انتي الله يعينك نفس الحاله وربي مازيد حرف بعض الحريم مالهم حظ بالزواجهم لو ايش ماسون لهم بس نصيحه لكل زوجه لاتورين زوجك ضعفك وتعبك وخليك دايم قويه ونشيطه وحركه ونظيفه وانتبهي من الونه عندنا واحد من جماعتنا كاره زوجته بسبب ونتها اه منك يفلان ليش ياااااااااااااااااوه ليه عالطول ونين على عيالها اذا اخذو شي اذا كبواشي اذا سوت شي اه اه اياشغل اه اقسم بالله يقول اكره الجلسه معها ومع عيالي بسببها

 

[هِتاف]

انا ضددددددد هالشي واكره اللي يقول كذا
معلييييش فوق طاقتنا لييييه مو احنا بشررر مثلهم
ليه نعودهم م نشششكي ونتحممممممممل ولما ننفجرر ومايحسون فينا نروح ونلومهم
لااا انتي عودتيه ع شي مسسسستحيل تحملي
م اقول اشكي ليل نهار لااا بالعكس اشكي وقت اللي تكونين فعلاً تعبانه
ومحتاجته يوقف جنبك ويساعدك
راح يقدّرررر لانك مو معودته ع الونه الكثيره


ويكفي ي حرييييييييييم مثاليه بوووقت غللللللط صدقوني
ترا بصيح ههههههههههه

 

[aloooya]

uppp

 

[شادن33]

طلعتوا شطاااار

صح الوسطيه في التشكي احسن

 

[امـ خــزامـى]

انا ياحياتي مااوضح تعبي ولا احب اشتكي
لدرجه جتني ولاده مبكره وبكر انا اللي اهدي زوجي تخيلوووووووو

وطول فتره حملي وربي تعبانه ومنهد حيلي من الوحم اللي يقومني بدري ومايخليني انام الغثيان

وعادي يدخل علي وانا رايحه فيها ودايخه يقولي سلامتك وش فيك اقول ابد مافيني شي


بس من بعد ماولدت بنتي صرت اشتكي من السههر عليها اذا انمرضت ومن تنظيف البيت
والغسيل اللي مايخلص

وربي مرا من الارهاق جلست اصيح عنده < كسرت خاطر نفسي :eh_s(16):

وهو يشوفني ماغير الاحقها وارتب وراها ومنتفخه من القهر ويرحمني لاني يدري مااشتكي

اما زوجيييييييييييييييي ياربي عليه وناااااااااان

اسميه راسي يوجعني ههههههههههه

ماعمري شفته صاحي دايم يتونون ويتشكى راسي ظهري بطني معدتي

بس بجد بنات اتركوا عنكم التشكي الزايد وربي ترى صفه قبيحه
وتحطم الرجل
بيحس انك كئيبه ومالك داعي بالحياة
اسألوني انا محربه وعارفه

 

[طموح دائم]

تري صج بعض الرجال مايحبون اللي تتشكي وتتعب يبونها علي طول قويه وحرجه ونشيطه
وعجايزنا تري مفهمينا هالشغله انه لا تبينين جدام زوجك ان فيج شي تصدقين صارت قناعه عندي

 

[manoooram]

يعطيج العافيه على الموضوع
بس صج صج ضحكتيني على سالفة الحصانة و تتلحفين بلحافين
والله ما ألومج يا قلبي والله يعطينا الصحة والعافيه كلنا
سالفة الشكوى بكل شي بكل شي لأ مو مع هالشي
احنا بشر لابد بيي لنا وقت بنتعب فبتيين لريلج بتشكين له
بس كثرة الشكوى على أدناة الدون تغث .. فالوسطية والاعتدال أسلم

 

[الغضى]

فعلا من تطبق المثل ماراح تندم
الحمدلله من طبيعتي ما اتشكى من مرض
بس
للأسف اتشكى من عيالي ,,,,,,,,,, والله شكلة طفر مني

 

[انثى عاشقة]

اول ماشبكت طبيت ع موضوعج خخخخخخخخخخخ
جااااي بوقته بما ان بعلي مسوي عملية وانا الي اداريه
اوك اهتم فيه بمرضه
بس صارت كتوفي تعورني رحت الطبيب يقول شد اعصاب
ليل نهاااااااااااااااااااااار اشتكي جدامه ااااي كتوفي
واقول له بعد شكلي بتنوم في المستشفى من كتوفي
خخخخخخخخخخخخخخخخخخخخ​

ايه هين قال ما اشتكي ليه مو بشر ولي قدرة وطاقة !!!
مع احترامي للجيل القديم
احس كلامهم ما ينفع لزماننا
حريمهم غير حريمنا ورجالنا غير رجالهم​