دوانيه شلة منتظرات نتيجه عملية اطفال الانابيب والحقن المجهري

[سمو النفس]

فتاه حالمه ،،،،

انا الحمدالله بخير شلونج ياقلبي ،،، وسلامتج ماتشوفين شر ويارب يخليلج بنتج وتشوفين اخوانها وخواتها يارب ياكريم

 

[سمو النفس]

المهره بسراحه بعمليتي اللي قبل كنت موسوسه ومهتمه بأدق التفاصيل حتى بالاكل اكلي كان كله صحي وبدون بهارات وعصاير كلها فرش وسمج وربيان وفواكه ،ولا تسبحت الا باليوم ١٢ بس كل يومين اغسل جسمي وانا قاعده ،،



وبالترجيع هذا اكلي كان عادي وتسبحت وماشربت عصاير فرش عصاير عاديه وكنت مرتاحه نفس قبل واتحرك بالبيت عادي بس بدون درج واول اسبوع صليت وانا قاعده بعدين صليت عادي وانا واقفه وكنت ادعي ربي ،، اللي ابي اوصله لج هالمره كنت متوكله على ربنا اكثر من المره اللي قبل وقلت اذا ربي بيثبته بيثبت والحمدالله رب العالمين









يااارب يرزقكم وتبشرونا وتشوفون دموووووع الفرح بعيونكم

 

[ام حمود83]

سمو النفس بغيت اسالج عن حبوب البرجيلوتون اللي تكون لون احمر وابيض واحد وعشرين حبة
انا الحين اخذهم لكن بس الحبوب البيضاء سؤالي لج ولك البنات اللي تعرف هل هالحبوب تمنع نزول الدورة طول فترة الانتضار اللي اهي اسبوعين؟
يعنب ممكن اذا العمليه ماتكون ناجحة مايبين لان هالحبوب تكون رافعه الدورة؟

 

[rachaaa]

بنات ابي اسال الحين انا ما ابي اقرل حق اهلي بسوي حقن
قولولي شسوي واروح المستشفي بروحي ماادري خايفه وايد

 

[سمو النفس]

ام حمودي ماادري عن الحبوب اذا ترفع الدوره ،، يارب تبشرينا بحملج انتي وكل البنات

 

[سمو النفس]

رشا عادي مولازم احد من اهلج يروح معاج والعمليه ترا سهله كلها ساعتيين وتطلعين انا لمن سويتها محد يروح معاي بس انا وزوجي واخلس من الطبيب يوديني عند امي ووقتها محد كان يعرف الا امي واختي بس ،،،

 

[ام حمود83]

سموالنغس مشكورة عالرد
بس قصدي في بنات خذوها بعد الارجاع
ونزلت الدورة وما اكتمل حمالهم؟

 

[سمو النفس]

بعمليتي اللي قبل بيوم التحليل اللي سويته كان سلبي وحللت بعد ١٤ يووم قالتلي السستر خلاس اتركي الحبووب وبعد كم يووم تنزل دورتج ونزلت بعد يومين من التحليل ،، وان شاءالله معاد تشوفين الدوره من غير شر يارب

 

[سمو النفس]

حصه حبيبتي ووووينج طمنيني عليج ،،

 

[ام حمود83]

اي صح مايحتاج احد.معاج بس الزوج.علشان ياخذ موبايلج انا جذي سوويت وطلعت
عند امي وبما اني انا وزوجي نام عندها فترات طويلة هههه فاهل زوجي مايدرون حتى اهل امي مايدرون

 

[فتاة حالمة]

هل و غلا بأحلى الصبايا

اشتقت لكم اليوم كنت زايرة بيت اهلي

تابعتكم و تطمنت عليكم أفكر بمهرة و أسأل ربي يطمن قلبها

افتقدت حصة ربي يجعل امرها لخير وتطل علينا بأخبارها الطيبة

لا جديد عندي

 

[rachaaa]

ام حمود انا امي متوفيه ماعندي احد كل واحده بخواتي لاهيه بعيالها وحتي زوجي يقول مايقدر يترك الدوام يلا معها بالدوام راح يااخذ اجازة ٣ اسابيع احس روحي توهقت

 

[rachaaa]

سمو انا سويتها من قبل كنت معي اختي قاعده بمستشفي وزوجي ورديت ع بيت اختي قاعده عندها 3 ايام ورجعت البيت بس زوجي مطنقر هالمره ما يبي يقول حق احد
المره الي طافت اختي قالت حق زوجها وانفضح الموضوع الكل دري فما ابي ارجع السالفه مره تانية

 

[عسل حدي]

استغفر الله الذي لا اله الا هو واتوب اليه

 

[الدوسريه2]

السلام عليكم :eh_s(9):


ماشاء الله اخبااار حلوووه




سمو النفس مبررررووووووووك والله يثبت لك اجنتك يارب وربي فرحت للللللك :yaaaaaarb: من كل قلبي


اخباركم بناااات




بنات انا الدوره هالشهر تاخرت واجد طبعا عادي كل شههههر كذا بس اكلت دوفاستون علشان تنزل






وصار لها الحين 7 ايام وامس نزل مني دم وردي خفيف بالمنديل بس وبعدين الين الحين ومانزل مني شي بس نغزات في صدري والم في ظهرررري فظيع مقدر انسدح



وبس هذا اللي معي الحي تتوقعون شنو هرمون حليب والا التهابات والا تلخبط


ياربببي:yaaaaaarb:رحمتك ابيها تنزل تعبت ادعووولي بنات افكر اروح الدكتوره وش رايكم

 

[الـزينـة]

حبيبتي الزينة هالله هالله بالراحة التامة وخاصة الراحة النفسية والتزمي بالاذكار والقران والدعاء
انتي وين سويتي العملية
انا اخذ تحاميل واخذ حبوب البروجيلوتون بس الحبوب البيضاء 3مرات واليوم لي 11 يوم

هلا حبيبتي ام حمود الحمدالله مرتاحه للآخر وكل يوم أقرى الرقية الشرعية والبقرة والاستغفار والصدقة وربي يتقبل ان شاءالله ويثبت حملي وحملك ويرزقنا الذرية الصالحة وكل خواتي المحرومات

بالنسبة للحبوب أخذ تسع حبات باليوم :eh_s(16):

البروجيلوتون ثلاث مرات
دوفاستون ثلاث مرات
فوليك اسد
أسبرين
برجنانسي بلان

مع الجل المهبلي

واليوم ثاني يوم من الترجيع عسى الله يسهل

 

[labeeek]

الله يرزقكم اجمعين ويكتب لكم الذريه الصالحه وان شاءالله نشوف الشريط مال الحمل فالقريب العاجل بتوقيعج المهره

 

[ماتغير شي]

اقتباس:
المشاركة الأصلية كتبت بواسطة rachaaa
بنات ابي اسال الحين انا ما ابي اقرل حق اهلي بسوي حقن
قولولي شسوي واروح المستشفي بروحي ماادري خايفه وايد



​

حبيبتي لا تعلمين احد ليش تخافين كلها نص يون تقعدين بالمستشفى وتطلعين توكلي على الله والله يحفظج

 

[عسل حدي]

استغفر الله الذي لا اله الا هو واتوب اليه

 

[فتاة حالمة]

صباحكم رضا من الله

ورحمة وهبات لا تنقطع تملأ قلوبكم فرحة و أرواحكم سعادة و نفوسكم اطمئنان

و يكون يومكم بداية لتحقيق أمنيات فيها خير لدنياكم و صلاح لآخرتكم

________________________


الزينة ربي يثبت حملك وتفرحينا بإذن الله


الدوسرية سويتي اختبار حمل قبل لا تاخذين الحبوب ؟

طمنينا عليك حبيبتي


المهرة ربي يرزقك الراحة و الاطمئنان مع كل يوم جديد والحمد لله اللي سخر لنا العلم

و الإنسان لبلوغ الأمنيات

ربي يبارك تفكيرك ومسعاك من جد جربت طفل الانبوب مرة و الحقن المجهري 5

العملية مو صعبة بإذن الله لا تترددين وربي يفرحنا ونشوف توقيع الحمل بكل رد تكتبينه

ونبارك لك وندعي لك من قلب يحبك و يغليك


رشا حياتي أنا من السعودية - المنطقة الشرقية

وعملياتي كلهم بالتخصصي بالرياض ولامرة اخذت معي أحد ربي معاي عليه توكلي وهو نعم المستعان

وزوجي جنبي بكل مراجعاتنا

بداية فترة العلاج نروح ونرجع و مع فترة التنشيط لما تكون المواعيد قريبة نبقى هناك

تقريبا بناخذ فترة من 10 أيام لأسبوعين

بالثلاث عمليات الأولى ما كان حد يدري عنا رحنا و رجعنا لحد ما احمل و أبشرهم

أو ما يصير حمل و كل واحد منا يصبر الثاني وما نبين لحد من أهلي و أهله شي

أول و ثاني مرة بعد ترجيع الأجنة جلست عند اهلي مرتاحة عالسرير بس اروح المستوصف اخذ ابرة التثبيت

منشان شقتي لام اصعد لها درج

وثالث عملية سكنت بشقة فيها مصعد فبقيت بشقتي وكانت حركتي عادية مع الحرص وبدون إرهاق و الحمد لله ربي رزقني بنت بعدها

لكن بأخر سنتين سكنت مع أهل زوجي بشقة فالكل يعرف تحركاتي خصوصا انو زوجي مدرس

مافينا نبرر غيابنا سياحة او رحلة عمل غيره خصوصا اوقات الدوام

كنت مع فشل اخر عمليتين أتعرض لضغط نفسي كبير من كثرة الأسئلة و الاستفسارات و الكلام

اللي يتوجه لي و اللي يدور من وراي و أسمع فيه

حسيت بالنعمة اللي كنت فيها لما كنت مستقلة بشقتي ماحد يدري عني

نصيحة مني لا حدي يدري عنك و أنت مع زوجك برعاية رب العالمين قادرين على تخطي جميع

مراحل العلاج بدون مساعدة من الأهل


عسل حدي ربي يكرمك و يجعلك من الذاكريين المذكرين

الاستغفار توفيق من الله ييكون ذكرا على لسان الصالحين من عباده

ربي يكرمك و يرزقك المال و البنون


سمو أخبارك يالغالية ربي يتمم فرحتك على خير


حصة يارب تكونين بخير وسعادة


صبايا ربي يرزقنا تحقيق أحلامنا بقدرته إنه مجيب الدعوات