يوميات حملة كلي أنوثة بأحضان الشتاء 2013

[رقـة الاحسـآس]

بالليل 9 , 10 , 12 هيك أوقاااتي غالبااا

خلاص بحاول اني ادخل نفس وقتج ^^

بناات ماارديتواا علي إذا الظهر أغمق شووي من الجسم أستخدم بس صاابووونه !!!

حياتي لازم تحطين خلطات
او اقل شي وقت الحمام المغربي اهتمي بهالمنطقه يعني خلي اختج والا الخدامه تدخل تفركلج ظهرج
لان بروحج ما بتنظفينه عدل و عقب كملي جسمج بروحج طبعا
وبعد الشاور خليها تحط عليه زيت لوز
احسن عقب الحمام يكون مرطبج زيت اللوز او اي كريم يرطب عدل

رقوووقة بعد قلبي والله ماانتبهت لكلامك اللي قلتيه قبل
توني شفته والله مازعلت منك ولا قصدي شي
بس ابيكم تتحمسووووون حرام الموضوع فاتح ودخولنا قليل
حنا نسجل وندخل ونفتح موضوع حملات علشان ننظم انفسنا ونتشجع بالخلطات
مدهره >> والله ماعندي علم
بنات اذا كنت شديدة معاكم سامحوني والله ماابي الا مصلحتكم بس
وماعليه اذا كلامي ضايقكم لانه نفسيتي اليوم عددددم
.

فديتج
اهم شي انج ما زعلتي مني تراج ما تهونين عليه
ومن ناحيه الحماس كلنا نبا هالشي
وشكلها الهزبه نفعتنا
خوفتينا خخخخ
و لا اتعبين نفسيتج وحاولي تعدلينها باي طريقه
والله يفرج همج :eh_s(7):

 

[دلوعة ابوها85]

كيفكم بنات

ع قول ورده

وحشتوني وحشتووووووووووووووووووووووووووووووني

 

[سارة]

اي والله رقوقه فادت و بقوة هع
من هاوشتنا ضحاوي و انا أعابل بعمري
اتخيلها تدخل علي غرفتي بيدها عصا هههههههههه
بعد عمري والله ضحوي ادري انها تهاوشنا لمصلحتنا
و قلبها علينا
الله يسعدها و يفرج همها


عنايتي لليوم
غسلت فيسي بصابونه اكتي ايد
رشيت ماي ورد
دهنت بمرهم فتوكورت لانه طالع لي كذا حبه
ثم انتظرته يجف و دهنت بأفالون البرتقالي
صنغرت يدي بملح و ليمون و رطبتها
فرشت اسناني بنعجون كرست
حطيت خلطه الركب و الاكواع اللي هي الشوفان و الملح
و شربت ع الريق ماي مع عصره ليمون

لي باك ان شاء الله اخر اليوم


بنات شلون تغركون منطقه الظهر عندكم ؟؟
انا ساكنه لحالي
و استحي انادي زوجي يفرك لي
اساسا لو يشوف البلاليط وقت الحمام المغربي ان يحط ثوبه بفمه و يطلق رجله هع هع

 

[سارة]

بنات اذا فيه اخطاء املائيه مشوا الوضع هع
لاني ادخل من تلفوني


دلوعه منوره ياعسل
وين هالغيبات ؟؟

سحوبه كمان فاقدينها حييييييييل

 

[حلمي الأمومة]

أهلين بنات شخباركم ..*

امس بالليل رديت من بيت اهلي دايخه وماسويت عنايه قبل النوم للأسف *



عنـايتي لليوم*

[]الوجه []

} .. جهاز نيتروجينا ويف*
نظفت فيه .. بشرتي عدل ..{
*
}.. غسلته بغسول ديب كلين من نيتروجينا ..{

}.. ماسك 2 في 1 الي اهو ماسك غلاي وضفت له ملعقه خميرة البيرة ..{*

}.. مسحته بمنقووع اللافندر والبابونج البارد ..{*

}.. ورطبته بكريم بيبي فييس من مس بي كي ..{*


[]الهالات []

}.. كمادة لافندر وبابونج باردة ..{
} ..مسحه خفيفه زيت جنين القمح..{*

[]الشفايف []
}.. سنفرة سكر وزيت زيتون ..{
}.. ماسك عسل وليمون ..{
}.. رطبته بـ مرطب أنل ..{

[]اليد []

}.. خلطة سنفرات..{
}.. خلطة الالماسة لليدين 10 دقايق..{
}.. لوشن القشطة ..{

[]القدم []

}.. خلطة الصابون الافريقي وفركتها بفرشاه القدم ..{
}.. لوشن القشطة ..{*

[] الشعر[]*

}.. تونيك سورسير ..{*
}.. سيروووم للأطراف..{*


[]الجسم []

ما سويت فيه شي مسحته بفوطة بماي دافي انطر ست الحبايب تخلص عشان اتسبح السبوووح الكبير بسوي مغربي الخاص فيني*

...

سويت ماسك لشعري جرجير وزيت زيتون وثوم يمممه ياريحته حشا تتبيله سلطة هههه
حطيته بالثلاجه باجر بحطه بشعري الله يعيني ...

 

[حلمي الأمومة]

بنات احس نتايج عنايتي بطيئه عشان جذي راح استغل العطله هالثلاث ايام وبسوي بإذن الله تنظيف للقالون

سنا مكي + كراويه ع الريق ثلاث ايام


وبعدها بستمر على العسل مع كوب ماي دافي ع الريق لتنظيف الكبد

 

[مدّهره !]

ثاانكس ع الردوود بناات ...~

أحااسيس لا ماافيهاا ليمون ^^

 

[تاليا باقادر]

مساء الخير بنات انشغلت هاليومين بتجهيزات النفاس وكان عندي شوية فحوصات قبل العملية عمليتي اتفررت يوم الاحد وراح استمر على العناية وقت النفاس بس اول كم يوم راح يكون ترطيب فقط ادعولي بنات اني اقوم بالسلامة انا والنونو

 

[مدّهره !]

الله يقووومك بالسلااامه أنتِ والبيبي ...~

إنتبهي ع نفسك أهم شيء صحتك ..~

 

[بنت بني تميم]

رقووووقة ~> فديت روحك الطيبه والله مازعلت منك ولا راح ازعل ماقلتي شي يزعل حبيبتي

سارونة ~> ههههههه ياويلك مني لوووووول

تاليا ~> الله يهون عليك ويقومك بالسلامه ياارب
صحتك اهم شي ياعيني سبحان الله كنت افكر البارح وكنت برسل لك اليوم اشوف وش صار عليك

الله يوفقكم صبايا نبي همه ونشاط وحماااااااااس

حبيبااااتي
انا من غير شر ان شاء الله مسافره لاهلي يومين وبرجع
اكمل رحلة العلاج ويارب تجيب نتيجة
امممممم فبالتالي يمكن ماادخل الليله او بكره بس لاززم تطلون ع الحمله ًاوكي ياعسووووولات
اخذت معي اشياء بسيطه
شامبو مس انجل
كريم حمام الزيت من دكتوري
سنفرة العروسه
ليفة بودي شوب
لوشن الشد والسيولايت
كريم اولاي ومرهم لوريال للخطوط تحت العين وبالوجه
لابيلو بالكرز
سنفرة كوستي جوز الهند
مرطب هيمالايا لليدين
معجون اسنان وفرشاة
وبسسسسسسس .،.
عاد بجيب لي شغيلات من المدينة ��

 

[بنت بني تميم]

عنايتي الصباحيه
ماشاء الله لا قوة الا بالله

الفيس
صابونة الجلوتاثيون القالب
كريم كولاجين لوريال >> يجنن هالكريم بمعنى الكلمة
ترطيب وامتلاء بسيييييط بالخديدات خخخخ

الاسنان
معجون كولجيت
مجون كرست مبيض

العنايه الداخليه
ماء دافي محلى بعسل

اليدين
كريم همالايا

الركب
ريفير

وبالدوام رطبت يدي بفازلين الوردي لليدين


وبسسسسس

استودعكم الله الذي لا تضيع ودائعه
في امان الكريم .,.

 

[احآسيس هآدئه]

اليوم راحة لجسمي
بس دهنت يديني بفازلين موحد اللون
مادري مااحس شفت نيتجة عليه
يعني دعاية توحيد وكذا وماكو نتيجة

قبل النوم
وجهي صابونه كبريت بعدها بدهن كريم البقع
وبدهن زيت مقري على بطني وظهري
مالي خلق ادهن جسمي كله
الرموش مسكارا زيت جنين القمح
والرجول فازلين ولبس دلاغات
واليدين جيلوسليد


ضحاوي عسى ربي يحقق مبتغاك ويسهل امورك

 

[برنسيسه ورده]

زين لأن أناا بعد أحياناً مااأحطها يومي بس مااأطول سااحبه طبعاً هههههه

إي بنوااصل نشوف تاليتهااا ههههههههه ...~
...~

بسألك أناا الظهر شووي أغمق عندي وإنصحتني ووحده تقول لاتحطين عليه خلطه

بس صاابونه !!


وبصراحه إذاا حطيت عليه يقععععععد يقرررص فيني ويضاايقني حييييل ؟؟؟؟؟؟

هلا والله سوووري انشغلت بالدراسه :eh_s(1):
مدري ماعندي فكره والله انا احط عليه كل شي وما احس يضايقني
:eh_s(10):

 

[برنسيسه ورده]

بنات اقولكم سر ههه
انا غامرت واشتريت هذا الشي بس للحين ما وصل 70 دولار المجموعه كلها يعني بالعماني 27 ريال بالسعودي 270 وماعرف بالكويتي كم بس

خذيته من الموقع الي بالصوره كلها مجموعه جوتاثين من لوشن وصابونه وحبوب وفيتامين وكريم
للعلم اختي جربت الحبوب قبل وقضى على حب الشباب وتفتيح شوي

SKIN WHITENING SKIN BLEACHING SKIN LIGHTENING| Beauoxi White Plus Glutathione Whitening Pills

شوفو هالصفحه ؟؟
اختي اخذته من مركز طبي صحي بعمان وحنا بعمان البلديه ما تدخل اي شي مسويه رقابه قويه
على المراكز الصحيه والصالونات بخصوص بضاعتهم بس كان غالي ولاحظت بنات جامعه نزوى معنا بعمان يشترون منه كثير مو ملاحظه بس هو خبرني
وبالفعل طلع كلامه صحيح

انا ابيه للحبوب وابي نظاره لبشرتي شوي بصراحه حسيته فرصه دامه طبي وثقه لاني مليت من كثر الخلطات وهو جوتاثين ومعروف انه مامنه ضرر


شفت هالتجربه ف الموقع

وحصلت انه نادر ينباع بالمواقع

مس سوما...
انا قبل سنتين جذي استخدمت حبوب قلوتاثيون وطلبتهم من الفلبين واستخدمتهم مدة شهرين تقريبا لما خلصوا وبعدين وقفت وكنت وقتها في أمريكا ولما رجعت الكويت الكل لاحظ بشرتي تغيرت صارت لون واحد صج صج صفت وحتى السواد اللي برقبتي وبين فخوذي والمنطقة الحساسة كل جسمي صار لون موحد تبارك الرحمن وفتحت تقريبا شوي مو وايد صراحة بس لوني صار واحد وهالشي ونسني حيل!
وبعدين انتهت الفيزا مالتي وماجددتها وماقدرت أطلب من الحبوب مرة ثانية بس سمعت في بنات يبعونها بالمنتدى ويمكن اذا هالكلام صحيح وحدة من البنات تفيدج بس عشان تفتحين يبيلج أكثر من 6 شهور استخدام يومي

وهذا رد ثاني لها
ا

ختي الحبوب اللي استخدمتهم اسمهم
BeauOxi White Plus 5in1
وطلبتهم من الفلبين من موقع اسمه majic potions shop
بس ديري بالج ترى في وايد تقليد من هالحبوب يعني لاتشترين الا من أحد ثقة
ومن طرفي أقدر أأكدلج وربي فوقي اني استخدمتهم والحمدلله استفدت بس لازم تلتزمين..

وهذا الموضوع

http://www.q8yat.com/t740941.html

الحبوب حق اختي للحين ماخلصت لانها استخدمتها بس اسبوعين وراح الحب انا كنت افتش ولقيتها
بس خايفه احد يستغل هالشي وييبع ويحصل المقلد ويجي اثمه براسي

 

[حلمي الأمومة]

مدهرة > الظهر لازم صابونية وتفركينه بالليفه وبعدها سنفرة ولازم ترطيب يعني الي تسوينه لجسمج سويه لظهرج عالمنطقه منسيه أنا ظهري غامج وفيه اثار حبوب قديمة بس ان شاء الله مع العنايه اشوف نتيجه وهاذي خلطة سمعتها من دكتورة الجلديه نورة الصليلي جايبينها لقاء ع قناه بداية سألتها وحدة عن الظهر والآثار القديمة والسمار قالت استخدمي رتن اي و ايديوكين والفاكورت بس ماجربته والله


دلوووووعه يااااهلا ومسهلاااا انتي وحشتينا اكثررر

ساارة أنا افرك ظهري بليفه بودي شوب ع شكل فرشاة مخصصه للظهر ويطلع بلاليط هههه لاتحاتين

تاليا عسى الله يقومج بالسلامة انتي والبيبي بإذن الله


ضحيه ياحياتي الله يرزقج بالذريه الصالحه والله يوفقج بالعلاج عليج بالاستغفار والصدقه روحي والقلب داعيلج


برنسيسه المجموعه آمنه والله مايندرى عن هالحبوب الله يستر عليييج .. صلي الاستخارة قبل استخدامهم

 

[برنسيسه ورده]

برنسيسه المجموعه آمنه والله مايندرى عن هالحبوب الله يستر عليييج .. صلي الاستخارة قبل استخدامهم

\\شوفي حبيتي الي شجعني انه اختي تشتغل بمختبرات كيمائية لتحليل هالمنتجات

لذلك ناويه اعرضها عليها تاخذها المختبر واذا طلعت امنه استخدمته

 

[سـمـو الآمـجـاد]

توي كاتبة الرد بمكان الجداول هههههه



بااااك يا احلى صبايا ادري صارلي فترة ما اعبر بس ما يمديني ادش
ضفت اشياء وايد لعنايتي بصورهم لكم
الصبح صحيت خذت قفصة عسل و ماي
وحظيت ماسك الهردة وروب لويهي
ماسك الشوفان والليمون لركبي والأكواع
غسلت ويهي بالبابايا
وجسمي بسنفرة الاملاح مع سفيد اب مطحون
وبعدها الصابونية
ورطبت بزبدة الكاكاو ،خلوط بزيت جنين القمح
و المساء بغسل ويهي واطرافي
و كريم اميرة ماجيك لويهي
و مالافا لرموشي
وبرطب اطرافي

 

[سـمـو الآمـجـاد]

عندي استفسار

بنات شنو الصح
نحط السنفرة قبل ولا الصابونية ؟؟؟
ووين لاحظتوا فتحكم اكثر
لو سويتوها قبل ولا بعد ؟؟؟

 

[برنسيسه ورده]

سمو الامجاد الصابونيه قبل لانها تنظف الجسم عشان تدخل مكونات السنفره بدون عوائق للجسم

 

[سـمـو الآمـجـاد]

برنسيسة وردة انتي عمانية ؟؟؟ يااي

بس انا خايفة من حبوب مستحيل اغامر واشربها
جربي حبوب بروموس روز احلى نظارة وصحة