زواج المذاهب المختلفة .. مع/ضد ؟ " موضوع للنقاش"

[من يشابه ديرتي]

ضد اكييييييييييييييييييد وبدون اي تفكير
والسبب بالنسبة لي عشان العيال الام مذهب والأبو مذهب وهالشي بيخليهم يتشتتون
غير لما يكون من مذهب واحد افضل وأريح

 

[كوينه]

انا ضد والاسباب واااايد
لان تختلف وايد شغلات بطريقة الصلاة والصيام وغيره
وكل هذا راح ياثر على الاطفال بالمستقبل
لان بينحازون لطرف الاب او الام
وحتى لو كبروا ويبون يتزوجون فيه ناس تستنكر ان الام والاب مو من نفس المذهب
هالشي من سنييين بصفوف المسلميين ومعارك وحروب واختلافات
ومن زمان صار الفصل بين السنة والشيعة
فالافضل كلن ياخذ من مذهبه

 

[دلوعه ناعمه]

بليييز بنااااات اللي تقووول الاطفال يتشتتون ومايعرفون يختارون لاحبيبتي

اليهال بيكونون ع مذهب ابوووهم هذا شي طبيعي يعني مثاال

كويتي تزوج لبنانيه لطفال بيطلعون لبنانيين اكيد لا جناسيهم كويتين نفس المذهب

اذا الابو شيعي والام سنيه بيكونون الاطفال شيعه والعكس صحيح في بنات ضد بس ماعندهم اسباب

ولقوا سبب تشتت الاطفال حجه عشان جذي الكل يقول الاطفال يتشتتون انا اقول ذكروا الله وكلنا ننطق الشهادتين ومسلمين

 

[روحي تحبك...]

بنات انا محترمه رأي كلللل وحده فيكم سواء مع او ضد

بس العضوة الي اسمها ماكو اسم2 ومصرة على ان زواجهم باطل


يعني حتى زواج المسلم من مسيحيه باطل؟؟

طبعا لا لان مذكور بالقرآن... فشلون زواج مسلم من مسلمة باطل


ويا ليت شوي تخفف من عصبيتها مع احترامي لها

 

[∫ ∫ ∫ ∫ جــوان ∫ ∫ ∫ ∫]

بليييز بنااااات اللي تقووول الاطفال يتشتتون ومايعرفون يختارون لاحبيبتي

اليهال بيكونون ع مذهب ابوووهم هذا شي طبيعي يعني مثاال

كويتي تزوج لبنانيه لطفال بيطلعون لبنانيين اكيد لا جناسيهم كويتين نفس المذهب

اذا الابو شيعي والام سنيه بيكونون الاطفال شيعه والعكس صحيح في بنات ضد بس ماعندهم اسباب

ولقوا سبب تشتت الاطفال حجه عشان جذي الكل يقول الاطفال يتشتتون انا اقول ذكروا الله وكلنا ننطق الشهادتين ومسلمين

لا حبيبتى مو ماخذين الاطفال حجه بس هذا ابسط مثال ولو بنعدد الفرق بينا يالسنه وبين الشيعه

والسبب الى يخلينا ما نايد ماراح نخلص لان الاسباب وااااااااايد

بس احتراما لصاحبه الموضوع وللمشرفه ماراح نذكرها مانبى موضوع البنت يخترب ويطلع

عن صلبه الاساسى

وبس

 

[Dancing^Queen]

بنات شنو ضد او ما ضد الامر مو بهالسهاله ............هذا ما في اختيار ابن باز مفتي لا يجوز زواج السنيه من شيعي وزواجها باطل

السلام عليكم


اختي شاكرتلج رايج واجتهادج ومشاركتج

لكن الموضوع ليس للافتاء ومناقشه مشروعيه الزواج
الموضوع لابداء الراي في هذا النوع من الزواج واستمراريته وصلاحيته

وابتديتي رايج وان شاءالله يكون وصل
وشكرا مره ثانيه لمشاركتج بالموضوع بس ماله داعي نرد نعيد وتذكري ان الدين نصيحه اولا وانت لاتهدي من تحب لكن الله يهدي من يشاء ثانيا يعني ماتقدرين تفرضين الراي وتقنعين البنات فيه لكن تبدينه فقط وتشرحينه وهالشي انتهينا منه

 

[ابدا يالغالي مانساك]

شكوو زوااجهم بااطل الي تقوول

وشووف عااادي واكيد العياال بالمستقبل علي حسب مذهب ابووهم

 

[Q8 dreamer]

بليييز بنااااات اللي تقووول الاطفال يتشتتون ومايعرفون يختارون لاحبيبتي

اليهال بيكونون ع مذهب ابوووهم هذا شي طبيعي يعني مثاال

كويتي تزوج لبنانيه لطفال بيطلعون لبنانيين اكيد لا جناسيهم كويتين نفس المذهب

اذا الابو شيعي والام سنيه بيكونون الاطفال شيعه والعكس صحيح في بنات ضد بس ماعندهم اسباب

ولقوا سبب تشتت الاطفال حجه عشان جذي الكل يقول الاطفال يتشتتون انا اقول ذكروا الله وكلنا ننطق الشهادتين ومسلمين

الجنسية و العايلة و الامور هاذي لها قوانين تحددها
بس الدين قناعة

اعطيج مثال ..
الحين اي شخص امه و ابوه من نفس المذهب
شي طبيعي انه يكون على مذهبهم
و بعدين هالشخص كبر و قرا و بحث بالمذاهب
و اقتنع انه المذهب الثاني اهوا الصح
مو راح يغير مذهبه ؟ و يغير صلاته و صيامه و كل شي ؟

الدين و المذهب قناعة مو بالوراثة
يعني مو شرط العيال عالابو خصوصا اذا امهم من المذهب الثاني

و مثل ما قلتي كلنا مسلمين بس انا حبيت اوضح هالنقطة



.
.

مشكورين حبايبي على ردودكم و مشاركاتكم
يعطيكم ألف عافية :eh_s(7):

 

[moon2q8]

موضوع حلوو وانا من رايي ان كل واحد ياخذ الي يناسبه اجتماعيا
مو بس المذاهب في جميع الاشياء
البدوي ياخذ بدوية والحضري كذلك والسني والشيعي ياخذ الي نفس وضعه اجتماعيا والنعم بالجميع ولكن حتى لا يكون اختلاف في التربية والمفاهيم والعادات ولحياة بدون توتر

 

[عاشقه رويشد]

انا ضد افضل اني اخذ انسان من مذهبي تفاديا للمشاكل بالمستقبل

 

[Stylista_Q8]

أبدا.ماكو مشاكل الا للي يدورون المشاكل انا شيعية وريلي سني عمرنا ماحسينا بفرق نهائيا نهائياإاإاإا اهله يحبوني واهلي يموتون عليه وبنتي تشوفه يصلي بطريقته وانا اصلي بطريقتي عمره ماقالي لا تصلين جدامها ولا انا قلته لاتصلي جدامها وحسينيات نروح واهوا يروح معاي مرات اذا.ماكان معاي احد والحمدلله حياتنا من اروع مايكون الله لا يغير علينا وصدقيني اللي يبي المشاكل بيعيشها حتى لو خذى من مذهبه

معآهآ ..

معَ الزواج اذا كآنوا متفقين وطبعاً ما ينفع متشدد ومتشدده يتزوجون .. هني تبدى المشآكل

اما اذا كانوا معتدلين ف ليش لأ ؟

أعرف وآيد ناس من أهلنا ومن رفيجآتي امهاتهم وابهاتهم من مذاهب مختلفة

والي تقول العيال يتشتتون أو لازم على مذهب الأبو .. مب شرط!

رفيجتي طلعت على أمها واختها طلعت على أبوها .. لانه بالاساس الام والابو متفقين إنّ عيالهم يختارون المذهب الي يبونه

و عموماً الزوآج نصيب

 

[جولينار]

ضد

الاختلاف ليس في الفروع كما في المذاهب الفقهية


بل هنا اختلاف عقدي في الاصول


وهذا سبب كافي

 

[دآنة آلرشآيده]

انا شخصيا ماعندي مانع اخذ شيعي لو كان زين
ومن عايله وكل المواصفات فيه لانه يشهد ان لااله الا الله ومسلم

بس لو ترد لـ اهلي ماراح يرضون

بس بالمستقبل عيالي لو يبون
ماراح اعارض ​

 

[pink Barbie]

انا عن نفسي ضد ضد ضد ضد... الخ
خل اقولكم جم سالفه

في وحده حبت واحد غير عن مذهبها خطبها طبعا الاهل رفضوا البنت ينت قامت تشيل وتشدخ الا ابيه مابي غيره المهم انها وقفت بويه اهلها كلللللهم الا اخذه لما قالولها اوكي من عقب الحنه طاروا ببعض وصار بجي العرس مو مصدقين خذوا بعض عقب سنه او اقل جك بم الريال التزم وصار دين قام يتدخل بكللللللل شي ومشكله ورا مشكله وتطلقوا


سالفه ثانيه : بيت جيرنا الابو الله يرحمه شيعي و امهم سنيه عادي عيالهم كل واحد على كيفه مخلينه انت شنو تبي شنو مقتنع فيه سوا والحمدلله كلهم سنه عنده 3 بنات اكبر وحده فوق ال30 ما تزوجوا مع ان بناته كلهم موظفات ومنصب مو اي شي اللي دارسه بره واللي مدرسه واللي محاميه تخيلو شنو السبب ؟؟ لما ايونهم خطاب اهما البنات يبون سنه نفسهم لما ايونهم سنه شيقولون لا مانبي لان العايله والابو من مذهب ثاني مانبي ولي يومج صبيانهم تزوجوا والبنات قاعدين الله يرزقهم بالزوج الصالح يا رب


سالفة ثالثه: وحده تصيرلنا من بعيد تزوجت واحد عن حب بس المذهب غير والحمدلله عندهم يهال وعايشين وتزوجوا عيالهم وما تناديه الا عمري وينه عمري وفديت عمري حتى ما نعرف اسمه لما نسألها نقولها شلون عمري لوووول المهم مره بالشاليه لعبنا تحدي وصراحه سألوها امانه انتي مرتاحه مع عمري اللي اهوا زوجها فجأه جان تبجي متحسسسسسفه قد شعر راسها تقول والله تعبت موقف نصيب بناته الصغار اللي يخطبونهم سنه واهوا ما يبي لي درجة واحد شيعي امه سنيه رفضه عشان امه لان وااايد متشدد واااااايد واااايد مو شوي فحدها حدها تعبانه مو مرتاحه ومتحسفه


انا اقول حلات الثوب رقعته منه وفيه الحين اغلبيه البنات كله يفكرون احبه ابيه مايهمني مذهبه بس لو يفكرون عدل بعقلهم لي المستقبل شراح يصير بعيالهم ؟؟ وانتوا شايفين الفتن اللي قاعده تصير والله يعلم شراح يصير بالمستقبل فليش كل هذا كل واحد ومذهبه وبس


ادري قرقت وايد خذيت راحتي p:

 

[balenciaga]

انا بالنسبة لي لو يتقدملي واحد من المذهب الثاني راح ارفضه ...

لان انا عندي افكاري ومعتقداتي ماقدر اغيرها و لأني عارفة شنو مذهبي وفي اختلافات وايد .. عشان جذي انا ادري بروحي ماقدر الا اخذ واحد نفسي

لكن

هذا الشي لي انا .. اما اذا وحدة مثلا شيعية و مو وايد ملتزمه و ماتفرق معاها تاخذ شيعي ولا سني ! شنو المشكلة !!

و ايضا العكس صحيح واحد سني مو ملتزم ماتفرق معاه سنية ولا شيعية و ايضا وين المشكلة بالعكس انا وايد اعرف جذي ناس ماشالله عيني عليهم باردة من احسن مايكوون

بالنهاية القضية تعتمد على مدى التزامج و مدى حبج للمذهب الثاني وهذا الشي هم حطي علييه خطططط !

لان القصص الي البنات قاعدين يذكرونها ان الي ماخذين غير وصارت لهم مشاكل او .. كانت تحب واحد من مذهب و ماقدرت تكمل معاه عشاان مذهبه......

هذي معناته اهيا مو متقبل المذهب بكبره وبس خذت الي تحبه بدوون ماتفكر ...

فالقضية تعتمد على انتي شنو تقبلج للمذهب ككل

يعني الي تقوولج ضد و بقوووة عرفي ان حتى صديقات ما تصادق من مذهب ثاني ..

بس اذا انتي ماعندج مشكلة من هالناحية انا اوافق و بقوووة على هالزواج :ggdw::ggdw:

 

[Freakya]

أنا أمي سنية وأبوي شيعي

وطلعت سنية على أمي (من حيث أداء العبادات وجذي) لكن يظل مسماي شيعية عشان أبوي، المهم مثل ما قالوا بعض البنات اللي يبي يدور المشاكل يحصل عليها واحنا الحمدلله عايشين بخير وما بينا مشاكل، وعادي احنا متعاونين يعني مثلا ننطر ابونا عالفطور برمضان ما نتفطر قبله وجذي شغلات عادي، وانا عمري ما طبيت حسينية لان ابوي ما قال لي ولا غصبني ، لكن المشكلة مو بالزواج لا بمجتمعنا المتخلف اللي ماخذ فكرة غلط عن المذاهب الثانية وينسون ان العقائد تختلف بكل فرد من كل مذهب، طول حياتي أهل ابوي عمرهم ما تجرأوا يتكلمون عن السنه، لكن العكس اهل امي كانو وايد يألفون حجي عن الشيعة ويغلطون عليهم جدامي بكل وقاحة، بالأول كنت معترضة ليش امي وابوي من مذهبين مختلفين، لكن الحين أحمد ربي عشان ما يصير عندي تعصب طائفي مثل بعض الناس.. وشكرا

 

[نآعمہ]

السلام عليكم و رحمة الله و بركاته
شلوونكم ؟ عساكم بخير :eh_s(7):

موضوعي بسيط و اهوا للنقاش
هل انتو مع او ضد زواج المذاهب المختلفة ؟
يعني سني ياخذ شيعية او شيعي ياخذ سني ؟

لو تقدم لج شخص من المذهب الثاني راح توافقين ؟
او ترضين ولدج او بنت تاخذ شخص من المذهب الثاني ؟
سواء عن حب او زواج تقليدي

هل هالشي راح يزيد نسبة المشاكل و لا ماله خص؟


اتمنى اسمع أرائكم و نتناقش من غير هواش و غلط على بعض :eh_s(7):
لانه الموضوع مهم بالنسبة لي

و يعطيكم العافية :*

ضد

و بآلنسبة للسؤآل آلثآني ، إي ممكن يزيد آلمشآكل

أو يكون سبب رئيسي للمشآكل

مشكورة عآلطرح

 

[Q8 dreamer]

يعطيكم ألف الف ألف عافية على ردودكم و أراءكم :eh_s(17):

و عجبني فيكم روح النقاش و تقبل الراي الآخر :eh_s(15):


ما قصرتوا و الله :eh_s(7):
و عساكم عالقوة :*

.
.

up
خل نشوف راي الباجي ​

 

[Q8 dreamer]

Uppppp

 

[رفـاعية]

ضـــد ضـــد ضـــد بالثلاث