تجمع اولى وثانيه روضه للعام الدراسي 2012 / 2013

[أم عبووووود]

تجمع اولى وثانيه روضه

السلام عليكم ورحمة الله وبركاته

خواتي كل عام وانتو بخير حبيباتي عساها سنة خير عالجميع ان شالله

سيتم فتح تجمع الروضه وان شالله تفيدون وتستفيدون من خلال هذا الموضوع


ربي يوفق عيالي وعيالكم

 

[عيالي ذيابه]

انا ولدي اولي روضه
مادري شنو اشتري له

 

[كارلوفي فاري]

بنتي ثانيه روضه ان شالله

 

[سفرجل]

بنتي تخرج هالسنه ان شاءالله

 

[سفرجل]

انا ولدي اولي روضه
مادري شنو اشتري له

لاتشترين له شئ في مدارس تعطينهم فلوس واهما يشترون

 

[كارلوفي فاري]

جان زين يطلبون فلوس لانه صراحه لما اروح اشتري تطلع علي الاغراض قريب ٢٠. وكله اشتري نوعيات اصليه وفي امهات كل الاغراض من ابو اميه واتفاجأ بانه الرسمة اللي تجيبها من الروضه ملونتها بالوان بو طقه
انا سمعت انه بعض الابلات مايطلعون لكل طفل اغراضه يطلعون الاعداد اللي تكفيهم. علشان جذي انه ولي الامر يدفع احسن علشان يشترون الاغراض على الاعداد اللي تكفي ودايم يطلبون خمس دنانير صراحه زين مايسوى فرتي بالسوق القط كل قطعه بمكان

 

[do0ora]

سجلوني معاكم انا بنتي باولى روضة وماجهزت لها شي

 

[سفرجل]

مدرسة بنتي يطلبون منا فلوس
احسن كلهم نفس الشئ وموكل واحد احسن من الثاني
اريح

 

[دمعاتي تونسني]

انا بنتي بثانيه روضه وماشريت شي لها

 

[m'3rOoOra]

انا معاكم عندي بنتي وولدي اولي وثانيه روضه وانا مااحاتي عيالي لوووول احاتي نفسي شلون بقعد بالبيت بروحي يما خايفه حدي

 

[ربي يفرج لي]

انا ولدي باولى روضة شريت جنطة ولبس للروضة اما الشغلات على حسب الروضة الي هو فيها

 

[ام فهودان]

انا ولدي تمهيدي هذي سنه بنتي عمرها ثلاث ونص افكر ادخلها روضه مع اخوها وشغاله تراقبها اخاف اخليها لوحدها مع شغاله لانها توها جايه من يومين

 

[عيالي ذيابه]

بنات من تعرف التسجيل المتاخر شلوون طريقته

 

[ام محمد***]

السلام عليكم

متى دوام الروضه والابتدائية والمتوسط

كأني سمعت انهم أجلوه اسبوع
بس عاد هالتاجيل للطلبه ولا للهيئة التدريسيه!

 

[شيهانه شماليه]

الروضه الخاصه يبدون الاحد هذا يعتي باجر
الحكومه مادري متى بش اتوقع الاحد اللي عقبه لان المدرسات يداومون هالاحد
اولى ابتدائي تاريخ ١٧


فالهم الامتياز باذن الله

 

[الكويت حياتي]

احلا تجمع شكرا يا ام عبوود بنتي اولى روضه بشتري لها نفانيف روضه وخلاص مادري شلون يبون الجوتي وانتو بكرامه محتاره اتوقع الروضه مايدققون عدل بجري هالبنت فموعارفه شي وودي اغيبها ٣ ايام اخاف يبجون وحوسه اليهال اشرايكم

 

[ام مريووووم]

جوتي الروضه نفس المدرسه حبيبتي ممكن تاخذينه من اي مكان المهم اسود في عند سنتر بوينت موديلات حلوه ومريحه
ولاتغيبينه لان اول بوم تعارف ووناسه ومدرساتهم يصورونهم ويخلونج تقعدين معاه شوي بعدها تاخذينه وخلاص
نصيحه خل يتعود على الدوام لانه اذا من اولها غياب بيستعير عليج

 

[الصابرة المحتسبة]

وعليكم السلام

يعطيج العافية على هالتجمع أم عبووووود


سجلوني معاكم بنيتي ان شاءالله أولى روضة ماشريت شي ناطرة نظام الروضة يافلوس ياورقة طلبات.

 

[الصابرة المحتسبة]

احلا تجمع شكرا يا ام عبوود بنتي اولى روضه بشتري لها نفانيف روضه وخلاص مادري شلون يبون الجوتي وانتو بكرامه محتاره اتوقع الروضه مايدققون عدل بجري هالبنت فموعارفه شي وودي اغيبها 3 ايام اخاف يبجون وحوسه اليهال اشرايكم

نصيحة من أم لي تجارب سابقة لاتغيبنها والطفل أذكى منا

 

[سفرجل]

الروضه 16/9 الاحد
اولى ابتدائي الاثنين 17/9
وباجي صفوف الابتدائي 18/9



روضة بنتي طبقو التدريس من العام اشحلات كتبهم بس يخلونه في المدرسه نهاية السنه يعطونا
والحين ثانيه راح يعمقون اشوي