::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[نهى الأحمد]

هلا وغلا نهى
أنا الحمدلله بخير
وبالنسبة للردود تروح بعد مااكتبها لأن البرنامج الي ادخل منه يعلق احيانا
شكرا من الأعماق

هلا فيج ياقلبي

عسى دوم تكوني بخير

العفو حبيبتي

حاولي تستفيدين من كل شي يطرح في الحملة واقري الردود

عسى ربي يسهل امورج ويوفقج في حياتج ويسعدج

 

[تحت ظلك]

آمين الله يجزاج خير ياقلبي

 

[نهى الأحمد]

آمين الله يجزاج خير ياقلبي

العفو حبيبتي

اخت عزيزة وغاليه

واللي رح يفرحني اكثر لما اشوفكم كلكم مستانسين في حياتكم



عقب ساعه رح اطرح سؤال للكل كنشاط لبنات الحملة

ويوم السبت تسليم الاجابة

نطري مني السؤال ياقلبي وجاوبي عليه بصراحة

 

[حلمي الأمومة]

بالنسبه للموضوع الاول () الثقه بالنفس ()


الموضوع مفيد جدا تشكرين على طرحه خصوصا ان هالايام بسبب بعض الظروف الي يمر عليها الانسان


تؤدي الي زعزه الثقه بالنفس .. طبعا الجزئيه الاخيرة من الموضوع كلها تقريبا أعاني منها ( حساسه جدا من كلام الناس - دائماً أتخيل الناس ماعندهم الا أنا يفكرون فيه ويركزون على تصرفاتي ادري هذا غلط بس خارج عن ارادتي-دائماً أخاف من ردة فعل الاخرين ) مما دفعني للعزله في الفترة الاخيرة علما باني كنت شخصيه مرحه جدا واحب الجلوس مع الاخرين


سؤال يانهي شلون الانسان يقدر يتخلص من الكم الهائل من الأفكار السلبيه ..؟ يعني المسأله صعبه ولا سهله لأني حاولت بس ماقدرت يمكن بسبب ظروف حياتي الله المستعان


**********


نتيجة الاختبار 145 هههههه ان شاء الله تتحسن للافضضضضل *

 

[نهى الأحمد]

فديتج نهوي
ليت النسيان سهل مثل كتابة هالحروف
كل اللي اتمناه وادعي ربي كل ليلة اني اصير انسانة احسن اذا مو عشاني عشان الناس اللي احبهم

لان بالاخير ايامنا بهالدنيا محدودة
خسارة تضيع بحزن او ضيقة

بس منو الشاطر اللي يقدر
يتجاوز الماضي
و يتكيف مع الواقع

تفداج دنياي ياقلبي انتي

رب العالمين انعم علينا بنعمة النسيان ونعمة العقل علشان نفكر فيه صح ومن ناحية ايجابية تعود بالخير علينا

بتصيرين انسانه صح لو فكرتي بنفسج عدل وشلون تطورين من نفسج ياقلبي
تفكرين في مستقبلج

وانتي قلتيها ياقلبي

ايامنا محدوده بهالدنيا
واليوم اللي يروح مارح يرجع

وكلنا معرضين للوقوع في مواقف صعبة
والشاطر اللي يخلي اي موقف صعب يمر فيه باب يوصله لبر الامان والسعادة لما يتعلم من هذا الموقف الصعب

بامكانج ياقلبي تتجاوزين الماضي لو فكرتي بنفسج عدل

اللي راح راح

خلينا باللي ياي

عيشي حياتج ياقلبي

الله شكلها خوش حمله طآفتني : (​

موفقين بنآت​

وكل الشكر للمبـدعه والمتميـزه اختي نهى الاحمـد ​

الله يوفقج ويحفظج حبيبتي​

 

[نهى الأحمد]

بالنسبه للموضوع الاول () الثقه بالنفس ()


الموضوع مفيد جدا تشكرين على طرحه خصوصا ان هالايام بسبب بعض الظروف الي يمر عليها الانسان



تؤدي الي زعزه الثقه بالنفس .. طبعا الجزئيه الاخيرة من الموضوع كلها تقريبا أعاني منها ( حساسه جدا من كلام الناس - دائماً أتخيل الناس ماعندهم الا أنا يفكرون فيه ويركزون على تصرفاتي ادري هذا غلط بس خارج عن ارادتي-دائماً أخاف من ردة فعل الاخرين ) مما دفعني للعزله في الفترة الاخيرة علما باني كنت شخصيه مرحه جدا واحب الجلوس مع الاخرين


سؤال يانهي شلون الانسان يقدر يتخلص من الكم الهائل من الأفكار السلبيه ..؟ يعني المسأله صعبه ولا سهله لأني حاولت بس ماقدرت يمكن بسبب ظروف حياتي الله المستعان


**********


نتيجة الاختبار 145 هههههه ان شاء الله تتحسن للافضضضضل *

هلا ياقلبي

العفو وحياج الله

( حساسه جدا من كلام الناس - دائماً أتخيل الناس ماعندهم الا أنا يفكرون فيه ويركزون على تصرفاتي ادري هذا غلط بس خارج عن ارادتي-دائماً أخاف من ردة فعل الاخرين )[/quote]

يا الغاليه

لاحظت انه الاغلبية يعانون من كلام الناس وتأثيره عليهم ويزعزع ثقتهم بنفسهم

بس هذا غلط لانه كلام الناس احيانا ما يجي منه الا عوار الراس ويتعب النفسيه
واللي يدور الشقى لنفسه خليه مع كلام الناس

وبالنسبة لتفكيرج انه الناس يفكرون فيج او يتابعونج بكل تصرفاتج

دام انتي راضية عن نفسج مهما قالوا ومهما ركزوا على تصرفاتج
صدقيني رح تكوني مرتاحة البال
واللي يكون مرتاح البال رح يسعد في حياته

وردة فعل الاخرين المفروض نستغلها لصالحنا ونستفيد منها على حسب الموضوع

سؤال يانهي شلون الانسان يقدر يتخلص من الكم الهائل من الأفكار السلبيه ..؟ يعني المسأله صعبه ولا سهله لأني حاولت بس ماقدرت يمكن بسبب ظروف حياتي الله المستعان

هلا حبيبتي

بالنسبة لسؤالج

السالفة سهله
رح اطلب منج شي تسوينه

اول شي

كتبي على ورقة الافكار السلبية اللي تدور براسج على شكل نقاط

وفكري بكل نقطة عدل

على سبيل المثال

كلام الناس يأثر عليج

لو فكرتي بهذي النقطة قولي لنفسج
وانا شعلي من الناس
خليهم يقولون اللي يقولونه
اهم شي اكون راضية عن نفسي وراضيه ربي


انا عطيتج فكرة وحاولي تطبقينها وقوليلي شنو يصير معاج

وانا معاج انه ظروف الحياة لها تأثير في حياة الانسان

بس اهم شي انه ما نسمح للظروف تتعسنا في حياتنا وتعطل علينا لانه رح نخسر الكثير وتضيع ايامنا هدر

 

[حلمي الأمومة]

فائدتي من موضوع حديث الروح الاول () الأمـــل()

1 / عدم الاستسلام واليأس لأي امر في حياتي لابد من وجود حل مهما كان الامر بعد الاستعانه به جل في علاه

2 / بالنسبه لمثال عود الثقاب ---> اي مشكله اواجها لابد من الاستمرار في حلها ولا اقف عند بدايه الحلول وأقول خلاص مافي امل بل في مرة احد حلا مهما كان صغير سأجد حلا اكبر حتى تنفرج ( الفرج منه سبحانه ) لكن يجب بذل الأسباب


3 / بالإصرار والعزيمة يتغلب الانسان على مشاكله حتى يرى كل واحد منا الحياه جميييييله بجمال ما اودعه الله بها من نعم

4 / بالشكر تدوووم النعم

 

[نهى الأحمد]

صباحكم تفاؤل يا خواتي العزيزات


شخباركم


بداية

احب اشكر خواتي ضيوفي العزيزات على قلبي

فوفو

حديث الروح

لمجهودهم الكبير في الحملة
ان

جزاكم الله خير





ثانيا


ان شاءالله عقب دقايق رح اطرح لكم النشاط وتسليمه رح يكون يوم السبت هني بالحملة

 

[حلمي الأمومة]

الفائدة من الموضوع الثاني () الايمان() للغاليه المبدعه حديث الروح

١ / لازم اسند خطواتي في الحياة على دعائم جوهريه ثابته من المثل البناءه والمفاهيم الخلاقه .
٢ / ان لا انظر الى ماافتقده بعين الحسرة والحرمان بل اعوض ما افتقده بالتزود بالمعرفه وبناء الشخصية .
_____________________________

الموضوع الثالث () المفتاح السحري للسعاده()

١ / مخاطبه العقل الباطن بالأفكار الايجابيه ---> بذلك احقق النجاح على الصعيد الشخصي والعائلي والمهني والاجتماعي بإذن الله

٢ / لا اسمح للخوف ان يتسلل بداخلي ويحطم أحلامي بالعكس لازم المبادرة واللجوء لله عزوجل ، نستطيع ان نتغلب على شبح الخوف والقلق .

_______________________


بالنسبه لموضوع نهى الغاليه على قلبي () همسه عند مفترق طرق ()

١ / الاستفادة من ظروف ومشاكل الحياه ، لتجعلني اكثر قوة وحكمه وليس لتحطمني وتجعلني ضعيفه هشه ( أتعلم من أخطائي ) .
٢ / بحسب فائدتي من اي مشكله امر بها اختار الطريق الصحيح .
٣ / حياتي ملكي لوحدي اختار ما يناسبني وليس مايناسب البشر . طبعا بحدود الشرع والعادات والتقاليد

________________

الموضوع الثاني عن الثقه بالنفس :-

استغل ما انعمه الله علي من نعم بما فيه فائده

بالنسبه للأمور التي تأثر في حياتي ، والسلبيات التي تسبب انعدام الشخصية:-

١/ حساسة جدا من كلام الناس لدرجه اقعد ايام افكر بكلمة تافه بسيطة يمكن تكون مقصودة من الي قالتها ويمكن تكون من غير قصد

٢ / دائماً اهتم بتفكير الناس تجاهي وأركز على مشاعرهم الداخليه تجاهي مع انه المفروض لا افكر بشي ما ادري عنه

٣ / أتنازل عن حقوقي بسهووووله ، حلو الانسان يكون سلس بس مو لدرجه ضيااااع الكثير من الحقوق .

٤ / لما اكون بجمعه حريم او بالدوام أخاف من تعليقات الحريم ورده فعلهم فأفضل الصمت والاستماع على المبادرة والمشاركه في الحديث .

٥ / عندي مشكله عدم الاستمرار في اي شي اعزم على فعله تلاقيني بالبدايه تمام وماشيه مضبوط بس فجاه بالنص أوقف وما اكمل وطبعا أتضايق أني ما انجزت .



نهوووووي خلصت بجذي كل المواضيع وكتبت تعليقاتي عليهم وان شاء الله اكون معاكم اول باول

الحمدلله والشكر لله

سبحان الله وبحمده

*

 

[حلمي الأمومة]

ياااااااصباح الورد والفل والياسمين على الناس الحلوين

بانتظارج نهووووي


وبالنسبه للطلب الي طلبتيه مني راح اقعد مع نفسي واكتب كل الأفكار السلبيه وأبدلها بافكار إيجابيا
واقولج شيصير بإذن الله

 

[لذه السكر]

صباح الخير

 

[حلمي الأمومة]

صباح النور والسرور


صباح الأمل والتفاؤل

لذه السكر شخبارج ..


بنات لاتنسون تبدون يومكم باذكار الصباح .. وايضا صلاه الضحى أجرها عظيم .. الصدقه بنيه الي تبينها .. الدعاء بالسجود لاترفعين من سجودك وانتي فخاطرج شي كله اطلبيه من ربج الكريم .. وكل هذا له أثرة على الاستقرار النفسي ..

 

[JANAA]

صباحكم خير وزهر النوير على كل الموجودين

نهوي صباحك فل وسكر

فوفو ربنا يوفقك يارب

حديث الروح بانتظار المتعه وكتاباتك الرائعه حبيبتي

 

[نهى الأحمد]

هلا والله حبيباتي

الله يصبحكم بالنور والسرور


واسفه لاني تاخرت بطرح النشاط عليكم



النشاط المطلوب منكم انجازه وتسليمه يوم السبت :


1- بكل صراحة،،، اذكري لنا الايجابيات في شخصيتك ؟



2- كتابة فقرة صغيرة من 5 اسطر عن : كيف يكون الرضا عن النفس؟





اعتقد الاسئلة سهله يا خواتي وواضحه



لاتسلمون الاجابات في الحملة الا بس يوم السبت والاحد علشان ارد عليكم باذن الله



وطلبتكم


في حال لاحظتوا انه اي اخت ويانا ماشافت اسئلة النشاط ياليت تعطونها رقم الصفحة وتبلغوها عن النشاط




باجر الجمعه ،، استراحة للكل


ويوم السبت طبعا رح يكون دور خواتنا فوفو وحديث الروح

 

[نهى الأحمد]

ياااااااصباح الورد والفل والياسمين على الناس الحلوين

بانتظارج نهووووي


وبالنسبه للطلب الي طلبتيه مني راح اقعد مع نفسي واكتب كل الأفكار السلبيه وأبدلها بافكار إيجابيا
واقولج شيصير بإذن الله

هلا وغلا ياقلبي

الله يسعد صباحج حبيبتي

شخبارج

بانتظارج ياقلبي

صباح الخير

صباح الورد حبيبتي

شلونج
عساج بخير

صباحكم خير وزهر النوير على كل الموجودين

نهوي صباحك فل وسكر

فوفو ربنا يوفقك يارب

حديث الروح بانتظار المتعه وكتاباتك الرائعه حبيبتي

هلا والله جنوي

صباح الورد

طمنيني عنج

 

[JANAA]

هلا وغلا ياقلبي

الله يسعد صباحج حبيبتي

شخبارج

بانتظارج ياقلبي




صباح الورد حبيبتي

شلونج
عساج بخير



هلا والله جنوي

صباح الورد

طمنيني عنج

حبيتي الله يخليكي يارب انا بخير والحمدلله انتي كيفك طمنيني عنك يالغاليه عساكي بالف خير

 

[نهى الأحمد]

حبيباتي


بما انه عطيتكم نشاط وتسليمه رح يكون يوم السبت والاحد



شنو رأيكم تقولون لنا :


شنو اهي طموحاتكم وتطلعتكم للمستقبل؟


عندج امنية ودج تتحقق ،،واذا صعب تتحقق شنو السبب؟


عندج موهبة معينة ؟




تدرون ياخواتي

ترا مثل هذي الاسئلة عبارة عن مخاطبة العقل الباطن حتى تعرف كل وحده فيكم اهي شنو تبي بالضبط


لاتقولون ما عندنا موهبة او طموح او امنية


الانسان علشان يعرف يوصل لنقطة معينة يكون محدد طريقه :eh_s(15):

 

[نهى الأحمد]

حبيتي الله يخليكي يارب انا بخير والحمدلله انتي كيفك طمنيني عنك يالغاليه عساكي بالف خير

هلا والله حبيبتي جنووي
عسى دوم تكوني بخير


دام انتو مستانسين وبخير وبعافيه انا بخير


بس عندي عوار راس من امس لي اليوم

الحمدالله على كل حال

 

[لذه السكر]

هلا والله حلم الامومة شلونج ؟؟


موضوع اليوم حييييييييييييييييييييييل عجبني :***


شنو اهي طموحاتكم وتطلعتكم للمستقبل؟

-اممم اني اكمل دراستي والقه وظيفة تناسب طموحاتي وطاقتي و يكون عندي محل ورد وهدايا انا اشرف عليه
-اني اطور من نفسي بعيد عن الدوام مثل القراءه والثقافه


عندج امنية ودج تتحقق ،،واذا صعب تتحقق شنو السبب؟

الاماني والاحلام وايد بس حاليا كل تفكيري بالجانب العملي من حياتي وماكو صعوبه اتوقع ان حل مشكلتي الوقت فقط لاغير والبحث الجاد

عندج موهبة معينة ؟

اي وايد ولكن للاسف حييييييييل هامتلهم ولا اطورهم كلللش
احب الزرع والزراعه , احب القراءة , احب الطبخ , احب الخياطة

-الزراعة بدايت كل شتا اروح المشاتيل اشتري زرع داخلي بحكم اني بشقة
-القراءة موقفه صارلي مده واليوم بديت بكتاب الزهير لباولو كويليو
-الطبخ اقصد مو طبخ كل يوم اقصد اللي تدشين بزاج وتتفننين
ا-لخياطة لي فتره افكر فيها ولاني ما اقدر ادش دوره احتمال اغير الى الكروشية انشالله

 

[JANAA]

شنو اهي طموحاتكم وتطلعتكم للمستقبل؟
طموحي اني اقدر اسوي شي او مشروع صغير علشان اعلم اعيالي احسن تعليم واعيشهم احسن عيشه وكمان عندي طموح اعلم اعيالي لغات ابيهم يتكلمون كذا لغه تنفعهم بحياتهم القادمه
عندج امنية ودج تتحقق ،،واذا صعب تتحقق شنو السبب؟
نفس الشي امنيتي ابي افتح مشروع وارتاح من الدوام صعب يتحقق لأنه يبيله راس مال والحمدلله على كل شي
عندج موهبة معينة ؟
يس الطبخ اموت على الطبخ احب ادخل المطبخ واسوي شغلات كتير بس بروحي بدون اي احد واحب ابدع بالطبخات وفن التقديم وكمان احب ترتيب البيت وتنسيقه ونظافته بشكل جنوني