نوتـة او لستـة باغراض العرووس

[اهذريبك~]

صبآح - مسآء الخير

بنات كل وحده تدخل وتقول شنو اللستة او النوتة اللي مسويتها لاغراض العرس من إلى

بصرآحة انا ناسية شكثر شغلات و التناتيف شنووو

خلونا نذكر بعض


واللي عندها موضوع عن هالشي تفيديناااااااااااا


:eh_s(17):

 

[الحـــلوه]

خوش موضوع انا تقريبا خلصت ..
بس ان شاءلله بفتح نوتتي واكتب شنو حاطه ..

 

[اميره^_^بحلآها]

لي بااااگ

 

[نوفاتي]

انا عرسی وقته طویل یعنی
بلشت بالعطور لین خلصتهم
وبعدین بلشت بالانجری لین خلصته
وبعدین المیک اب مع الحجوزات من بدله الی صالون العرس
وبعدین الملابس والاکسسوارات
بعدین النواقص

 

[ودعت حبك]

اب

اب

 

[ادمنت حبه]

اى بنات نبي لستته الاغراض بنشوف شنو ناقصنا

 

[كلـــــي غنج]

موفقين يارب

 

[$الاميررة$]

انا عروس سابقه اسمحيلي اساعدج طبعا البدلات والدراريع والعبي والمكياج والعطورات وقمصان النوم اهم شي اما التناتيف عندج الملافع واللوشنات والساعات والجناط ومعطرات الفرش واغراض النظافه الشخصيه فرشاه ومعجون ومقص اظافر وحمام الزيت والليفه ومزيل صبغ الاظافر وانا عندي تدشين الصيدليه بتذكرين شغلات اكثر والبخور والجواتي تكرمين والمشابك احتمال تحتاجينها وعلبة خياطه ولو اني ماعرف اخيط لووووول واعواد اذون هذا اللي ببالي حاليا الله يتمم عليج ونفرح فيج حبيبتي

 

[ابيك م ابي غيرك]

انا ابي لستت التناتيف ..
حدي دايخه فيهم ، بليز وحده تساعدنااا

 

[مهـآآآآوي]

اب اب اب اب اب​

 

[غنآآآتي]

في موضوع حق اختنا حنونه ماشاء الله عليها النوته مالتها رووعه .. ومن ناحيتي ماسويت نوته لاني كنت عارفه احتياجاتي شنو ومن وين اخذهم والحمدالله تجهيزي كان سهل ومريح وخلصت بوقت كافي والحين ولله الحمد مرتاحه بس نصيحتي خشي فلوس اول ليله هذي اهم شي ونصيحتي بعد كل ما رديتي من السوق سجلي شنو شريتي مع الالوان
والله يوفقج يارب

 

[reeuf]

اي والله ياليت بنات تكتبون التناتيف هي اللي ننسى بعض الشغلات منها

 

[ya al3rosa]

اب
اب

 

[B.A.M]

الدراريع
البدل
الاكسسوارات
الساعات
الشباصات والتيجان والماشات و......
الكعوب و الفلاتات
الجناط
الهيلاهوبات والدلاغات
عبي وملافع
كوايه بخار
عدسات ومكياج وصبغ الاظافر
عطور وبخور ومرشات
فواحات ولوشنات
امشطه
جنطه للحمام ( مو تنسوها )
قمصان وملابس داخليه
بجايم
قميص اول يوم
روب

واغراض الجمعيه
فحم
اعواد قطن
قطن عادي
استاتيك
اسيتون
فازلين
موس
خيط اسنان
علج
حلاو
معجون
فرشه
غسول للفم
ولاعه للفحم
غسول للوجه
شامبو للشعر
معطر للفم
سبريه
مزيل للمكياج
غسول للمنطقه الحساسه
كوتيكس يومي
معقم
معطر للحمام
مناديل ديتول

 

[الحـــلوه]

قوائم نوتتي كانت جذي ..:

1_ العنايه وتنقسم الى ( الوجه \ الجسم \ نظام الدورة )

2_ تقسيم المهر كل شي اساسي حطيتله مبلغ معين
البدله البيضا + بدله ثاني ليله + المسكه + التصوير

3_العطور وتنقسم الى ( الفرنسيه \ العربيه \ المجموعات \ الدهونات \ عطور الشعر \ عطور القمصان \ البخور )

4_ المكياج + العدسات
كاتبه الاماكن اللي باخذ منها وشنو ابي محددته بقوائم

5_الجناط + الشوزات + الساعات
اكتب الالوان واسم الماركه عشان مااضيع واكرر اللون

6_ الذهب + الاكسسوارات

7_ الدراريع + البدل + العبي
طبعا تحددين كم تبين كشخه وناعمه وبدل قفصيره قسموهم
النواعم اللي حق نزله الغدا اخذوهم جاهزين ..

8_ لبس الشقه
تكتبين الوصف حقه + اللون + السعر

9_ قمصان النوم وتنقسم الى :
قمصان نوم طويله \ قمصان قصيره \ الارواب \ اطقم الداخليه

10_ البجايم وتنقسم الى :
قطنيات \ حراير

11_ التناتيف :
هيلاهوبات
مبخر + ولاعه فحم
شموع مشكله
كماشات للملفع + كماشات كرستال كشخه
استشوار + فير + مكينه حلاقه
دبابيس الملفع
طقم صلاه

12_ اغراض الجمعيه

13_ جنطه الصالون
عدساتي + محلولهم + قطر ات
معجون صغير + فرشاه + حلاو معطر + شرايح نعناع
فوني + الشاحن
العطر ومجموعته + مبخر وفحم وولاعه + ديودرنت
ملابس داخليه + فوط كيرفري
عود اذاني + مكياج احتياطي
ساعتي + بدلتي + شوزي + الكاب
مناديل ديتول
مشط
فوطه
فلوس الصالون + فاتورة المسكه عشان يوصلها عالصالون

وبس هاذي قائمتيي:eh_s(7):

اللي تستفيد بالله تدعيلي :yaaaaaarb:

 

[اميره^_^بحلآها]

الحلوهـ يعطيج العافيه حبيت تقسم حيل << حبيبتي الله يوفقج

 

[@ DLOO3TAH@]

أأب

 

[شموخ الجبال]

جنطه للحمام .شلون صايره ممكن صوره؟

لان مافهمت هالنقطه<فضوليه

 

[نبض آلخفوق]

اهذريبك اهليييييييين قلبووو شلونج والله زماااااان لووول .... انا رجوف بس مسويه نيولوك هـــع,,,,,


هذا موضوعي مسويته قبل عرسي لااح يفيدكم حيييييييييييييييل
كل تجهيز العروس فيه ... ربي يوفقكم يا احلى عرايس

http://www.q8yat.com/t969751.html

 

[TOMORROW]

موضووعج حلوووووووو ماشالله
بالمفضله