عادي تسوين جذي جدااام خوانج ؟

[أإلع ـشق دلع ـهـأإ]

اي حبيبتي عيب

احنا عودونا اهلنا جذي الاب والاخ له احتراام بكل شي

يعني انا منسدحه بالصاله ودش ابوي عيب اقابه وانا منسدحه افز واعدل قعدتي واغطي اي شي طالع فيني اهو واخواني مانسدح عندهم

الا اذا عندي لحاف اي وماكون منسدحه اكون حاطه وراي وساده

واللبس عييب البس قصير جدامهم عييييب

حتى البناطيل عيييب يكون ضيج علي واتمشى جدامهم عيييب استحي هذولا رياييل مهما كان

والبنت تخاف ع نفسها حتى من ابوها واخوانها ماتبين مفاتنها وجسمها

والله يخليلنا ابونا واخوانا يارب

 

[Velvet Girl]

اقول اذا ما تسدحتي ابيتكم و خذيتي راحتج .... وين مثلا بتاخذين راحتج ؟؟

بالشارع ؟؟ ولا عند ارفيجاتج ؟؟

ترى بالنهايه هذا اخوج مو غريب عادي

 

[ReD&FoSHia]

مكبرين الموضوع وايد
اللي ماتحب لا تنسدح
واللي عادي عندها عادي ما اعتقد انه صار شي
ما اذكر اني تسدحت وانا كبيرة جدام احد من اخواني الاثنين ولا خوالي ولا احد
بس ما اعتقد انها توصل للنقاش انه عيب مايجوز
واللي تنسدح اكيد مريضة ولا تعبانة

 

[فتاة أعمال]

لا شذي و لا شذي ....انتو شوفو الدين شيقوول

لما ابوج او اخوج حتى امج تقعدين عدل جدامهم ما في مني و لا منااك عااادي ....زمناا تغير بس مو معناته الدين و الاصول و الاحترام تغيروا اي شخص كبير تقعدين جدامه عدل سواء امج ابوج و لا اخوج و اختج ......انتوا حطوو ببالكم لما تشوفون احد مكانكم ما تقولون شالقعده الخايسه اقعد/ي عدل .......

 

[دلع الدواسر]

امم ع حسب الاخو ههههههههههه
اذا اصغير مني ما افتكر فيه

 

[للوشه الموسوي]

لا عادي مافيها شي انسدحي جدامهم مافيها شي حركه عاديه
بس اللبس القصير اذا فوق الركب يعني ممكن يكون شوي فيه شي يعني مو حلوة تلبسين جدامهم جذي ​

 

[Broy]

الموضوع وااايد حلوو

بنسبه لي عادي انسدح ماكو مشكله لاني تعودت عليهم من كنت عندهم والحين لما تزوجت هم انسدح حتى خواتي عادي ليمن اييون بيت امي ينسدحون ههههههههههههههههههه
واللبس عادي يعني بجامه برمودا او طويله او دراعه الي تحت الركب فقط لاغير

 

[ريماR]

كل ناس وعادتهم

 

[حلاتي بذوقي]

والله انا دايما منسدحه جدام التي في او بحضني اللاب
عندنا عادي قدام اخواني انسدح واشوف التي في

 

[ديار]

بصراحة آنــmeــآ عن نفسسي خواني كلهم اصغر مني وعادي ألبس جدامهم اي شي >> عاد بحدود اكيد

بس حيل استحي من ابوي وخوالي و عمامي و اذا دشو افز واتسنع لان اساساً ماارتاح واهم عندي و ألبس طويل واحياناً دراعات بيت لان جسمي شوي مليان ف احس ملفت لو البس بجامة

 

[اميره^_^بحلآها]

هههههههه انا عن نفسي الحياه حلووه عندي الحمدالله عادي عندي لانه الحمدالله البيت كله يشوفني البنت صغيره و الدلوعه فا عادي عندهم خاصه خواني الشباب يقولون لي انتي اصلن رجال يعني ابو شباب خخخخ فا عادي صراحه وين المشكله بموضوع يقلبي !!

 

[MiSs_CRaZya]

بييييه شدعوا !! مالج شغل حبيبتي هذيل اخوانج !!!

تقعدين معاهم تسولفين تضحكين تتغشمرين و حتى تنسدحين وين المشكله ؟؟؟

انا اخذ الكمبل و اقعد بالصاله انسدح عالقنفه و اطالع تلفزيون و اخوي ينزل يقعد او يروح المطبخ عادي !! وين المشكله بالضبط ؟؟؟ شنو المصيبه و الفضيحه الي سويتها ؟ :|

كل وحده سوت نفسها شريفه روما و السالفه اصلا ما تستاهل ! يعني اخوي انا معاه ميانه .. اكيد ميانه بحدود بس ميانه لان بالنهايه اخوج !

و الي تقول احتراما حقه افز !!! انزين ليش لما تمر امج ما تفزين ؟؟ ليش ما تحترمينها مثلا ؟؟

في بعض البنات كلامهم ينرفز لان كلنا نحترم ابهاتنا و اخوانا بس هذا ماله شغل اذا انسدحتي ولا لا :| الاحترام بشي ثاني اوك اقوم ابوس راس ابوي و ارد انسدح و معاي كمبلي و خرابيطي ككاو حلاو بطاط :q

بعدين الي تقول ( لان احنا متربين عشان جذي ما ننسدح ) !!!!!

الهي من متى التسدح صار مشكله قومية و اخلاقيه ! :| صج من قال الحريم يحبون يبالغون و يبينون نفسهم ان اهما التوب !


سوري طولت بس في ردود قهرتني و قلت لازم ارد و اوقفهم عند حدهم

مو بكيفكم تفتون و تتكلمون بخلق الله هذا ما يحترم و هذا مو متربي


الله الشاهد احترام ابوي و اخواني عمره ما قل عندي اقوم اخدمهم احبهم اقعد معاهم ابرهم .. فاذا انسدحت بالصاله اطالع تلفزيون محد راح يقول قلة احترام =))

و شكرا​

 

[DaLoo3t BaBaTii]

.



لووووول اهو تسدح آهو ترفس آهو شقلبةة آمآميةة و شقلبةة خلفيةة « لآ لآ


عآدي مآكو آي مشآكل آلحيآة حلوة

يعني إذآ آنسدحت = مو محترمته !!!!

شهآلحجي آلفآضي ! شعلآقةة هذآ بآلإحترآم !

.

 

[ألايانفس......]

آنا قدآم اخواني اتسدح
واتبطح
واتكوكس بعد والحياة حلوة
وآحس عادي .. يمكن عشاني آكبر آخواني فالوضع آيزي عندي :"$
بسس آبووي , خوالي , وعمآمي لآ مستحححيل انسدح جدامهم :/

 

[انت العمر كله]

علي انا عادي اخواني ما استحي منهم كلش انسدح واخوي الي اصغر منه عادي كتير ولبس برموده او فوق الركبه شوي وكت

اما بابا ههههههههههههه استحي اني انسدح ع طول افز بس ازا كان بطانيه او شي عادي

 

[lovkom]

والله مادري انا الصراحه عاااادي

انسدح على بطني واذا دش اخوي عادي يعني مادري احس مافيها شي يعني ..

البس قصير عادي بس لما فوق ركبتي اقل شي واذا بلبس لي نص فخوذي شورت او شي البس تحته هيلاهوب ..

 

[lovkom]

تصدقون انا بعد خوالي عاااادي

يعني خالي ساعات يتعافر معاي يشيلني ويتغشمر احس مافيها شي عادي مو لهدرجه وانا بعد ساعات اخوي اذا يبي يطفرني يشيلني يوخرني عن المكان الي قاعده فيه ويقعد يعني احس عادي هذا اخوي

 

[الدنيا لحظه**]

صراحه استحي عيب جنه

 

[...كلي حلا...]

اخواني اصغر مني والميانه طايحه يعني عادي

وبخصوص اللبس ولا مره لبست قصير ف البيت

يعطيج العافيه

 

[AL3NONA]

لا عادي شفيها مو اخووج..؟؟!
مو احد غريب