أسماء نوادي اسلاميه

[F.A]

السلام عليكم أخواتى –ممكن اللي تعرف أسماء نوادى على مدار السنه فاتحه مثل نادى الشيخ محمد الثوينى اللى للأسف ما أدرى ليش محد يرد على تلفونهم هالأيام ولا فيه أحد لمن مريت
أنا سمعت ان الشيخ نبيل العوضى عنده نادى للبنات ونادى للصبيان اتمنى اللى اتعرف العنوان والرقم تحطه
وجزاكم الله ألف خير

 

[صديقة د. شريفه]

النادي اللي يشرف عليه الشيخ نبيل العوضي بالنسبة حق الأولاد اسمه : المعالي
وبالنسبة للبنات : نادي ريماس

بس نادي ريماس للبنات امبلشين من زمان وبيخلصون عن قريب ، انا ما عندي فكره عن نادي الاولاد بس نادي البنات ما ينفع اتشركينهم ألحين ، بس عندهم باذن الله نادي صيفي للبنات

طبعا هالنادي موقعه في مبرة طريق الايمان

العنوان :
الشهداء - ق 2 - ش 1 - م 16
التلفون:
4451507
08
09

 

[طمــوح]

أكو مركز الحرائر بقرطبة التابع لجمعية احياء التراث ..

ي حق المتوسط و الثانوي و الجامعه و برامجهم شي عجييييييييييب

واذا تبين التفاصيل انا حاضره

 

[F.A]

مشكوره أختى صديقه د شريفه وجزاج الله خير
وأختى طموح أتمنى التفاصيل بسرعه وأكون لج شاكره والله يوفقج ان شاء الله

 

[MissChoco]

اي صح مركز ريماس بس حق البنوتات الصغار

 

[طمــوح]

جمعية احياء التراث الاسلامي بقرطبة ..
ق 5 مقابل المستوصف ..


فيه حلقة حق المتوسط و حلقة 1 و 2 ثانوي و حلقة 3 و 4 ثانوي ..
و أكو حق الجامعة ..
كل خميس من ال 5 لي ال8
رسوم التسجيل 20 دينار

و المواد الل يعطونها وااااااااايد حلوه


يعني عندج مثلا 3 و 4 ثانوي أول شي قرآن ورش عمل شلون تحفظين بطريقة يديدة و تونس ..
و عقب يعطونهم آداب شعية مادة أخلاقية عجيبة و بعدين ساعه برماج ترفيهيه و ثقافية البنات نفسهم اهما يسوونها و الوضع العااام عجيب و انا اروح كل خميس و مستعدة اكون معاج

و رقمهم ..
5329259

 

[همسات ليالي]

وييييييييين نادي الشيخ محمد الثويني

 

[ردينه]

نادي الدكتور محمد الثويني اهو نادي مصابيح الهدي في خيطان بس ماعندي رقمهم و النادي للاولاد فقط و ياخذ الولد من اولي إبتدائي

 

[!! الواصليّـــــة !!]

اولا

اشكر صاحبه الموضوع ع طرحهااا السؤال


ثانيا

اختي الغاليه طموح
وضحي اكثر ماني فاهمه عليج
يعني الموظفة مالها حظ؟
وكيف ع عدد الساعات ؟
والأيام؟
انتظرج

 

[طمــوح]

هلا حبيبتي الواصلة

امبلا أنا موظفة و أشترك بحلقة الجامعة عندهم عادي .. اهوا كل خميس من 5 لي 8

و أكو كل ثلاثه درس عام عتدهم كل اسبوع عن موضوع..


و شنو تبين تعرفين بعد حبيتي أنا تحت أمرج

 

[!! الواصليّـــــة !!]

مايامر عليج عدو يلغاليه

بعرف من تدخلين لين تطلعين شنو برنامجهم بالضبط ؟ وبالتفصيل

 

[طمــوح]

شرايج .. أشرحلج بالماسنجر


طرشيلي ايميلج بالخاص و أنا أكلمج بالتفصيل لأن اهنيه لويه عشان تسألين و أجاوب على كييييييييييفج

 

[sa7ab]

نبي نستفيييد

ياليت تفيدونا
لاني رحت حق الدكتور الثويني مافي تسجييل مكتفييين

ابي شي بهالمستوى

 

[ام عامر 1973]

تبون خدمة توصيل للابناء والبناء للجامعات او النوادي في مصري وايد محتررررم ت 97801012 وامين حيل