تجمع مسافرات تركيا صيف 2012

[bnt البحرين]

احنا حجزنا حق بعد رمضان من تاريخ 26-8 لي 4-9 على طيران الامارات .. بنروح اسطنبول وبورصه ويلوا ..
والفنادق لي حد الحين ماحجزنا بس في بالي هالفندق في اسطنبول the city port hotel

 

[عيش و ملاس]

بنات أمس رحت ملاهي لاندورا في اسطنبول الملاهي حلوه وكنا بروحنا نلعب تصوروا وخلصناها بساعه ونص بس بعدين رحنا مجمع فوريوم قريب منه بس عندي ملاحظات على الملاهي اهي تفتح من من ١٢ الظهر ل٩ بالليل والتكاسي ما تمر صوبه يعني التاكسي اللي يوصلكم خل ينطركم اتفقوا معاه بالأول ، الملاهي تناسب أعمار من ٣ إلى ١٠ سنوات يعني اذا كنتوا كبار لا تروحون لها ونصيحه ابدوا بمجمع فوريوم وختموها بالملاهي علشان الشمس واهي مساحتها حيل صغيره تنقسم حق ألعاب بصاله مغلقه وألعاب بمكان مفتوح ، والموظفين ما يعرفون انجليزي

 

[الغلا*]

سلام عليكم بنات انا اللحين بتركيا وبالتحديد البورصة اللجو حار بس مو حيل
يعني درجة الحرارة بين30/35 
كنت باسطنبوووول بصراحة احلا بوااااايد من البورصة
اسطنبول حضارة وهيصة ومناظر حلو تحسين مدينة سياحية
البورصة مدينة عاااااادية بانسبة لي ماااااعجبتني مو نفس اسطنبول
حتى الاسواق اسطنبول احلا وهذا رايي والناس اذواق اما بانسبة
للمواصلات في اسطنبول استخدمنا المترو والترام حلو وسريع وارخص
ونفتك من نفسية التكاسي ونهبهم ع فكرة نفسية اهل اسطنبول موذاك
وخاصة التكاسي عكس البورصة نفسية وايد وايد زينة ومواصلاتنا ب
البورصة بالتكاسي ع العداد ارجوا اني فتكم 
اللحين انا ابي خدمة منكم بليز اتساعدوووووني
ايدي قبت حساسية وع مااظن اكزيما ولاني عارفة شنو اسوي
كل مالها تزين قاعدة احط مرهم بيثانين بس ماكو فايدة اللي تعرف
شي او كزيم موجود بتركيا تفيني بليييييز 

 

[المهفة]

السلام عليكم ورحمة الله
أنا رجعت من تركيا بتاريخ٧/٤ اعتقد مع اختي تمره وطبعا علي التركيه باكر بكتب برنامج رحلتي

 

[أحلى من الخيال]

بنات
اشلون انتفاهم معاهم الكل يقول ما يعرفون عربي و لا انجلش
و جم ساعة من الكويت لتركيا
و الليرة التركية جم بالكويتي
شكرا​

 

[أحلى من الخيال]

شنو أحسن شركة اتصالات عندهم
لخدمة البلاك بيري و اي فون​

 

[زبــــــــدة]

استغرب من اللي يقولون نفسياتهم زفت !!!

احنا لما رحنا نفسياتهم اتينن اتينن اتينن اصلا ماصادفنا احد نفسته زفت الا المضيفات بالطيارة ...


يمكن لان عبالهم مو خليجيين لووول ..مايبين علينا

 

[زبــــــــدة]

بنات شهر 8 برد تهقون ؟؟

 

[أحلى من الخيال]

أنا بعد بروح شهر 8
السؤال الأهم عندي
فيه خصم بالمحلات وقتها ههههههههههه​

 

[modern]

اشتقت لتركيا سافرت آخر مرة السنة الي فاتت بشهر 10 كان الطقس رووووعة و كلها خصومات الاسواق و نزلت باوتيل بتقسيم وايد ارتحت القهاوي جنب الاوتيبل و الاسولق و اي شي ابيه الاقيه متوفر حتى المترو قريب

 

[سارونة المملوحة]

امس رجعنا من تركيا
الحمدلله استانسنا واااايد
قعدنا في بولو وايد هادية وريفية
وباااااااردة
اسطنبول حارة
وسكنا في الموفنبيك وايد حلو ولازق فيه مجمع سفير
الي فيه الهيلوكبتر
روحو لها عجيبة

 

[كندوره سبرايز]

الحمدلله امس بالليل ردينا من تركيا

الصراحة حلللوة بس اسطنبول عادية وحارة بس بالليل الجو يصير حلو
و بورصة عاااااااااادية واقل من عادية مادري على شنو خابينا فيها

واحلى شي في تركيا منطقة اوزنقول اتيننننننننننننننننننن ما شاء الله صج جنة وجوها خيال كانت درجة الحرارة 9

ومطر ما وقف وحتى ترابزون وايد حللوة وجوها حلو ورحنا حق بحيرة السمك فوق الجبال كان فيه ثلووووج

بشكل عام الحمدلله استانسنا ولو ترد فيني الايام ما اروح اسطنبول ولا بورصة بس اروح المدن الريفية ترابزون و اوزنقول والمناطق اللي حولها مثل صمويلا وساراغول وهتاش وغيرها

 

[اخت فروحه]

السلام عليكم
شلونكم بنات انا امس رجعت
الصراحة الديرة حليوة مو حلوة تجربة مستحيل اكررها لاني تعلمت علا نمط معين من الدول وعيالي مساكين يقارنونها بامريكا ولندن وباجي الدول الاوربية
فير ان الشعب نفسية وايد وماتعرفين تتعاملين معاهم لا بالعربي والا بالانجليزي
والنصب ياااعيني اشكرة يبوقونج
يلا الحمد لله شفت مكان يديد بس مافكر ارجع مرة ثانية
موفقين بنات
لاتاهذون تجربتي مقياس لان الناس اذواق

نفسسسس رايي

 

[عيش و ملاس]

أنا بعد بورصه عاديه برأيي اللهم القعده والبراد فوق بالجبل وبس وإسطنبول حلوه بس عيبها الزحمه والرطوبه بالأيام الأخيره وبالنسبه للتسوق أحلى مجمع استينيا بارك ، ومتحف رحمي كوج كان بالنسبه لي الأفضل ، من الزحمه ما قدرنا ناخذ جوله بالبسفور ، فضلنا نزورها مره ثانيه بعد جم سنه بس في الشتا ، وأحسها ديره ونيسه للكبار أكثر من العيال الصغار*، اختياري الياي راح يكون ماليزيا كونها ونيسه أكثر حق العيال .

 

[لينوفر]

انا حاليا باسطنبول
واحلا شي شي عجبني القعدات عند البحر الاسود
منطقه كليوس براد وحلوه
والطريق لها من التقسيم عجيب ورانا سايقنا مناظر عجيبه
ونزلنا صورنا .،
وحديقه فلوريا هم حلوه ، والبانوراما عجيبه بعد
والمتاحف ،، والبسفور ..
والمجمعات *

 

[نـعـومـه]

بناااااااااات


بغيت اسألكم

وين نحصل جاكيتات والبوالطو الفخمه والحلوه !؟؟؟

 

[happy january]

بنات انا رايحه تركيا بالعيد باذن الله ابي بصراحه يوم كامل تسوق ابي الخواتم التركيه وابي ملابس مواليد

 

[Anestazya]

بنات انا اول مرة اسافر تركيا بروحلها بالعيد ودي اروح اوزنجول وترابزون وودي اروح انطاليا دشت مزاااجي وطبعا اخر يومين استطنبول بس شلون انسق السفررره ؟؟؟؟ منو اول اروح ومنو اقرب

 

[A_M_A]

اي والله بنات

واذا تفيدونا شقق بتقسيم

وسائق عربي

نكون شاكرين لكم

 

[شهرزاد الحكاية]

بنات ياريت اللي تعرف سايق زين وامين وياريت ياريت ما يتكلم عربي مالي خلق اللقافة والقرقه
اللي تعرف ياريت
تعطيني رقمه لو على الخاص
لاني ابي احجزه قبلها بوقت
ومشكورين مقدما ​