يا حبيبتي يانُهى :
في نُوعية من الناس ماتعرفينهم ، يعيشون بيننا
وياخذون من خيرنا وطيبتنا ومانكتشفهم إلا متأخر للأسفْ ،
بعد ما استنزفنا كل جهد وطاقة عشانهم ، عشان نسعدهم ومانقصّر عليهم بشيْ .
يوقفون بظلّج ليما ياخذون اللي يبغونه وبعدما خلصت مصلحتهمْ ولا كأنهم عرفوجْ ،
ولا بعقول سطحية يسمعون كل كلمة تنقال حتى لو عن انسان يحفظونه مثل نفسهم
ويصدقون الكلامْ بدون تفكير ولارجوع للمعني بالشيْ .
طوفي يا نُهى ، ياما بتنصدمين في ناس وياما منهم بيستغلّج لمصالحهْ
أنتي عاملتيها بتربيتجْ وأخلاقج اللي تربيتي عليها ، سوي خيرجْ ولاتنتظرين
حتى كلمة شكر من أي أحدْ ، لج جزاج عند اللي مايضيع عنده الأجر ولاالخيرْ.
بس خلي اللي صار درس لجْ ، تعرفين فيه إنج ماتتقرّبين من الناس إلا بعد ماتعرفين
معدنها عَدلْ عشان لايستغلونْ ضعاف النفوس طيبتجْ ورغبتجْ بالخير اللي بتقدمينه للكل ْ.
اعطي بدون حدودْ لأن لج اللي مايضيّع أجرج ، وإذا على الناس تراج حتى لوكافّه خيرج و
شرج عنهم مابتسلمين من كلامهمْ .. لاتسمعين ل كلام الناس اللي يدور حولج وعليجْ
بتتعبين وااايد وماراح تسلمين من شرهم ، وكلي أمرج لربجْ هو كفيلْ بتيسير أمرج
وصديقتجْ مردها بتعرف أنها كانت غلطانة لما سمعت أختها ونست كل شي سويتيه عشانها
مرات الانسان تكون جدام عينه غمامة مايعرف منها الصح من الغلط إلا لما تزول ويبان له
شكثر كان غلطان .. أعذريها واحتسبي أجرجْ عند الله ..
وتذكري أن كل اللي يصيرلنا خيره وأحياناً مانعرف الخيره من أمرنا وينْ ،
يمكن يكون تنبيه لجْ عشان لاتوثقين في الناس بسرعة وبعدها تنصدمين
من معدنهم وأخلاقهمْ وتصرفاتهم . خيره صدقيني
ربي يمسح على قلبج ويهوّن عليج ويصلحج بالج ويعطيج على قد نيّتجْ
