محضر غش ( ثانوية عامة ) ؟!

[●•∫ استثنآئيهـ]

السلام عليكم ..

آنآ آبي آسأل عن شغلة ضرورية ؟؟

شنو يعني محضر غش ؟ وتنسحب الورقه ؟؟؟
12 آخر السنه ؟؟؟

يعني رآح تنجح الطالبة ع الفترات اللي قبل ولا لا خلاص جنها ما امتحنت ؟
ويحسبون الفترات اللي قبلهآ !!

واذا الدرجات تساعد ع النجاح مثل الطالبة تنجح ؟؟

آنا ابي اعرف محضر غش؟
فيه ( دور ثـــآني ) ولا بس ماله معنى وما يأثر !!!

فأبي الخبر الاكيد جزآكم الله آلف خيـر :/


تكفـــــــــون :
اللي مآيعـــرف لآ يـــفتي ويلعب بالاعصاب

؟

آبي خبر آكيد ومن مصدر آكيد ؟
وبدعي للي بيجآوب بكل وقت ، وآتمنـى ترفعون الموضوع اللي مايعرف

!!

 

[كويتيه cool]

بس اللي اعرفه انها تاخذ صفر بالمادة اللي غشت فيها بس على الفتره هذي والا بكل الفترات الله اعلم

 

[●•∫ استثنآئيهـ]

مشكورة كويتية 

 

[Gifts&Occaions]

ماعندي فكرة

 

[●•∫ استثنآئيهـ]

شكراً

 

[ReD&FoSHia]

تاخذ صفر بالاختبار اللي غشت فيه
و اعتقد انه اذا ما زادو موادها عن 2 ماراح اتعيد السنة تاخذ دور ثاني حالها حال الراسبة
اذا درجاتها بالفترة الثالثة كاملة 40 و عندها ال 10 درجات الباقين من الفترة الرابعة
تنجح
اذا ناقصة لو درجة ماراح ينجحونها
والاهم من هذا انها بتكون بملفها الدراسي
يعني مو حلوة لها

 

[●•∫ استثنآئيهـ]

يعني مافي مجال دور ثاني اذا كان معدلها يساعدها عالنجاح
الحمدلله هذا اهم شئ
وشلون يكون بملفها الدراسي يعني بشهادة حسن السيرة والسلوك !؟
ومشكورة طمنتينا
الله يوفقج يارب

 

[جيتك تعال]

حسب حالة الغش .... لو اقتصرت على الغش فقط تحرم من درجة الاختبار في المادة الي غشت فيها

ولو صاحبها تطاول على الملاحظة ورئيسة اللجنة تحرم من الدور كله بكل اختباراته

هذي مو فتوى ... انا رئيسة لجنة 12 وهذا بند من بنود لائحة الغش

 

[●•∫ استثنآئيهـ]

مشكورة جيتك تعال
انزين بليز يعني ما تنحرم من معدلها بالمادة اللي غشت فيها بس بامتحان الفترة الرابعة تاخذ صفر ؟
يعني لو معدلها يساعدها عالنجاح راح تنجح صح ؟!
والشفوي يشيلونه ولا يخلونه
ويعطيج الف عافية والله يوفقج
صج البنت شايلة هم ودي أريحها

 

[جيتك تعال]

بكل الاحوال تحرم من درجة الاختبار فقط " حسب ما كتب في محضر الغش "
وتاخذ درجة الاعمال " الشفوي " ولو كان معدلها يساعدها في النجاح في الفترات الثلاث المتبقية راح تنجح "
لكن ما قلتيلي ورقة محضر الغش الي انكتبت لها شنو كان لونها " ادبي صفرا ء ... ولا علمي زرقاء "ولا الورقة كانت بيضاء
وعليها اسم مدرستها

مهم جدا تردين على هالنقطة

 

[ReD&FoSHia]

يعني مافي مجال دور ثاني اذا كان معدلها يساعدها عالنجاح
الحمدلله هذا اهم شئ
وشلون يكون بملفها الدراسي يعني بشهادة حسن السيرة والسلوك !؟
ومشكورة طمنتينا
الله يوفقج يارب

اي حياتي
قتلج ان اذا مو اكثر من مادتين
يكون دور ثاني
هل البنت اكثر من مادتين غاشة
انتبهي غاشة بمادتين مو راسبة

وراح يكون بشهادة السلوك لها ​

 

[●•∫ استثنآئيهـ]

بكل الاحوال تحرم من درجة الاختبار فقط " حسب ما كتب في محضر الغش "
وتاخذ درجة الاعمال " الشفوي " ولو كان معدلها يساعدها في النجاح في الفترات الثلاث المتبقية راح تنجح "
لكن ما قلتيلي ورقة محضر الغش الي انكتبت لها شنو كان لونها " ادبي صفرا ء ... ولا علمي زرقاء "ولا الورقة كانت بيضاء
وعليها اسم مدرستها

مهم جدا تردين على هالنقطة

مشكورة يا عمري
اهيا ما شافت ورقة محضر الغش لأن سحبوا ورقة امتحانها وطلعوها من القاعة
بس تقول جنا حطوا الاوراق بملف أصفر
واهيا أدبي
انزين شنو عقوبة كل ورقة ولونها ؟
ولازم يوقعونها على محضر الغش ؟
والله يطمن قلبج ويسدد لج خطاج :eh_s(7):
ما قصرتي

 

[●•∫ استثنآئيهـ]

اي حياتي
قتلج ان اذا مو اكثر من مادتين
يكون دور ثاني
هل البنت اكثر من مادتين غاشة
انتبهي غاشة بمادتين مو راسبة

وراح يكون بشهادة السلوك لها ​

مشكورة يا قلبي
الله يعطيج على قد نيتج
ما قصرتي :eh_s(7):

 

[جيتك تعال]

حبيبتي من كلامج فهمت انها سحبت ورقتها بس

وما وقعت على ورقة صفراء بمحضر غش ... معنى جذيه انهم ما سوو محضر غش

لانها لازم توقع عالمحضر" الاصفر- القسم الادبي " هي والملاحظة ورئيسة اللجنة وتدبس ورقتها بالمحضر وترفق مع الاوراق

وطالما هالشي ما صار معناها ما سوو محضر غش ولا شي

وللعلم محاضر الغش للثاني عشر تكون جاية بالعدد يعني محسوبة ولازم ترجع للقادسية

بنفس العدد ناقص المحاضر المنفذة الي تروح مع الورق اذا تنفذت ...

تطمني من كلامج مافيه محضر ولا شي بس تخويف للطالبة لكن غريبة سحبة الورقة بلا محضر

على اى اساس سحبوها ... خذو منها براشيم او فوون ؟

 

[●•∫ استثنآئيهـ]

حبيبتي من كلامج فهمت انها سحبت ورقتها بس

وما وقعت على ورقة صفراء بمحضر غش ... معنى جذيه انهم ما سوو محضر غش

لانها لازم توقع عالمحضر" الاصفر- القسم الادبي " هي والملاحظة ورئيسة اللجنة وتدبس ورقتها بالمحضر وترفق مع الاوراق

وطالما هالشي ما صار معناها ما سوو محضر غش ولا شي

وللعلم محاضر الغش للثاني عشر تكون جاية بالعدد يعني محسوبة ولازم ترجع للقادسية

بنفس العدد ناقص المحاضر المنفذة الي تروح مع الورق اذا تنفذت ...

تطمني من كلامج مافيه محضر ولا شي بس تخويف للطالبة لكن غريبة سحبة الورقة بلا محضر

على اى اساس سحبوها ... خذو منها براشيم او فوون ؟

يارب الله يسمع منج ويكونون صج مو مسوين محضر
ايي اهما حصلوا عندها فون وخذوه وتم عندهم وسحبوا الورقة
بس أنا خايفة اهما موقعين على محضر الغش بدال الطالبة يعني جنا اهيا
عشان يتفادون الموقف والازعاج
وعسى الله يوفقج ويحقق لج كل ما تتمنين
على هالتجاوب الجميل
شكراً من القلب :eh_s(7):

 

[●•∫ استثنآئيهـ]

جيتك تعال ..
البنت اليوم راحت تأخذ فونها من المدرسة على أساس عندهم قالوا اخر يوم تعالي واخذيه
ولما راحت قالوا تحصلينه بالقادسية عند الكنترول ، يعني مسوين لها محضر غش ؟
بس تقولين ما يصير بدون لا يوقعونها شلون عيل يستغفلونها شالأسلوب مو لازم يحطونها بالصورة !!
ومشكورة تعبتج معاي
بس قلت أخذ الخبر اليقين منج بحكم أنج ملمة بالموضوع *

 

[جيتك تعال]

حبيبتي انا سالت لج اليوم في كنترول القادسية عن الية محاضر الغش
قالو انهم اذا تم تحريز اداة غش يكتفى بشهادة الملاحظين ورئيس اللجنة
وتسحب الورقة ووسيلة الغش وتبقى في الكنترول لغاية استخراج النتيجة واعتماد محضر الغش كنتيجة للطالب
يعني المحضر يرفع بدون حاجة لتوقيع الطالب اذا توافرت وسيلة الغش
..... الله يعينج حبيبتي

 

[عسل مرت قيمر]

ويي الله يعينج جيتك تعال كفت ووفت


بشرينا شيصير معاج

 

[●•∫ استثنآئيهـ]

جيتك تعآل
اول شئ الله يعطيج الف عافيه على مجهودج وتفآعلج ويآي
ثاني شي بعرف : الحين بما أنه وسيلة الغش عندهم
يعني نفس الحالة يعطون صفر بالاختبار ولا دور ثاني سيدا ؟
وصج يحطون محضر الغش بشهادة السيرة والسلوك
وشلون يعني اعتماد محضر الغش كنتيجة للطالبة عفية طمنيني ؟!
وعسى الله يعطيج على قد نيتج ويكثر من أمثالج

 

[فـــخـــر]

1 ـ المتعلم الذي يحاول الغش او يحاول مساعدة غيره على الغش او يحاول احداث الشغب في لجان الاختبار في الفترات الدراسية (الثانية ومؤجل الفترة الثانية والرابعة والدور الثاني) يكتب مدير المدرسة (رئيس لجنة سير الامتحان) تقريرا (محضر غش) بتفصيل الحالة ويعتمد قرار الحرمان من رئيس عام الامتحان او من ينوب عنه بحرمانه من درجة الاختبار التحريري فقط ويحصل على درجة (صفر) ويحتفظ المتعلم بدرجة الأعمال اليومية للفترة المذكورة.



<< من الكلام انه مافي دور ثاني تاخذ صفر

وياليت تذكرينها بـ { من غشنا فليس منا } << وهذا العن من انها تاخذ صفر او تسقط

وسوري اذا ضايقج كلامي والله يهدي الجميع