❥ part2 ❥ شنو التصرفات الغريبة ايللي شفتيها بالعروس ؟

[c a t w o m a n]

الموضوع حده عجيب ويعطيج العافيه

انا الي شفته شيء غريب يا بنات بعرس ولد عم زوجي اهله حيل فري والشباب حيل ماخذين على البنات بس ضدموني بالعرس دشوا الرياييل بنات العم قاموا يسلمون على بنت عمهم يبوسونها واهي قطت حجابها وامها وابوها يرقصون والام بدون حجاب والابو عادي والمشكله اخوانها يرقصون ولا هامهم امهم واختهم بدون حجاب والفرقه موجوده اهل العروس مستغربين يطالعون اهل زوجي اشفيهم هذول ابو العروس عصب وقال خلاص خل يطلعون جان مرت عمه تصارخ تقوله مستانسين بولدنا مو عاجبك اطلع انت والناس مستغربه شالعرس الي كل واحد يبوس الثاني يبوسون محارمهم حتى امي كانت موجوده قالت اهل ريلج يفشلون شلون جذي مابقى احد ما نقد عليهم



وموقف ثاني بعرس رفيجتي بفندق الرايه ومسكينه عندها اخت بويه ولسانها طويل محد بالبيت يقدر عليها تخيلوا دشت مع زفه اختها لابسه جينز وقميص ومو حاطه مكياج ولابسه تكرمون نعال واهلها راقيين بس اهي هيلقيه فشلتهم


وموقف ثالث بعرس حمات اختي كان المعرس يبونه حق بنت خالته واهو ما يبيها يحب حمات اختي بدخلته الصاله خالته مو حاضره العرس بس دخل الحقته لي نص الصاله جان باعلى صوتها تقوله ها سويتها يا ولد الاصول واخذت الخمه اهو انحرج كمل طريجه ويتلفت عالحضور ويوزع ابتسامات مو عارف شسوي


العروس فيها سوالف عجيبه

:eh_s(2):


مادري أضحك ولا يضيق خلقي


ضاق خلقي الصراحة

 

[c a t w o m a n]

انا عرسي باقي عليه شهر بالتمام دعواتكم لي
دخلتي بتكوون حييل طبيعيه ومالوفه بس حييييييييل خايفه تكفون ادعوا لي


متتابعه 3>

الله يوفقج و يهنيج حبيبتي


سوي ايللي عليج حبيبتي أهم شي انتي ما تهولين بروحج

 

[c a t w o m a n]

انا اقولكم عن سالفة صار بعرس واحد من قرايبنا هو كان بس الي يفشل الي بيجيكم
الصالة الي رحنا لها كان فيها شاشتين تصور العروس وهي داخلة بس من سوء حض العروس ماشتغلت لدخلتها والمفروض العروس تدخل الساعة 9 لااا دخلت علينا العروس الساعة 11ونصف وكلنا ذبحنا ذبحنا الملل واحنا ننطرها وبل الاخير وصل المعرس بس الي ككان معصبا وحارق دمنا ان والله العروس ضلت قاعدة ساعتين بشارع وحاط كرسي وقاعده لييش زعلان لان الشاشتين ماصوروها وهي دااخلة وقاعدة بعز الحر ومبوزة امبيييه استحي احنا جايين لعرسج والناس ناطرينك تدخلي وانتى زعلانه امبييه صج سخافة وبدلتها هههه حمد الله وشكر اتذكرني برداء دراكوولا نفس القصة الهم لا شماته والي زاد الطين بله انا خالتي تقول لامها تعالي سلمي على اهل المعرس وخالاته وهي ماتبي تقول لالا والله جدتي بغت تروح تتهاوش معاها والله ياخواتي والله انا احنا الي شلنا العرس على راسنا احنا استقبلنا الضيوف ورقصنا خوات العروس واهلها قاعدين كانم غرباء مايبون يسلمون على احد ولا يتحركون ابدااا حتى امهم حمد الله واشكر امي وخالتي تقول صج صج الله يعين اختي على الجنه
عموما وبل الجمعة مالت اليمعة حبوا يسوون للعروس عزيمة عشان يباركون لها بزواج واتصدقون ماكان بتجي العروس ولما درت انه خذوا بخاطرهم جت وكان شكلها مقبول شوي بس الوجه من البودر ابييض والايد سووودة هههههههههههههههه
وهما جدامها يمدحونها وهي مصدقة ومن وراها يتكلمون عليها ههههههههههههههه عموما حساة اني طولت سوري
وشكرا

انا أقول الله يهديها و سخرها لكم انشالله



المكتوب بان من عنوانه بالعرس

أسعدني مرورج حبيبتي



:eh_s(7):

 

[c a t w o m a n]

ااااخ يالقهر ذكرتوووني بليله عرسي دخلت الصاله وصلت الكوشه في أمان الله وحفظه وبلشو الحريم يصعدون يسلمون علي ولا اتفاجئ بالعرووووس الي تسلم علي وتبارك لي والله العظيم يا بنات ما أبالغ قسم بالله بدله عرس ومكياج عروس والتسريحه بس اللهم ما كانت لابسه طرحه
لفيتامين ويهي أطالع أمي مصدومه بمعنا يماااااا تشوفين الي اشوفه @@ أمي اشرت لي بعيونها بمعنى عادي طوفي طلعت خالت ريلي عيد زواجها المادري جم ويليه أعرس معاي. المشكله انها حرمه كبيره
صج حرتني يومها واحس للحين حاقده عليها
يعني حرام عليج جم مره انا بصير عروس حرام عليها والله خربت فرحتي

ناس ما عندها حيا ولا مستحى مع احتراماتي لأهل ريلج

تييج مناسبات أحلى و أحلى انشالله

 

[c a t w o m a n]

السلام عليكم

اغرب حركه شفتتها بعرس من 3 شهور

المعرس الخبل ماسك الايفون بيده ويطقطق فييييييه الحمدلله والشكر

آخر شي طلع مو صاحي فيه انفصام بالشخصية مسكينه العروووووووووس ما اقعدت وياه إلا 5 أيام وتطلقت

الله يعوضها بايللي أحسن منه انشالله و يهنيها بحياتها

أسعدني مرورج يالغالية

 

[خلطات المذهله]

موضوع رهيب الحمدلله مامرت علي مواقف جذي الله يعينكم يابنات

 

[om-3azo-83z]

امبيه ذكرتوني بعرس رحتله من جم شهر عبالي داشه سرك خلو الاكسسوارات و الكوشه و كل شي بصوب
طلعو خوات العروس لبسو لبس شعبي فوق لبس الحفله و بيدهم عصي يترقصون مشيناها
يابو وحده تقدم بالعرس نفس ملوت حفلات الاطفال مشيناها
العرس كان بفبراير تخيلو المقدمه وزعت اعلام و تحط اغاني وطنيه و مادري شنو !
شنو توزيعات العرس؟ عبالكم حلو؟ لا ذره حاطينها بفناييل القهوه عقب ماشربو الناس لا و الذره المعلبه بمايها
و نفيش بجياس نايلون الصغار كلش بعني يمكن يشيل ٦-٧ حبات بس و شعر بنات و ككاو من شويخ المجيس و محزر بعد
حركات واااايد ماراح اتكلم عنها اخاف افضحها اتوقع اهيا الوحيده سوت جذي
و كله بصوب و سالفه انها مطيوره اكثر من المعرس بصوب
الحين بيدخل المعرس تخيلو يغطونها من يلفون ويهم توخر الغطا شوي شوي لي قذلتها و يردونها و تعيدها المعرس داش منحررررررررج و اهيا اطل بويها و توزع ابتسامات اذكر بعرسي وقفوني قمت ارجف اهيا العكس و تقعد تسولف معاه بدفاشه مثل واحد من الربع تعرفون نظام اطقه على جتفه و تضحك شاقه الحلج بشكل مبالغ اوكي حلو تبتسمين سوالف بذرابه بس ليش مطيوووره !!


وحده ثانيه مسكينه محد رقص على الاغاني كللللللللش بس ٤ اغاني و لما دخلت العروس بتصور مع ام المعرس ام المعرس لاهيه بالواتس اب تخيلو المنظر قاعده على الكوشه و واتس اب و لا تتكلم فون و يت ام العروس نفس الحاله و كل ما تقط الفون ترد تاخذه يمكن اربع مرات وقفو التصوير على ما تخلص و المشكله لما تفط الفون وين تحطه؟ ورا المخده اللي متسنده عليها العروس !!!!!

 

[c a t w o m a n]

بعض العروس مآسي الصراحة

 

[بلوبري]

:dddds:

:nocommint:

 

[قرة عيونه]

اشوا ماعندنا هلاشياء
حتى العروس ماتطلع ولا شي تكون فوق بصاله امها وخواتها وخالاتهاا وصديقاتهاا وبس يدخل زوجهاا تصور معاه وتروح معه لا حد شاف ولاحد دراء

طبعاا هاذا عندنا البدو بس الحضر تطلع عند الناس ومو كل الحضر يسوون زفه الناس صارت تخاااف

وسلامتكم

حنا بدو وكل عرايسنا يطلعون للعرس هذي ليلة عمرها بالعكس احلا شعور للبنت وقت زفتها

وفي عرايس مايدخلون بس نادر ومرات يكون صاير ظرف جبرها على هالشي

 

[قرة عيونه]

واللله موضوعكم يشووق
انا من التصرفات الغريبة اللي شفتها بالعروس وكانت صراحة تفشل وتسود الويه ان يوم صارت الساعة تقريبا 11 اشووف ولا اهل المعرس قامو يطلعون صناديق صغار بيض من غرفة نفس صناديق المعجنات الصغار ويوزعونها ع الناس انا حسبت هدايا يوم وصلت عندنا وبطلناها ولاداخلها بيبسي وسمبوسة وسندويشة اثاري هذا العشا استغفراللله عيب عازم الناس ومعنيهم واخرتها حاط لهم صناديق ريوق مدارس بس كانت قوية حيييل ونقيدة بوجيه اهل العرس

امبيييه حداا فشششله شلون رضوها على نفسهم الحركه حيل بايخه :bbbiu:

 

[قرة عيونه]

احنا عروسنا فيها حركات وتفنتك

بس حركات حلوه مو تفشل

يعني وحده من عرايسنا دخلت مع ريلها مع بعض يعني مو دخله خاصه و كان عرسها ورا عرس كيت و وليام باسبوع

وحتئ تسريحتها نفس تسريحة كيت بس الميك اب عكس تماما من ميك اب كيت هههههههههه

لان وايد اوفررر الميك اب كان

اوك كلنا نعرف ان كيم حلوه واعجبتنا وهي عروس

بس عاد مو حلو انقلدها كوبي بالضبط اشدعوا بتصير حركة بايخه اص ا

اكرهه شيء اسمه تقلييد

 

[قرة عيونه]

الموضوع حده عجيب ويعطيج العافيه

انا الي شفته شيء غريب يا بنات بعرس ولد عم زوجي اهله حيل فري والشباب حيل ماخذين على البنات بس ضدموني بالعرس دشوا الرياييل بنات العم قاموا يسلمون على بنت عمهم يبوسونها واهي قطت حجابها وامها وابوها يرقصون والام بدون حجاب والابو عادي والمشكله اخوانها يرقصون ولا هامهم امهم واختهم بدون حجاب والفرقه موجوده اهل العروس مستغربين يطالعون اهل زوجي اشفيهم هذول ابو العروس عصب وقال خلاص خل يطلعون جان مرت عمه تصارخ تقوله مستانسين بولدنا مو عاجبك اطلع انت والناس مستغربه شالعرس الي كل واحد يبوس الثاني يبوسون محارمهم حتى امي كانت موجوده قالت اهل ريلج يفشلون شلون جذي مابقى احد ما نقد عليهم



وموقف ثاني بعرس رفيجتي بفندق الرايه ومسكينه عندها اخت بويه ولسانها طويل محد بالبيت يقدر عليها تخيلوا دشت مع زفه اختها لابسه جينز وقميص ومو حاطه مكياج ولابسه تكرمون نعال واهلها راقيين بس اهي هيلقيه فشلتهم


وموقف ثالث بعرس حمات اختي كان المعرس يبونه حق بنت خالته واهو ما يبيها يحب حمات اختي بدخلته الصاله خالته مو حاضره العرس بس دخل الحقته لي نص الصاله جان باعلى صوتها تقوله ها سويتها يا ولد الاصول واخذت الخمه اهو انحرج كمل طريجه ويتلفت عالحضور ويوزع ابتسامات مو عارف شسوي


العروس فيها سوالف عجيبه

اول شيء فشله خربوا العرس قلبوها هواش

والبويه اشدعوا محد يقدر عليها طراق يخليها تتسنع ولا لا تحضر العرس :rgewrg:

بس اخر موقف صج صج باااااايخ شنو هذا خالته لهالدرجه بنتها طايحه بجبدها غصب ياخذها :eh_s(4):

واحسنله ماخذها دام هذي تربيتهم زين بعد عنهم :bbbiu:

 

[قرة عيونه]

حدااا عجيييب الموضوع وتحمسست مع بعض المواقف

بس بصراحه فكرته حلوه عشان العرايس مليطيحون باخطاء غيرهم ويتحسفون

انا مو دايم اشوف المواقف الغريبه وحاليا ناسيه ان شاء الله بحاول اذكر واقولكم

ويسسسلمو صاحبة الموضوع :*

 

[ga6wa90]

والله صج المواقف تضحك !

أذكر مره رحت عرس عقب ما دشت العروس و المغرس حظوا أغنية نوال و فضل شاكر (أحاول) كانت على أيامها توها نازله

فجاه المغرس فصخ البشت و قام احنا قلنا أكيد تهاوشوا شوي إلا تقوم العروس و و تغني مقطع نوال و تأشر بيدينها تمثل الكلمات

و المغرس نفس الشي يغني مقطع فضل شاكر و يلمها احنا طقتنا البوهه!!!!

صارت مسرحيه لوووووول


و أذكر بعد موقف ثاني دخلة العروس كانت داخل محاره و لابسه ستيان و سليب شوارفسكي وصلت نص البست بعدين لبسوها نفنوف العرس !!!


يعني بفهم انتي عروس مفروض بهاليوم تكونين مستحيه ماله داعي هالجراءه شنو بيقولون عنج الناس والله عيب

 

[قرة عيونه]

^^

امبيييه الموقفين كل واحد اقوى من الثاني @_@

معقوله في جذي بالكويت !!

 

[ga6wa90]

أي والله مادري شنو يستفيدون من هالحركات البايخه !!!

 

[c a t w o m a n]

وع

حلات العرس بهيبته

 

[بنت الهيلا $511]

ابدااااااااااااااااااااااااااااااااااااااااااع
موصج تفننو البنات هع
انا بصراحه ولا مره مريت بنفس هالمواقف
عروسنا عاديه يعني مافيها هلاقه هع
ابي مت من الضحك ههههههههههههههههههههههههههههه
الله يوفق صاحبة الموضوع صج صج ونستنا هع

 

[صعبه]

انا مره رحت عرس انصدمت

اهل لعروس والمعرس تطاققو وتهاوشوو خخخخخ

بسبة دخلت المعرس واهله خخخخخخخ

واخترب العرس