رد: 【 حمّلة عرآيسْ ~> 2012 ● 2013 <~ تفآءلَوآ بالخيـَررر تجّدوْوْهَـ 】
اناااا اليووووووم الحمدلله قريت البقره الاذكار وماشيه على نظامي ماعدا القيام ما اسويه لان علي الدوره بس الدعااء ملتزمه فيه والحين بروح ادعي استغل فرصه ان الله سبحانه نازل الى السمااء الدنياا بناات ادعووووووووووووووو
وبقولكم شغلات حلوه :
1) ادعو باسمااء الله الحسنى مهممممم وادعوو وقولووو يااارحيييييييييم ياارحيم ياا ودود يا ودود يا مغيث , لان فيه قصه بزمن سيدنا موسى ان امرأه عقيم كانت تدعي الله تبي عيال ومرتين راحت حق سيدنا موسى لانه كليم الله , وقالتله ادعي لي ان الله يرزقني بولد , ولما سيدنا موسى يدعي الله يرزقها بابن , الله يقوله انا خلقتها عقيم , والسنه الي وراها بعد راحت حق سيدنا موسى وقالتله ادعي لي الله يرزقني بولد , ودعا لها وقال الله سبحانه ياموسى لقد خلقتها عقيم , وعقب فتره راحت حق سيدنا موسى معاها ولد وقالها من اين لك هذا وقالت الله سبحانه خلاني احمل , وبعدين موسى قال حق الله يارب اخلقتها عقيم فكيف جابت الطفل؟ فقال الله حق سيدنا موسى , لانهاا تدعووووني يااارحيم ياارحيم ياارحيم فكيف لا استجيب لها دعوتها , ( الافاده من هالكلام ان الدعااء يرد القضااء ) طبعا القصه هذي مو بالضبط لكن صغتها بطريقتي انا , اكيد فيها اغلاط بصياغه الجمل , بس ابي اوصل لكم ان الدعااااااء له مفعول سحري .
2) وبعدين يقول الله : وان شكرتم لازينكم .
اشكروووووو الله .كيف بالحمد والاستغفار والعبااده , حمدو الله على كل نعمه , عندكم ايد وغيركم ما عنده . عندكم عيون , وغيركم ما عندهم , وان تعدو نعمه الله لااتحصووهااا . سبحان الله ,
3) خلو كل عمل تسوونه خالص لوجه الله سبحاانه . حتى لو بتزوين عمتج قولي بقلبج اني رايحه ابي اجر من ربي لانها صله رحم , وحتى وانتي تكتبين بالمنتدى قولي ابي احتسب اجر ان كل من قرا كلامي او دعائي الله يعطيني اجر , حتى بدرااستج وعملج , لو كنتي تدرسين احتسبي الاجر لان الدراسه عباده والشغل بعد عباده , مثل لو كنتي دكتوره تساعدين الناااس يوميااا جم اجر وجم حسنه تحصلين .؟؟؟
4) بالنسبه للدعااء, لاتنسوون ان استجاابه الدعااء لهاا شروط :
منها الامر بالمعروف والنهي عن المنكر
ومنها انج ماتسوين معاصي
فييه معاصي نسويها وماندري عنها ونحسبها صغيره مثل لما تسولفين ويا رفيجتج وتقولين اي تذكرين رفيجتج هذيج المتينه , ترى هذي تعتبر غيبه لان ذكرتي اختج بالله في ماتكره , يعني مرات كلامنا وتصرفاتنا فيها اغلاط وايد وماننتبه لها بس نؤثم عليها ومرات نجذب جذبات سخيفه ونقول جذب ابيض والاغاني حرام , وحف الحواجب والتبرج واللبس الضيق والشغلات هذي ,, لازم تديرون بالكم منها
تاااابع اسراااااااااار مهمه تذكرتها بعد حطوهات ابالكم :
5) في حال اذا التزمتي بالقراءه واالادعيه فتره وحسيتي بملل وأيستي ووقفتي عن اللاتزام والدعاء وقلتي انا قريت ودعيت وماصار شي , خليني اوقف تعبت ,
تدرين هذا شنو معناته ؟ انا قاريه مره ان هذي وسوسه الشيطاان ومعناها ان استجاابة الدعوه قربت , فالشيطاتن يوسوس لج و يبيج تعصين الله عشان مايبي الله يستجيب لج ,
فكل ماا فكرتي انج توقفين وحسيتي بملل , تذكري ان استجابه الدعوه قربت انشالله وتحدي الشيطااان .
وفيه بعد كلام وصلني بخدمه مشاري الخراز مادري الصراحه منو الي قاله مادري اذا كان حديث او من ابن القيم , المهم معنى الكلام ان :" الله ما اطلق لسان عبد الى الدعاء إلا لانه يريد ان يعطيه مايشاء "
يعني الي مايدعون ومالهم خلق يدعون , الله حارمهم من رحمته وومايبيهم يدعون عشان ما يبي يستجيب لهم ,,
6) فيه دعاااء وصلني بالبرودكاست بال بي بي ام قبل يومين كاتبين ان هالدعاء قوي على الشيطان والشيطان يكره هالدعااء ويبكي اذا سمعه , " اللهم انك سلطت علينا عدوا عليما بعيوبنا , يرانا ه وقبيله من حيث لا نراهم, اللهم أيسه منا كما أيسته من رحمتك , وقنطه منا كما قنطته من عفوك, وباعد بيننا وبينه كما باعدت بينه وبين رحمتك " .
7) ادعيه التذلل مهمممممممه :
منها "ياحي يا قيوم برحمتك استغيث اصلح لي شأني كله ولا تكلمني الى نفسي طرفة عين"
ومنها " اللهم اني ظلمت نفسي ظلما كثيرا ولا يغفر الذنوب الا انت , فاغفر لي مغفره من عندك وارحمني انك انت الغفور الرحيم "
8) لاااااازم تخشعووووووون بالدعااء وتحسوون جنه كل وحده فيكم بروحها تناجي الله سبحانه وماكو احد وياكم وكلمي الله بالدعااااااء اخشعي تذللي له سبحاانه
قولي له يا الله من لي غيرك ادعوه واتوسل اليه . يا ارحم بي من امي وابي ,وحاااولي تبكين , ابكي
في كلام مادري ابو بكر او الرسول قايله يقول فيه :" ابكي فاذا لما تستطع ان تبكي فتابكى "
سوي نفسج تبجين غصبي البجي . والله بتحسين بخشووع مااصاار مثله , وتحسين صج جنج بايد الله سبحانه ,,
منقووووووووول
