دوانيه شلة منتظرات نتيجه عملية اطفال الانابيب والحقن المجهري

[mona777]

سلامى للكل
الزين مراجعاتي بوحدة الانبوب بلصباح
والله كل حاله تختلف اعرف انهم يطولون لان الاعداد كثيره بس انا علطول عشان عامل العمر
يعني كلوحده وحالتها
وهم جدا ممتازين خلج معاهم​

 

[بحرانيه حلوة]

هلاملاك وسموالنفس الدكتوره زودتلي المثبتات بس للحين دم وردي مادري شنو يعني اجهاض والا شالسالفه

 

[ملاك صغير]

يا قلبي بحرانية....يارب يثبت.......بحق محمد واله

 

[reem1987]

ربي هب لي من لدنك ذريه طيبه انك سميع الدعاااااااااء

 

[reem1987]

ربي لا تذرنا فردا وانت خير الوارثين

 

[@محروسه@]

الزين حبيبتي بسألج ‏​ٱ‏​نـِْ♡̨̐ـِْا §$اُّبًٰٓيّٰٰٰ$§ اراجع بالصباح الخاص شفط فلوسنا حتا ذهبي بعتهم
‏​بَـßÊـس شلون الطريقه اكيد اجيب ملفي ‏​بَـßÊـس وين اروح ‏​ٱ‏​نـِْ♡̨̐ـِْا §$اُّبًٰٓيّٰٰٰ$§ رائد الفضلي وين اروح شـُٰٓ(؟)ـُٰٓنًٌٰـ(؟)ــوًُٰٓ اسوي مو فاهمه شي

 

[miss_nana]

بنات بقولكم شي ادري استعيلت بس موقادره نفسيتي تعبت انا باليوم الخامس وسويت تحليل حمل طلع نيقاتيف يعني خلاص مو حامل ولا شنو ردو علي بليز نفسيتي بالحضيض

 

[نونه الزعفرانه]

تو الناس !!
نطري لي اليوم ال ١٤

 

[نونه الزعفرانه]

رب لا تذرني فرداً وأنت خير الوارثين

 

[miss_nana]

يعني في احتمال تتغير النتيجه؟

 

[ملح الدنيا فيني]

مس نانا انا بين معي حمل يوم 11 مستحيل اليوم الخامس يبين

حبي صبري وكثري استغفار

واشغلى نفسك بشي مفيد

انا قعدت عالنت واجمع خلطات ولوشنات وحركات


حاولت كلش ما افكر بالحمل


+


قيام الليل والدعاء واحسان الظن بالله



الله يرزقكم جميعا

 

[الزيـــــ^^ـــــن]

محروسه شووفي حبيبتي انا اقولج خطواتي بالتوضيح،،
١-رحت مستوصف منطقتنا امراض النساء وسوولي تحاليل الهرمونات وتحليل ٢١يوم الدوره عقبها قلت للدكتوره تعطيني تحويل وعطتني تحويل للعياده الخارجيه بمستشفى الصباح مال الولاده ،، وفتحولي ملف وتابعو حالتي .. وسوولي اشعه الصبغه علشان يحولوني ع مركز الانبوب ،، وعطاني تحويل

٢- رحت مركز طفل الانبوب .. وطلباتهم : صوره عن بطاقتج وبطاقه زوجج// وصوره عقد الزواج// وصوره عن تقرير اشعه الصبغه وصوره عن تحليل الزوج وبس..
٣- راح تقولج السكرتيره بعد اسبوع دقي علينا علشان نشوف الدكتوره رائده توافق عليكم بالعلاج ولالا،؟
٤- دقيت عليهم شلعوا قلبي مايردون وزوجي راح لهم وقالو الحمدالله تمت الموافقه.
٥-عقبها قالتلي السكرتيره تعالي ثاني يوم فتحي ملف وسوي تحاليل انتي وزوجج
٦- سوينا تحليل الكروموسومات للدم انا وزوجي وتطلع النتيجه بعد ثلاث اسابيع وعطتني تحاليل اسويها ٢يوم الدوره لان يبون تحاليل جديده ..
وبس انا وصلت لي هني وناطره الدوره علشان احلل .. وعطوني موعد مقابله الدكتور اول الشهر الجاي علشان تكون التحاليل طالعه ويشوف حالتنا وشنو نحتاج عرفتي،،

وسوري عالاطاله قرقت واايد بس حبيت يكون كل شي واضح
*

 

[سمو النفس]

بحرانيه ياارب يثبت حملك يااااااارب وانتبهي لنفسج وارتاحي قد ماتقددرين

مس نونا الله يهديج محلله باليوم الخامس اكيد مراح يبين انطري ع الاقـل باليوم 12 وحللي

 

[جمانه وحنين]

السلام عليكم حبيباتي

اليوم كان موعد تحليلي للحمل
وطلع ماكو حمل

والحمدلله على كل حال
صج تضايقت حييييل بس اللي الله سبحانه كاتبه راضيه فيه

وانشالله يحاولون معاي بعد شهرين لاني تعبت من الابر والادوية

الله يرزقنا كلنا ياااارب بالذرية الصالحه

 

[سمو النفس]

جمانه وحنيين

يارب يعوضح بكل خير ولاتضايقين حبيبتي وصدقيني هذا شي مكتوب مانقدر نغيره وماندري شنو الخيره فيه وكل شي بيد ربي سبحانه وان شاء الله ربي بيرزقج بأحلى توأم يارب

 

[ملاك صغير]

بنات أنا اليوم الثامن من الترجيع...عندي إمساك من يومين رغم ان الايام الماضيه كلها كنت فيها عادي......

 

[المشاعرالصامتة]

السلام عليكم ورحمة الله وبركاته اشلونكم بنات وعسي الله يرزق اللي ما حملت ويثبت اجنة اللي حملت ويرزق كل وحده تمني الحمل اللهم امييييين انا ان شاء الله بعد شهر عندي ترجيع مجمد عسا الله يباركلي فيهم ويثبتهم وينفخ فيهم الروح ربي حبيبي سمو النفس عندي جم سؤال لج اذا مافيها احراج جم لج متزوجه وجم عمرج لاني بصراحه احس اني ارتاحلج واحب اقرا ردودج واسلوبج ولا يهونون البنات والله كلكم خواتي وعسي الله يفرح قلوبنا كلنا قادر يا كريم

 

[بحرانيه حلوة]

حبيبتي ملاك الله يعينج عالامساك هذا من التحاميل اكلي شي دسم شوي وانشالله رب يهون عليج ويرزقج بالذريه الصالحه انتي وكل البنات
انا للحين ينزل دم قالولي احتمال حمل خارج الرحم ادعولي

 

[بوكية ورد]

بحرانيه حلوه الله لا يقوله ان شاء الله غلطانين ومافيه الا العافيه ويتمم عليج وريحي نفسج ولا تحاتين

 

[ماتغير شي]

بحرانية ،، الــــف مبروووك ع الحمل وعساااا الله يثبت حملج ويقر عينج بشوفته