التربية: لا إجازة وضع ولا رواتب صيف للمعلمة «البدون»

[sadan111]

المصدر

http://alwatan.kuwait.tt/ArticleDetails.aspx?Id=192197

كتب عبدالعزيز الفضلي:

كشفت مصادر تربوية لـ«الوطن» ان المعلمات من غير محددي الجنسية «البدون» اللاتي تم تعيينهن في السنوات الأخيرة ليس لهن الحق في الحصول على إجازة وضع أو حتى الرواتب التي تصرف للمعلمين بأثر رجعي مقدم خلال فترة الصيف.
وقالت المصادر إن المعلمات فوجئن بإيقاف رواتبهن في إجازة الوضع ولن يعاد صرف الراتب إلا بعد مباشرة المعلمة لعملها في المدرسة، منوهة بأن العديد من المعلمات أبدين استياءهن الشديد من هذا الإجراء الذي يفرّق بين الهيئات التعليمية، ناهيك عن أثره في عطاء المعلمة في الفصل الذي ينعكس بالسلب على الطلبة والطالبات.
وذكرت المصادر ان جميع من يعمل داخل أسوار المدرسة من هيئات تعليمية وإدارية وعمال نظافة يستلمون رواتب العطلة الصيفية باستثناء المعلمات «البدون» اللاتي تمنح لهن مكافأة شهرية بشرط إحضار كتاب من مديرة المدرسة تؤكد مواصلة عملها في المدرسة طوال الشهر.
وطالبت المصادر وزير التربية د.نايف الحجرف بإيجاد حل لهذه المشكلة خاصة أن مهنة التعليم لا توجد فيها تفرقة.
​

 

[Patcholli]

توني ادري ان في معلمات بدون .. بس والله حرام عليهم ..!!

انزين بهالوقت الناس من وين تصرف ..!!! ووين يروحون اذا العطله الصيفيه رسميه واجباريهم من وين يصرفون على روحهم وعلى عيالهم

حسبي الله عليهم والله حرام ليش يظلمون هالناس ؟؟ والله حوبتهم لاتحوش ديرتنا ونتبهذل بسبب هالظلم الي منصب عليهم من كل جهه

 

[مهـآآآآوي]

لاحول ولا قوة إلا باالله العلي القدير...... الظلم ظلمات يوم القيامه...... اتقوووو دعوة المظلوووم​

 

[أبلة فاتن]

لا تصدق كل اللي تسمعه ولا نص اللي تشوفه


يالله باجر بالجرايد تنزل اسامي ناس جنسوهم يمكن وحده من ذول منهم شيبون بعد دفعتين جنسو للحين

واللي يقرى الاسامي يعرف من وين اصولهم بدون زعل


اما سالفة هالموضوع اذا لهم حق بياااااااااااااخدونه انشاءالله ورزقهم بياخذونه وتعبهم بياخدونهم

بس الاعلام مع الاسف مستغلين هالشيء


​

 

[ام خدود ورديه]

حسبي الله عليهم

 

[Dalo0o3a Cute]

عن التفلسف الزايد


الدفعتين اللي طافو جنسوا ابناء الكويتيات اللي عندهم جناااسي ؟؟؟؟؟؟ @@
يعني جنسوا عيال المصري , العراقي ...الخ

وحده معاي بالجامعه جنسوا عيال عمها وهم عندهم جنسيه

والله مساكين هالفئه خيرنا مغطي الكل البعيد قبل الجريب

وبعض الناس اهني قلوبهم عاميها الحسد

وان شاء الله جريب ينصفون الفئه المستحقه

 

[AL-DMERA]

شالحكمه من هالقرار ؟!!!!!

 

[فطوم 84]

ابله فاتن. صلي علي النبي كلام جرايد. تقووول

لعلمج. هذا. شي قليل وبسيط من الظلم اللي يتعرضون له البدون

اقسم بالله الظلم اكبر واكبر. وولعلم. الصحافه تغطي علي ظلمهم

نسوي ونسوي بالجرايد وكله جذب

البدون اللي بتيما والصليبيه اطفال الي الان والله شهادات ميلاد. ماعندهم. تخيلي. بنتج. صغيره تجي ماما ليش ماعندي شهادة ميلاد. بتقولين انا جذابه لعلمج يطلعون لواحد. ويخلون 100

وهذا غير الوظايف. حارمينهم من كل الوظايف
ابي افهم شغله انتوا ياالشرطه. اي. مراهق. يترزق. الله. تجون. وتشيلون بسطته. لييييش ؟؟؟
مخرب اقتصاد. الكويت. بايق ؟؟؟



الفقير. تحذفون. بضاعته شمسوي ؟؟؟ وهالشي. نشوفه بعيونا بالشعبيات. يعني انتوا. تحدون. الناس. علي الحرام.


ولعلمج. ابله فاتن وغيرج. من الظلم. بناتنا واطفالنا. كرهوا. الدراسه. صارت. فيهم امراض. دشي. بيوت البدون. وشوفي اطفالهم. لو كل طفله تقولج معاناتها انتي. تبجين!!!

الابوا. معاشه 100واجار البيت غالي والماكل واللبس ومصاريف المدرسه. والله في بدون. الاجار 100ومعاشه 150متخيله 50شتسوي لمصاريف اسره كامله ومدارس


والحين ظلم للمدرسات بنات البدون تدرس الصبح وتجي العصر تشتغل ب80عشان تعيش ماتبي تلبس ماركات تبي تعيش بس فلوس لاهلها بس والله انه مر علي قصص لبنات تعور القلب. شايله بيت كامله وتشتغل موظفه بمعاش مايسوي والصبح تدرس كفاح. ومعاناه


مايحس بالفقير المظلوم الا المظلوم نفسه


ممكن انا من هالناس بس وضعي المادي احسن والله اني اشوفهم اوفا. واخلص ناس لهالديره. وناس محترمين. وملتزمين ومثقفين ولهم ولنفسي اقول.
انما. الدنيا. فنا. زايله. دار. عبور. وباذن الله النعيم. والسعاده لنا. ك بدون. بجنات الخلد جنات النعيم. اللهم. اكرمنا الجنه اللهم اكرمنا الجنه اللهم اكرمنا الجنه.

الله هو قوتنا هو سندنا هو مولانا نعم المولي ونعم النصير. *

 

[no0o0r3]

لا حوله ولا قوة الا بالله

 

[رتو الكيوت]

الله يفرج عليهم !!!!!!!!!!!!!!!

 

[انسام الكويت]

ولو اني ما أأيد قضية البدون ولاتهمني ...!

لكن تعليقي بخصوص هالموضوع الحين المصريه والسوريه تاخذ وضع شهر

وبراتب كامل ومعاش الصيف كله وتروح تصيف بمصر او سوريه ومرتاحه ومستانسه

ومستكثرين على هالفئه اجازه وضع او معاش الصيف مثل ما هالوافدين تنصرف لهم وضع براتب ومعاش صيف كامل

هم هالفئه هاذي لهم حق عالاقل خلو نص الراتب موكله .

 

[bint_looda]

ما اييد ولا اعارض هالفئه كلها .. بس اجازه الوشع احس من حق كل مره تولد رحمة فيها .. وبالنسبه لمعاش الصيف عطوها عالاقل النص او حتى الربع بس كو بالمره ماكو معاش .. الديره خيرها يروح لبره عطو الي ساكن فيها عالاقل*

 

[noor salam]

حرام ليش التمييز على الاقل يعاملونهم نفس معاملة المعلمات الاجانب

 

[sadan111]

الناشط السياسي محمد الهاجري يرد على جميع العنصريين والحساد .. شوفوا الفيديو

http://www.youtube.com/watch?v=bPgSGAAJjuU&feature=player_embedded

 

[فطوم 84]

والله الهاجري. رجل. في زمن قل الرجال ياخوفي باجر. يلبسونه. قضيه. ويحبسونه. لانه قال كلمة الحق



لكل قلب حاقد. علي البدون. ولكل عنصري هالمقطع


http://www.youtube.com/watch?v=_h4lBWZfWo0&feature=youtube_gdata_player

 

[Shai5at ElGirls]

كلامج يا فطوم 84 عور قلبي والله//
خنقتني العبره حيل

الله على الظالم
والله هالمصريه و هالسوريه مو احسن من ناس عاشوا بالكويت و دافعوا عن الكويت

صج صج انقهرت وااااايد
حسبي الله و نعم الوكيل
حسبي الله و نعم الوكيل
حسبي الله و نعم الوكيل

تصبروا و احتسبوا الاجر
الفرج يايكم باذن الله

 

[فروح]

لاحول ولا قوة الا بالله .. حسبي الله ونعم الوكيل ..

شنو البدوون مو بشر ...؟؟!! ي ربي شـــ هالعنصريه ؟؟

الحيين الزلماات رازينهم ومحد يقدر يكلمهم .. ومستخسرين ع البدون اجازه ؟

مــافي رحمه والله .. خيرنا مغطي العالم ومنا وفينا يطالعوون ..

 

[راحيل العبدلي]

الله يفرج همهم يا رب ..
و ان شاء الله تنحل ازمه البدون الكويتييين و تتم تجنيسهم
.

الله يكون في عونهم ،

 

[معلمة شيسمونه]

ابله فاتن حبيبتي
وكل اللي يقولون دفعتين تجنيس

للعلم فقط
ابناء الكويتيات الارامل والمطلقات يتجنسون بقانون الدوله

سواء ايراني او بنغالي او سوداني او .من جزر الواق واق حتــــــــــى

اما دفعات التجنيس المطلوبه هذا شي ثاني !!
ما طلعت ولا دفعه حتى الأن

-------------------------------------

نيي للعمل
قانونا الموظف او العامل يحق له التمتع بالاجازات والمرضيات والعرضيات
يحق له التعيين
دام انه يحمل الشهاده المطلووووووبه

لكن هم يبون المعلمات يشتغلون ببلاش
معاشها 250 دينار !!
ومن غير معااشات الصيف
ولا اجازات
شيبون اكثر بعـــــــــــــد ...

الظلم .. ظلمات .. وهذه حقوق ناس

 

[الفوز حلو]

اعوذ بالله من هالظلم اذا هالكلام صحيح وربي يعينهم ..